NOVENA

SAN SAGRADA FAMILIA KAN

JESUS, MARIA UG JOSE
San Tigaman sa Santa Cruz…

ACTO DE CONTRICION

Nga bubuhaton ha ikina-adlaw nga pag

Novena

Ginoo ko Jesucristo, Dios, ug tawo

nga matuod, ngan manunubos ko,
nagbabasul ako nga gayod han akon
mga sala ngatanan ha bug-os nga
kasingkasing ko, kay nahigugma ako ha
imo labi han ngatanan, kay Dios ka
man. Nagtutuyo na akon hin dire na
pakasala liwat, ngan ig kumpisal ko an
akon mga sala ngatanan. Naglalaom na
0
man ako, pagwad-on mo an akon mga
sala ngatanan, tungod han mahal nga
pagkasakit, ug pgakamatay mo sa Cruz,
kay hi ako Amen. Jesus.

ORACION HA IKINA-ADLAW

O Jesus Maria ug Jose, iguinhahalad

namon an amon mga kasingkasing,
kinabuhi ug amon mga buhat, niyan,
ngan ha oras ha amon kamatayon,
agud kami iyo tabangan, buligan, nga
pamun-an kami, kaupayan sa lawas,
ngan kalag; ngan kon makasunod kami,
ha iyo Santos nga kinabuhi sa
pagkaarabuyon ha maupay nga boot,
ngan han pag –urupod nga mamingaw
ha amon panimalay, ha amon
pagburugto, ug pag kahinganak
mabawi kami han murayaw nga
kinabuhi, ngan han amon gintutuyo

1
hini nga novena, kon mahioyon ha
Diosnon nga pagborot-an, Amen.

Mangadi kita hin tulo nga Amay na

Namon, ug hin tulo nga Maghimaya ka
Maria, tulo ka Gloria Patri ug hin Natoo
Ako, ha pagdayaw kan Maria ug Jose.

ORASYON HA SIAPA NGA

ADLAW
O harangdon nga Santos nga
pamilya, hi Jesus, Maria ug Jose buligi
kami ngan tabangi, nga magkaurupod
ha panimalay, nga makasunod kami ha
iyo inagui-an sa panimalay dinhi hinin
kalibutan. O mahigug-maon nga Jesus
tungod han imo kinabuhi dinhi ha tuna,
ha imo pagkatawo, nga iguin pasunod
mo ha amon, an mga kaupayan
ngatanan, ha mahinlo nga pagpuroko
2
ha panimalay ha oyon han sugo sa
Dios; ngan han kahinganak, ug
pagkaburugto, ngan pagkasarangkay
nanluluhod kami ha dako nga
pagtahud , ug paghigugma, ngan
nakikimalooy kami ha imo, ngan
panhatagan mo kami hin grasya nga
kinabuhi namon sirve ha Dios, ngan
idangat namon ha guinhadian ha langit.
Amen.

Dinhi mangaro hin grasya nga

guintutuyo.

PAKIMALOOY

O mahigugmaon nga Virgen Maria,

Iroy ni Jesus nga natawo didto hha
Belen han pobre nga kahimtang
kundi orosahon ha ka-angelesan
tikang ha kamapainobsanon han
3
mahimayaon nga natawo nga Dios,
ig ampo mo kami, ngan panlabanan
mo an amon pagkaurupod ha
magka-aranak, mga panimalay, basi
mahinugad ha iyo pag urupod ngan
hi Jesus, ug hi San Jose, ngan
makadangat kami han amon
guintutuyo hini nga novena, kon
oyon han himaya sa Dios. Amen.

ORACION

O mahigugmaon nga San Jose,

Esposo nga pinili sa Dios, ha pag-
upod kan Santa Maria nga Esposa,
nagsirve kan Jesus, sugad hin anak,
nga itinapud sa Dios ha imo tikang
ha Belen, ug han oras nga
magkatotnga an kagab-ihon ha
pagkatawo ni Jesus, panabangan mo
kami, ha amon pamuruko, ha amon
4
 panimalay, kay basi, kon makasunod
kami han imo Santos nga binuhatan,
mamurayaw kami dinhi ha tuna,
ngan unina, makadangat kami han
guinhadian ha langit. Amen.

LETANIA DE NUESTRA
SENYORA

Ginoo, kalooye kami, Ginoo, kalooye

kami.
Cristo, kalooye kami, Cristo, kalooye
kami.
Ginoo, kalooye kami, Ginoo, kalooye
kami.
Cristo, pamati-a kami, Cristo, pamati-
akami.
Cristo,dungga kami, Cristo, dungga
kami.
Dios, Amay ha mga langit, kalooye
kami.
5
Dios, Anak, Manunubos han
kalibutan, kalooye kami.
Dios, Espiritu Santo, kalooye kami.
Santos Trinidad, uusa la nga Dios,
kalooye kami.
Santa Maria, ° Ig- ampo mo kami.
Santos nga Iroy sa Dios, °
Santos nga Virgen han mga Virgen, °
Iroy ni Kristo, °
Iroy han Diosnon nga grasya, °
Iroy nga labi kauray, °
Iroy nga labi kaputli, °
Iroy nga waray hilabti, °
Iroy nga waray hidum-iti, °
Iroy nga hirigugmaon, °
Iroy nga orusahon, °
Iroy han maupay nga kasalugdanan, °
Iroy han Taglarang, °
Iroy han Manunubos, °
Virgen ha labi kabut-anon, °
Virgen ngatalahuron, °
Virgen nga igsarangyaw, °
6
Virgen nga gamhanan, °
Virgen nga maloloy-on, °
Virgen nga matinumanon, °
Salaming han katadungan, °
Lingkuranan han kina-adman, °
Tinikangan han amon kalipay, °
Baso nga espirituhanon, °
Baso nga dungganan, °
Baso nga hamili han kamainampuon,°
Bukad nga kalagnon, °
Lantawan ni David, °
Lantawan nga tipuso, °
Balay nga bulawan, °
Hinipusan han ginsaaran, °
Ganghaan han langit, °
Bitoon han kaagahon, °
Kinabuhi han magsinakiton, °
Darangpan han magpakasasala, °
Maglili-aw han mga magbiduon, °
Hanabang han mga Kristyanos, °
Reyna han mga ka Angelesan, °
Reyna han mga Patriarcas, °
7
Reyna han mga Apostoles, °
Reyna han mga Martires, °
Reyna han mga Confesores, °
Reyna han mga Virgenes, °
Reyna han ngatanan nga mga Santos,
°
Reyna nga iginpanmkon nga waray
sala nga panurundon, °
Reyna nga iginsaka ha langit, °
Reyna han gisasantosi nga Rosario, °
Reyna han pamilya, °
Reyna han kadaet, °
Kordero sa Dios nga nagkukuha ka
han mga sala han kalibutan, Talwasa
kami Ginoo.
Kordero sa Dios nga nagkukuha ka
han mga sala han kalibutan, Dungga
kami Ginoo.
Kordero sa Dios nga nagkukuha ka
han mga sala han kalibutan, Kalooye
kami.

8
Ig-ampo mo kami, Santos nga Iroy sa
Dios.
Basi kami matakos pag sangpot han
mga saad ni Jesukristo. Amen.

OREMOS

Gratium quaesumus Dominae,

mentibus nostris infunde, ut que
Angelo nuntiante Christi Fili tui
incanationem cognovimus per
Passionem ejus et Crucem ad
Resurrectionis Gloriam perducamur.
Per cundem Christum Dominum
nostrum. Amen.

Nangangamuyo kami ha imo, Ginoo

nga ipabubo an imo grasya nganhi ha
amon mga kasingkasing basi dida han
kahimo nga tawo ni JesuKristo nga
imo anak nga ginpahibaro pinaagi
han pagpasabot han anghel pagdad-
9
on kami pinaagi han iya pagkasakit ug
pagkamatay ha krus ngadto han
himaya han pagkabanhaw pinaagi
kan Hesukristo nga amon Ginoo.
Amen.

GOZOS PAGHIKALIPAY

O Jesus, Maria ug Jose, kami haiyo

nagdadayeg. Nalaom ha iyo pagbulig.

O Diosnon nga familia ha Nazaret

han Panimalay, tutdu-i kami.

O Jesus, anak sa Dios, nga totoo, sa

Belen didto ka katawo, han ka pobre,
ka magturutdo.

O Diosnon nga familia ha Nazaret

han Panimalay, tutdu-i kami.

10
O Jesus, nga hi Maria, Iroy mo, sa
Nazareth kamo, nagpuyo, ngan, guin
ngaranan ka nga Nazareno.

O Diosnon nga familia ha Nazaret

han Panimalay, tutdu-i kami.

O Jesus, ug hi San Jose, pinaka Amay

mo ha panimalay, inupod niyo, An
buhat ug mga pag-ampo.

O Diosnon nga familia ha Nazaret

han Panimalay, tutdu-i kami.

O Jesus, Maria ug Jose, ha mga fiesta,

kamo nakadto an singbahan, balay
han dios iyo guin urog.

O Diosnon nga familia ha Nazaret

han Panimalay, tutdu-i kami.

11
O Maria, Iroy han manunubos, San
Jose, Esposo nga pinili sa Dios Palaran
nga nagsirve sa Dios.

O Diosnon nga familia ha Nazaret

han Panimalay, tutdu-i kami.

O San Jose nga Patriarca Kan Jesus

nga hi Maria, Sa Nazareth nagmangno
ka.

O Diosnon nga familia ha Nazaret

han Panimalay, tutdu-i kami.

Ha Egipto inukyan niyo ha Dalan

kamo nag-ilob kay linamon han
gahom sa dios.

O Diosnon nga familia ha Nazaret

han Panimalay, tutdu-i kami.

12
O Jesus, Maria ug Jose, kami ha iyo
nagdadayeg, Nalaom ha iyo pagbulig.

O Diosnon nga familia ha Nazaret

han Panimalay, tutdu-i kami.

V/. An Diosnon nga familia si Jesus,

Maria ug Jose.
R/. Ha kalibutan, manhata hin
kinabuhi.

ORACION

O Dios, nga Amay namon, hatagan

mo kami hin kusog, ha pagsunod
gihapon sa mga iangut-an ni Jesus,
nga anak mo, ngan ha iya Iroy nga hi
Maria Santisima, ngan San Jose, basi
kami, an makaaranak, ha amon
panimalay, manhigawas kami ha mga
kataragman ngatanan ngan dangaton

13
namon an ginhadian sa himaya.
Amen.

JESUS, JOSE UG MARIA IYO HA

GUIHAPON KAMI UPDAN.
MAGHIMAYA KA REYNA…

IKADUHA KA ADLAW

San tigaman…, Acto De Contricion

ORACION HA IKADUHA KA ADLAW

O harangdon nga santos nga familia,

si Jesus, Maria ug Jose, buligi kami
nga magkaurupod ha panimalay, nga
makasunod kami ha imo inagui-an ha
panimalay dinhi hinin kalibutan. O
makagarahum nga Jesus, ngan
malolooyon; tikang ha langit, linusad
ka, nganhi ha tuna, natawo ha Belen
14
naghunong ka didto han balay; ha
Nazareth, upod han Virgen Maria,
Iroy mo, nga higugmaon; ngan hi San
Jose nga sugad hin amay, nagbulig ha
mga buruhaton ha panimalay
kalooyan mo kami, nga makagsulsog
kami ha imo guin-again han imo
pagkabata; ngan kami inin mga
familia, an magkaaranak, mag-
burugto, ug mga sakop sa balay, bawi-
on mo, ha mga kataragman ug mga
kasamukan, hinin kinabuhi; ngan
pagluwason gihapon namon an
matami-s nga mga polong, Jesus
Maria Ug Jose.

Dinhi mangaro hin grasya nga

guintutuyo.

15
 PAKIMALOOY

O Iroy ni Jesus, manlalaban nga

Virgen Maria, nadangop kami ha imo;
idangop mo kami kan Jesus hin
hibaro han mga turumanon ha
panimalay nag oyon han sugo sa Dios;
ngan makadangat kami han amon
tuyo hinin novena, kon mahaooyon
han paghimaya sa Dios, ug makaupay
han amon kalag. Amen.

ORACION

O Patriarca nga matinooron San

Jose, Esposo nga pinili sa Dios pag
upod, ug pag bulig kan Santa Maria
Virgen nga Iroy ni Jesus pinakadto ha
Diosnon nga familia ha Nazareth,
pamohang mo kami han amon
panimalay; kami magkaaranak,
16
bawion mo ha mga kaaway ha kalag
ug ha lawas, basi makasulod kami han
murayaw nga guin hadi-an ha langit.
Amen.

Letania…
MAGHIMAYA KA REYNA…

ORACION HA IKATULO KA
ADLAW

O harangdon nga santos nga familia

ni Jesus ug Maria, buligi kami ngan
tabangi kami, nga makaurupod ha
panimalay, nga makasunod kami ha
iyo panimalay dinhi hinin kalibutan!
O Jesus, anak sa Dios nga Amay,
manunubos han kalibutan, nagtutdo
ka ha amon pagkamasiningbahon,
tikang ha balay ha Nazareth,
17
napakadto ka ha Singbahan ha
Jerusalem, han pag santos ha mga
adlaw nga fiesta, upod hi Santa Maria
Virgen ngan hi San Jose; kalooyan mo
kami nga pagsundon an mga buhat,
ha pagsingba ug pag santoson namon
ha mga familia ngatanan, kami nga
magkaaranak, magburugto, ug mga
sakop han panimalay, an santos nga
adlaw ha mga fiesta; ngan hatagan
mo kami hin grasya nga ipakag-sirve
namon haimo, ngan bawion mo kami
ha mga panulay nga diri kami pag
dag-on, tungod sa matam-is nga
ngaran, sa Diosnon nga familia; si
Jesus; Maria ug Jose.

Dinhi mangaro hin grasya nga

guintutuyo.

18
 PAKIMALOOY

O Maria Santisima, Virgen nga Iroy

han manunubos, ig-ampo mo kami,
ngan tabangan mo kami ha amon
pagka –urupod, nga mga kaaranak, ha
amon panimalay kay basi kami
magbuhat hin anuman nga
mahitungod sa Dios, ug ha kinabuhi
han amon kalag; nga guin agui-an
dinhi hinin tuna; ngan makadangat
kami han murayaw nga kahimtang,
ngan han amon guintutuyo hini nga
novena, kon oyon sa boot sa Dios.
Amen.

ORACION

O San Jose, baraan nga Esposo hi

Santa Maria Virgen, pinili sa Dios nga
nag-upod kan Jesus nga bata, ug nag
kugos; pangulog han Santos nga
19
familia ha balay ha Nazareth
matinumanon han polong han mga
angeles, ngan surugo-on han Dios kay
nagdara ka kan Jesus ngadto ha
Jerusalem ha pagtuman ha mga
siringbahon nga adlaw. Pamuligan
mo kami, nga magkaurupod, mga
kaanak ug magburugto, nga mga
pariente ha sulod han amon
panimalay basi makatuman kami han
mga angeles ug mahibaro kami han
mga sugo han Santa Iglesia nga bawi-
on mo kami han mga karaotan hinin
kinabuhi, ngan paangbiton mo kami
han imo guinhadian ha langit. Amen.

Letania…
MAGHIMAYA KA REYNA…

20
 ORACION HA IKAUPAT KA
ADLAW

O harangdon nga santos nga

familia, si Jesus, Maria ug Jose, buligi
kami, ngan tabangi kami nga mag
urupod ha panimalay nga makasunod
kami, ha iyo ha panimalay dinhi hinin
kalibutan. O Jesus, nga urosahon,
malolooyon ha mga tawo, didto ha
simbahan ha Jerusalem, nag pakiana
ka ug nagtutdo ka, sadton mga
doctors ug mga makinaadmanon han
mga kasuguanan iguin pakilala mo an
imo Dios ug nag-pagkatawo ngan han
imo pagka manunubos ha mga anak
ni Adan; tikang didto mabalik kamo
ngan hi Maria Santisima ug hi San
Jose ngadto han balay ha Nazareth
ngan nag puyo kamo han matadong
nga pag puroko, panurundon han

21
mga tawo nga nahunong dinhi hinin
kalibutan. Kalooyan mo kami ngan
hatagan mo hin hibaro, ug hin
kabootan basi panumdumon namon
an mga turumanon nga kristyanos, ha
mga kaaranak, ug magburugto; ug
mga nasasakupan ha amon
panimalay; ngan bawi-on mo kami
han mga ikakaraot ha lawas ug ha
kalag namon; tungod kay pag
luluwason namon guihapon an
makalilipay nga ngaran han familia
nga langitnon; hi Jesus, Maria ug Jose.

Dinhi mangaro hin grasya nga

guintutuyo.

22
 PAKIMALOOY

O Virgen Maria Iroy nga orosahon

ni Jesus, ug maglilipay ha mga
kalibutan, ig-ampo mo kami ngan
panabangan mo kami, nga mag
urupod nga familia ha mag- kaaranak,
nga mga sakop han amon panimalay,
basi mahibaro kami ug makagsolsog
ha surondanon nga pamatasan, ug
pamuruko nga murayaw han
panimalay sugad han iyo pag-urupod
ngan hi Jesus ug hi San Jose didto ha
balay ha Nazareth, ha tikang kamo
nagsingba han mga adlaw nga fiesta
didto ha singbahan ha Jerusalem,
ngan bawion mo kami han mga
kataragman ngatanan, ngan kon
takos, makadangat, kami ha amon
guin tutuyo hini nga novena.

23
 ORACION

O San Jose, orosahon nga esposo

han Virgen Maria, nga Iroy han Ginoo
nga hi Jesus, pinili ka sa Dios pag dara
nga pagli-aw han Diosnon nga familia
hadton mga paglalaktan; pagmuligan
mo kami nga mga kahinganak, mga
familia ha sulod han amon panimalay
ngan bawi-on mo ami han mga
kataragman dinhi ha tuna nga amon
linalakatan, nga makaangbit kami
unina han baraan nga kamurayaw
didto han guinhadi-an ha langit.
Amen.

Letania…
MAGHIMAYA KA REYNA…

24
 ORACION HA IKALIMA KA
ADLAW

O harangdonon nga santos nga

familia, si Jesus Maria ug Jose buligi
kami, ngan tabangi kami nga mag-
urupod ha panimalay nga makasunod
kami, ha iyo, ha panimalay dinhi hinin
kalibutan. O Jesus nga
mapainubsanon ug malolooyon han
mga kalag ngan didto ha balay ha
Nazareth tig-ob ni Maria Santisima an
Virgen nga Iroy mo ngan hi San Jose,
nag-ampo guihapon ug nag hangad ha
langit, ha Amay nga Dios ha oras nga
pagkamamingaw kalooyan mo kami
ngan hatagan mo, an amon kalag hin
mga garamhan nga mahusay, nga
mag-ampo kami sa Dios guihapon, ug
maghangad sa langit ha totoo nga
paghigugma, kay basi ha sulod han
amon panimalay, amon pagka-
25
urupod, sa kahinganak ug mga
kakurian sa lawas ug kalag; ug
pagluwason namon guihapon an
malolooyon nga ngaran ha familia
nga langitnon: si Jesus,Maria ug Jose.

Dinhi mangaro hin grasya nga

guintutuyo.

PAKIMALOOY

O Virgen Maria, mapainobsanon

nga Iroy ni Jesus, ig ampo mo kami,
ngan pamoligan ana amon pamoruko
ha magkaaranak, han magburugto, ug
mga kaapohan ha sulod han amon
panimalay, nga magmahawan an mga
garamahan han kalag namon, nga
pag-ampo sa Dios, ug han
pagpalandong han nahitutungod ha
amon kaurhian ngan makatuman
kami han mga tutdo ni Jesus han
26
pinangangadi, nga Amay Namon nga
aada ka ha mga langit; ngan
makadangat kami han amon
guintitinguha hini nga novena, kon
mahiooyon han himaya ug ha santos
nga kaburut-on sa Dios. Amen.

ORACION

O palaran nga San Jose,

mapainobsanon nga Patriarca esposo
nga putli ni Santa Maria ngan pinili
sugad hin amay ni Jesus, nagluhod ka
han Amahan sa Dios, didto han balay
ha Nazaret, ha oras nga iguin ampo
man ni Jesus ug ni Maria nga imo
esposa pamuligan mo kami, ngan
bawi-on ha mga kataragman; ug
makasunod kami ha iyo, han mga
pag-ampo, ug pamalandong ha
malinaw nga kasingkasing ug ha dako
nga pagpaubos ngan makaangbit
27
kami ngatanan han mga kaupayan
han amon pag kaurupod han
magkaanak sugad hin familia nga
kristyanos; ug ha urhi nga adlaw
madangat namon an kamurayawon
han guinhadian sa langit. Amen.

Letania…
MAGHIMAYA KA REYNA…

ORACION HA IKA-UNOM KA
ADLAW

O harangdonon nga santos nga

familia Jesus Maria ug Jose,buligi
kami ngan tabangi ha amon pag
kaurupod sa mgaka-aranak ha
panimalay; agud makasunod kami ha
iyo pagka santos dinhi hinin
kalibutan, O Jesus mahigugmaon ha
28
mga kalibutan, malolooyon ha mga
kablas: binuhat mo an mga milagro,
ha paghatag hin kinabuhi han lawas,
ngan binawi mo an mga kaaway, nga
nagpapakaraot han kalag: lingi-on mo
kami tungod han matam-is nga
ngaran mo nga makalipay ha amon:
ngan hatagan mo kami han mga
kinahanglan, nga ikaupay, ha pag
urupod ha amon panimalay, ug ha
amon kahimtang; ngan mabawi han
mga sangkay nga maraut nga
makakahulog han pakasala sa Dios:
ug bawion mo ha amon an mga
panulay han demonio: ngan matuman
konta an guintutuyo namon hini nga
novena, kon oyon han himaya sa Dios
ug makakaupay han amon kalag, ngan
pagluwason namon guihapon an
langitnon nga ngaran Jesus,Maria ug
Jose.

29
Dinhi mangaro hin grasya nga
guintutuyo.

PAKIMALOOY

O Virgen Maria, matinabangon nga

Iroy ni Jesus, an bata nga Dios, nga
natawo sa Belen, ug nag honong sa
Nazareth, ngan han tinapuran ngan hi
San Jose; ig-ampo mo kami ngan
buligan ha amon mga kakablasan;
madara unta namon an santos nga
pag-ilub ug pag pasensya han mga
kabiduan, nga naabot ha amon, sugad
han pag-ilub niyo ngan si San Jose
hadton mga kabidoan hinin kinabuhi,
kay linauman niyo an malolooyon nga
pag-boot sa Dios, para buhat han
orosahon nga Milagros. Ngan pinaagi
nga kami, O Virgen nga Iroy namon,
hin malipayon nga kasingkasing, ug
30
hin kamurayaw ha boot han amon
pag kaaranak, ug ha iba pa nga na tig-
ob ha amon basi matuan namon an
kabatasanan nga mag-upay, hasta ha
katapusan han amon kinabuhi: ngan
makita namon unta an guintutuyo
hinin nga novena, kon oyon han
pagdayaw sa Dios. Amen.

ORACION

O San Jose nga manlalaban,

makusog nga tinapuran han familia
nga Diosnon, ha Nazareth ug ha mga
paglalaktan, nagtambong ka kan Jesus
ug kan Maria Santisima, han mga
milagro nga binuhat sa Dios, ha
pagtabang han mga kakurian ha mga
anak ni Adan; tabangan mo kami San
Jose nga gin paka Amay sa Dios, ngan
totdu-an mo kami, ha maupay nga
31
pag kaurupod ha panimalay, ha oyon
nga pag-kaaranak ug matalaid nga
pagburugto ngan kamapainobsanon
han ngatanan nga tig-ob namon nga
panimalay,ngan pamuligan mo kami
han amon mga kakurian dinhi ha
tuna, basi kitaon namon an
pagkamorayaw; ngan kami han
matadong nga dalan han kinabuhi ha
langit. Amen.
Letania…
MAGHIMAYA KA REYNA…

ORACION HA IKA-PITO KA
ADLAW
O harangdon nga santos nga familia,
Jesus, Maria ug Jose, buligi kami ngan
tabangi han amon pagkaurupod ha
mag kaaranak ha panimalay, agud
makasunod kami ha iyo pagka santos

32
dinhi hinin kalibutan. O Jesus, Dios
nga makatarambong, guin santos mo
an mga buruhaton ha panimalay upod
kan Sta. Maria, Virgen nga
matalahuron, nga Iroy mo, ug kanSan
Jose, didto ha balay ha Nazareth; guin
tig-ob niyo an mga buruhaton ha
kamot, ngan han pag-ampo ha Dios,
ha oras ngatanan, kay iguin tutdo
niyo ha amon ana kamaduruto;
hatagan mo hin grasya, nga kaupdan
namon guihapon an mga buruhaton
ha balay ha pag-ampo ha Dios, basi
dire kami dag-on han demonio nga
kaaway han amon kalag; ngan
makasulsog kami han mga inagui-an
niyo ngan hi Santa Maria Virgen, ug ni
San Jose, didto ha balay ha Nazareth,
ngan kami, an mga familia ha
magkaaranak, ug mga nasasakupan
han panimalay magduruto kami ha
oras ngatanan, ha mga himurulsan
33
nga buhat hinin kinabuhi, nga ipakag
sirve namon sa Dios, ngan ipagtuman
sa Diosnon nga pagborot-an, tungod
kay tatawagon namon guihapon an
makatarambong nga ngaran: si Jesus,
Maria ug Jose.

Dinhi mangaro hin grasya nga

guintutuyo.

PAKIMALOOY

O Maria Santisima,
makatarambong nga Iroy ni Jesus,
magturutdo ka ha mga buhat nga
santos, kay tinig-ob mo an pag-ampo
sa Dios, upod kan Jesus Talahuron
nga anak mo, ngan hi San Jose, didto
ha Nazareth han balay nga
makatarambong nga guintutduan-an
han mga anak ni Adan ha panimalay
nga Santos pasirakan mo an amon
34
mga huna-huna ngan han amon mga
kasingkasing ngan tabangi kami, ug
tutdu-i han amon pag urupod ha
magkaranak ha sulod han amon
panimalay agud makasulsog kami ha
imo ngan hi San Jose, nga
nagpakabuhi kan Jesus, Dios ug tawo
nga matood; ug maharayo ha amon
an pipito nga sala nga pano-an; kundi
panumdumon namon guihapon an
mga Virtudes nga igdadayaw sa Dios:
ngan makadangat kami han amon
guintutuyo hini nga novena, kon oyon
sa paghimaya sa Dios. Amen.

ORACION

O San Jose magkatarambong nga

Patriarca, sorondon ka ha mga pobres
han kamaduruto tinapuran nga guin
pakaamay sa Dios, tikang han pagka
tawo ha Belen ug nagmangno kaman
35
han talahuron mo nga Esposa, nga hi
Santa Maria Virgen: an mga
buruhaton ha panimalay iguin halad
mo sa Dios ngan han mga kagul-anan
dinhi ha tuna: kay nag-ampo ka sa
Dios han oras labi pa ha imo
pagpahuway pamuligan mo kami, San
Jose nga mananabang nga ihalad
namon sa Dios an mga buhat
ngatanan, pati mga kasuboanan dinhi,
hinin kinabuhi: ngan magduruto kami
han kaupayan han lawas ug han
kalag: ngan ha amon pagka-urupod,
magkaaranak, kamagburugto ug iba
pa nga tig-ob ha balay namon,
magarabuyon ha imo ha paghigugma
kan Jesus ug kan Santa Maria nga diri
matapus. Amen.

Letania…
MAGHIMAYA KA REYNA…

36
 ORACION HA IKA-WALO KA
ADLAW

O Jesus, malolooyon, ngan

manunubos ha kalibutan,
magturutdo han mga buhat ha kalooy,
kay ha mga dalan, sugad ha balay ha
Nazareth; nga inukyan niyo ngan ni
Santa Maria, an Virgen nga Iroy mo,
ug ni San Jose, nagtutdo ka han mga
turumanon, ug pag aradman
ngatanan, nga nahitutugon ha mga
libro sa Dios, ug mga sinurat ha mga
Profetas ngan ha mga Santos Padres
ha Santa Iglesia nga amo an Doctrina
ha mga Cristianos, kalooyan mo kami,
an ngatan nga familia namon, ha
magkaaranak, mga kabugtua-an ug
mga sakop ha balay, nga buhaton ug
tumanon namon an pagtutdo ha
pagkilala sa Dios ug han mga iguin
pamolong han Dios, nga turumanon
37
han cristiano; hatagan mo kami hin
grasya ha pag-sabut hiton
kinaadman, nga iguin tutdo mo, kay
basi makasulsog kami han matadong
nga pamatasan; ug igsirve namon ha
imo; nga pagluwason guihapon
namon an malolooyon nga familia: si
Jesus, Maria ug Jose.

Dinhi mangaro hin grasya nga

guintutuyo.

PAKIMALOOY

O Santa nga Virgen Maria, Iroy nga

malolooyon ni Jesus, magturotdo ka
ha mga buhat nga kapulsanan han
kalag ug lawas, didto ha balay ha
Nazareth, balay nga panurundon kay
sugad hin singbahan nga guin
babasahan han mga wali, guin
tototduan han mga sugo sa Dios, ngan
38
mga turomananon ha mga panimalay,
nga cristianos; panhahawanan mo an
amon mga kalag, ug mga garamhan,
nga makasulsog kami nga magka-
aranak ug mga parientes ha sulod han
amon panimalay; ha pagtutudo ug
pagkilala ha Dios, ngan ha amon
turumanon, nga cristianos nga
dumdumon namon, an pito nga hatag
sa Dios Espiritu Santo, ngan
makadangat kami han kamamingaw
nga paghunong dinhi ha tuna: ngan
ha amon guin tutuyo hini nga novena
oyon ha paghimaya sa Dios. Amen.

ORACION

O Santo nga Patriarca San Jose nga

esposo ni Santa Maria Virgen nag
mangno ngan nagdara-dara ka kan
Jesus Dios ug tawo nga matood, ngan
han iyo iroy nga Virgen: nagtutdo ka
39
ha mga tawo ha Nazareth ngan han
mga kalibutan ngatanan ha mga
buhat nga ikaupay han kalag ug
lawas, kay an guin-aguian mo naoyon
gud han mga virtudes ngan
Cardenales. Panlabanan mo kami ha
amon pagka-urupod ha panimalay,
nga tig-ob ha amon; agud kami
mahibaro magtutdo, han mga sugo sa
Dios ug han kabatasanan nga
cristianos ug kasadangan, ngan bawi-
on mo kami ha mga kataragman dinhi
hinin kinabuhi ngan makadangat
kami han baraan nga kamurayaw ha
tuna ngan unina makasulod kami ha
guinhadian ha langit. Amen.
Letania…
MAGHIMAYA KA REYNA…

40
 ORACION HA IKA-SIAM KA
ADLAW

O harangdon nga santos nga famili

Jesus, Maria ug Jose, buligi kami ngan
tabangi ha amon pagkaurupod ha
magka-aranak ha panimalay agud
malasunod kami ha iyo pagka santos
dinhi hinin kalibutan. O Jesus nga
urosahon didto ha tuna ha Belen,
ngan tumubo ka ha bungto ha
Nazareth nga asya an pag ngarani, ha
imo, Jesus Nazareno. Nag-upay ka han
mga magsakit, ug mga pobre ngan
masurob-on, nag ban-haw ka han
mga patay na, nagtutdo ka han mga
nahibuburong ha dalan ha langit.
Kalooyan mo kami, ha amon
pagkaaranak ha panimalay ha amon
pagburugto ug han iba pa nga katig-
ob namon, nga bantayan mo kami,
labi na ha oras han amon kamatayon,
41
ngan mabawi kami hadton ka urhian
nga makaharadlok nga paghukom,
kundi makadangat kami han ka
urhian nga malipayon nga himaya ha
langit tungod nga pagluwason namon
guihapon an makalilipay nga ngaran
sa Diosnon nga familia, si Jesus, Maria
ug Jose.

Dinhi mangaro hin grasya nga

guintutuyo.

PAKIMALOOY

O Iroy ni Jesus nga Virgen Maria

manlilipay ka han mga magsurub-on,
nga mga tolin ni Adan, tikang han
bungto ha Belen hasta ha Nazareth,
nga natubo-an ni Jesus nga anak mo,
nga guin upod uporan ni San Jose
higugmaon nga guin paka amay ni
Jesus: naglipay ka nga nagtutdo ka
42
mga makalolooy nga mga magsakit,
nga harapit na ha kamatayon basi
maka-andam ngan maka-dangat
hadton ka urhian nga makalilipay ha
kahimayaan ha langit, ug diri pag dag-
on han mga panulay ngan demonio.
Tabangi kami O Iroy han manunubos,
ngan panumduman namon an iarabut
nga kaurhian, nga sadang
makatadong ha amon boot, ug
makaabre han amon mga hinolsol nga
hingpit ha amon mga sala; ha didto ha
oras han pagkuha han amon kalag
dinhi ha lawas mabawi mo kami ha
mga kasakitan nga dayon, ngan amon
pamuruko ha panimalay ha kaaranak,
magburugto,kaapohan, ug mga tig-ob
ha balay manhioyon han pamantasan
nga cristianos ngan han amon
guintutuyo hini nga novena, kon oyon
ha boot sa Dios paabuton mo ha
amon, Amen Jesus.
43
 ORACION

O Baraan nga San Jose nakalipay ka

kan Jesus tikang ha banwa ha Belen,
hasta didto ha Nazareth nga
natubuan ni Jesus, Dios ug tawo nga
matuod ngan nakalipay ka man han
mga magsakit nga nakikitabang ha
imo kay guin totdua-an mo hira hi
pagkilala, nga si Jesus ansia an
lalaoman han mga kalibutan labi na
kon harapit na an oras han
kamatayon. Tabangan mo kami O San
Jose, nga palaran, ha amon pagka-
urupod ha panimalay, ha
magkaaranak, magburugto ug
kaapohan, ngan iba pa nga tirimpo
namon ha panimalay, basi
panumdumon namon guihapon an
tiarabot nga kaurhian, nga amo an
makangingirhat nga adlaw, ug
makaharadlok nga oras ha
44
kamatayon, ug ha hukom ni Jesucristo
didto ha kapatagan ni Josafat: nga
maagda kami ha pagbasul, ug pag
penetencia han amon mga sala nga
tungod hinin madangat namon an
mahimaya-on nga kaurhian nga asya
an guinhadian han langit. Ug
tabangan mo kami niyan, ug ha oras
na ha pag-guwa han amon kalag ha
lawas ngan dad-on mo kami ngadto
han kahimayaan ha pagkita namon
han matahom nga bayhon ni Jesus
ngan ni Santa Maria Santisima nga
waray katapusan. Amen.
Letania…
MAGHIMAYA KA REYNA…

-o0o-
45