Intro: Magandang Umaga po sa ating lahat!

Ako nga pala si Ace, Ako naman SI Kristina

Cassandra at ako naman si Kaye Cea. Narito po kami sainyong harapan upang talakayin ang
leksyon natin sa araw na ito.

Ito ay tungkol sa pakikilahok at bolunterismo.

Pero bago tayo dumako sa ating talakayan, maaari bang basahin niyo itong mga alituntunin
na dapat sundin. Sabay-sabay…………
Naunawaan niyo ba ang inyong binasa? Mabuti naman kung ganun.

Motivation:
Sinu-sino sainyo ang nakaranas ng mag-boluntaryo sa isang mapagkawanggawang
Samahan na ang natatanging pakay ay magserbisyo sa mga nangangailangan? Itaas
ang kamay. (Kung meron: palakpakan natin ang ating sarili ng limang beses)

Pamilyar ba kayo sa linyang “No man is an Island, No man can Stand Alone” mula sa
tulang isinulat ni John Donne?

Ito ay tanyag na katagang alam ng karamihan na ang ibig sabihin sa tagalog ay: “Walang
taong nabubuhay ng mag-isa. Ito ang dahilan kung bakit ang tao ay may kapuwa. At dahil
tayo ay may kapuwa, nararapat lamang na tayo ay kumilos ng may pananagutan at
pagmamalasakit sa ating kapuwa.

Tumingin kayo sa pahayag ng babae at lalaki sa larawan at suriin niyo ito.

Sa pahayag ng babae, sinabi nya na natutuwa akong maging bahagi ng Clean Up Drive sa
ating barangay. Makakatulong ako sa paglilinis ng kapaligiran. (Pakibasa sa Slide)

Samantala ang sabi naman ng lalaking ito ay (Pakibasa ang pahag ng lalaki sa slide)

Base sa dalawang pahayag, magkapareho ba ang pananaw nila?

Dapat na sagot: Hindi

Kung kayo ang nasa sitwasyon ano ang magiging reaksiyon niyo kung sabihing
sumali kayo sa Clean Up Drive?Bakit?
Siyempre dapat na matuwa tayo dahil makakatulong tayo para sa kalinisan ng ating
kapaligiran.

 Ang Tao at ang lipunan, ito ay tatalakayin sainyo ni Kaye Cea.

Ano nga ba tayo bilang tao? At ano nga ba ang lipunan?

Ipinanganak ang tao na isang panlipunang nilalang, ang kaganapan ng

kanyang pagkatao ay makakamit niya sa pamamagitan ng pakikipagkapuwa-tao at
pakikilahok sa lipunan. Ang lipunan ang natatanging lugar para sa mga indibidwal
upang makamit ng tao ang kanyang tunguhin.
Ang isang lipunan na sumusuporta at naghihikayat sa iba't ibang anyo ng
pagbo-boluntaryo ay magiging isang lipunan na nagtataguyod din ng kagalingan ng
mga mamamayan nito. Ang pagbo-bolunterismo ay isang pangunahing
pagpapahayag ng ugnayan ng tao, ito ay tungkol sa pangangailangan ng mga tao na
lumahok sa lipunan at pakiramdam na mahalaga sila sa iba.

Atin namang alamin kung ano ang bolunterismo?

(Basahin ang nasa slides)

Ano naman ang pakikilahok?

(Basahin ang nasa sildes)

Paano natin ito makakamit?

Ang pakikilahok ay makakamit lamang kung kinikilala ng tao ang kanyang pananagutan,
mula dito makakamit ang kabutihang panlahat.

Muli, Paano natin makakamit ang pakikilahok?

Ang pakikilahok ay makakamit lamang kung kinikilala ng tao ang kanyang pananagutan

Kapag nakamit ang pakikilahok, ano naman ang makakamit mula dito?
Mula dito makakamit ang kabutihang panlahat.

 Alamin naman natin ang pagkakaiba ng bolunterismo at pakikilahok na tatalakayin

naman ni Ace.

Sa pakikilahok:
Kosiderasyon ang personal na interes o tungkulin.
Kailangan mong gawin dahil kundi, mayroong mawawala sayo.
Halimbawa: ang paglahok sa halalan, paglahok sa pangkatang gawain na pinapagawa
ng guro o paglahok sa pulong ng kabataan sa barangay.

Samantala sa bolunterismo:
Kung hindi mo gagawin, hindi ka apektado, kundi yung iba na hindi mo matutulungan at
sa hindi mo pagtugon, maari kang mabagabag.
Halimbawa: pagtulong sa mga nasalanta ng bagyo, pagbibigay ng pagkain sa pulubi ,
pag- alalay sa kaklase o kakikilalang may kapansanan at pagtulong sa mga
matatandang nahihirapan sa pagtawid

Sa madaling salita:
Ang pakikilahok ay ginagawa para sa personal na interes at tungkulin o pansarili lamang.
Habang ang bolunterismo ay ginagawa ng isang tao ng bukal sa loob at para sa kapuwa.

Tandaan kapag sinabing Pakikilahok, Pansarili at kapag Bolunterismo naman ay

Para sa kapuwa.
  Sa pakikilahok at bolunterismo ay may dapat tayong isaisip na tatalakayin ni Kaye
Cea.

Ano ang Dapat Isaisip?

Isaisip niyo na Hindi lahat ng pakikilahok ay may aspekto ng bolunterismo pero lahat ng
bolunterismo ay may aspekto ng pakikilahok.

Ano ang ibig sabihin nito?

Nangangahulugan ito na Hindi lahat na pakikilahok ay ginagawa natin ng kusa at bukal sa
loob, kadalasan ginagawa lamang ito ng isang tao dahil may gustong mapatunayan sa sarili
o di kaya may hinahangad na kapalit. Samantala ang bolunterismo naman ay laging may
aspekto ng pakikilahok dahil sumasali o nakikilahok tayo ngunit ito ay bukal sa ating loob
at walang hinihinging kapalit. Sa halip ay lagi natin iniisip ang kapakanan ng ating kapuwa.

Bago natin makalimutan, alam niyo ba na may tatlong Ts na dapat makita sa pakikilahok at
bolunterismo?

Anu-ano ang mga ito?

Ito ay ang Panahon o time, talento o talent at kayamanan o treasure.

Time, Talent, Treasure.
Panahon (Time)- ito ay mahalaga sapagkat kapag ito ay lumipas hindi na ito maibabalik.
Kaya kapag may kakayahan tayong gawin ang pakikilahok o bolunterismo ay gawin na
natin.

• Talento (Talent) -Lahat tayo ay may taglay na talento at ito ay iyong

magagamit upang ibahagi sa iba.

• Kayamanan (Treasure)- Sa pagbibigay, hindi tinitingnan ang laki sapagkat

gaano man ito kaliit ang mahalaga ay kusa mong ibinigay ito ng buong puso
para sa nangagailangan.

Ace:
Sa kasalukuyang panahon kung saan tayo ay nakikipaglaban sa isang sakit
na hindi nakikita, dito mas higit na kinakailangan ang pakikilahok at
pagbobolunterismo. Dahil sa Covid- 1 9 maraming mga tao ang nagkakaroon ng
depresyon kung saan ang iilan ay sumakabilang buhay na. Kaya naman humahanap
ang tao ng paraan upang makipag-ugnayan sa iba para maipagpatuloy ang buhay.
Maraming apektado sa krisis na ito ngunit sa kabilang banda may mga
magagandang aral din itong dala. Tumingkad ang pagbabayanihan ng mga tao,
marami ang nagpakita ng kanilang pagkukusa na makilahok at nagboluntaryo na
tumulong sa higit na nangangailangan. Ang daming nabubuong fund raising projects
at iba’t-ibang samahan o grupo. Ang mga grupong ito ang naghahanap ng mas
mabilisang paraan upang tulungan ang mga pamilyang Pilipino na makaraos sa
araw-araw na pangangailangan.

Ang pakikilahok at bolunterismo ay isang dakilang hangarin ng mga

mamamayan at pagpapasiya bilang pagtugon sa kanilang papel sa lipunan. Sa
pamamgitan nito napananatili ang kaayusan at napagtitibay ang
pakikipagkapuwatao at itaguyod ang kabutihang panlahat.
Ang tunay na diwa ng pakikilahok at bolunterismo ang kailangang makita sa ating
lipunan lalo na sa kasalukuyan.

Tignan nga natin kung may natutunan kayo sa araling aming tinalakay.
Maglabas ng 1/2 sheet na papel.