Professional Documents
Culture Documents
Hausnarketa Blanca Bajo
Hausnarketa Blanca Bajo
DIGITALA
Selfie For Teachers dokumentuaren
emaitzen azterketa
Test honi esker, nire informatika eta digitalizazio maila zein izan den ikusi ahal izan
dut eta maila hori nola hobetu dezakedan jakin ere. Horrez gain, hausnarketarako
puntuak proposatu ahal izango ditut, tresna hauek nire eskolan ikasketa prozesuan
teknologiari ematen dioten erabilera aztertzea ahalbidetzen duelako.
Hasi aurretik, esan beharra dago markoak sei garapen-maila zehazten dituela:
Egia esan, askotan ez jakinaren gainean geratzen naiz, eta azken aldian gero eta
gehiago ikasten ari naiz online sortu eta erabil daitezkeen baliabideei buruz. Nire
aldetik, irekita nago honen inguruan ikastera, nire praktika profesional eta
personalean baliabide digitalak nola erabiltzearen inguruan gehiago jakiteko.
Galdetegia egin baino lehen, nire konpetentzia digitala altuagoa izango zela uste
nuen, ordea, galdetegia egin ostean ikusi egin dut nire maila eta jakinduria
mugatuagoak zirela.
Nire erantzunak arloz arlo zehaztuz gero honako erantzun hauek ikus daitezke:
INDARGUNEAK AHULGUNEAK
1. arloa. Konpromiso profesionala
1.1. Antolamendu-mailako komunikazioa. 1.2. Lineako ikaskuntza-inguruneak
1.3. Lankidetza profesionala. kudeatzea.
1.4. Teknologia digitalak eta ikastetxearen 1.5 Gogoeta-jardunbidea.
azpiegiturak. 1.8. Teknologia digitalen ikaskuntza
1.6. Bizitza digitala. profesionala.
1.7. Ikaskuntza digitala.
1.9 Pentsamendu konputazionala.
4. arloa. Ebaluazioa
4.2. Ebidentziaren azterketa. 4.1 Ebaluazio estrategiak.
4.3. Atzeraelikadura eta planifikazioa.
Gehiago erabiltzen eta baliabide gehiago ezagutzen saiatu beharko naiz, batez ere
ikasleen autoerregulazio prozesuan lagunduko dien lanean barneratzen.
Konpetentzia digitala momentu oro aldatzen dagoen zerbait denez gero,
berrikuntzetara egokitu beharko naiz, ez bakarrik iada ezagutzen ditudan baliabideak
erabiltzen, baizik eta bestelako baliabide berriak arakatzen.
4. ARLOA: Ebaluazioa
Ebaluazio estrategia gehiago landu beharko ditut, batez ere ikasleen autoebaluazioan
balio duten baliabideak erabiliz. Ez nago ohituta honelako erremintak erabiltzera.
Ikasle guztien partaidetza aktiboa bermatzea nire esku egon liteke, batez ere
indibidualki ematen ditudan klaseetan bestelako partaidetza sustatzeko; azken
finean, ikaskuntza ikasle bakoitzari egokituz eta material pertsonalizatuagoak lortuz
inklusio hori lortzeko.
Ikasleak gero eta gazteago hasten dira teknologia erabiltzen, baina ez daude hezituta
gaitasun digitala izateko eta baliabideen erabilera ona edo egokia egiteko. Gure esku
dago ardura hau hartzea eta gure ezagutza transmititzea.
AZKEN GOGOETA
Test honi esker jakin izan dut nire konpetentzia digitalaren atal ezberdinetan zer
nolako gaitasuna dudan. Honi buruz hausnartzea oso garrantzitsua ikusten dut, izan
ere gaur egunean bizi garen gizartean teknologia digitalen erabilera oso handia da eta
hauek dauzkaten abantailak asko izan arren, arriskuak eta desabantailak ere
badaude. Horregatik guztiagatik, gure ikasleak konpetente digitalak hezitzea oso
garrantsitzua ikusten dut, ez bakarrik erabilera izateko, baizik eta pertsona kritikoak
hezitzeko.