Taon 36 Blg.
20 Ika-33 Linggo sa Karaniwang Panahon (K) —Luntian
Patuloy Lang
“H ow can the end be
happy?”
Binabanggit ito ni Sam sa
isang paborito kong eksena sa
pelikulang The Lord of the Rings:
The Two Towers. Sa dami ng
panganib na nararanasan ni Frodo
at Sam sa paglalakbay upang
sirain ang singsing (Ring of Power)
na nagdudulot ng kaguluhan at
kasamaan, hindi mapigilan ni
Frodo na magduda sa kaniyang
kakayahan. Kung ang bawat
araw ay puno ng pagsubok at
tila silang mga masasama ay lalo
pang lumalakas at sumasagana,
hindi ba’t mahirap magpatuloy?
Inihalintulad ni Sam ang kanilang
nararanasan sa mga kuwentong
narinig nila sa pagkabata.
Nakakawalang-gana magpatuloy
kung hindi naman matanaw na
maluwalhati nga ang katapusan.
“How can the end be happy?”
Ano bang ibig sabihin ng
“happy” kung may “happy
ending.” Itinuturo sa atin
ng ating mga pagbasa na
ang “ending” ay hindi isang
pagkaguho o pagkawasak. Sa
unang pagbasa, maririnig natin
na darating ang Diyos at itutuwid
Niya ang lahat ng kabuktutan
sa mundo. Tatapusin niya ang
kasamaan at lahat ng matuwid
ay magagalak. Hindi paghihirap
ang tanda ng araw ng pagdating
ng Diyos. Ang tanda ng kanyang
padating ay nasa pagpuksa sa
kadiliman at nasa pagpapalaya,
pagpapagaling, at pahahari ng
katarungan.
Kaya naman sa ikalawang
pagbasa, inaanyayahan tayong
manindigan at magpatuloy
magpatotoo kay Kristo. Sinasabi
Nobyembre 13, 2022
Bb. Nikki Frias
ni San Pablo na magpatotoo tayo
sa pamamagitan ng ating mga
gawain at tungkulin hindi lamang
para sa sarili ngunit para na rin sa
ikaaangat ng ating pamayanan.
Noong mga panahong iyon,
pinagsasabihan ni San Pablo ang
mga taga-Tesalonica na huwag
silang pakasiguro. Marahil
may ilan silang mga kasama
na naging pabigat lamang.
Naniniwala sila na malapit na
ang katapusan kaya hindi na
sila naghahanapbuhay. Naka-
tambay na lang sila. Kung sa
wika natin ngayon, wala silang
ambag. Bukod dito, mayroon
din namang ilan sa kanila na
may ambag nga ngunit bunga
ito ng kanilang pakikisawsaw at
pakikinabang sa mga buktot na
gawain ng kanilang mga amo,
mga padrino. Uso sa panahon
nila itong tinatawag na “Roman
patronage.” Aniya ang tunay
na sumusunod kay Kristo ay
inaangat ang sarili at kapwa nang
may integridad. Ang mabuting
alagad ay mabuting halimbawa
sa pamayanan.
Natutunghayan naman natin
kay Kristo kung paano niya
pinalalakas ang loob ng mga
alagad. Sinasabi niya sa kanila
na huwag nilang pagkaabalahan
ang tanda o hudyat ng mga
kaguluhan. Mas mainam
tandaaan, aniya, na lagi siyang
umaalalay at kasama nila. Kaya
huwag matakot. Nangangako si
Hesus sa mga alagad na bibigyan
sila ng karunungan. Sa mga
panahong uusigin sila dahil sa
kanilang pagsunod sa Kanya,
maaasahan ang tulong niya.
Inaanyayahan tayo, tulad ng mga
alagad, na patuloy manindigan
sa kabutihan sapagkat laging
katuwang natin ang Diyos at
panig ng Diyos ang laging
nagwawagi sa huli.
Sa huli ng eksena, sinabi
ni Sam kay Frodo na kahit ang
mga bida sa mga kuwento ay
nagdududa rin ngunit “sa huli,
lumilipas ding parang anino
itong kadiliman…” (After all in
the end, this darkness is but a
passing shadow…). Pinaalala
niya na, marahil, nagpapatuloy
ang mga bida hindi dahil alam
nila kung paano matatapos ang
paglalakbay. Nagpapatuloy sila
sapagkat sapat nang malaman na
laging may kabutihan sa mundo
at marangal itong ipaglaban. Para
sa atin, nawa’y maging sapat
nang dahilan upang magpatuloy
ang malaman nating katuwang
natin lagi ang Diyos. Hangga’t
tila namamayagpag pa ang
kasamaan at kahirapan hindi
pa tapos ang kuwento.
 PASIMULA
Antipona sa Pagpasok
(Jer 29:11, 12, 14)
(Basahin kung walang pambungad na awit)
Sinabi ng Poong banal, pag-
asa’t kapayapaan ang nais
kong inyong kamtan. Kayo’y
aking pakikinggan at bibigyang-
kalayaan.
Pagbati
(Gawin dito ang tanda ng krus)
P—Sumainyo ang Panginoon.
B—At sumaiyo rin.
Paunang Salita
(Maaaring basahin ito o isang katulad
na pahayag)
P—Ipinahayag ni Hesus sa
Ebanghelyo ang pagwawakas
n g t e m p l o n g Je r u s a l e m .
Nagpapahiwatig din ito ng
isa pang katapusan at isang
pagsisimula—ang pagbabago
ng kasalukuyang panahon na
magaganap sa maluwalhating
pagbabalik ng Panginoon.
Pagsisisi
P—Mga kapatid, aminin natin
ang ating mga kasalanan upang
tayo’y maging marapat gumanap
sa banal na pagdiriwang.
(Tumahimik)
B—Inaamin ko sa makapang-
yarihang Diyos, at sa inyo,
mga kapatid, na lubha akong
nagkasala (dadagok sa dibdib)
sa isip, sa salita, sa gawa at
sa aking pagkukulang. Kaya
isinasamo ko sa Mahal na
Birheng Maria, sa lahat ng
mga anghel at mga banal at
sa inyo, mga kapatid, na ako’y
ipanalangin sa Panginoong ating
Diyos.
P—Kaawaan tayo ng makapang­
yarihang Diyos, patawarin tayo
sa ating mga kasalanan, at patnu­
bayan tayo sa buhay na walang
hanggan.
B—Amen.
P—Panginoon, kaawaan mo kami.
B—Panginoon, kaawaan mo kami.
P—Kristo, kaawaan mo kami.
B—Kristo, kaawaan mo kami.
P—Panginoon, kaawaan mo kami.
B—Panginoon, kaawaan mo kami.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin,
dahil sa dakila mong ang­
king kapurihan. Panginoong
Diyos, Hari ng langit, Diyos
Amang makapangyarihan sa
lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng
mga kasalanan ng sanlibutan,
maawa ka sa amin. Ikaw na
nag-aalis ng mga kasalanan
ng sanlibutan, tanggapin mo
ang aming kahilingan. Ikaw na
naluluklok sa kanan ng Ama,
maawa ka sa amin. Sapagkat
ikaw lamang ang banal, ikaw
lamang ang Panginoon, ikaw
lamang, O Hesukristo, ang
Kataas-taasan, kasama ng
Espiritu Santo sa kadakilaan
ng Diyos Ama. Amen.
Pambungad na Panalangin
P—Manalangin tayo. (Tumahimik)
Ama naming makapang­
yarihan, ipagkaloob mong lagi
naming ikaligayang ikaw ay
paglingkuran sapagkat walang
maliw at walang kahulilip ang
kasiyahan kapag sumasamba
kami sa iyong kapangyarihang
nagpapairal sa tanang
sanlibutan sa pamamagitan
ni Hesukristo kasama ng
Espiritu Santo magpasawalang
hanggan.
B—Amen.
PAGPAPAHAYAG NG
SALITA NG DIYOS
Unang Pagbasa
(Mal 3:19–20a) (Umupo)
Nagtatapos ang Lumang Tipan
sa mga propesiya ni Malakias
tungkol sa pagdating ng Panginoon.
Ang araw na iyon ay panahon ng
paghuhukom: mapapahamak ang
mga makasalanan at maliligtas
naman ang mga tapat sa Diyos.
Pagbasa mula sa aklat ni propeta
Malakias
“TANDAAN ninyo, darating ang
araw na lilipulin ko ang mga
palalo at masasama. Sa araw
na yaon, matutupok silang gaya
ng dayami at walang matitira
sa kanila,” sabi ng Panginoon.
“Ngunit kayo na sumusunod sa
akin ay ililigtas ko at pagagalingin
ng aking kapangyarihan na
lulukob sa inyo, gaya ng sinag
ng araw.”
—Ang Salita ng Diyos.
B—Salamat sa Diyos.
Salmong Tugunan (Slm 97)
T—Poong Hukom ay darating
taglay katarungan natin.
E.C. Marfori
C C Am
        
3
 
Po ongHu komay da ra ting,
4 F Dm G C
    
    

tag lay ka ta ru ngan na tin.
1. Sa saliw ng mga lira ipa-
r i n i g ya o n g t u g t o g , / a n g
Panginoo’y purihin ng tugtuging
maalindog./ Tugtugin din ang
trumpeta na kasaliw ang
tambuli,/ magbunyi tayo sa
harap ng Panginoong s’yang
Hari. (T)
2. Umingay ka, karagatan, at
lahat ng lumalangoy,/ umawit
ang daigdigan at lahat ng naro-
roon./ Umugong sa palakpakan
pati yaong kalaliman;/ umawit
ding naga­g alak ang lahat ng
kabun­dukan. (T)
3. Sa harap ng Panginoon
masaya tayong umawit,/ pagkat
siya’y dumarating maghahari sa
daigdig. (T)
4. Panginoo’y s’yang huhukom,
tanan sa kanya’y lalapit,/ taglay
niya’y katarungan at paghatol na
matuwid. (T)
Ikalawang Pagbasa (2 Tes 3: 7–12)
Ipinaaalala ni San Pablo sa mga
taga-Tesalonica na maghánapbúhay,
sa kabila ng pagdating ng Panginoon.
Tayo rin ay hinihikayat maging
abalá sa mabubuting gawain habang
hinihintay ang araw ng pagsapit ng
Diyos.
Pagbasa mula sa ikalawang sulat
ni Apostol San Pablo sa mga
taga-Tesalonica
MGA KAPATID, alam naman
ninyo na dapat ninyong tularan
ang aming ginawa. Hindi kami
nahiyang magtrabaho nang
kami’y nariyan pa. Hindi kami
tumanggap ng anumang bagay
kaninuman nang hindi namin
binabayaran. Nagpagal kami
araw-gabi upang hindi maging
pasanin ng sinuman sa inyo.
Ginawa namin ito hindi dahil
sa wala kaming karapatang
maghintay ng inyong tulong
kundi upang kayo’y bigyan ng
halimbawang dapat sundan.
Nang kasama pa ninyo kami,
ito ang tagubiling ibinigay
namin sa inyo: “Huwag ninyong
pakanin ang sinumang ayaw
gumawa.”
Binanggit namin ito
sapagkat nabalitaan naming
may ilan sa inyo na ayaw
magtrabaho at walang
inaatupag kundi manghimasok
sa buhay ng may buhay. Sa
p a n g a l a n n g Pa n g i n o o n g
Hesukristo, mahigpit naming
ipinagtatagubilin sa mga taong
ito na sila’y maghanapbuhay at
mamuhay nang maayos.
—Ang Salita ng Diyos.
B—Salamat sa Diyos.
Aleluya (Lc 21:28) (Tumayo)
B—Aleluya! Aleluya! Naririto,
malapit na ang kaligtasang pag-
asa upang ating matamasa.
Aleluya! Aleluya!
Mabuting Balita (Lc 21:5–19)
P—Ang Mabuting Balita ng
Panginoon ayon kay San Lucas
B—Papuri sa iyo, Panginoon.
N O O N G p a n a h o n g i yo n ,
pinag-uusapan ng ilan sa mga
tao ang templo—ang kahanga-
hangang mga bato na ginamit
dito at ang mga palamuti nito
na inihandog ng mga tao. Kaya’t
sinabi ni Hesus, “Darating ang
panahong lahat ng nakikita
ninyong iyan ay iguguho,
walang batong ititira sa ibabaw
ng kapwa bato.”
Tinanong nila si Hesus,
“Guro, kailan po ito
m a n g yaya r i ? A t a n o a n g
magiging palatandaan na ito’y
magaganap na?”
Sumagot siya, “Mag-ingat
kayo at nang hindi mailigaw
ninuman! Sapagkat marami ang
darating sa aking pangalan na
magsasabi, ‘Ako ang Mesiyas!’
at, ‘Dumating na ang panahon!’
Huwag kayong susunod
sa kanila. Huwag kayong
mabagabag kung makabalita
kayo ng mga digmaan at mga
himagsikan. Dapat mangyari
ang mga ito, ngunit hindi
d a ra t i n g k a ra k a - ra k a a n g
wakas.” At sinabi pa niya,
“Makikipagdigma ang bansa
laban sa kapwa bansa at ang
kaharian sa kapwa kaharian.
Magkakaroon ng malalakas
na lindol, magkakagutom at
magkakasalot sa iba’t ibang
dako. May lilitaw na mga
kakila-kilabot na bagay at mga
kagila-gilalas na tanda buhat
sa langit.
“Ngunit bago mangyari ang
lahat ng ito, darakpin kayo’t
uusigin. Kayo’y dadalhin sa
mga sinagoga upang litisin
at ipabilanggo. At dahil sa
akin ay ihaharap kayo sa
mga hari at mga gobernador.
Ito ang pagkakataon ninyo
upang magpatotoo tungkol
sa akin. Ipanatag ninyo ang
i nyo n g k a l o o b a n , h u wa g
kayong mababalisa tungkol
sa pagtatanggol sa inyong
sarili; sapagkat bibigyan ko
kayo ng katalinuhan at ng
pananalitang hindi kayang
tutulan o pabulaanan ng
sinuman sa inyong mga
kaaway. Ipagkakanulo kayo
ng inyong mga magulang, mga
kapatid, mga kamag-anak, at
mga kaibigan. At ipapapatay
ang ilan sa inyo. Kapopootan
kayo ng lahat dahil sa akin,
ngunit hindi mawawala ni
isang hibla ng inyong buhok.
Sa inyong pagtitiis ay tatamuhin
ninyo ang buhay na walang
hanggan.”
—Ang Mabuting Balita ng
Panginoon.
B—Pinupuri ka namin,
Panginoong Hesukristo.
Homiliya (Umupo)
Pagpapahayag ng
Pananampalataya (Tumayo)
B—Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
S u m a s a m p a l a t aya a k o
kay Hesukristo, iisang Anak
ng Diyos, Panginoon nating
lahat. Nagkatawang-tao siya
lalang ng Espiritu Santo,
ipinanganak ni Santa Mariang
Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao.
N a n g m ay i k a t l o n g a raw
nabuhay na mag-uli. Umakyat
sa langit. Naluluklok sa kanan ng
Diyos Amang makapangyarihan
sa lahat. Doon magmumulang
paririto at huhukom sa
nangabubuhay at nangamatay
na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Ama naming tapat, iniha-
handa mo kami sa pagdating
ng iyong Anak sa pamamagitan
ng iyong pagpapahintulot sa
aming makisalo sa pagtataguyod
ng iyong Kaharian. Sa iyong
Espiritu, pakinggan mo
ang aming mga panalangin
habang kami’y umaasa sa
kaligtasang paparating. Kami’y
dumadalangin:
T—Ama, sa pamamagitan
ng iyong Anak, kami’y iyong
tinutubos.
L—Mas maging sensitibo nawa si
Papa Francisco, ang mga obispo,
pari, diyakono, at mga layko,
sa paggalaw ng iyong Espiritu
sa aming bawat salita at gawa.
Manalangin tayo:(T)
L—Patuloy nawang maging
papuri, paglilingkod, at pag-
galang sa Kabanal-banalang
Pangalan ni Hesus ang buhay
a t g awa i n n g a m i n g m g a
lingkod-bayan upang ang mga
nangangailangan ng pagliligtas,
katawan at kaluluwa, ay tunay
ngang mailigtas. Manalangin
tayo: (T)
L—Nawa, kaming mga nati-
tipon ngayon ay tumindig at
maging mga buhay na saksi
sa pagdating ng manunubos
sa aming mga pamilya, mga
k a i b i g a n , a t p a m aya n a n .
Manalangin tayo: (T)
L—Tanggapin mo ang aming
mga mahal sa buhay na nauna
na sa amin sa iyong pangakong
paraiso. Manalangin tayo: (T)
L—Sa ilang sandali ng katahi-
mikan, ating ipanalangin ang
iba pang pangangailangan
n g a t i n g p a m aya n a n p a t i
na rin ang ating pansariling
k a h i l i n g a n . (Tumahimik)
Manalangin tayo: (T)
P—Diyos naming Ama, patuloy
mo kaming tulungan sa aming
pananatiling tapat sa iyo. Itulad
mo ang aming katapatan sa
katapatan mo sa pamamagitan
ni Kristo na aming Panginoon
at manunubos.
B—Amen.
PAGDIRIWANG NG
HULING HAPUnan
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapaki­nabangan at sa buong
Sambayanan niyang banal.
Panalangin ukol sa mga Alay
P—Ama naming Lumikha,
ipagkaloob mo ang iyong
masintahing pagtingin sa
aming mga alay upang ang
kagandahang-loob mo ay
aming makamtan at ang bunga
ng walang hanggang pag-iral
ay aming mapakinabangan sa
pamamagitan ni Hesukristo
kasama ng Espiritu Santo
magpasawalang hanggan.
B—Amen.
Prepasyo (Karaniwan V)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi­
noon.
P—Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming makapangyari­
han, tunay ngang marapat na
ikaw ay aming pasalamatan.
Ikaw ang lumikha sa
tanan. Ikaw ang nagtakdang
magkaroon ng gabi at araw,
gayun din ng tag-init at tag-
ulan. Ikaw ang humubog sa
tao bilang iyong kawangis
na mapagkakatiwalaang
mangasiwa sa daigdig. Ikaw
ngayo’y pinaglilingkuran sa
pagganap sa pananagutan
ng iyong pinagtitiwalaan sa
pamamagitan ng Anak mong
mahal.
Kaya kaisa ng mga anghel
na nagsisiawit ng papuri sa
iyo nang walang humpay sa
kalangitan, kami’y nagbubunyi
sa iyong kadakilaan:
B—Santo, Santo, Santo
Panginoong Diyos ng mga
hukbo! Napupuno ang langit
at lupa ng kadakilaan mo!
Osana sa kaitaasan! Pinagpala
ang naparirito sa ngalan ng
Panginoon! Osana sa Kaitaasan!
(Lumuhod)
Pagbubunyi (Tumayo)
B—Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian
at ang kapangyarihan at ang
kapu­­r ihan magpakailanman!
Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos.
Ito ang nag-aalis ng kasalanan
ng sanlibutan. Mapalad ang
mga inaanyayahan sa kanyang
piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 73:28)
Sa sarili’y hangarin ko sa piling
ng D’yos madako at panatag
ngang totoo ang aking pag-asang
ito na siya’y di maglililo.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
sa pinagsaluhan naming banal
na pakikinabang ang amin
nawang pag-ibig ay lalong
madagdagan ng ginawa namin
sa pag-alala sa Anak mong
mahal na nag-utos ipagdiwang
ang Huling Hapunan sa
pamamagitan ni Hesukristo
kasama ng Espiritu Santo
magpasawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayong lahat para
sa pagbabasbas.(Tumahimik)
Gawaran nawa kayo ng
pagpapala ng maawaing Diyos
upang lagi ninyong mapaha-
lagahan ang kanyang karunu-
ngang nagdudulot ng kaligtasang
walang hanggan.
B—Amen.
P—Gawaran nawa ng
katatagan ng Diyos ang inyong
pananampalataya na nasasalig
sa kanyang pagmamahal upang
mamalagi kayong nagsisikap
gumawa ng kabutihan ngayon at
magpasawalang hangan.
B—Amen.
P—Patnubayan nawa ng Diyos
ang inyong paglakad sa daang
hahantong sa kanya upang
inyong taluntunin ang landas ng
pag-ibig at kapayapaang walang
hanggan.
B—Amen.
P—Pagpalain kayo ng makapang-
yarihang Diyos, Ama at Anak (†)
at Espiritu Santo.
B—Amen.
Pangwakas
P—Naialay na natin ang Banal
na Misa. Humayo kayong
taglay ang kapayapaan upang
ang Panginoon ay mahalin at
paglingkuran.
B—Salamat sa Diyos.