TATA IBADAH MEMASUKI RUMAH

KEL. L. SITANGGANG/BR. SITOHANG

GKPI JATI BARU – RESORT SERDANG II

RABU, 19 AGUSTUS 2020
 TATA IBADAH MEMASUKI RUMAH
KEL. L. SITANGGANG/BR. SIHOTANG
RABU, 19 AGUSTUS 2020
---------------------------------------
DI ALAMAN
(Sude keluarga dohot undangan nunga marpungu di jolo ni bagas na naeng
masuhan. Nunga dipersiaphon hinan na mardomu tu ulaon i)
1. Marende BE. No. 188:1, 5 (jongjong mangadop tu pintu ni bagas)
1. Jahowa Siparmahan au, ndang hurang manang aha. / Ai nasa jea dipadao
do sian dorbiaNa. / Tongon dibaen na lomak i, lao pangoluhon
tondingki, / dibaen asi rohaNa.
5. Tongtong do denggan ni basaM jambarhu di ngolungku. / Tongon do asi
ni rohaM mangihut di langkangku. / Dung i dung suda bohalhi, sai
ingananhu jabuMi, / saleleng ni lelengna.
2. Mambuka Pintu
(Dipasahat ma kunci ni bagas tu Pandita, dungi dibuka ma pintu i, huhut
ma di dok:...) ”Huungkap ma pintu ni bagasan Goar ni Debata Ama, dohot
Goar ni AnakNa Tuhan Jesus Kristus, dohot Goar ni Tondi Parbadia, gabe
bagas parmianan jala parsaoran dibagasan dame dohot las ni roha. Amen!

Laos Marende BE.No.18:1

1.Ungkap bahal na umuli, bagas ni Debatangku
Ai tusi do au naeng muli, ganup jumping Minggu i
Hulului do disi, bohi ni Debatangki.

---(masuk tu bagas laos hundul, jala diuduti ma tu acara kebaktian)---

1. Marende No. 18 : 2, 3
2. Nunga ro au o Tuhanhu, ro ma Ho tu au muse. / Ai di bagas ingananMu
las ni roha do sude. / Sai bongoti rohangkon, baen ma joroMi dison.
3. Sai pantun pangalahongku maradophon bohiMi. / Sai suruhon tu
rohangku Tondi Porbadia i. / Asa sai tongtong ture tangianghu, ende pe.

2. Votum-Introitus
U : Ianggo Pangurupion di hita I ma dibagasan goar ni Jahowa, Sitompa
langit dohot tano on do.
H : Amen
 U : Molo so Jahowa paulihon bagas, loja sambaing do angka
namamandei!
H : Molo so Jahowa marhal huta I, ndang marniula hadudungo ni parhal.
Haleluya !
U : Marhite hapistaran pinajongjong sada bagas, jala dipahot do i marhite
roha hapantason.
H : Jala marhitehite parbinotoan, gok angka bilutna dohot ugasan
marragamragam angka na arga jala na uli.
P : Martangiang ma hita. Mauliate dipasahat rohanami tu Ho Debata
Amanani, ala asi dohot holong ni rohaM na mandongani jala
mangaramoti daging dohot tondinami. Diloas Ho do jongjong bagas
on sian na mamungka sahat ro di na mamasuhi. Ale Tuhan, ramoti
jala horasi ma hasuhutonnami, baen ma bagas on gabe bagas inganan
ni dame dohot hasonangan manang ise pe na mian dohot na bongot tu
bagas on. Sai parrohai ma pangisi ni bagas on asa dipangke bagas on
tu angka ulaon na denggan bahen hasangapon di goarMu. Jalo ma
tangiangnami on marhitehite Jesus Kristus Tuhannami. Amen.

3. Marende No. 115 : 1, 3

1. Tuhan Debata sai ramoti ma / daging dohot tondinami, i do
pangidoannami; / sai pahipas be hami on sude.
3. Sai parbadiai, sai tongtong rajai. / Ale Tondi Porbadia, rohanami asa ria, /
mangoloi hataM hombar tu rohaM.

4. Manjaha Ayat : 5 Musa 28:2-6

P : Songgop ma huhut tu sude angka pasupasu on jala pasahatonna tu ho,
H : Molo ditangihon roham, soara ni Jahowa Debatam
P : PasupasuonNa ma ho dibagasan huta,
H : PasupasuonNa ho huhut di ladang.
P: PasupasuonNa parbue ni bortianmi dohot parbue ni tanomi,
H: PasupasuonNa ma sinur angka dorbiam, lombum dohot birubirum.
P: PasupasuonNa ampangmu dohot pangudianmu.
H: PasupasuonNa ho laho bongot, jala pasupasuonNa ho laho ruar.
P : Ima sahatna. “Martua ma angka na manangihon Hata ni Debata,
naumpeopsa jala na mangulahonsa.
H +P : Amen!
5. Marende No. 160 : 3
3. Rajai ma hami sai tongtong, pasaor tu rohanami on dameM o Tuhannami.
/ Marhitehite TondiMi ingani rohanami be huhut patogu hami. / Dao ma
bada sian hami, jabunami baen inganan / pardamean, hasonangan.

6. Jamita

7. Marende BE. No. 463:1

1. PasupasuM tongosonMu i do didok HataMi
Suru TondiM na badia, bosur ma baen rohangki
HagogoonMu songgop ma tu rohangkon
Unang sai holan manetek, gohi sandok diringkon

8. Tangiang Pangondianon

9. Marende No. 403 1

1. Pos rohangku di Tuhanhu, ndang tarbaen tarhirim au. /On do tongtong
tangiangku: tu lambungMu au patau. / Lobi pos do rohangku, sai
patulusonna i, boanonna au tusi.

10. Ayat Pelean : Psalm 30:5

11. Tangiang Pelean

12. Ende Pelean No. 267:3

3. Sude hupasahat tu Ho Ai Ho nampunasa hian
Tongtong au marguru tu Ho
Ai Ho ale Jesus Sihophop sudena Nampuna au on
Ai Ho ale Jesus Sihophop sudena Nampuna au on

13. Tangiang Panutup: Ale Amanami + Pasupasu.