Saligang Teoritikal

Sa bahaging ito ay inilahad ang mga teorya na ginamit ng mga mananaliksik sa pag-aaral

na ito at kung paano ito nauugnay sa kasalukuyang pag-aaral. Ang mga mananaliksik ay

gumamit ng Teoryang Sikolohikal, Teoryang Moralisttiko at Family System Theory.

Ayon sa Family System Theory ni Bowen. Ang Family System Theory (Kerr at Bowen,

1988) ay isang teorya ng pag-uugali ng tao na tumutukoy sa yunit ng pamilya bilang isang

kumplikadong sistemang panlipunan, kung saan ang mga miyembro ay nakikipag-ugnayan

upang maimpluwensyahan ang pag-uugali ng bawat isa. Ang Family System Theory ay isang

diskarte upang maunawaan ang pagganap ng tao na nakatuon sa mga pakikipag-ugnayan sa

pagitan ng mga tao sa isang pamilya at sa pagitan ng pamilya at ng (mga) konteksto kung saan

naka-embed ang pamilyang iyon. Ang teorya ng mga sistema ng pamilya ay inilapat sa isang

malawak na iba’t ibang mga lugar kabilang ang psychotherapy sa pangkalahatan at therapy ng

pamilya sa partikular (nagtatrabaho mula sa isang balangkas ng mga sistema na may

emosyonal, asal, o mga sintomas ng relasyon sa indibidwal, mag-asawa, at pamilya).

Nailalapat ang punto ng teorya sa pag-aaral dahil isa sa mga layunin ng mananaliksik ang

malaman ang mga isyung Pampamilya na nakapaloob sa mga Pelikulang Pilipino kung saan ito

ay makatutulong upang tukuyin ang ugnayang ipinapakita sa Pelikula. Napagtanto ng

mananaliksik na ang mga miyembro ng pamilya ay magkakaugnay, na nagpapahintulot na

tingnan ang sistema bilang isang buo sa halip na bilang mga indibidwal na elemento. Anumang

pagbabago sa isang indibidwal sa loob ng isang pamilya ay malamang na makakaimpluwensya

sa buong pamilya at maaaring humantong pa sa mga pagbabago sa ibang mga miyembro.

Kinikilala ng Family System Theory na ang pamilya ay gumaganap ng isang mahalagang papel

sa parehong emosyonal at pisikal na kagalingan sa buong kurso ng buhay dahil karamihan sa

mga indibidwal ay nakikipag-ugnayan sa kanilang pamilyang pinagmulan sa buong buhay nila.

Ang mga pamilya ay kadalasang nakakaimpluwensya sa pang-araw-araw na buhay;

nagsasama-sama ang mga pamilya upang ipagdiwang at tulungan ang isa’t isa sa

pamamagitan ng mga krisis. Sa karagdagan ang teoryang ito ay nagbibigay-diin sa ideya na

ang mga pamilya ay tuluy-tuloy na mga entidad, na may mga panuntunan, paniniwala, at mga

pagpapahalaga na humuhubog sa mga miyembro sa paglipas ng panahon kung saan

nakakaimpluwensya sa pamilya sa kabuuan, habang kinikilala ang maraming mga subsystem

sa loob ng isang pamilya na nagbibigay-diin sa mga pakikipag-ugnayan ng pamilya.

Teoryang Sikolohikal. Ang layunin ng pelikula ay ipaliwanag sa pamamagitan ng

pagpapakita ng mga salik (factor) sa pagbuo ng naturang behavior (pag-uugali, paniniwala,

pananaw ,pagkatao) sa isang tauhan sa kaniyang akda. Ipinakikita sa akda na ang

tao/sumasagisag sa tao ay nagbabago o nagkakaroon ng panibagong behavior dahil may nag

uudyok na mabago o mabuo ito (Grace, 2015). Bukod pa dito,bilang karagdagan sinabi ni

Abellera (2016), sa kaniyang isinagawang pag-aaral na pinamagatang “Sikolohikal na Teoryang

Pampanitikan: Isang Pag-uulat” ,na ipinalalagay sa pananaw ng sikolohikal na ang akdang

pampanitikan ay nagsisiwalat sa isip, damdamin at personalidad ng may-akda.Inaanalisa ang

mga behavior ng mga tauhan, kilos at kaisipan, at ang relasyon ng bawat isa. Kung bakit

nagbabago ang dating paniniwala, kung bakit tinalikuran ang dating ipinaglalaban, ang

pinagdaanang buhay o pangyayaring nakaaapekto sa kanilang pananaw.

Naiaangkla ang teoryang ito sa isinasagawang pag-aaral sapagkat naipapakita sa estorya

ng isang pelikula ang iba’t ibang mga salik o suliranin na kinakaharap ng mga karakter. Ang

mga suliraning ito ang siyang nagpapabago o naka-aapekto sa kanilang mga pag-uugali at

pananaw na siyang masasalamin sa iba’t ibang yugto ng pelikula. Ang isa sa halimbawa na

may kinalaman sa sikolohikal na teorya sa pelikula ay ang mga karahasan sa tahanan at

pamilya na kung saan ito ay isang pattern ng ugaling pang-aabuso sa isang matalik na relasyon

o iba pang uri ng relasyong pampamilya kung saan ginagampanan ng isang tao ang posisyong

mas makapangyarihan kaysa sa iba pang tao at nagdudulot ito ng takot. Ang ganitong uri ng
karahasan ay maaaring mangyari sa maraming iba’t ibang relasyon, gaya na lamang sa pagitan

ng mag-asawa.

Teoryang Moralistiko. Sa teoryang ito, layuning ilahad ang iba’t ibang pamantayang

sumusukat sa moralidad ng isang tao ang pamantayan ng tama at mali. Inilalahad din nito ang

mga pilosopiya o proposisyong nagsasaad sa pagkatama o kamalian ng isang kilos o ugali

ayon sa pamantayang itinakda ng lipunan (Dinglasan, 2005). Samakatuwid, napagkakasunduan

ang moralidad ayon na rin sa kaantasan nito. Ang aral na pinahahalagahan sa mga akda ay

nasa larangan ng moralidad ng kilos at gawi sa pang-araw-araw na buhay ng tao bilang isang

mamamayan o kasapi ng komunidad maging sa loob ng tanahan. Ang moralistikong teorya ay

nagbibigay-diin sa mga layuning dakila at pinahahalagahan nito ang kabutihan, ang tama, ang

kagandahang asal, tamang pakikipagkapwa, mabuting pag-uugali at wastong reaksyon ng tao

sa kanyang kapwa. Naiuugnay ang teoryang ito sa pag-aaral dahil isa sa mga layunin ng

mananaliksik ang masuri ang moral na kilos at gawi na ipinapakita sa mga Pelikulang Pilipino

na napanood. Ang mga moral na makikita sa pelikula ay magbibigay daan sa mga mananaliksik

upang makapaglahad ng mga ideya at kaalaman para sa ginagawang pag-aaral.