Announcement

Reflection no.3
Deadline: December 21 (tentative)
Tanong: Bukas ng umaga

Next meeting usapin pang kababaihan pag-usapan uli

Required mapanood ang lecture ni Caroline Hau

Stephen: Sa bagong deadline ng proposal, kelan recommended may ibigay sa inyo.

Sir Tilde: ASAP para pwede ma troubleshoot kung may problema. Mas okay kung may
justification sa tema.

Veneration Discussion
Sir Tilde: Unang issue naraise. Pagkakaroon ng pambansang bayani. Necessary ba to?
Officially walang pambansang bayani pero may Rizal Law at monumento. Para sa ilan,
ok lang ang may bayani pero isang pambansang bayani may konting hesitation.

Luke: Parang ang hirap kung isa lang pambansang bayani kasi iakyat mo siya na parang
diyos. Kung gagamitin natin example ang Catholic church, may God at santo. Mga santo
ivenevenerate mo kasi may characteristics na gusto mo gayahin. Ang mga santo di sila
perfect. Kung maraming bayani, pwede mo sabihin na gusto mo gayahin yung bahagi ng
pagkatao pero di ko siya gustong sambahin.

Sir Tilde: May tendency na kailangan iemulate. Kung walang role model, edi lahat
pwede. Kung lahat pwede, mahirap yon. Si Tan Malaka literal tinitingala. Kasi yung
height ng monumento depende sa contribution doon sa anti-colonial struggle. May
objective pa rin na basis. Seemingly, nakaugnay siya doon sa indibidwal. Sa national
pantheon, walang malinaw na hierarchy pero nasa centro si Rizal at Bonifacio.

Stephen: Bakit pa kasi ongoing hanggang ngayon ang debate kung pwede bang
pambansang bayani si Rizal o hindi. Baka may mali tayo iniisip kaya kahit hanggang
ngayon di matapos tapos ang debate. Kaya di ako payag sa magkaroon ng isang
pambansang bayani. Mahirap magkaroon ng objective na standard. At kung meron man,
may fixation yung mga tao na kaya ba talaga iencapsulate ang pag represent ng isang
bansa ng isang tao lang? Limitado si Rizal, yun ang argument na nakita ko. Dapat
marecognize natin ang taas ng standards natin, kasi limitado naman talaga ang tao.
Kahit hindi si Rizal yan, may argumento ng limitation. Para sa akin, grupo nalang sila, no
particular order of importance. Meron silang iba’t ibang ambag na hindi pwede directly
ma compare. Pwede sabihin na hindi lang si Rizal ang gumawa nung ginawa niya, pero
sa panahon ngayon siya yung gumawa. Ginawa siyang password ng katipunan so may
nainspire siya.Yung maliliit na bagay gusto kong bigyan ng importance kasi yun ang
nagpapabago ng kasaysayan.

Sir Tilde: Hindi naman Amerikano ang una nagrecognize na exceptional si Rizal, mga
katipuneros nakita na yan. Hindi lang sa pagpapatahimik ng rebolusyon kundi sa
pagsusulong din, yan yung paradox doon. Influential si Rizal sa anti colonial struggle o
sa colonial state formation.Pinapakinabangan si Rizal ng mga colonialista at ng mga
anti colonialista. Sa third world nation crucial ang colonialism para mabuo. Yung nation
nakakabit sa colonialismo. Kung national na icon, hindi ba tulad ni Rizal ang necessarily
kakatawan doon kasi limitado din naman ang nation.

Sir Tilde: Parang libingan ng mga bayani. Hindi ba mga berdugo din yung mga ilang
nakalibing doon. Yung ilang bayani din na nakalibing doon, iba yung pagkakaunawa nila
sa bayan. Usually tantamount yung bayan nila sa pamahalaan. Yung desire ng bayan ba
ay yun din ang desire ng rehimen?

Ben: Walang tao na 100% deserving maging hero pero kailangan nyo yun para
magkaroon ng isang nation. Kailangan may national mythology. Kahit kung hindi sila
ganun kagaling o perpekto. Kung wala tayo ganun, anong gagawin natin. Kung wala
tayong hero, ano pa ba maging batayan natin na pagiging isang Pilipino.

Sir Tilde: Nakakabit sa national hero ang national identity. Essensya na pagka Pilipino.
National heroes at symbols ay ang nagbibind sa atin. Yung nation, hindi siya territorial,
abstrakto siya. Necessity ang bayani for national identity.

Stephen: Bakit kailangan natin mag focus sa mga historical. Kasi may mga tao ngayon
na bayani rin. Hindi rin naman necessary kailangan static ang assignment ng
pambansang bayani kasi nagbabago ang panahon bakit hindi pwede nagbabago ang
bayani. Bakit hindi tayo kumuha sa panahon natin ngayon na masmakarelate tayo.
Pwede tayo mag hugot sa mga ordinaryong tao.

Alix: Iba’t ibang identities nafoform, hindi lang sa Pilipinas pero sa maraming third world
countries. Naging bunga siya ng mga assigned identities na binigay sa atin ng mga
colonial powers. Yung identity, complex talaga siyang bagay at developing siya. Hindi
siya pwede makulong sa isang personality. Pag ikinulong natin ang isang complex na
bagay sa isang tao or sa ilang tao lang parang pinatay ang identity natin.
Sir Tilde: Dapat depende sa panahon, nag aadjust. Pero yung issue, kaya relevant pa din
si Rizal, di pa din nasolve yung issue na pinoproblema niya noon. Land reform parin
yung problem natin. Lahat kaya mo ikabit sa kanya.

Hardin Discussion

Ben: Nahirapan kami magisip ng tao na masnegative ang tingin sa kanila. Pag sa mga
Pilipino kasi parang pag may masama di natin inuulit na inuulit parang mas madali ata
sa atin na kalimutan ang tao naging problematic o iredeem sila sa isip natin.

Sir Tilde: Kapag tinuring mo siya bayani ang assumption ay majority na ginawa niya ay
okay pero pwede may skeleton sa closet.

Sir Tilde: Di malinaw sa akin doon yung ketongin o lepers di naman yun duming tao.
Technically, sila ay sinantabi sa lipunan para sila yung nireject dahil physically madumi
sila or di sila normal pero mas marginalized kesa outcast dahil masama.

Sir Tilde: Isang obvious dito walang international. May pag iwas doon sa pagbuo ng
hardin international.
Stephen: Challenges paghahanap ng info tungkol sa kanila. Identity naiform namin ay
nakabatay sa mga articles na trusted na kinunan namin. Influence ng tier list naging
noticeable kasi bukod sa criteria natin (70% Honor & 30% Excellence) kung ilagay namin
kunwari si Robin Padilla sa tier C tatanong namin kung deserve niya magkahilera sa
mga nasa C. Naging factor din icompare siya sa iba’t iba niyang mga katropa. Nagets ko
na rin yung inevitable na problema pag nag debate kay Rizal. Kung nilagay mo sa tier
pambansang, di mo iwasan icompare sa iba. Sa present, necessity may tier list kasi
botohan ang senado so competition talaga siya. Ginawa namin etong hardin kasi una
beneficial siya kasi relevant. Pangalawa meron talagang talamak na trend na masama
ang budhi kapag tumakbo sa senado. Kumbaga ang hardin namin, ang hirap maghanap
ng saving grace sa kandidato. Walang naabot sa S tier. Ironically, apat lang sila nasa A
tier.

Sir Tilde: Parang ang konti. Parang marami pang senatoriables na wala.
Stephen: Limited po kasi sa top twelve. Mahirap maghanap ng controversy. Madali
maghanap ng magandang ginawa kasi di nila tinatago yan. Pero tinatago nila yung mga
kaso.

Sir Tilde: Wala bang tier na sobrang baba. Ayun nga, yung pinagbasehan ay pulse asia
survey. Kung ilagay natin sila sa hardin ni Tan Malaka, baka sa mga maruruming tao
sila.

Luke: Pagtinitingan mo yung bayani, may impression na may mataas at hindi pantay
pantay. Kaya punto ni Alix nung nag usap kami hindi ba mas mabuti kung pantay pantay
sila at wala sa bundok. Sa pinaka labas ang bayani internationalist, sa gitna yung
nationalist, at sa pinaka gitna yung mga maruming tao. Mas malaki, mas marami, at
mas malawak ang influence at contribution ang mga internationalist. Yung sa
nationalist naman, confined sa nation. Yung reason bakit nasa labas ang bayani at nasa
loob ang maruming tao, parang gusto namin na mas mahalaga sa lipunan ang bayani.
Sa daan naman, gusto namin sabihin na hindi permanent position mo. Pangalawang
issue, ano ang mga standards nitong mga bayani. Paano masasabi na bayani
internationalist, bayani nationalist, maruming tao. Kasi may tao diyan na pwede mong
iconsider na bayani international pero in some sense pahirap at pasibo din. Kaya
nahirapan kami magbigay ng mga halimbawa.
Alix: Sa center, parang weird nasa gitna ang mga maruruming tao, usually magkahiwalay
sila. Sa lipunan natin, sobrang dali na makalimutan na yung mga tao na ito, ito ang mga
ginawa nila. Kaya madali sila bumalik sa seat of powers kasi madali din makalimutan
yung ginawa nilang kataksilan nila sa bayan. Nasa center sila bilang simbolismo na
kailangan bantayan. Na-encircle pa rin lahat na ginawa na yan ng mas mabuti natin
kayang gawin sa lipunan. At yung pathway, pinakita ito na laging may choice kung saan
papunta.

Sir Tilde: Tendency, burahin ang ginawa ng maruruming tao para good vibes lang.
Mahalaga nandiyan pa din ang memory ng ginawa nila kesa ipurge sa history books.
Aaron: Yung logic namin parang pataas, mas maraming katarungan sa bansa tapos
inuna namin yung mga presidents na may bad reputation. Yung nahirapan po sa amin,
paano igauge kung enough yung pangalan na inilagay namin dito siguro kasi ang
daming influential na tao na ginawa ng mark sa pagbuo ng Pilipinas. Tapos sa pinaka
taas, nahirapan rin po kami kung meron bang karapat dapat na ilagay doon.

Red: Nirank din namin paano sila nag contribute sa history ng Pilipinas. Kaya in a way
mas mataas ang mga Espanyol kesa kay Duterte & Marcos. May agency sila pero they
still chose the wrong path of being a leader unlike for example ang Spanish at
Americans, colonizers sila and they’re just doing their self interest unlike yung tao sa
baba. Doon sa pinaka taas, either leave it blank or may ilagay tayo. Isip natin faceless
figure nalang which is the progressive youth. Idealistic in a way since ang kabataan sila
yung future.

Sir Tilde: May tanong ba kayo sa hardin ng ibang grupo?

China: May naalala po ako bigla nung ginagawa namin ang hardin. Isa pa sa mga
challenges is we made it a point na dead people lang ilalagay. Nung nag iisip kami ng
mga masasamang damo puro buhay na tao yung naiisip namin so yun nahirapan kami
maghanap na patay na.

Sir Tilde: Pagpatay ang tao, usually yung mabuti ang naaalala natin. Yung usual reaction
“in loving memory”. Pero sa akin, parang dapat di sila namatay, may atraso pa sila na
dapat mailala sa kanila.

Sir Tilde: Yung observation ko sa inyo pati sa kabilang section, may hesitation na
maglagay ng pantheon sa international. May nakita akong tendency na ayaw natin
makialam sa labas ng pambansa natin. Pero mahalaga na aware tayo sa international
affairs kasi nga yung Filipino nation bahagi ng mundo at basically kailangan alam natin
ang galawan ng mga tao sa labas ng Pilipinas dahil, one way or another, may epekto sa
policy making sa bansa natin.

Sir Tilde: Yung huling punto na gusto ko ipoint out, kay Tan Malaka, yung nilagay niya sa
national bundok, walang Rizal & Bonifacio dichotomy. At ang national na to, national ng
greater Indonesia. Walang issue ng Rizal vs Bonifacio. Si Marx at Engels ang nasa
international na hardin. Anong ibig sabihin nito? Bakit hindi manggagawa. Bakit
intellectual.
Stephen: Immediate kong naisip ay dahil sa ideology nila. Kasi kung manggagawa, nag
labor sila. Action, very good. Pero marami rin impact kapag ideology. Dahil sa pagiisip
ng mga sinasabi nila, marami silang ipinagalaw. So in a way may labor din siguro. At
marami din na influence. Meron siyang ambag sa kollektibong pag iisip sa lahat ng
bansa.

Sir Tilde: Yung dahilan, communist intellectual si Tan Malaka. Dahil intellectual siya,
mahalaga sa kanya ang intellectual. Hindi ito purely subjective at hindi ito purely
objective. May objective basis yung halaga ni Tan Malaka sa teorya. Kaya niya naman
pinahalagaan si Rizal at Bonifacio (si Bonifacio mas application. Praktika.). Marx at
Engels sa tuktok ng international, emphasis ulit yung sa pagbibigay halaga ni Tan
Malaka sa theory. Ito yung komplikadong bahagi, yung dialektika ng teorya at praktika.
Mahalaga lang ang teorya as long as naisipraktika mo siya. At mahalaga lang yung
praktika as long as may gabay siya ng teorya na hindi mo dogmatically i-apply. I-aapply
mo siya depende sa specific na material condition. Sa tanong anong mas mahalaga,
ang komplikadong sagot doon, mas mahalaga ang teorya na nakabatay sa praktika at
yung praktika na may gabay sa teorya.