POWERPUFF BEKIGANS: ANG REJISTER NG MGA BEKING GEN Z SA MSU-IIT

TSAPTER I
INTRODUKSYON

A. Paksa ng Pag-aaral
Bahagi ng komunikasyon ang wika. Isa itong hanay ng mga senyales, tunog at mga
kaugnay na batas na nagpapahayag ng gustong sabihin ng isip. Ginagamit ang pamamaraang ito
upang ihatid ang mga kaisipan at damdamin sa pamamagitan ng pananalita at pagsulat. Isa rin
itong natural na paraan ng tao sa pakikipag-usap ng mga kaisipan, damdamin at pagnanasa sa
pamamagitan ng paraan ng paggawa natin ng mga tunog. Sa pamamagitan nito, maaaring
makipag-usap, magkaintindihan, at magkasundo ang mga miyembro ng isang grupo.

Kilala ang Gen Z bilang mga Gen Tech dahil gumagamit na sila ng mga social media site
tulad ng Facebook, Instagram, Twitter at YouTube araw-araw. Gayundin, sila ay madamdamin,

bukas-isip, nakatuon sa pagbabago at hinihimok ng negosyo.

Ang mga beking Gen Z na mag-aaral sa bawat kolehiyo ng MSU-IIT ang napiling mga
respondente. Ninanais ng mga mananaliksik na malaman ang mga gay lingo na ginagamit ng
mga napiling respondente upang sa gayon ay malaman ng mga mananaliksik ang kahulugan ng
mga ito at kung may pagkakaiba ba ang mga gay lingo na ginagamit ng mga beking respondente
sa MSU-IIT. Maliban pa rito,

B. Kaligiran ng Pag-aaral
Isa sa mga pinakamahalagang bahagi ng kultura at kasaysayan ng isang lugar ang wika.
Ito ang nagsisilbing tatak at simbolismo ng pagkatao ng bawat indibidwal na nakatira dito.
Naipapahayag ng bawat tao ang kanilang saloobin at opinyon sa pamamagitan ng wika. Ang
wika ang siyang tagapag-ugnay at tagapamagitan sa mga tao na bumubuo sa isang tiyak na
lipunan. Hindi matatawaran ang papel na ito tungo sa pagtugon sa pangangailangan ng bawat
indibidwal.
Ayon naman kay Gleason (1988), ang wika ay ginagamit sa pakikipagkomunikasyon
kung saan pumapasok dito ang pakikipagtalastasan sa aspektong sosyal. Ipinapahayag rin niya na
ang wika ay pabago-bago. Isang halimbawa na nagpapahayag ng saloobin sa pamamagitan ng
wika at tagapag-ugnay sa isang pangkat ng mga tao, ang beki language o gay lingo na laganap
na sa lipunan. Maipapasok sa pagbabagong ito ang pagsulpot ng lenggwaheng nasa ikatlong
kasarian o ang wikang ginagamit ng mga beki o mas kilala sa tawag na gay lingo o beki words.
Ayon kay Barimbao at Baron (1999), maraming pagbabago sa ating wika ngayon. Tulad
ito ng isang tao na nagbabago at umuunlad. May mga salitang bago sa ating paningin na may
iba’t ibang kahulugan at di masyadong maintindihan. Tungkol naman sa makabagong
henerasyon, marami ang barayti at baryasyon ng wikang Filipino. Tinatawag silang mga
linggwistikong komunidad ng wika. Sa isang lungsod, maraming iba't ibang uri ng tao ang
naninirahan. Mayroong diyalekto na ginagamit ang bawat tao o pangkat ng mga tao. Gumagamit
ng salitang lupa ang ilang mga tao depende sa kung saan sila nanggaling. Rejister ang tawag sa
ibang wika kung saan iniaayon ang ibang wika sa taong kausap o sa lugar kung saan nag-uusap.
May kaugnayan ang pagkakaiba ng wika sa taong nagsasalita o gumagamit nito. Nakikita o
ginagamit ito sa isang partikular na disiplina. May iba pang grupo na gumagamit lamang ng mga
makabagong salita. May mga kabataan din na gumagamit ng Jejemon at Bekimon, ang wika ng
mga bading. May mga salita ang mga bakla ngayon na tanging sila lamang ang nakakaintindi at
nakakaalam kung ano ang ibig sabihin nito.

Ang Gay Lingo ay ang wikang ginagamit ng mga baklang lalaki upang makipag-usap sa
isa't isa. Ito ay itinuturing na isang lihim na code ng iba dahil sa mga salitang ginamit. Ayon kay
Roque (2010), sa kanyang pag-aaral sa gay lingo. Maaaring magdagdag ng kulay at katatawanan
ang mga "gay lingo" sa lipunan tulad ng Filipino community. Hindi sumusunod ang kasarian sa
mga pangkalahatang tuntunin sa gramatika, dahil nabuo ito sa parehong oras sa ating isipan. Isa
sa tinatawag na sosyolek ang wika ng mga bakla. Lumilikha sila ng mga bagong salita na
nagpapahayag ng kanilang pagkamalikhain. Nakikita rin natin sila na gumagawa ng sarili nilang
wika para maipakita nila sa iba ang kanilang kaibahan.

Dagdag pa ni Galicia (2007), walang makapagsasabi kung saan at kailan nagsimula ang
mga salitang ito. Ipinapakita lamang na ang wikang Filipino ay buhay. May nawawala at may
napapalitan tanda ng pag-unlad ng ating wikang pambansa. Hindi maikakaila ang katotohanang
ginagamit ang mga salitang ito sa kasalukuyan na hindi gaanong binibigyan ng pansin ng mga
mananaliksik-wika kung ano ang epekto nito sa wikang Filipino. Kaya hindi dapat pagtakhan
kung nakaririnig ng mga bagong usbong na salita na bago sa pandinig na galing sa isang pangkat
o grupo ng mga taong nasa ikatlong kasarian.

Sa pahayag ni Cheyne na sinipi ni Bediones (2018), ang mga nalikhang wika na

makikitaan ng pagkakakilanlan sa mga wikang natural na nabuo ayon sa isang tao o grupo ng
mga tao hindi matuloy kung kailan ito nagsimula. Dagdag pa rito na hindi tulad ng mga wikang
natural na nagbabago sa pag-unlad ng panahon, ang mga wika o lengguwaheng iniimbento ay
malayang nabubuo sa panahon at layunin nito. Ito ay umiral sa tinatawag nating mga salita balbal
dahil sa pagkayamot ng mga kabataan o mga kabataang Gen Z ng umusbong ang mga salitang
ito. Ang salitang Gen Z ay nabuo dahil sa pagpupuyos ng mga kabataang Gen Z sa kahabaan ng
mga salita. Ginawa ito sa pamamagitan ng pagbabago ng isang salita depende sa paggamit o
paggagamitan nito.
Ang paggamit ng mga naimbento o nalikhang mga salita na tinatawag na gay lingo ang
paraan ng mga beki para itago o huwag ipaalam sa ibang tao ang kanilang mga pinag-uusapan.
Nagbibigay ng aliw sa mga beki ang paggamit ng gay lingo sa kanilang pang-araw-araw na
pakikipagkomunikasyon.

C. Suliranin ng Pag-aaral
Pangunahing layunin ng pag-aaral na malikom ang mga gay lingo na ginagamit ng mga
beki sa bawat kolehiyo ng MSU-IIT at kung ano ang kahulugan at klasipikasyon ng mga ito.
Inalam din kung paano ginawang kasangkapan sa pakikipag-komunikasyon ang mga gay lingo
na nabanggit ng mga respondente.
Naisakatuparan ang mga nabanggit na layunin sa pamamagitan ng pagsagot sa
sumusunod na mga katanungan:
1. Personal na Impormasyon
1.1. Edad
1.2 Kolehiyo na Kinabibilangan
2. Talahanayan

Kolehiyo Gay Lingo Kahulugan Klasipikasyon

 3. Sa paanong paraan nakakatulong ang paggamit ng mga nabanggit na gay lingo sa
pakikipagkomunikasyon sa mga taong kapareho ng iyong kasarian?
4. Sa anong mga pagkakataon niyo ginagamit ang mga gay lingo na nabanggit bilang
beki na kabilang sa Generation Z?

D. Tesis

Nais ng mga mananaliksik na malaman ang mga rejister ng mga beking kabilang sa Gen
Z na nag-aaral sa iba’t ibang kolehiyo sa MSU-IIT. Mahalagang pag-aralan ang mga gay lingo
na kanilang ginagamit upang magkaroon ng ideya ang mga mananaliksik at mga respondente
kung ano-anong mga gay lingo ang kanilang ginagamit tuwing sila ay nakikipag-usap ng kapwa
nila beki. Mahalagang malaman ang kahulugan ng gay lingo, kung paano at sa paanong paraan
nakakatulong ang paggamit ng gay lingo sa kanilang pakikipag-komunikasyon.

Sa pamamagitan ng wika ay nagkakaunawaan at nagagawa ng tao ang mga bagay-bagay na may

kabuluhan sa kanilang buhay. Sa lalong ikabubuti ng talastasan, mahalaga ring isaalang-alang
ang mga aspektong may tuwirang kinalaman sa gawaing ito tulad ng dimensyong sosyo-kultural,
ang kapaligiran o sitwasyon at ang kayarian ng wika, istruktura at balarila (Cruz, 1998).

TSAPTER II
KATAWAN NG PAPEL

A. Metodolohiya
Sa bahaging ito nakapaloob ang mahalagang impormasyon tungkol sa pagkakabuo at
pagkakagawa ng plano sa pananaliksik. Maging ang deskripsyon ng bawat disenyo ng
pananaliksik, populasyon o sampling na pamamaraan, at instrumento ay inilahad din sa bahaging
ito.
 Ang disenyong kwalitatibo ang ginamit sa ganitong pag-aaral. Sa pamamagitan ng
disenyong ito, binigyang linaw ang mga gay lingo na ginagamit ng mga beki sa MSU-IIT.
Nakatuon ang pag-aaral sa pagbibigay ng kahulugan, klasipikasyon, at kahalagahan ng mga
nakalap na gay lingo mula sa mga mag-aaral na beki sa iba't-ibang kolehiyo sa taong panuruan
2022-2023.
Sa pagkalap ng mga gay lingo at iba pang impormasyon, pagsusuri sa pamamagitan ng
google form ang ginamit ng mga mananaliksik. Ginawa ang pangangalap ng datos sa loob ng
institusyon ng Mindanao State University sa Iligan City.
Ang mga beking mag-aaral sa MSU-IIT ang napiling mga respondente sa pananaliksik na
isinagawa. Dalawampu’t pito na mga respondente and nakalap ng mga mananaliksik sa iba’t
ibang kolehiyo ng nasabing institusyon. Sila ang napiling populasyon dahil nais ng mga
mananaliksik na makuha ang termino ng salitang gay lingo at matukoy kung may pagkakaiba ba
ang mga ito depende sa kanilang kolehiyong kinabibilangan.

B. Resulta at Pagtatalakay
Sa bahaging ito nakapaloob ang mga datos at interpretasyon kaugnay sa nakalap na
impormasyon mula sa mga napiling respondente.

Talahanayan 1. Personal na Impormasyon ng mga Respondente: Edad at Kolehiyong

Kinabibilangan

Respondente Edad Kolehiyo

Respondente 1 19 COET

Respondente 2 19 CED

Respondente 3 18 CED

Respondente 4 19 COET

Respondente 5 18 CASS
Respondente 6 18 CASS

Respondente 7 18 CED

Respondente 8 18 CCS

Respondente 9 19 CED

Respondente 10 19 COET

Respondente 11 19 CED

Respondente 12 18 CASS

Respondente 13 18 CASS

Respondente 14 18 CSM

Respondente 15 18 CASS

Respondente 16 19 COET

Respondente 17 20 CASS

Respondente 18 20 CON

Respondente 19 19 CASS

Respondente 20 18 CED

Respondente 21 19 CSM

Respondente 22 18 COET

Respondente 23 18 CASS

Respondente 24 18 CSM

Respondente 25 23 CON
 Respondente 26 19 CEBA

Respondente 27 21 CEBA

Talahanayan 2. Kolehiyo Departamentong Kinabibilangan ng mga Respondente at mga Gay

Lingo na Kanilang Nabanggit.

Kolehiyo Gay Lingo

CED bagelya

abas

shudi

pudra

CED chiquito

CED Julani Misalucha

CED charot

CED mader

CCS bet

wish

lafs

CON charot, char, charing, chour, charought, chos

COET shakira

COET Janette Jackson

COET erpat
 CSM sinetch

CASS abas

CASS sinetch itey

CASS kalurkey

CASS whatchutinkerbell?

CASS shudi abas

CASS Lani Misalucha

Sinasaklaw ng iba’t ibang estudyante sa bawat kolehiyo departamento ng MSU-IIT ang

unang hanay ng talahanayan. Nakapaloob sa pangalawang hanay ang mga Gay Lingo na
ginagamit ng mga beki sa nabanggit na institusyon sa kanilang pang-araw-araw na
pakikipagkomunikasyon. Sinadya ng mga mananaliksik na tumbasan ang unang hanay sa
pangalawang hanay kung mayroong pagkakapareho ang rejister ng mga beki sa bawat kolehiyo.

Talahanayan 3. Mga Gay Lingo at Kahulugan ng mga Ito

Gay Lingo Kahulugan

bagelya bag

abas “Tumahimik ka!”

shudi “Tumahimik ka!”

pudra papa/tatay/itay/ama

chiquito maliit

Julani Misalucha ulan/umuulan

charot “Nagbibiro lamang ako.”

mader mama/nanay/inay/ina
 bet gusto

wish wala

lafs pagkain

charot, char, charing, chour, charought, chos “Nagbibiro lamang ako.”

shakira gulat

Janette Jackson mainit

erpat papa/tatay/itay/ama

sinetch “Sino?”

abas “Tumahimik ka!”

sinetch itey “Sino ito?”

kalurkey “Kaloka!”/”Nakakaloka!”

whatchutinkerbell? “Ano sa tingin mo?”

shudi abas “Tumahimik ka!”

Lani Misalucha umuulan/ulan

abas “Tumahimik ka!”

akach chaka

shutay patay

betseraka gusto

kambras pangit

Binigyang kahulugan ng mga gay lingo na nakalap mula sa mga napiling respondente sa
MSU-IIT. Mapapansin na may magkakapareho ang kahulugan sa mga gay lingo na nabanggit
bagamat iba-iba ang konstruksyon nito. Halimbawa na lamang ng salitang ‘abas’, ‘shudi’, at
‘shudi abas” na naging tugon ng mga respondent mula sa CED at CASS ay pareho lamang ang
kahulugan na “Tumahimik ka!” o “Manahimik ka!” Mahihinuha natin na datapwat iba-iba ang
kolehiyo na kinabibilangan ng mga respondente, may mga salita pa ring kanilang ginagamit na
magkakatulad ang kahulugan.

Talahanayan 4. Mga Kahulugan ng Gay Lingo at Klasipikasyon ng mga Ito

Gay Lingo Kahulugan Klasipikasyon

bagelya bag kagamitan

abas “Tumahimik ka!” nag-uutos na parirala

shudi “Tumahimik ka!” nag-uutos na parirala

pudra papa/tatay/itay/ama tumutukoy sa haligi ng

tahanan

chiquito maliit tumutukoy sa sukat

Julani Misalucha ulan/umuulan tumutukoy sa lagay ng

panahon

charot “Nagbibiro lamang ako.” tumutukoy sa

mader mama/nanay/inay/ina tumutukoy sa ilaw ng

tahanan

bet gusto

wish wala

lafs pagkain tumutukoy sa mga kinakain

charot, char, charing, chour, “Nagbibiro lamang ako.”

charought, chos
 shakira gulat

Janette Jackson mainit tumutukoy sa lagay ng

panahon

erpat papa/tatay/itay/ama tumutukoy sa haligi ng

tahanan

sinetch “Sino?” tumutukoy sa tanong na kung

sino ang tinutukoy

abas “Tumahimik ka!”

sinetch itey “Sino ito?” tumutukoy sa tanong na kung

sino ang tinutukoy

kalurkey “Kaloka!”/”Nakakaloka!” tumutukoy sa ekspresyon

whatchutinkerbell? “Ano sa tingin mo?”

shudi abas “Tumahimik ka!” nag-uutos na parirala

Lani Misalucha umuulan/ulan tumutukoy sa lagay ng

panahon

abas “Tumahimik ka!” nag-uutos na parirala

akach chaka

shutay patay

betseraka gusto

kambras pangit

Makikita sa talahanayan na nabigyan na ng klasipikasyon ang mga kahulugan ng mga

gay lingo na nabanggit. Ang mga kahulugan ay iniayon sa kung ano ang tinutukoy ng bawat
salitang nasa unang hanay.

Sa pangatlong tanong, tinutukoy sa kung paanong paraan nakakatulong ang paggamit ng

mga nabanggit na gay lingo sa pakikipagkomunikasyon sa mga taong kapareho ng kanilang
kasarian. Nakalap ang mga impormasyon na nakatutulong ang paggamit ng gay lingo sa
pakikipag-komunikasyon dahil mas nagiging pribado ang kanilang pag-uusap; nakatutulong
upang mas maging malaya sila sa kanilang pakikipag-komunikasyon, mas magkakaroon sila ng
kumpiyansa sa sarili at mas mararamdaman nila na bahagi sila ng lipunan; mas nagiging naka-
aaliw ang kanilang usapan; mas nagkakaroon sila ng pagkakaunawaan; at mas napapalapit sila sa
isa’t-isa at nawawala ang pagkailang.

Samantala, ang mga tugon na nakalap ng mga mananaliksik ukol sa mga pagkakataon
kung kailan ginagamit ng mga respondente ang mga gay lingo na nabanggit nila bilang beki na
kabilang sa Generation Z kapag nakikipagkuwentuhan sila sa kanilang mga kapwa miyembro ng
LGBTQ+; kapag may pinag-uusapan silang ang kanilang mga kapwa beki lang ang
nakakaintindi; at sa mga pagkakataong nais nila itong gamitin.

Ayon naman sa mga linggwista kagaya ni Renerio Alba (2006), ang gay lingo ay
ginagamit ng mga homosekswal upang itago ang kanilang mga usapan tungkol sa maseselang
bagay para maprotektahan ang mga tao sa kanilang paligid na hindi sanay sa ganitong paksa.

Ayon kay Santos (2007), sa kanyang pag-aaral na may pamagat na “Ang Gay Lingo sa
Panahon ng Impormasyon” ay sinasalamin ng wikang ginagamit ng isang taong kanyang
kinalalagyan sa lipunan o social status. Pansinin natin na sa gay lingo, bagaman itinuturing na
wika ng mga bakla, hindi naman lahat ng mga bakla ay gumagamit nito at hindi rin naman
limitado sa mga bakla ang paggamit nito, may mga babae at babaeng bakla ring tumatangkilik sa
gay lingo. Ayon sa tugon ng mga respondente na nalikom ng mga mananaliksik, ginagamit nila
ang gay lingo kapag nagpapahayag ng kanilang damdamin o saloobin nila sa mga kapwa nila
miyembro ng LGBTQ+. Ngunit, dahil din sa pananaw nila na malaya sila kapag gumagamit ng
gay lingo, nagagamit nila ang wikang ito kahit pa hindi nila kapwa beki ang kausap nila.
Napapadali ang pakikipag-komunikasyon ng mga taong miyembro ng ikatlong kasarian kapag
gay lingo ang kanilang ginagamit. Mas nararamdaman din nila na bahagi sila ng lipunan na ating
kinabibilangan kapag ang wikang nabanggit.

Ayon sa kanyang pag-aaral ni Rosalie M. Galicia ng Manuel L. Quezon University

(2021): “Ang salitang gay lengua na madalas gamitin ng mga mag-aaral ay mga salitang
repleksyon sa pang-araw-araw na buhay ng isang mag-aaral. Malaki ang papel na ginagampanan
ng kasarian sa paggamit ng gay lingo ay nagpapatunay lamang na popular ang paggamit ng gay
lingo sa mga kababaihan.”

Ayon naman sa pag-aaral ni Miko D. Santos na may pamagat na “Ang Gay Lingo sa
Panahon ng Impormasyon” noong 2007 ay nakasaad na : “Ang panahon ng impormasyon at ang
yumayabong na wika ng mga bading, ang sward language o gay lingo, lahat ay sa konteksto ng
Pilipinas.”

Mga Kaugnay na Literatura at Pag-aaral

Ayon sa pag-aaral ni Clarete (2019), ginagamit ng mga beki ang gay lingo upang maitago
ang mga usapan na ayaw nilang malaman ng iba. Ito ang paraan upang makamtan nila ang
pagkakaisa at pagkakaunawaan ng walang nasasaktang ibang tao. Napatunayan ng mananaliksik
na may iba't ibang paraan ng pagbuo ng mga salitang beki. Nakitaan rin na nagkakaroon ng
ibang katawagan ang ibang beki sa isang salita dahil sa heograpikal, morpolohikal at ponolohikal
na barayti. Isinagawa ang pag-aaral na ito ayon sa disenyo ng pamamaraang deskriptibo gamit
ang mga piling respondente na nagtatrabaho sa parlor ng Ibaan.

Natuklasan na (1) upang matakpan ang mga anghel na tenga sa kapaligiran ang dahilan
kung bakit ginagamit ng mga beki ang gay lingo. (2) Bukod dito nalaman din na ginagamit nila
ito upang maitago ang mga usapan na ayaw nilang malaman ng iba. (3) Masaya ang mga
respondente sa paggamit ng kanilang lenggwahe dahil ayon sa kanila ito ang paraan upang
makamtan nila ang pagkakaisa at pagkakaunawaan ng walang nasasaktang ibang tao.

Sa pangkalahatang pagsusuri, natuklasan ng mga mananaliksik na hindi lahat ng salita sa

wikang Filipino ay may katumbas sa gay lingo. May mga pagkakataon na nagkakapareho lamang
ito sa wikang Filipino.

Sa pag-aaral ni Legaspi (2019), ay naglalayong malaman kung paano nabuo ang wika ng
mga bakla, paano ito ginagamit at kung bakit napakabilis magbago ng mga salitang gay lingo.
Nais din ng mananaliksik na mapalawak ang mga impormasyong kasalukuyang mayroon na,
upang maipahayag ang kahalagahan nito at mas bigyang paliwanag ang tunay na kalagayan ng
gay lingo sa Pilipinas.
 Sa pag-aaral na ito, nakabuo ng mga sumusunod na konklusyon ang mga mananaliksik
ukol sa gay lingo sa ating bansa. (1) Natuklasan na nabubuo ang salitang gay lingo sa
pamamagitan ng pagpapalit ng unang letra o pantig ng letrang “J/Sh” o ng pantig na“Jo/Sho” (2)
masasabing nagsimula ang pag-usbong ng gay lingo noong nakaranas ang mga beki ng
matinding diskriminasyon mula sa lipunan. (3) Napag-alaman at napatunayan ng mga
mananaliksik na ang gay lingo ay isang pananalita na mabilis magbago. (4) Mahihinuha rin na
ang mga beki, na tanggap na malikhain sa larangan ng sining at pag-arte, at malikhain din sa
pagbuo ng kanilang mga salita. (5) Sa kabuuan, masasabing ang gay lingo ay patuloy pang
uunlad, yayabong at tatangkilikin ng mga tao.

Panes (2015). Ang mga bakla na nag-aaral sa Western Mindanao University ESU Siay na
may edad labing walo hanggang dalawamput lima ang naging sakop ng pag-aaral na ito. Sinikap
ng mananaliksik na makakuha ng mga impormasyon para sa pananaliksik na ito sa pamamagitan
ng mga aklat na kaugnay ng pag-aaral, sa tulong ng internet connection na may pdf, scribd,
articles, mga blog spot na may kaugnayan sa gay lingo at higit sa lahat ay ang labing limang
respondente na may alam sa wika ng nasa ikalawang kasarian o ang gay lingo.

Sa ginawang pagsusuri, (1) napag-alaman na malikhain ang pagkabuo ng mga Gay lingo
sa Poblacion ng Siay dahil ang mga salita ay nabuo sa pamamagitan ng pagkakaltas at
pagdagdag ng mga pantig at pagbabago ng mga salita ngunit may kaugnayan sa orihinal na
salita. (2) Ang mga register na salita ay may kasamang tunog na /sho/ sa unahan ng salita na
pinampalit sa kinaltas na pantig sa unahan ng salita. (3) Natuklasan sa pag-aaral na ito na
gumagamit sila ng ganitong salita para masabi ng mga tao na sila bilang bakla ay nagkakaisa. (4)
Ayon sa ginawang pag-aaral, upang makasabay sa uri ng pakikipagtalastasan at nang hindi
mahuli o maiwanan sa kanilang henerasyon at para makakuha ng atensyon sa pamamagitan ng
kanilang pag-uusap na hindi maintindihan ng mga nakikinig ang isa sa matibay na dahilan kung
bakit tinatangkilik ang ganitong lenggwahe lalong lalo na ang mga kabataang bakla.

Katulad ng mga pag-aaral ni Clarete, Legaspi, at Panes na nabanggit sa itaas, may

kaugnayan ito sa kasalukuyang pag-aaral dahil pareho itong nakapokus sa gay lingo. Sa bahaging
ito, gumamit ang mga mananaliksik ng mga nakaraang pag-aaral upang pagtibayin ang
kasalukayang pag-aaral na isinagawa. Mababatid din na may mga salita na nagbabago sa mga
pangkat ayon sa lipunang kanilang kinabibilangan at makikita rin na kumakatawan sa
istrukturang panlipunan ng isang grupo.

TSAPTER III

KONKLUSYON

Tungkol sa gay lingo na ginagamit ng mga beki sa MSU-IIT ang ginawang pag-aaral ng
mga mananaliksik. Pagsisiyasat ang ginamit na paraan sa pangangalap ng datos. Nais ng mga
mananaliksik na malaman ang iba’t ibang gay lingo na ginagamit ng mga respondente sa
nasabing institusyon. Binigyang tugon at interpretasyon ang mga kahulugan, kung kailan
ginagamit, at sa paanong paraan nakakatulong ang mga gay lingo na nabanggit ng mga
respondente sa pamamagitan ng ginamit na pagsisiyasat at interbyu.

Gaya ng layunin ng mga mananaliksik, nalipon ang mga gay lingo na ginagamit ng mga
mag-aaral na beki sa bawat kolehiyo ng MSU-IIT. Nalaman rin ang mga rejister ng mga beking
kabilang sa Gen Z na nag-aaral sa iba’t ibang kolehiyo. Ang mga kahulugan at klasipikasyon ng
bawat wika ay natuklasan at nabigyan ng linaw ng mga mananaliksik. Nagawa rin na malaman
ng mananaliksik kung paano ito ginamit na kasangkapan sa pang- araw-araw na pakikipag-
komunikasyon ang mga gay lingo base sa mga naging sagot ng mga respondente.

Sa naging pag-aaral, natuklasan ng mga mananaliksik na ang gay lingo ay naging bahagi
ng pamumuhay ng mga miyembro ng ikatlong kasarian. Makakatulong ang paggamit ng gay
lingo upang mas maipahayag ng mga beki ang kanilang mga saloobin at damdamin. Ang gay
lingo ang nagsisilbing paraan upang maramdaman nila na kabilang sila sa lipunan na kanilang
kinabibilangan. Natuklasan din ng mga mananaliksik na bagamat magkakaiba ang mga
kolehiyong kinabibilangan ng mga respondente at magkaiba ang konstruksyon ng mga gay lingo,
may mga pagkakataon pa rin na magkakapareho ito ng kahulugan o interpretasyon.

Samantala, sa mga pagkakataon naman na ginagamit ng mga respondente ang mga gay
lingo na kanilang binanggit, nakalap ang mga impormasyon na ginagamit nila ito kapag
nakikipag-usap sila sa mga taong kapareho nila ng kasarian. Ngunit, nakalap din ang
impormasyon mula sa mga respondente na bagamat hindi nila kapareho ng kasarian ang kanilang
kausap, ginagamit pa rin nila ang gay lingo sapagkat naging kagawian na nila ang paggamit nito
sa pakikipag-komunikasyon. Nakalap din ng mga mananaliksik na gumagamit ang mga beki ng
isang espesyal na bokabularyo dahil ayaw nilang maunawaan at malaman ng iba ang wikang
kanilang sinasalita, na kanilang nilikha at sila lamang ang nakakaunawa. Isa rin itong paraan ng
pagbibigay ng kanilang pagkakakilanlan.

Sa mga kasagutan at resulta ng pag-aaral na ito, masasabi ng mga mananaliksik na labis

na malaking tulong ang register o gay lingo para sa mga beki sa lipunan. Masasabi rin ng mga
mananaliksik na mahalaga ang ganitong pag-aaral upang magkaroon ng kamalayan at kaalaman
tungkol sa patuloy na pag-usbong o pagbabago ng bawat wika ng tao sa mundo.

Batay sa konklusyon na inilahad sa pag-aaral na ito, nakabuo ng rekomendasyon ang mga

mananaliksik :

1. Iminungkahi na magkaroon ng karagdagang pag-aaral tungkol sa gay lingo upang bigyang

tuon sa kung paano, kailan, at bakit ito umusbong. Dagdag pa rito, hinihikayat na alamin kung
nangyayari ba ang hindi pagkakaintindihan ng mga beki kung sila’y nag-uusap, isinasaalang-
alang na ang iba ay may pagkakaiba sa termino gamit ang gay lingo.

2. Inirekomenda rin na magsagawa pa ng pananaliksik tungkol sa gay lingo na nakapokus sa

ibang lugar. Sa pamamagitan nito, magkakaroon ng ideya ang mga mananaliksik kung sakaling
may iba pang gay lingo na hindi pa nabanggit sa pananaliksik na ito.
3. Kailangang magkaroon ng bagong pag-aaral tungkol sa gamit na wika na nakapokus naman sa
ibang kasapi ng LGBTQ+. Upang malaman kung mayroon ding ginagamit na wika sa pakikipag-
komunikasyon sa parehong kasarian na kinabibilangan.

4. Kailangang magkaroon ng karagdagang pananaliksik sa wika ng mga beki na magpapakita ng

sariling katangian ng wikang kanilang ginagamit.

SANGGUNIAN

Casas, G. Jr. (2010). Ano ba ang Wika? https://www.scribd.com/doc/42468968/ANO-BA-ANG-

WIKA

Panes, J. A. (2015). Gay Lingo: Register ng mga Bakla sa Poblacion Siay, Zamboanga Sibugay
https://jmsinoy.blogspot.com/2015/11/gay-lingo-register-ng-mga-bakla-sa-siay.html

Velez, R., Lumag, S., Dairo, R., Duran, C., Nacalaban, S., & et al. (2017). Bekimon Register ng
mga Bakla https://www.academia.edu/35934561/BEKIMON_REGISTER_NG_MGA_BAKLA

(2022). Gen Z at Millenials https://tl.weblogographic.com/difference-between-gen-z-and-

millennials-6087

Legaspi, M. A. (2019). Gay Lingo: Pananaliksik na troolaloo, Walang Halong Eklavoo

https://markisblogging.wordpress.com/2019/05/24/105/
Gaceta, M. D. (2019).
https://www.academia.edu/41822258/
EPEKTO_NG_PAGGAMIT_NG_GAY_LINGO_SA_BERBAL_NA_KOMUNIKASYON_NG
_MGA_MAG_AARAL_MULA_SA_BAITANG_LABING_ISA_NG_GOV_FELICISIMO_T_
SAN_LUIS_INTEGRATED_SENIOR_HIGH_SCHOOL_PANURUANG_TAON

APENDIKS