ANONG SABI?

Ni: Richard Abordo Panes

Minahal kita pero ako'y nag-aalangan

Taglay mong kakisigan ang siyang pinangangambahan
Pati ngiti mo na kayang tunawin
Yaring puso ko na gusto mong sungkitin
Mga pagseselos mo na parang babae ako
Lalo mo lamang pinapaalab yaring puso ko
Pero bakit nananaig ang takot sa sarili ko?
Mahal nga kita pero hanggang saan ba?

Ayaw kong mangyari na dumaloy muli mga luha sa mata ko

Pati pagdurog sa puso ko ayaw kong maranasan muli
Tama na ang araw sa kalendaryo ng mawala ang diwa ko
Umabot sa himaymay ng aking buto sakit ng kahapong dulot ng
pagmamahal na sabi ng iba dapat maramdaman ko
Bago humalik ang araw sa lupa sana mapagtanto ko
Pagmamahal na alay mo sana masuklian ko
Patawad pero gusto ko munang manigurado
Dahil mahirap ang masaktan ng paulit ulit lalo na't tunay at wagas
ang alay mo