IRING NI IKING Sinulat ni: Fellen B. Llanos Gidibuho ni: Joan B. Monter
Si Inting ang Intelehenteng iring ni
Iking. Pinangga ug inatiman kini ni Iking sama sa usa ka igsoon. Ligoon ug pakan-on kini niya. Inag human sa mga trabahoon sa panimalay, iyaha kini tudloan matag-adlaw sama sa pag-amin sa kamot, pagdagan dagan gokod kaniya ug pagtindog gamit ang duha ka mga tiil. Usa ka buntag niana samtang nagtak-ang si Mama Imarie sa kan-on, nagluto usab kini og itlog ug piniritong isda. Gibutang ra kini ni Mama Imarie sa lamisa nga anaa si Inting sa ilawom sa bangko. Meow! Meow! Meow! wala kini hilabti ni Inting bisan paborito kaayo niya ang piniritong isda. Dong Iking ari na mangaon nata “tawag ni mama” Oo ma, Salamat ma “tubag ni Iking” Sa wala pa sila nangaon ni Mama Imarie iyaha sa gilainan daan si Inting. Gibutangan niya og kan-on, ulo ug ikog sa isda sa iyahang kaugalingong pagkaonan. Meow! Meow! Meow! Nikaon dayun si Inting. Malipayon nangaon si Mama Imarie ug si Iking sa lamian ug masustansiyang pagkaon. Pagkahuman og pangaon, nagkaws og tubig si Iking para ipono sa baldi ug nanghugas dayun siya sa ilahang gikan-an. Sama sa naandan ni Iking, iyaha gidula-dula si Inting. Mosunod ug motuman kini kaniya sama sa pagpaamin sa kamot, mo amin usab kini, tawagon sama sa pagsitsit sws, sws, sws dali-dali dayun kini modagan kaniya ug maggukod-gukod silang duha. Makabuhat usab siya sama sa pagtindog gamit ang duha ka mga tiil. Sa pagpanihapon nagsugba si Mama Imarie og isdang Barilis sa ilahang tugkaran. Si Iking nanghugas sa mga lamas sama sa kamatis, sibuyas, sili ug lemonsito para sa ilahang sawsawan. Gikuha ni Mama Imarie ang duha ka isda nga naluto na, gibutang ang plato sa bangko ug ni adto sa sampayan. Apan sa wala damha, nakita ni Inting ang itom nga iro padolong na hapit sa ilahang pultahan sa kawayan nga gate. Nakuratan ug nahadlok si Inting nga makaon ang ilahang panihapon kay nakalimtan ni Mama Imarie ang pagsirado sa kawayang gate. Meow! Meow! Meow! Meow! Meow! Meow! Aw! Aw! Aw! Aw! Aw! Aw! Hapit na gayud makasolod ang itom nga iro. Nidagan og paspas si Inting ug dali-dali gitulod ang kawayan nga gate gamit ang iyang mga tiil ug tungod niini iyahang na sirado ang kawayan nga gate. Meow! Meow! Meow! Meow! Meow! Nakita kini ni Mama Imarie ang pagtulod sa gate gamit ang iyang mga tiil, nidako ang iyang mga mata sa nakita kay wala niya damha ang nabuhat ni Inting. Iyaha kini gisaysay ni Iking, dong nak Iking ka Intelehenteng iring ani ni Inting nak, liwat kaayo nimo. Nahimoot kayo ko dong sa iyahang gibuhat kay wala nakaon ang atong panihapon sa itom nga iro “sugyot ni Mama Imarae” Mao ba ma, nalipay pag-ayo usab ako mama sa nabuhat ni Inting ug daghang salamat sa pagdayeg “tubag ni Iking” Bisan si Iking nahingangha sa gibuhat ni Inting. Ka maayo gud nimo Inting! Maayo kaayo ang imong gibuhat permintiha kana ha “Sulti ni Iking ni Inting” Meow! Meow! Meow! Iya kini gikisan ug gipakaon dayun sa iyahang paboritong pagkaon nga ang ulo ug ikog sa isda.