NARATOR: Noong unang panahon, noong nakakapagsalita pa ang mga hayop, may tigre

na naghahanap ng makakain sa gubat. Sa kanyang paglilibot, nahulog siya sa napakalalim

na hukay. Paulit-ulit na sinubukan ng tigre na makaalis, ngunit nabigo siya.

TIGRE: Ah! Tulungan niyo ako! Tulungan niyo ako!

NARRATOR: Sumigaw siya para humingi ng tulong, ngunit walang nakarinig sa kanya.
Kinabukasan, muling sumigaw ang tigre para humingi ng tulong hanggang sa namamaos ito.
Akala niya mamamatay na siya. Bigla siyang nakarinig ng mga yabag. Natuwa siya at agad
na tumayo.

TIGRE: Tulong! Tulong! Tulungan niyo ako!

LALAKI: Ah! Isang halimaw! Isang tigre?

TIGRE: Tao! Tao! Tulungan mo akong makaalis dito. Parang awa. Kung tutulungan mo
akong makaalis dito, hinding hindi kita makakalimutan.

LALAKI: Gusto sana kitang tulungan, pero natatakot ako sa maaaring mangyari.
Paumanhin, kailangan kong ipagpatuloy ang aking paglalakbay.

TIGRE: Teka! Sandali lang! Wag mong isipin yun. Wag kang mag-alala. Pangako hindi kita
sasaktan. Ako ay humihingi ng paumanhin; tulungan mo ako. Pag-alis ko rito, babalikan ko
nang may malaking pasasalamat.

NARRATOR: Tila nakakaawa ang boses ng tigre kaya bumalik ang lalaki para tulungan ito.
Nakahanap siya ng troso at dahan-dahang ibinaba sa hukay. Gumapang ang tigre sa troso
hanggang makalabas ito sa hukay, Nakita ng tigre ang lalaking tumulong sa kanya.
Naglaway ang tigre at nilibot ang lalaki.

LALAKI: Teka! Hindi ba nangako ka sa akin na hindi mo ako sasaktan? Ito ba ang iyong
paraan ng pagpapasalamat?

TIGRE: Wala na akong pakialam sa pangakong iyon dahil nagugutom na ako! Ilang araw
akong hindi kumain.

LALAKI: Teka! Teka! Tanungin natin ang hatol ng puno, at titingyan natin kung pwede mo
akong kainin.

TIGRE: Sige! Pero pagkatapos natin siyang tanungin, kakainin kita. Sobrang gutom na
gutom na ako.

NARATOR: Ipinaliwanag ng tigre at ng tao sa puno ang nangyari.

PUNO: Bakit niyo ba kinukuha ang aming mga dahon at sanga para magpainit ang inyong
mga tahanan at magluto ng inyong mga pagkain? Upang lumaki, nagbibilang kami ng mga
taon. Subalit pag lumaki na kami, pinuputol mo kami. Ginagamit mo kami para itayo ang
iyong mga bahay at gawin ang iyong mga kasangkapan. At isa pa, hinukay din ng tao ang
butas na iyon. Salama Tiigre! Huwag mag-alinlangan. Sige at busugin mo ang iyong gutom!

TIGRE: O? Ano ba ang masasabi ng tao sa punong ito?

NARRATOR: Sa sulyap, nakita ng lalaki ang isang baka na gumagala sa paligid. At ito ay
kaniyang tinawag.

LALAKI: Baka! Baka! Sandali lang tigre, Tanungin natin ang bakang ito sa kanyang hatol.

NARRATOR: Pumayag ang tigre, at ipinaliwanag nila sa baka ang nangyari.

.
BAKA: Sa aking palagay, walang duda kung ano ang kailangang gawin. Dapat kainin mo
siya! Kita n'yo, mula nang kami ay isinilang, kami ay naglilingkod sa mga tao. Binubuhat
namin ang mabibigat nilang kargada. Inaararo namin ang mga bukid para makapagtanim
sila ng mga halaman. Ngunit ano ang ginagawa nila kapag tayo ay tumanda? Pinapatay nila
tayo at ginagawang pagkain! Ginagamit nila ang ating balat para sa mga bagay. Kaya
huwag mo akong tanungin tungkol sa pagpapakita ng pasasalamat. Kainin mo yan!

TIGRE: Tingnan mo, lahat sila ay sumasang-ayon sa akin. Hindi kami halimaw, ang tunay na
halimaw ay tao! Kaya humanda ka sa iyong kamatayan.

TAO: Sandali Tigre!.

TIGRE: Ano ba? Gutom na gutom na ako!

TAO: Tanungin natin ang kunehong iyon para sa kaniyang hatol.

NARRATOR: Alam ng lalaki na ito na ang kanyang katapusan hanggang sa may dumating
na kuneho na lumukso sa tabi nila. At nakiusap ang lalaki sa tigre na bigyan siya ng huling
pagkakataon. Nag-alinlangan ang tigre ngunit kalaunan ay pumayag at tulad ng iba, sinabi
nila sa kuneho ang sitwasyon. Nakinig ang kuneho. Pumikit siya at iginalaw ang
mahahabang tenga. Makalipas ang ilang sandali ay muli niyang iminulat ang kanyang mga
mata. Mahina itong nagsalita at hindi kinikibo.

KUNEHO: Naiintindihan ko ang sinasabi mo. Ngunit kung ako ay magpapasya at

magbibigay ng mabuting paghatol, dapat tayong pumunta sa hukay. Sabihin mo ulit sa akin
ang nangyari. Ipakita mo sa akin ang daan patungo dito.

NARATOR: Itinuro ng tigre at ng lalaki ang hukay sa kuneho.

KUNEHO: Tingnan natin, sabi mo nahulog ka sa hukay, at nakatayo ka dito. Go to your

previous positions para mapag-isipan ko ang desisyon ko.

NARATOR: Ang tigre ay tumalon ng walang pag-aalinlangan. Ang gusto lang niya ay
matapos na ang usapan nang matapos niyang kainin ang tao.

KUNEHO: Ayan. Ganito ka noon. Ikaw, Tigre, nahulog sa hukay at hindi makalabas. Narinig
mo ang lalaki at humihingi ka ng tulong kaya ikaw lalaki, tinulungan mo ang tigre.. Ngayon
ay maaari na akong magbigay ng hatol. Nagsimula ang problemang ito nang tulungan ng
lalaki ang tigre na makalabas sa hukay. Sa madaling salita, walang magiging problema kung
ang lalaki ay hindi nagpakita ng kabutihan at iniwan ang tigre sa hukay, kaya ipinalagay ko
na ang lalaki ay magpapatuloy sa kanyang paglalakbay at ang tigre ay mananatili sa hukay.
Magandang umaga sa inyong dalawa!

NARRATOR: At iyon nga ang nangyari. Ang kuneho ay patuloy na lumukso, ang lalaki ay
nagpatuloy, at ang tigre ay nanatili sa hukay.