Department of Education

Republic of the Philippines

Region III
DIVISION OF GAPAN CITY
Don Simeon Street, San Vicente, Gapan City

Filipino 9
Ikatlong Markahan-Modyul
6: Pang-abay na Pamanahon
Panlunan at Pamaraan

Self-Learning Module
Filipino – Ikasiyam na Baitang
Alternative Delivery Mode
Ikatlong Markahan – Modyul 6: Gramatika: Pang-abay na Pamanahon, Panlunan at
Pamaraan
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi sa anomang akda ang Pamahalaan ng Pilipinas. Gayonpaman,
kailangan muna ang pahintulot ng ahensiya o tanggapan ng pamahalaan na naghanda ng
akda kung ito ay pagkakakitaan. Kabilang sa mga maaaring gawin ng nasabing ahensiya o
tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban
sa modyul na ito ay kinakailangan ng pahintulot mula sa mga orihinal na may-akda ng mga
ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon - Paaralang Pansangay ng Lungsod Gapan

Tagapamanihala: Alberto P. Saludez, PhD
Pangalawang Tagapamanihala: Josie C. Palioc, PhD

Bumuo sa Pagsusulat ng Modyul

Manunulat: Editor: Raiza Mae A. Alfaro Jocelyn S. Pablo

Tagasuri ng Nilalaman: Marie Ann C. Ligsay, PhD, Dulce M. Esteban,
Joanne M. Nunez
Tagasuri ng Wika: Marie Ann C. Ligsay, PhD, Bernadeth D. Magat
Gerwin L. Cortez

Tagasuri ng Disenyo
at Balangkas:Glehn Mark A. Jarlego
Tagaguhit:Joanna Isabella Marie A. Linsangan
at Tagalapat:Raiza Mae A. Alfaro
Tagapamahala:Salome P. Manuel, PhD Alexander F. Angeles,
PhD
Rubilita L. San Pedro

Inilimbag sa Pilipinas ng Kagawaran ng Edukasyon – Rehiyon III –

Pampaaralang Pansangay ng Lungsod Gapan
Office Address: Don simeon St. San Vicente, Gapan City, Nueva Ecija
Telefax: (044) 486-7910
E-mail Address: gapan.city@deped.gov.ph
 Alamin

Kahanga-hanga ang iyong ipinamalas na galing sa ating nakaraang

aralin. Nais kitang batiin sa taglay mong kahusayan sa pagsuri ng mga
karakter sa Alamat ni Prinsesa Manorah. Ngayon ay ating tatalakayin ang
iba’t ibang uri ng pang-abay at mga pang-ugnay upang mapalawak ang
iyong kaalaman sa gagawing pagsulat ng kuwento.

Nakasisiguro akong siksik, liglig, at umaapaw ang kaalamang iyong

matatamo. Alam kong nasasabik ka na sa mga inihanda kong gawain para
sa iyo. Halika’t simulan mo na!

Pagkatapos ng modyul na ito ay inaasahang malilinang sa iyo ang

kasanayan sa mga sumusunod:
1. nagagamit ang angkop na pang-ugnay na hudyat ng pagsusunod-
sunod ng mga pangyayari sa lilikhaing kuwento (F9WG-IIId-e-54); at
2. nagagamit ang mga pang-abay na pamanahon, panlunan at
pamaraan sa pagbuo ng alamat (F9WG-IIIf-55).

Subukin

Bilang paghahanda sa ating tatalakaying paksa, narito ang isang

pagsusulit na susubok sa iyong kaalaman ukol dito.
1-5 Panuto: Tukuyin ang pang-abay na ginamit sa mga sumusunod na
pangungusap. Pillin ang tamang sagot at isulat ito sa hiwalay na papel.

1. Kanina pa kami naghihintay ng balita tungkol sa bagong virus. Ang

salitang may salungguhit ay pang-abay na ?
A. may pananda C. nagsasaad ng bagal
B. walang pananda D. nagsasaad ng dalas

2. Araw-araw na namamalengke sina Nanay at Tatay. Ang salitang may

salungguhit ay pang-abay na ?
A. may pananda C. nagsasaad ng bagal
B. walang pananda D. nagsasaad ng dalas

1
3. “Ngayon ay hindi ka na makagagambala pa sa kahit sino!” Angsalitang
may salungghit ay pang-abay na _ ?
A. may pananda C. nagsasaad ng bagal
B. walang pananda D. nagsasaad ng dalas

4. Itinali nang mahigpit ni Prahnbun ang pakpak ni Prinsesa Manorah.

Ang may salungghit ay pang-abay na .
A. pamanahon C. panlunan
B. pamaraan D. pang-ugnay

5. Pupunta ako, kung pupunta ka rin sa kaarawan niya. Ang salitang

may salungguhit ay pang-abay na .
A. may pananda C. nagsasaad ng bagal
B. walang pananda D. nagsasaad ng dalas

6-10 Panuto: Punan ng wastong pang-ugnay ang bawat pangungusap

upang mabuo ang diwa ng talata.

6. , dito natin kinukuha ang mga bagay gaya ng pagkain at

mga materyal na pangangailangan sa araw-araw na pamumuhay.
A. noong una C. unang-una
B. sa umpisa D. una

7. , nakasalalay rito ang kaligtasan natin sapagkat nagsisilbi

itong pananggalang sa mga kalamidad na dumarating.
A. una C. ikatlo
B. ikalawa D. ikaapat

8. , ipinagkaloob ito ng Maykapal upang makapamuhay tayo

nang masagana at maligaya. Natuto na sana tayo sa pagdating ng
pagsubok dulot ng pandemya.
A. una C. ikatlo
B. ikalawa D. ikaapat

9. , natutuhan na rin sana natin kung paano mahalin at

pangalagaan nang wasto ang ating kalikasan.
A. at C. sana
B. saka D. sumunod

10. , hangarin natin na ang tunay na layunin ng Diyos kung

bakit nilikha niya ang kalikasan para sa tao ang siya nawang
mangyari.
A. sumunod C. sa wakas
B. wakas D. sa bandang huli

2
 Aralin Pang-abay
6 na Pamanahon, Panlunan
at Pamaraan
Napakahalaga na angkop ang paggamit natin ng mga salita sa pang-
araw-araw na pakikipagtalastasan. Ito ay upang lubos tayong maunawaan
ng ating kausap.
Ano ang iyong napapansin sa mga salitang ginagamit mo sa
pakikipag- usap sa iyong kapwa? Tunay ngang napakahiwaga ng bawat
salita, hindi ba? Kaya’t atin itong gamitin nang wasto at nararapat.
Marahil ay napansin mo na ang ilang pang-abay sa binasa nating
akda. Ngayon, atin itong tatalakayin at susuriin upang higit mong
maunawaan. Ang kaalamang iyong matututuhan ay gagamitin mo sa mga
susunod pang gawain na siyang lilinang pa sa iyong kaalaman at
kasanayan.

Balikan

Alam kong nasasabik ka na sa ating tatalakayin, ngunit iyo munang

balikan ang nakaraang akda upang maiugnay mo ang kaalamang iyong
natutuhan sa bagong aralin.
Balikang Muli
Panuto: Balikan ang akdang, “Alamat ni Prinsesa Manorah”. Ibigay ang nais
mong maging wakas ng kuwento. Isulat ang sagot sa hiwalay na papel.

Wakas ng "Ang Alamat

ni Prinsesa Manorah” Nais mong maging
wakas
Bumalik sila sa palasyo
ng Udon Panjah kung
saan isinagawa ang
kasal at tuluyang
namuhay nang masaya’t
matiwasay habambuhay.

3
 Narito ang isa pang halimbawa ng alamat.

Handa ka na ba? Basahin mo ang alamat na pinamagatang, “Ang

Alamat ng Face Mask” para masagot mo ang aking inihandang katanungan
tungkol dito.

Tuklasin

Ang Alamat ng Face Mask

Ni Raiza Mae A. Alfaro

Sa isang nayon, may magkaibigang walang ibang nais gawin kung

hindi ang maglaro mula umaga, at kung hindi pa dumilim ay hindi pa
magsisiuwi sa kani-kanilang tahanan. Sila ay sina Face at Mask. Pareho
silang mabait at magiliw sa kanilang mga kapitbahay. Ang kanilang mga
gawi ay parang sa mga lalaki. Talaga nga namang laman na sila ng kalsada.
Hilig nila ang paglalaro. Laging nakatakip ang kanilang mga mukha upang
hindi sila makilala ng kanilang magulang sa tuwing hahanapin sila para
tapusin ang pagsasagot sa kanilang mga modyul.
Isang araw, sa kanilang paglalaro, ay biglang tinawag si Face ng
kaniyang ina.

“Face! Umuwi ka na nga! Hindi pa tapos ‘yung modyul mo. Nakita ko

ang dami pang walang sagot! Iyong modyul mo sa matematika, bibilangin
mo na nga lang ba naman kung ilan ‘yong kalabaw na nakaguhit doon hindi
mo pa magawa!” pasigaw na wika ng kaniyang ina.
Kakamot-kamot sa ulo si Face at tila ba hindi inintindi ang kaniyang
inang nagdidiwara.

“Naku po! Hindi ba sinabi ko na sa’yo ang sagot dun, bakit hindi mo
isinulat, ano ba isinulat mo?” ang tanong ni Mask.

“Wala, malabo kasi ‘yung drawing eh! Wala naman akong nakitang
kalabaw kaya hindi ko sinagutan,” tugon naman ni Face.

Sabay silang tumawa nang malakas at nagpatuloy sa paglalaro. Hindi

inintindi ni Face ang sinasabi ng kaniyang ina.

Tanghali nang nagising sina Face at Mask. Paglabas nila ng bahay ay

para bang may kapistahan sa dami ng tao. Lahat ay nagkakagulo. Lahat ay

4
kani-kaniyang takip sa ilong. Sa ‘di kalayuan ay may bagong tayong pabrika
kung saan ito ay naglalabas ng mabaho at maitim na usok.

“Ang baho!”

“Anong amoy ba iyon?”

“Nakasusulasok!” sabi ng ilang tao. “Masama ang amoy na iyon para

sa ating kalusugan, maaari tayong magkasakit dahil diyan. Ang mabuti pa
ay huwag na lang muna tayong lumabas. Isarado rin ang lahat ng pinto at
bintana upang hindi pumasok ang amoy sa ating mga bahay.”
Hindi inintindi nina Face at
Mask ang amoy na nanggagaling sa
pabrika. Patuloy pa rin sila sa
kanilang paglalaro. Dahil nakatakip
nga ang kanilang mga mukha ay ‘di
nila alintana ang nakasusulasok na
amoy. Masayang-masaya ang
dalawa. Walang sagabal sa kanilang
paglalaro dahil lahat ng tao ay
nagkulong na lang sa kani-kanilang mga tahanan upang hindi malanghap
ang nakasusulasok na amoy.
“Sana ganito lagi no? Para pag naghahabulan tayo, walang sasakyan o
taong maaari tayong mabangga,” sabi ni Face.

“Oo nga! Sana ay magtagal pa ang amoy na iyon para ‘di sila lumabas
ng kanilang mga bahay,” sagot naman ni Mask.

At sabay na nag-apir ang dalawa, sabay tumawa nang malakas.

Madalas na sakit sa ulo ng mga magulang sina Face at Mask dahil sa

taglay nilang kakulitan. Walang ibang inatupag kung hindi ang maglaro.
Pati ang pag-aaral ay hindi na makuhang seryosohin dahil ang tanging
gusto lamang nila ay maglaro nang maglaro. Hindi nila namalayan ang oras.
Dumidilim na pala. Nagtanggal sila ng takip sa mukha dahil wala naman na
silang pagtataguan pa.
Kanina pa palang umaga ang huling kain nila ng kanin at ngayon nga
ay ikapito na ng gabi.

Hindi ininda ng dalawa ang gutom na kanilang nararamdaman.

Kaya’t patuloy silang naglaro nang walang humpay hanggang sa sila ay
napagod. Natapos na naman ang isang buong araw ng dalawa na puro laro
at ‘di alintana ang masangsang na amoy sa paligid, bagkus ay natutuwa pa
sila sa nangyayari dahil mas malaya silang gumalaw.

5
 “Mga anak, Face at Mask, anong oras na? Umuwi na kayo baka kayo
ay hinahanap ng inyong mga magulang”, ang sabi ng isang matandang
babae. Bigla ay napalingon ang dalawang bata sa pinanggalingan ng boses.
Tiningnan nila ito at napakunot ang noo nila dahil ngayon lamang nila
nakita ang matandang babae kaya naman sinagot nila ito nang pabalang.
“Ang mga magulang nga namin ay hindi kami pinauuwi, ikaw pa kaya?”
ang sagot ni Face sa matandang babae.

“Oo nga! Wala kayong pakialam! Gusto pa naming maglaro eh! Kayo
ang umuwi na’t matulog. ‘Wag ninyo kaming pakialaman.” ang tugon
naman ni Mask.

“Aba! Kayo na nga lang ang aking inaalala, ganyan pa ang inyong
isasagot! Wala kayong galang! Simula bukas ay hindi na kayo
makakapaglaro. Hindi na kayo makikita pa ng inyong mga magulang.”
pagalit na wika ng matanda kina Face at Mask.
Tumawa lamang si Face at si Mask sa sinabi ng matandang babae.
Maya-maya’y may lumabas na puting usok at biglang naglaho ang matanda
kasabay nang pagkawala rin nina Face at Mask.

Isang umaga, nagtaka ang

mga tao kung bakit wala nang
batang naglalaro sa paligid.
“Face! Anak! Nasaan ka na?”
wika ng ina nito. “Nawawala rin
si Mask!” sigaw ng kapatid nito.
Sunod-sunod na pagtawag ang
maririnig ngunit walang Face at
Mask ang tumutugon.
Nagkagulo
na ang buong nayon kung kaya’t nagpasiya na ring lumabas ang mga tao
upang tumulong sa paghahanap sa dalawang bata. Sa paglalakad ng isang
ale ay may nakita siya sa kalsada na dalawang telang kakulay ng damit na
suot nina Face at Mask nang huli silang makita.
“Ano ito?” tanong niya sa sarili. Binaligtad at sinipat-sipat niya kung
paano ba iyon gamitin at kung saan ba iyon magagamit. Hanggang sa
ginulat siya ng isang kapitbahay at sa ‘di sinasadya ay aksidente niya itong
naipantakip sa kaniyang ilong.
“Aba! Iyan pala ang solusyon upang hindi na natin malanghap pa ang
nakasusulasok na amoy na iyon, na tila ba hindi maubos-ubos,” wika ni
Aling Beka.

6
 Dali-dali silang dinumog ng mga kapitbahay at tiningnan kung ano
ang nakita ng dalawang ale. Sinipat din nila kung paano ba gawin iyon
upang may pantakip na rin sila sa kanilang mga ilong upang hindi na
tuluyang maamoy ang mabahong paligid.
Nang lumaon, tinawag nila
itong Face Mask dahil simula noon ay
hindi na nila nakita pa ang dalawang
batang naglalaro sa lansangan.
Hinala nila na ang bagay na nakita ay
walang iba kundi ang dalawang
batang mahilig maglaro nang
nakatakip ang mukha.

Pag-unawa sa Binasa

1. Ano ang dahilan kung bakit napapagalitan sina Face at Mask?

2. Bakit nagkakagulo ang mga tao sa nayon?
3. Kung ikaw ang nasa kalagayan nina Face at Mask, nanaisin mo pa rin
bang maglaro sa kabila ng nangyayari sa inyong nayon?
4. Bakit tinawag na Face Mask ang nakita ni Aling Beka?
5. Bakit kinakailangang sumunod ang mga anak sa magulang?

Suriin

Nagustuhan mo ba ang kuwentong, “Ang Alamat ng Face Mask”?

Napansin mo ba ang mga salitang ginamit dito? Alam mo ba kung ano ang
naitulong nito upang maayos na mabuo ang isang alamat? Ang mga salitang
ito ay tinatawag na Pang-abay.

Ngayon ay mas palalawakin pa natin ang iyong kaalaman tungkol sa

pang-abay at iba’t ibang uri nito. Halika’t simulan mo na!

Ano ang Pang-abay?

Ang pang-abay ay bahagi ng pananalitang nagbibigay-turing sa

pandiwa, pang-uri, o kapwa pang-abay.

7
Mga uri ng pang-abay:
1. Pang-abay na pamanahon – n agsasaad kung kailan naganap,
nagaganap o magaganap ang kilos na taglay ng isang pandiwa sa
pangungusap. Mayroon itong tatlong (3) uri: may pananda, walang
pananda, at nagsasaad ng dalas.
May Pananda
Halimbawa: nang, sa, noon, kung, kapag, tuwing, buhat, mula,
umpisa, hanggang
a. Paalis na kami nang siya ay dumating.
b. Nagpipintura kami sa tanghali.
c. Aawit ako, kung aawit ka rin.
d. Maglalaba tayo kapag sumikat ang araw.
e. Laging nakatakip ang kanilang mga mukha upang hindi sila
makilala ng kanilang magulang sa tuwing hahanapin sila para
tapusin ang pagsasagot sa kanilang mga modyul.
Walang Pananda
Halimbawa: kahapon, kanina, ngayon, mamaya, bukas, sandali
a. Sumayaw kami kahapon sa palatuntunan.
b. Kanina pa sila umalis.
c. Ngayon mo na puntahan si Mareng Winnie.
d. Bukas mo na dalhin ang modyul.
e. Sandali na lamang at aalis na tayo.
Nagsasaad ng Dalas
Halimbawa: araw-araw, tuwing, taon-taon
a. Kailangan mong maligo araw-araw.
b. Tuwing umaga ay naglalaro sila Face at Mask.
c. Nagbabakasyon kami sa Hongkong taon-taon.
d. Linggo-linggo kung mamili ng paninda si Aling Fe.
e. Oras-oras kung magdasal ang mga madre.

2. Pang-abay na panlunan – nagsasaad ng lugar kung saan naganap

ang pangyayari. Ito ay nagsasabi kung saan ginawa, ginagawa, at
gagawin ang kilos sa pangungusap. Tumutukoy rin ito sa pook na
pinangyarihan o pangyayarihan ng kilos.
Ilan sa mga halimbawa ng pananda sa pang-abay na panlunan
ang mga salitang sa, kina o kay.

8
 Samantala, ginagamit ang sa kapag ang kasunod ay isang
pangngalang pambalana o isang panghalip. Ang kay at kina naman ay
ginagamit kapag ang kasunod ay pangngalang pantangi ng isang tao.
Halimbawa:
a. Buksan mo ang pinto sa kusina.
b. Ibinigay ni Mariel sa kapatid ang hawak niya.
c. Pag-aaralin kita kung sa Maynila ka magtitira.
d. Pumunta sa bayan ang mag-asawa.
e. Pakikuha kina Berto ang bayad sa bangus.
f. Kina Amiel at Ariel ang mga prutas na ito.

3. Pang-abay na pamaraan – naglalarawan kung paano naganap,

nagaganap, o magaganap ang kilos na ipinahahayag.
Ilan sa mga panandang ginagamit upang matukoy ang mga
pang- abay na pamaraan ay ang: nang, na, at -ng.
Halimbawa:
a. Lumakad ako nang matulin upang abutan ka.
b. Nagsagot ako nang buong husay sa pagsusulit.
c. Kumain ako nang mabilis para makausap ka.
d. Matamis na ngumiti ang dalaga sa akin.
e. Tanghali nang nagising sina Face at Mask.

Narito naman ang mga salitang pang-ugnay na hudyat ng

pagkakasunod-sunod ng mga pangyayari.
Sa pagsisimula: una, sa umpisa, noong una, unang-una
Sa gitna: ikalawa, ikatlo, sumunod, pagkatapos, saka
Sa wakas: sa dakong huli, wakas

9
 Pagyamanin

Gawain 1: #Hagdan ng Kuwentong Inihanay!

Panuto: Gamit ang mga angkop na pang-ugnay na hudyat sa
pagkakasunod- sunod ng mga pangyayari, buuin ang Story Ladder ng
akdang, “Ang Alamat ng Face Mask.” Pumili sa loob ng kahon at isulat ito sa
hiwalay na sagutang papel.

Una, Sa umpisa, noong una, unang-una

Gawain 2: #LikhangUsap!
ikalawa, ikatlo, sumunod, pagkatapos,
Panuto: Gamit ang mga pang-abay na pamanahon, panlunan at pamaraan
saka
bumuo ka ng sarili mong Sa wakas, sa dakong huli, wakas
pangungusap.

1.

2.

3.

4.

5.

Gamitin ang mga gabay sa pagsasagot ng pagsasanay sa ibaba. Isulat

ito sa hiwalay na papel.

A. Pumili sa kahon ng limang (5) salita at tukuyin kung anong uri

ito ng pang-abay.
B. Gamitin ang iyong napiling mga salita sa sariling pangungusap.

1
 Mga Pang-abay

buhat mamaya palakad umpisa sa bahay

kanina nang pasigaw araw-araw sa plaza

1.
.
2.
.
3.
.
4.
.
5.
.

Gawain 3: #LikhaAlamat

Panuto: Gamitin ang angkop na pang-ugnay na naghuhudyat ng

pagkakasunod-sunod ng mga pangyayari at dugtungan ang mga pahayag
upang makabuo ng isang maikling alamat. Isulat ito sa hiwalay na papel.

Noong araw,

Makalipas ang ilang araw,

Mula noon,

1
 Isaisip

Isang pagbati sa’yo mahal kong mag-aaral dahil sa iyong masigasig na

pagsagot sa ating mga pagsasanay. Sa bahaging ito, inaasahan ko pa ring
ipagpapatuloy mo ang pagtitiyaga upang matagumpay mong matapos ang
iba pang mga gawaing inihanda para sa iyo.

Panuto: Dugtungan ang mga pahayag sa ibaba upang mabuo ang diwa nito.
Gawin ito sa hiwalay na papel.

Pang-ugnay
Pang-abay
Mahalaga ang paggamit ng pang-ugnay upang
Ang pang-abay ay bahagi ng pananalitang
.
.

Isagawa

Mahusay! Alam kong malalim na ang iyong kaalaman tungkol sa

alamat at sa iba’t ibang uri ng pang-abay at mga pang-ugnay. Sa puntong
ito, ikaw pa rin ang bida. Ikaw naman ang susulat ng iyong sariling alamat
gamit ang iyong mga natutuhan.
Panuto: Gamit ang mga pang-abay na pamanahon, panlunan at pamaraan,
lumikha ng isang alamat tungkol sa inyong lugar. Pagsunod-sunurin ang
mga pangyayari gamit ang angkop na pang-ugnay.

Goal (Layunin)
Nakasusulat ng isang alamat na nagagamit ang mga pang-abay na
pamanahon, panlunan at pamaraan na may hudyat ng pagkakasunod-
sunod ng pangyayari.

1
Role (Gampanin)
Ikaw ang napili bilang kinatawan ng inyong lugar sa gaganaping
patimpalak sa pagsulat ng alamat na may temang, “Rehiyon Tatlo,
Ipagmalaki Mo!”
Audience (Manonood)
Mga kapwa Pilipino.
Situation (Sitwasyon)
Bilang kinatawan ng inyong lugar, ikaw ay naatasang magbahagi ng
kakaibang bagay na tampok sa inyong lugar.
Product (Produkto)
Isang alamat tungkol sa kakaibang bagay na makikita sa inyong lugar
na siyang kikintal sa mga mambabasa.
Standard (Pamantayan)

Rubrik sa Pagmamarka ng Alamat

Masining na nailahad ang konseptong alamat 5 puntos

Organisado ang pagbabanghay/

pagkakasunod-sunod ng pangyayari 5puntos

Nakagamit ng lima o higit pang uri ng pang-abay 5 puntos

Wastong gamit ng mga salita at naaangkop sa sulatin 5 puntos

Kabuuang Puntos 20 puntos

Tayahin
Magaling! Ngayon ay natapos ka ng magsulat ng sarili mong alamat.
Kumusta? Marahil ikaw man ay namangha sa taglay mong husay. Matapos
mong magsulat, sagutin mo ang mga sumusunod na katanungan. Ngayon
pa lamang ay binabati na kita sa iyong husay na ipinakita.

Ang gawaing ito ay inihanda upang masukat ang mga kaalamang

iyong natutuhan sa modyul na ito.

1
1-5 Panuto: Basahin at unawain ang mga sumusunod na pangungusap.
Isulat sa iyong sagutang papel ang letra ng tamang sagot.
1. Magbabasa tayo ng aklat araw-araw upang madagdagan ang ating
kaalaman. Ano ang pang-abay na ginamit sa pangungusap?
A. ating C. tayo
B. upang D. araw-araw

2. Bukas mo na ibalik ang aking payong. Ano ang pang-abay na

ginamit sa pangungusap?
A. aking C. ibalik
B. bukas D. mo

3. Linggo-linggo kung mamili ng paninda si Aling Fe. Ano ang pang-

abay na ginamit sa pangungusap
A. kung C. si
B. ng D. lingo-linggo

4. Sasama ako sa pagsundo kung sasama ka. Ano ang pang-abay na

ginamit sa pangungusap?
A. ako C. kung sasama
B. sa D. sasama

5. Buhat nang dumating ang kaniyang kasintahan ay nag-iba na ang

kaniyang pag-uugali. Ano ang pang-abay na ginamit sa
pangungusap?
A. kaniyang pag-uugali C. nag-iba na
B. kaniyang kasintahan D. buhat nang dumating

6-10 Panuto: Punan ng wastong pang-ugnay ang bawat pangungusap

upang mabuo ang diwa ng talata.

6. , masaya at malaya pa ang mga tao, lahat ng naising

gawin ay kanilang nagagawa dahil wala pang pandemya. Ngunit
habang tumatagal ay nag-iba na ang ikot ng mundo. Unti-unti nang
naiba ang mga nakagawian ng mga tao.
A. noong una C. una
B. simula una D. unang-una

7. , ipinagbawal ang paglabas ng bahay sa mga kabataang

nasa edad 15 pababa at ang matatandang nasa edad 60 pataas dahil
sila ang mas madaling dapuan ng sakit.
A. Una C. ikatlo
B. ikalawa D. ikaapat

1
 8. , sa paglabas ng bahay ay nararapat na magsuot ng
face shield at face mask upang maprotektahan ang sarili sa banta ng
COVID-19.
A. una C. ikatlo
B. ikalawa D. ikaapat

9. , palaging maghugas ng kamay at mag-alcohol bago at

pagkatapos humawak ng anomang bagay.
A. una C. ikatlo
B. ikalawa D. ikaapat

10. , panatilihin ang distansya sa ibang tao tuwing lalabas

ng bahay at palaging baunin ang disiplina sa sarili upang maiwasan
ang paglaganap ng virus
A. pagkatapos C. sa wakas
B. B. sumunod D. sa dakong huli

Karagdagang Gawain

Mahusay, mahal kong mag-aaral! Binabati kita dahil sa iyong

ipinakitang determinasyon upang masagutan ang lahat ng gawaing
inihanda para sa iyo. Labis akong nagagalak dahil alam kong baon mo ang
iyong mga naging karanasan at kaalaman upang makabuo ka ng sarili
mong alamat.

Bilang pagtatapos na gawain, inaasahan kong makapagsasaliksik ka

ng iba pang alamat at iyong tukuyin ang mga pang-abay at pang-ugnay na
ginamit sa kuwento. Isulat ito sa hiwalay na papel.

1
 Susi sa Pagwawasto

Sanggunian
Peralta, Romulo et al. (2014), Panitikang Asyano 9 Meralco Avenue, Pasig
City.Department of Education- Instructional Materials Council
Secretariat (DepEd-IMCS).

https://www.slideshare.net/aldacostinmonteciano/pangabay-na-
pamanahon