Republic of the Philippines

Department of Education
REGION XI-DAVAO
SCHOOLS DIVISION OF COMPOSTELA VALLEY
NEW BATAAN NATIONAL HIGH SCHOOL
CABINUANGAN, NEW BATAAN, COMPOSTELA VALLEY
School ID: 304206

Pandagdag na mga Materyales sa Pag-aaral para sa Edukasyon sa Pagpapakatao 7

Ikaapat na Markahan Modyul 1
Part I – Kakayahan sa Pag-aaral
Paksa: Pagpapasiya sa Uri ng Buhay
Pinakamahalagang kakayahan sa pag-aaral: EsP7PB-IVc-14.1
 Naipaliliwanag ang kahalagahan ng makabuluhang pagpapasiya sa uri ng buhay.
Layunin:
 Nasusuri ang ginawang Personal na Pahayag ng Misyon sa Buhay kung ito ay may pagsasaalang-alang
sa tama at matuwid na pagpapasiya.

Part II – Nilalaman

Pagpapasiya sa Uri ng Buhay

Kung ang tao ay nakagawa ng masama o di mabuting desisyon sa buhay, ano ang maaaring
mangyayari sa kaniya? Ano naman ang maaaring mangyayari kung ang pasiya niya ay tama o mabuti?

Sa nakaraang aralin natin sa Ikalawang Markahan, nalalaman natin na ang tao ay biniyayaan ng
Diyos ng isip at kilos-loob kaya tayo ay natatanging nilalang Niya. Tayo ang tanging nilalang na
nakapagpapasiya.

Ang ating mga pagpapasiya ngayon ay may malaking kaugnayan sa uri ng ating buhay sa
hinaharap. Nasasaisip mo ba ito? Kaya dapat lamang na matutunan natin ang mga paraan tungo sa
mabuting pagpapasiya.

Lahat ng kilos ng tao ay kaniyang pinagpapasiyahan, gaano man ito kaliit o kasimple. Katulad ng
kung ikaw ba ay magsulat o hindi, makinig o hindi, at marami pang iba. Sa mga usaping moral ang
bawat pasiya ay nangangailangan ng matinding pag-iingat dahil buhay natin ang nakalaan dito.

Sa larong chess ginagamit ang patakarang touch move. Alam mo ba ang kahulugan nito?
Napapansin mo ba na ang mga naglalaro ng chess ay dumadaan sa malalim na pag-iisip o pag-aaral
para makapili ng tamang piyesang isusulong? Ito ay dahil sa kung hindi niya ito gagawin , matatalo siya.

Hindi man tayo naglalaro ng chess, maihahalintulad natin dito ang mga dapat nating gawin sa
ating mga pagpapasiya. Kung sa ating ginagawa tayo ay nasasaktan pati na rin ang iba, tama kaya ang
isinakatuparan nating pasiya? Kung ang layunin mo ay para sa lamang sa iyong sariling kaginhawahan
sa kabila ng paghihirap ng iba, tama ba ang iyong ginawa?

Lahat ng kilos ng tao ay dapat sumasailalim sa proseso ng pagpapasiya. Marahil naririnig mo na

ang mga katagang “bigyan mo pa ako ng sapat na panahon”. Nangangahulugan ito na hindi dapat
minamadali ang paggawa ng desisyon. Kailangan ng sapat na panahon para makapag-iisip,
makapagtitimbang, makapaghihinuha ng mga posibling bunga at nang makapagpili ng tamang
isasagawa. Samakatuwid, tama si Mahatma Gandhi sa kaniyang sinabing “The future depends on what
we do in the present”.

Ang mga pangyayari sa buhay natin ay mula sa ating pagpapasiya. Tama rin si Roy Disney na ang
mga desisyon natin ay naayon sa ating pagpapahalaga, sa ating layunin sa buhay, sa mga gusto nating
mangyari sa darating na panahon.
Part III – Gawain:

A. Ang iyong Layunin sa Buhay (Personal Mission Statement)

Ayon kay Mahatma Ghandi “The future depends on what we do in the present”. Bawat kilos natin ay
pasiyang isinakatuparan natin ngayon at may epekto hanggang sa hinaharap.

Ayon naman kay Roy Disney “It’s not hard to make decisions when you know what your values are”.

Magbuo ng iyong Layunin sa Buhay o Personal Mission Statement na magiging gabay mo sa iyong mga
pagpapasiya. Maaaring ito’y isang motto, tula, kasabihan o maikling sanaysay.

Ang mga sumusunod ay ilang halimbawa para sa iyo.

Panuto: Maaaring gumawa ng iyong sariling istilo. Gawin ito sa isang malinis na papel o anumang uri ng papel na
iyong gagamitin.
B. Marami ng sitwasyon sa buhay natin na kinakailangan nating gumawa ng agarang pagpapasiya. Subukin mo
ang iyong sarili na magpasiya sa mga sitwasiyon sa ibaba. Sundin ang pormat at gawin ito sa iyong saguting
papel.

C. Paano mo maipaliwanag ang dayagram na ito? Magbuo ng mahalagang konsepto o pag-unawang iyong
natutunan sa araling ito. Isulat ang iyong paliwanag sa sagutang papel.

Pamanayan sa Pagwawasto sa Gawain B at C

 PAGTATASA SA EDUKASYON SA PAGPAPAKATAO 7 MARKA:
Ikaapat na Markahan Modyul 1

PANGALAN: ________________________ PANGKAT: _____________ PETSA: ________

Panuto: Magsulat ka ng iyong pagninilay sa isa sa iyong mga karanasan.

Hindi tayo perpektong tao. Marahil may ilang beses ka na ring nakagawa ng maling desisyon
o pasiya. Gayunpaman, hindi pa huli ang lahat para matututo mula sa ating mga karanasan.
Mali man o tama ang naging desisyon natin sa isang sitwasiyon, nawa’y nakapag-iwan ito sa
atin ng mahalagang aral.

Ang napulot kong aral mula sa aking karanasan ay,

__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________

20 (puntos) 15 (puntos) 10 (puntos) 7 (puntos)