KABANATA 1

ANG SULIRANIN AT KALIGIRAN NITO

INTRODUKSYON

Ang Senior High School (SHS) ay isang curriculum na tumutukoy sa huling

dalawang taon na pag-aaral sa ilalim ng K to 12 Basic Education Program (DepEd,

2016). Ito ay naglalayon na matulungan ang mga mag-aaral upang maging handa

at magkaroon ng sapat na kakayahan at kaalaman kapag sila ay tumungtong na

sa kolehiyo. Sa kabilang banda, ang mga mag-aaral na hindi magtutuloy sa

kolehiyo ngunit nakompleto o natapos ang curriculum na nabanggit, ito ay

makakatulong pa rin sa paghahanap ng trabaho dahil SHS graduate ang

karaniwang hinahanap ng mga negosyanteng nangangailangan ng empleyado.

Dagdag pa rito, ipinatupad ang programa at curriculum na ito dahil mayroong

layunin ang pamahalaan at Kagawaran ng Edukasyon na tulungan ang mga

kabataan ng Pilipinas na mapantayan ang sistema ng edukasyon sa buong mundo

(Lagmay et al., 2017).

Ang SHS ay mayroong iba’t ibang strand na inilalatag sa mga mag-aaral na

may kanya-kanyang pangunahing asignatura na tumatalakay sa mga kasanayan

na may kaugnayan sa kursong kukunin sa kolehiyo. Ayon sa Online Education

Senior High School, ang mga strand sa SHS na matatagpuan sa Pilipinas ay

Science, Technology, Engineering, and Mathematics (STEM), Humanities and

Social Sciences (HUMSS), Accounting, Business, and Management (ABM),

General Academic Strand (GAS), at Technical-Vocational Livelihood (TVL). Bawat

1
strand ay may kanya-kanyang kalamangan at kawalan kung ikukumpara sa bawat

isa at ito ay ang nagdudulot ng kalituhan at kahirapan sa mga mag-aaral kung ano

ang kanilang pipiliin. Mahalagang tama ang pagpili na strand sapagkat isa na ito

sa mga hakbang na tatahakin ng mga kabataan na magiging pundasyon nila sa

darating na panahon.

Iilang taon pa lamang ipinapatupad ang programang K+12 kung kaya’t may

iilan pang mga eskwelahan na wala pa nito o ito ay naghahain lamang ng piling

mga strand. Isa sa mga eskwelahan na matatagpuan sa Taal, Batangas na

naghahain ng programang K+12 ay ang Our Lady of Caysasay Academy (OLCA).

Ito ay isang katolikong at pribadong paaralan na may layunin na bigyan ng

magandang kalidad ng pag-aaral ang mga mag-aaral na pumiling pumasok dito.

Higit pa rito, ang OLCA ay isa sa mga paaralan sa Taal, Batangas na makikitaan

ng kompletong lebel o baitang, mula Kidergarten hanggang SHS. Ang paaralan na

ito ay mayroon lamang tatlong strand sa limang strand na mayroon ang buong

Pilipinas. Ito ay ang mga strand na STEM, HUMSS, at ABM.

Ang mga mag-aaral sa baitang 10 ang mga karaniwang nagkakaroon ng

napakahalagang sandali upang isipin kung anong strand ang nararapat sa

kanilang sarili. Ang mag-aaral na may malaking nais na tumuloy sa kolehiyo ay

dapat magkaroon ng tamang pagpili ng strand. Ito ay nararapat na nakaayon sa

kursong kukunin sa kolehiyo (New Era University, 2018). Ang pagkakaroon ng

tamang desisyon sa pagpili ay makakatulong upang mas mapadali at mabawasan

ang bigat ng aralin na tatalakayin sa kolehiyo. Higit pa rito, ang pagpili ng strand

na angkop sa kagustuhan, kakayahan, at may kalayaan mula sa pwersa ng mga

2
kaibigan ay isang nararapat na desisyon, datapwat, ano pa man ang mapiling

strand sa SHS ay isang tagumpay mula sa pagsisikap ng isang mag-aaral na

makaabot sa baitang o lebel na ito.

Maraming kabataan ang nakakaramdam ng pressure mula sa pamantayan

na pinaniniwalaan ng karamihan na nagiging sanhi ng pagkabahala ng mga ito sa

kukunin na strand lalo na ang mga mag-aaral na nasa baitang 10 na ng pag-aaral.

Ito ay dahil mas nalalapit na sila sa pagtungtong sa SHS. Sa pagpili nila ng strand,

bukod sa pressure na natatanggap nila mula sa sanlibutan, ang mga salik kagaya

ng kagustuhan, kakayanan, at peer pressure ay ilan sa mga may malaking

impluwensya sa pagpili ng strand sa SHS. Ito ay maaaring maging hadlang sa

pagpapasya ng mga mag-aaral kung kaya’t nararapat matukoy kung ano ang

magiging epekto ng mga salik na ito sa pagpili ng mga mag-aaral na nasa baitang

10.

Ang pagpili sa tatlong salik na nabanggit ay nakabase sa obserbasyon sa

paligid ng mga manananaliksik. Ang pagbibigay lamang ng pansin sa tatlong salik

ay hindi nangangahulugan na ayos lamang balewalain ang iba pang mga salik na

hindi kabilang sa pananaliksik na ito kagaya na lamang ng; kakulangan sa

suportang pang-pinansyal, kawalan ng tiwala sa sarili, pwersa ng magulang at iba

pa. Batay sa nagging resulta ng pag-aaral ni Maravilla R. (2019), mayroong mga

salik na nakakaapekto sa pagpili ng strand. Bilang karagdagan, ang mga salik na

nakakaapekto sa pagpili ng strand ng mga mag-aaral na nasa baitang 10 ay

nagiging dahilan din upang hindi makapagpasya o undecided ang mga ito. Sa

sinabing iyon, nararapat lamang na matukoy ang epekto ng mga salik upang ito’y

3
masuri at mabigyan ng solusyon upang mabawasan ang negatibong impluwensya

nito sa mga mag-aaral lalo na sa mga nalalapit nang tumungtong sa SHS.

Kaya naman, kami’y nagsasagawa ng pananaliksik na tumatalakay sa mga

posibleng epekto ng mga piling salik: kagustuhan, kakayahan, at peer pressure.

Sa pagtukoy sa mga epekto nito maging ang iba pang salik na manggagaling mula

sa mga mag-aaral na nasa baitang 10 sa Our Lady of Caysasay Academy,

mapagtatagumpayan na maisagawa ang mga layunin na inaasam na makamit ng

mga mananaliksik.

LAYUNIN NG PAG-AARAL

Layunin ng pag-aaral na ito ay matukoy kung ano ang magiging epekto ng

kagustuhan, kakayahan, at peer pressure sa mga magaaral sa pagpili ng strand

na kukunin sa SHS. Sa pamamagitan nito, mabibigyang kasagutan ang mga

negatibong epekto ng mga salik na nakakaapekto sa kanilang pagpili. Matutukoy

rin ang iba pang salik na mayroong epekto sa kanilang pagpapasya bukod sa

tatlong salik na nabanggit. Layunin din ng pananaliksik na ito na bigyan ng ideya

at karagdagang kaalaman ang mga estudyante lalo na ang mga mag-aaral na

nasa baitang 10, at sa tulong nito, magkakaroon sila ng kamalayan sa mga salik

na nangingibabaw sa kanilang pagdedesiyon.

Nilalayon din ng pag-aaral na ito na bigyang-kasagutan ang sumusunod na

suliranin;

4
 1. Batay sa pananaw at opinyon ng mga estudyanteng nasa baitang 10 ng

OLCA, paano nakakaapekto ang mga salik na sumusunod sa pagpili ng

strand sa SHS:

a. Kakayahan

b. Kagustuhan

c. Peer Pressure

2. Sa mga mag-aaral ng OLCA, ilan ang mga mayroon nang napiling strand?

At ilan ang mga hindi pa tiyak sa pipiliin na strand para sa senior

highschool?

3. Alin sa mga salik na kakayahan, kagustuhan at peer pressure ang may

pinakamalaking impluwensya sa mga mag-aaral na nasa baitang 10 sa

OLCA sa kanilang pagpili ng strand para sa SHS?

4. Ano-ano ang mga nakakaapekto sa mga mag-aaral na nasa baitang 10 sa

OLCA na hindi pa tiyak ang kukunin na strand para sa SHS?

5. Batay sa mga mag-aaral na nasa baitang 10 sa OLCA, bukod sa

kagustuhan, kakayahan, at peer pressure, ano pa ang salik na mayroong

malaking impluwensya sa kanilang pagpili ng strand?

Kahalagahan ng Pag-aaral

Inaasahang makatulong nang malaki ang kalalabasan ng kasalukuyang

pag-aaral sa sumusunod;

Sa mga mag-aaral. Ang pag-aaral na ito ay mahalaga sa mga mag-aaral dahil

makatutulong itong mas mapadali ang pagpili ng track o strand na kanilang

kukunin pag tungtong nila sa SHS. Makatutulong din ito sa mga mag-aaral na

5
magkaroon ng higit na kaalaman ukol sa mga posibleng strand na kanilang pipiliin.

Maaari rin itong maging gabay sa mga mag-aaral upang magkaroon ng dagdag

na impormasyon sa mga posible nilang tahakin sa senior high. Mayroon din

mailalahad na mga aral sa mga estudyante na kanilang magagamit o magiging

gabay sa pag dedesisyon nila kung sila ay hindi pa sigurado sa kanilang pipiliin na

strand sa SHS.

Sa mga guro. Mahalaga ang pag-aaral na ito sa mga guro upang malaman nila

kung ano ang kanilang magiging paraan ng pagtuturo sa mga estudyanteng

tutungtong pa lamang sa SHS. Makatutulong din ito sa mga guro upang malaman

ang mga saloobin ng mga mag-aaral tungkol sa kanilang strand na kukuhanin.

Maaari din itong maging gabay ng mga guro para mas madali nilang maituro sa

mga mag aaral ang mga posibleng solusyon sa hindi magandang dulot ng mga

salik na nakakaapekto sa pagpili ng strand sa mga estudyante. Higit rin nilang

kinakailangan ang ganitong klaseng pag-aaral para maibigay o mabigyan nila ng

ideya o tulong ang mga estudyanteng hirap sa pagdedesisyon sa pagpili ng strand

sa SHS.

Sa mga magulang. Ang pag-aaral na ito ay makakatulong na mas maunawaan

ng mga magulang ang iniisip at nararanasan ng kanilang anak na nasa baitang 10

sa OLCA. Kasama na rin dito ang mga magulang ng iba pang baitang at paaralan.

Ito rin ay maaari nilang maging gabay upang matulungan nila ang kanilang mga

anak na malaman at matukoy ang mga kakayahan na mayroon sila. Sa

pamamagitan nito, sila ay makapaghahanda nang mas maaga o kaya makapag

ayos na agad ng mindset ng bata. Dagadag pa rito, mas matutulungan din nila ang

6
kanilang mga anak sa pagpapasya kung malalaman nila kung paano

nakakaapekto ang ilang mga salik sa pagpili ng kanilang mga anak.

Sa pamunuan ng paaralan. Mula sa pag-aaral na ito, maaari sila kumuha ng

ideya sa mga posible nilang ipagawa at ipatupad na aktibidad sa mga mag-aaral

na nasa Junior High School (JHS) pa lamang na makatutulong sa pagpili ng strand

na kukunin sa sa SHS. Pwede rin nila itong gamitin na sanggunian para makagawa

ng serbey na ipapasagot sa mga mag-aaral na nasa baitang 10 upang matukoy

ang mga kakayahan at kung saan magaling ang bata. Sa pananliksik na ito,

matututunan at mauunawaan din ng pamunuan ng paaralan ang problema ng mga

mag-aaral na nasa JHS sa OLCA, maging sa iba pang paaralan. HIgit pa rito,

magagamit nila ang kanilang kakayahan, bilang may mataas na posisyon sa

paaralan, na mabawasan ang negatibong epekto ng mga salik sa pagpili ng strand

habang maaga pa lamang nang sa ganon ay hindi na mabahala ang mga mag-

aaral sa oras ng kanilang pagpili na ng strand.

Saklaw, Limitasyon at Delimitasyon ng Pag-aaral

Sinasaklaw ng pag-aaral na ito ang mga salik na nakakaapekto sa pagpili

ng strand ng mga mag-aaral kung saan kasama rito ang kakayahan, kagustuhan,

at peer pressure. Ang kakayahan ay isang napakahalagang sangkap sa pagtukoy

ng iyong napiling strand dahil makakatulong ito sa iyong maunawaan kung ano

ang pinakamagaling mo at gagabay sa iyong desisyon na pumili ng strand na

gagawa nito. Napakahalaga ng kagustuhan dahil ang pagpili ng trabahong gusto

mong aplayan ay ginagawang gusto mo ang strand na pinakamalapit sa posisyong

7
iyon. Panghuli, ang mga taong malapit sa iyo ay may malaking epekto sa iyong

desisyon dahil kung minsan ay gusto mong makibagay at maging bahagi ng iyong

mga kapantay, na humahantong sa iyong piliin ang strand na iyon.

Nililimitahan ng pag-aaral na ito ay ang paghahanap ng impormasyon at

data upang matukoy kung ano ang humahantong sa mga mag-aaral na pumili ng

kanilang mga strand. Hindi namin matutukoy kung alin sa tatlong salik ang

pinakamahalaga. Bilang karagdagan, hindi namin matukoy ang pinakasikat na

mga strand batay sa mga kadahilanan. Hindi lahat ng data ay natanggap.

Hindi bahagi ng pag-aaral na ito ang lahat ng mag-aaral na nasa baitang

10 sa OLCA maging ang iba pang mga mag-aaral na nakakaranas ng problema

sa pagpili ng strand na nasa ibang baitang. Ang mga salik na hindi binigyang pokus

at hindi mababanggit ng mga respondente sa kwestyuner na papasagutan ng mga

mananaliksik ay hindi kabilang sa pag-aaral na ito.

PARADIGMA NG PAG-AARAL

Upang matukoy ang mga epekto ng mga salik na nagbibigay impluwensya

sa pagpili ng strand sa SHS, ilang mag-aaral sa baitang 10 sa OLCA ang magiging

batayan sa pagkuha ng impormasyon na kinakailangan ng mga mananaliksik sa

pag-aaral na ito. Sa pamamagitan ng kwestyuner, malalaman ang mga saloobin

ng mga respondente ukol sa kanilang pagpapasya para sa strand na tatahakin sa

susunod na taon.

8
 Salik na Nakakaapekto sa Pagpili ng Strand ng mga Mag-aaral na nasa

Baitang 10 ng Our Lady of Caysasay Academy

Paradigma ng Pag-aaral

DEPINISYON NG MGA TERMINOLOHIYA

Binigyang katuturan ang sumusunod na salita upang mas maging malinaw

ang pagkaunawa ng mambabasa.

Salik. Tumutukoy sa mga bagay na maaaring naging dahilan ng mga karanasan,

pangyayari, kaisipan, o prinsipyo. May malaking kontribusyon sa pagpili ng strand

ng mga mag-aaral na nasa baitang 10 sapagkat ito ang isa sa nagiging daan sa

paggawa ng desisyon at matalakay kung ano ang mas makakabuti para sa kanila.

9
Strand. Isang manipis na mahabang bagay tulad ng sinulid, hibla, o alambre, lalo

na sa pag-ikot o pag-palibot kasama ang ibang bagay. Ang programang K-12

curriculum ay nagmula sa Kinder hanggang sa SHS na may apat na pagpipiliin

katulad ng Accountancy, Business and Management, Humanities and Social

Sciences, Science Technology Engineering and Mathematics and Technical

Vocational Livelihood.

10
 TALASANGGUNIAN

A. KAGAMITANG ELEKTRONIKO

Anuada, A.M. (2017, March 11). Factors that Influence Senior High School

Students of SCC in Their Choice of Strand. RobertBalinton143.

https://robertbalinton143.wordpress.com/2017/03/11/factors-that-

influence-senior-high-school-students-of-scc-in-their-choice-of-strand-2/

Complete list for all the strands in senior high in the Philippines. (2021,

September 23). AMA Online Senior High School.

https://www.onlineshs.com/guide-to-all-strands-in-senior-high/

Department of Education. (2016). Senior High School Manual of Operations.

DepEd.

https://www.deped.gov.ph/wpcontent/uploads/2018/10/DM_s2016_076.pd

How to Choose The Right Course and College For You. (n.d.). Bukas.

https://bukas.ph/blog/factors-you-should-consider-when-selecting-a-

college-and course/

Ibig Sabihin Ng Salik. (n.d.). Diksyunaryo.

https://www.diksyunaryo.net/salik

Lagmay, S.M. (2017). Mabuti at Di Mabuting Epekto ng Programang K12 Para sa

Mga Mag-aaral nasa Senior High School. Academia.

https://www.academia.edu/35844150/Epekto_ng_K_12
11
Maravilla, R. (2019, January 18). Mga Salik na Nakakaapekto sa Pagpili ng

Track/Strand sa Senior High School ng mga Mag-aaral Mula sa Baitang

10 ng. Ascendens Asia Journal of Multidisciplinary Research Abstracts.

https://ojs.aaresearchindex.com/index.php/AAJMRA/article/view/6879

New Era University. (2018, November 3). Ang epekto ng pagkuha ng kurso sa

Kolehiyo na hindi angkop sa pinag-aralan ng mga pilingmag-aaral sa ika

labing dalawang baitang ng CSCQC. Course Hero.

https://www.coursehero.com/file/29094303/Ang-epekto-ng-pagkuha-ng-

kurso-sa-kolehiyo-na-hindi-angkop-sa-pinagdocx/

Strand in Tagalog. (n.d.). English To Tagalog.

https://www.englishtotagalog.org/meaning/strand-in-tagalog

12