Alamat Di Poking

ni: Ryan Jay V. Salamat

Wada di esa ay diso ay Poking di nagan na, sinay ay lugar mainapan ed
kadondontogan ed Kapangan. Wada di duwa ay tribo sina ay lugar. Din duwa ay tribo
maawagan ay kankana-ey ya ibaloi. Ay laydem ay amu en nu intoy napuan din Poking
ay nagan? Basaem nan estoryan di Poking ay inpasan di ap apo tako.
Ed idi nan Poking ay diso maga di ipugao ay man-iiyan poro aanimal angoy di
man-iyan. Dadak ke ay kaiw di mailam sin eged di dontog ngem nu datngem din gawan
di dontog wada di mailam ay nalini linis ay danum. Nu nemnemem kaman paraiso nan
diso ay nay.
Wada di naisalsalumina ay titit ay man-iiyan sina. Mayat di kulay din dotdot na.
Gapo sin kinadakdake na nan titit aynay sis iya di natudingan ay ari sin sina ay dontog.
Baken binmayag, nadteng di ipugao nan diso aynay. Gapo si egyat di iipugao
sin sakit ay pumse isunga na anapan da nan diso aynay. Nanbakwit garud danan
ipugao sina ay diso ta malisian da din pumse ay sakit.
Napintasan da sin lugar aynay ingana nan amag da si sarili da ay grupo sinan
diso aynay. Wada di nakay ay aw awagan da ay panga maen da.
Tunggal labi wada di madmadnge da ay napigsa ay kali. Inbaan garud nan
nakay daida ay amey dan anapen din kali aydoy. Wada di esay labi ay perme di solag,
danan lalalaki sin logar da amey da inanap din kapkapuan di kali aydoy ay madmadnge
da. Napintasan da sin naila da ay dakdake ay titit. Nakibtot da sin kinapintas din titit.
Tungal man payagpag din titit sumardeng da. Nu ilan din titit abo daida kaman waday
ibag bagan din mata na en daida ay kaman din ari. Gapo sidi adi da intuloy din balak da
koma ay amagen tan gapo sin ug ugali da ay inayan.
Sinmaa garud danan bongoy di lallalaki ta amey da istoryaen din naila da.
Inagom da din iipugao ta mandenge da. Di naibagan angoy din nakay ay pangamaen
da sin naagom ay ipugao yan, bay an tako tan sis iya di manbanbantay en datako sinan
diso aynay. Manipod sidi di madmadnge da ay kali din titit yan po... po… po… Adi
binmayag yan in inut ay namaga din kali ay madmadnge da.
Tapnu adi malinglingan din titit aydoy inpanagan da din lugar aynay sin kalin di titit
ay Poking. Di layden na ay kalien dakdake ay titit sin lugar da.
Translated by Paz Sugando

UB-Librarian