Professional Documents
Culture Documents
Os Desertos Aparecerán Sen Previo Aviso
Os Desertos Aparecerán Sen Previo Aviso
Os Desertos Aparecerán Sen Previo Aviso
sairemos desta
(se é que topamos a saída)
Ferreira de Patón, e xa chegamos
agora chove menos
moito menos que naqueles días
nos guindastres a choiva énchese dos balbordos dos corpos dos operiarios
e Vigo vive e móvese e expándese por entre a ferruxe
Ferreira de Patón
e a rúa Lois Pereiro
o centro de saúde Lois Pereiro
a estatua Lois Pereiro
chaqueta de coiro vella
roída pola néboa
estamos vivos
maniquíes doutro tempo
doutra tarde
doutro espanto
corpos magullados
queimados
pola salitre e o sol
infernos prelados
melocotóns en almibre
é o único que queda para o almorzo
das tres da mañá
e dicías
e dicías.....
xa non chega a auga para enchouparnos as botas
como o facía antes en días de inverno
agora todo é seco
todo é árido
e a calor abafa como vrao de agosto, sen tormentas
sen choivas que aclaren os ollos cheos de pó
acedo
a humidade fíxose
pó
e o pó, regueiros de sangue calcinada
as antenas da tv
solitarias
espertan ó alba
averdentada
e un cheiro a bile
percorre os campos cheos de fume
e máis inverno
e refrescar as serpes
os corpos mancados pola névoa da brisa que queima
invocar furacáns
invocar tormentas
invocar neves
para que volvan crecer verdencentes prados
cantar paxaros
e a frauta nos soutos
outra vez
soprar
e o canto
e o berro
e a sede
que martela teu alento
seco
e alimentan o fume das fogueiras
o cheiro a inverno invande os pulmóns
noctámbula semellas
nesta noite de escuma
negra
teu cantar de espanto
o silencio que todo o enche
de frio
en sol ardente
teu calor
teu calor
e todo é susto
e imprevistos
as chaves polo chan, as patacas a rolos entre os semáforos sen luces
podres, cheas de ácaros
e ó final da estrada
unha bola de fútbol pinchada
que arrastran as crianzas, os pés descalzos
xa non hai ceas na mesa
nin sopa os domingos
só queda os melocotóns en almibre
e a espiña do peixe
dun futuro incerto
que afia lembranzas
desafiando o presente
antes da metralla
antes dos arames
antes da fame
antes da desolación, antes
e ti pechaches os ollos
sen que eu te puidera debuxar
a herba verde que se albiscaba alén de mar
os ruieros de fiestras de cores
o tintiear dos barcos amarrados no peirao
a brisa sacudindo o po das areas
e os bicos das cerceiras, doce mes de maio