MGA NAGAPASUNOD

NGA HILIKUTON SA MISA

HILIKUTON SA PAGSUGOD
Sa tapos sang Kalantahon sa Pagsulod, ang pari kag ang mga tumuluo nagapabilin nga nagatindog
kag nagapanguros samtang ang pari nga naga-atubang sa mga tumoluo, nagasiling:

P: Sa ngalan sang  Amay, kag sang Anak

kag sang Espiritu Santo.
Ang mga tumoluo nagasabat:

Amen.
2. Dayon ang pari, samtang ginadupa niya ang iya mga kamot, nagatamyaw sa mga
tumoluo paagi sa sining mga masunod:

P: Ang Ginoo yara sa inyo.

Ang mga tumoluo nagasabat:

Kag yara man sa imo.

Ang Obispo, sa baylo sang ‘Ang Ginoo yara sa inyo,’ sa sining nahauna nga
panamyaw, nagasiling:

Obispo: Ang Paghidaet yara sa inyo.

BULUHATON SA PAGHINULSOL
4. Dayon nagasunod ang Bulohaton sa Paghinulsol sa diin ang pari nagaagda sa mga
tumoluo nga nagasiling:

Mga utod, kilalahon naton ang aton mga sala

agod nga mangin takus kita sa pagselebrar
sining balaan nga mga misteryo.
Dayon nagahipos sing makadali. Sa tapos sini ang tanan dulungan nga nagasiling
sang masunod:

Nagakompesar ako sa Dios nga

makagagahom sang tanan kag sa inyo,
mga utod, kay nakasala ako nga tuod sa
hunahuna, sa pulong, sa buhat,
kag sa pagpatumbaya.
Diri ginapukpok ang dughan:

Sa akon sala, sa akon sala,

sa akon daku nga tuod nga sala.
Tapos nagapadayon sa pagsiling:

Busa, nagaampo ako kay Santa Maria Birhen

gihapon, sa tanan nga mga Angheles kag mga
Santos kag sa inyo, mga utod,
ig-ampo ninyo ako sa aton Ginoong Dios.
Ang absulosyon ginahatag sang pari:

P: Kabay nga maluoy sa aton ang Dios

nga makagagahum sang tanan
kag sa napatawad na ang aton mga sala,
tuytoyan kita Niya padulong sa kabuhi
nga wala sing katapusan.
Ang mga tumoluo nagasabat:
Amen.
6. Ginasunod ang ‘Ginoo, maluoy ka sa amon’ kon wala ini ginasiling sa pormula sang
Bulohaton sang Paghinulsol:

P. Ginoo, maluoy Ka sa amon.

T. Ginoo, maluoy Ka sa amon.

P. Kristo, maluoy Ka sa amon.

T. Kristo, maluoy Ka sa amon.

P. Ginoo, maluoy Ka sa amon.

T. Ginoo, maluoy Ka sa amon.

HIMNO SANG PAGDAYAW

8. Dayon ginakanta ukon ginapangadi ang Himno sang Pagdayaw kon ini ginasugo:

Himaya sa Dios sa kahitaasan,

kag sa duta paghidait
sa mga tawo nga Iya nahamut-an.
O Ginoong Dios, Hari nga langitnon,
Dios nga Amay nga makagagahom sang tanan.
Nagadayaw kami sa Imo,
nagapanginbulahan kami sa Imo,
nagasimba kami sa Imo,
nagahimaya kami sa Imo,
nagapasalamat kami sa Imo,
bangud sang daku Mo nga himaya.
O Ginoong Jesukristo, Bugtong nga Anak,
Ginoong Dios, Kordero sang Dios, Anak sang Amay
Ikaw nga nagawala sang mga sala sang kalibutan:
maluoy Ka sa amon.
Ikaw nga nagawala sang mga sala sang kalibutan:
batuna ang amon pag-ampo.
Ikaw nga nagalingkod sa tuo sang Amay,
maluoy Ka sa amon.
Tungod kay Ikaw lamang ang Santo,
Ikaw lamang ang Ginoo,
Ikaw lamang ang Labing Mataas,
O Jesukristo, upod sa Espiritu Santo
sa himaya sang Dios nga Amay. Amen.
9. Pagkatapos sang Himno sang Pagdayaw ang pari nagatakop sang iya mga kamot nga nagasiling:

Mangamuyo kita.

O Dios nga ginagikanan sang kaisog sang

Imo mga Santos, Imo gintawag sanday San
Pedro Bautista kag ang iya mga kaupdanan sa
pag-angkon sang kabuhi paagi sa kamatayon
sa krus. Itugot nga paagi sa ila mga pag-
ampo kami man magapabilin nga malig-on
tubtob sa kamatayon, sa pagtuo nga amon
ginapahayag.

Ginapangayo namon ini sa Imo paagi kay

Jesukristo, Imo Anak kag amon Ginoo, nga
nagakabuhi kag nagahari sa Imo sa kaisahan
sang Espiritu Santo, Dios, sa tanan nga mga
tuig sang mga katuigan.

Amen.
 LITURHIYA SANG PULONG
INTRODUKSYON SA BALASAHON
May padya ang nagahulat sa mga tawo nga nagkabuhi sang
matarong kag nagakabuhi sa Dios walay sapayan sang mga
pagtilaw nga ila masumalang sa Kabuhi. Amo ini ang
ginahambal sa aton sa sini nga balasahon

NAHAUNA NGA BALASAHON Kaalam 3:1-9

Ang pagbasa gikan sa Libro sang Kaalam.
Yara sa kamot sang Dios ang mga kalag sang mga
matarong kag indi sila makaagum sang bisan ano nga pag-
antus.
Sa panan-awan sang buangbuang sila namatay na, kag
ginakabig nga isa ka malaut nga kapalaran ang ila
pagtaliwan. Daw nadula gid nila ang tanan sa ila pagbulag sa
aton, apang yara na sila sa paghidaet.
Bisan sa panan-awan sang iban ginsilutan sila, apang ang
ila paglaum puno sang kabuhi nga wala sing katapusan.
Pagkatapos sang diutay nga pag-antus madamo gid nga mga
kaayuhan ang ila pagabatunon, tungod gintilawan na sila
sang Dios kag napamatud-an nga nagakadapat sila nga
making-upod sa iya; gintilawan na Nila sila subong sang
bulawan sa kalayo. Kag ginbaton nila sila sang Dios nga daw
sinunog nga halad
Sa tion sang ila pag-abot magadabdab sila subong sang
kalayo nga nagalapta sa dagami. Magahari sila sa mga
pungsod kag magdumala sa katawohan, kag ang Dios ang ila
mangin hari sa walay katapusan.
 Makahangup sa kamatuoran ang mga nagasalig sa Iya
kag ang matinuohon magapangabuhi nga kaupod Niya sa
paghigugma. Tungod natigana para sa iya mga pinili ang Iya
grasya kag kaluoy, kay nagapatunga sia para sa iya pinili.
Ang pulong sang Dios.
S: Salamat sa Dios.

SALMO SA PAGSABAT Sal. 125:1-2ab; 2cd-3; 4-5;6

Ang nagatanum nga nagahilibion, magaani nga may

kalipay.

1. Sang ginpabalik kita sang Ginoo sa Sion, Daw isa lang

yadto ka dalmguhanon! Daw ano ang aton pagkinadlaw
kag pagkinanta sa kalipay!. (S)
2. Dayon ang iban nga pungsod nagsiling nahanugod sa aton,
“Ang Ginoo naghimo sang dalagku nga mga butang sa ila!”
Matuod gid nahimo sia sing dalagku nga mga butang sa
aton, Daw ano kita sadto ka malipayon!. (S)
3. O Ginoo dalha kami pabalik sa amon duta, subong nga
ang Imo ulan nagadala sang tubig pabalik sa mga mamala
nga suba. Himua man nga yadtong nagatanum nga
nagahilibion, Magtipon sang patubas nga may kasadya!
(S)
4. Yadtong mga nagahibi samtang nagaguwa sila nga
nagadala sing binhi, magbalik nga nagakanta sa kalipay
nga nagadala sang ila patubas(S)
INTRODUKSYON SA BALASAHON
Ang mangin sumulunod ni Kristo nagakahulugan sang
pagdula sang kaugalingon paagi sa pagpanaksi sa iya sini kabuhi
sa kabuhi sang Ginoo. Amo ini ang ginatudlo sa aton ni San.
Pablo sa sini nga balasahon.
IKADUHA NGA BALASAHON Gal. 2:19-20

Ang pagbasa gikan sa Sulat San Pablo sa mga taga-Galacia.

Mga utod: kon nahanungod sa kasuguan, patay ako-
ginpatay ako sang kasuguan mismo- agod ang kabuhi ko
mangin para sa Dios. Ginlansang ako sa Krus upod kay
Kristo, gani nga indi na ako ang nagakabuhi, kundi si Kristo
amo ang nagakabuhi sa akon. Ini nga kabuhi nga akon
ginakabuhi karon, ginakabuhi ko paagi sa pagtuo sa Anak
sang Dios, nga nagahigugma sa akon kag naghatag sang iya
kabuhi para sa akon.

Ang pulong sang Dios.

S: Salamat sa Dios.

ALELUYA
Aleluya! Tudlui ninyo ang tanan nga tawo, siling sang
Ginoo, magaupod ako sa inyo sa gihapon tubtob sa
katapusan sang panahon. Aleluya!
EBANGHELYO Mar. 28; 16-20

Ang pagbasa sang Santos nga Ebanghelyo suno kay San

Mateo .
S: Himaya sa Imo, O Ginoo.

Sadto nga panahon: ang onse ka gintutun-an nagkadto sa

isa ka bakulod sa Galilea, sa diin si Jesus nagsiling nga
magkadto sila. Sang makita nila sia, nagsimba sila sa iya,
bisan pa ang iban sa ila nagpangduhadoha. Nagpalapit si
Jesus sa ila kag nagsiling: “Ang bug-os nga awtoridad sa
langit kag sa duta ginhatag sa akon. Gani kadtui ninyo ang
tanan nga mga tawo sa bug-os nga kalibutan kag himua sila
nga mga gintutun-an ko. Bautisohi ninyo sila sa ngalan sang
Amay kag sang Anak kag sang Espiritu Santo, kag tudloi
ninyo sila sa pagtuman sang tanan nga ginsugo ko sa inyo kag
dumdoma gid ninyo ini! Magaupod ko sa inyo sa gihapon
tubtob sa katapusan sang panahon.”

Ang Ebanghelyo sang Ginoo.

S: Dayawon ka, O Ginoong Jesukristo.

HOMILIYA

17. Dayon nagasunod ang Homiliya nga dapat ihatag sang pari ukon sang diakono sa tagsa ka
Domingo kag sa mga piesta nga may obligasyon sa pagsimba; ginapanugyan man nga ihatag ini
sa matag-adlaw nga mga Misa.

HOMILIYA

18. Sa tapos ang Homiliya, ginakanta ukon ginapangadi ang Pagpahayag sang Pagtuo.

19. Sa lugar sang Pagpahayag sang Pagtuo Niceno-Constantinopolitano, labi na gid sa panahon sang
Kwaresma kag Pagkabanhaw, sarang man magamit ang Pagpahayag sang Pagtuo sang Simbahan
Romana nga gintawag man nga iya sang mga Apostoles.
PAGPAHAYAG SANG PAGTUO
KREDO NICENO-CONSTANTINOPOLITANO
[Ini ginagamit sa Panahon sang Adbiento, Pagkatawo, Ordinaryo nga Panahon kag
mga Piesta Solemne sa gwa sang Panahon sang Kwaresma kag Pagkabanhaw.]

Nagatuo ako sa isa lamang ka Dios

Amay nga makagagahom sang tanan,
Magbubuhat sang langit kag sang duta,
sang tanan nga makita kag indi makita.
Nagatuo ako sa isa ka Ginoo nga si Jesukristo
Bugtong nga Anak sang Dios nga gin-anak sang Amay
sa wala pa ang kalibutan, Dios gikan sa Dios,
Kasanag gikan sa Kasanag,
Dios nga matuod gikan sa Dios nga matuod,
gin-anak Sia, wala gintuga, isa sing kinaugali sa Amay.
Paagi sa Iya ang tanan gintuga.
Tungod sa aton nga mga tawo kag tungod sa aton
kaluwasan
nanaog Sia gikan sa langit,
Ang tanan nagaduko samtang ginasiling ang masunod nga duha ka linya.

kag ginpanamkon Sia ni Maria nga Birhen

sa lalang sang Espiritu Santo kag nahimo nga tawo.
Ginlansang Sia sa krus tungod sa aton
sa sugo ni Poncio Pilato; nag-antus kag ginlubong,
kag nabanhaw Sia sa ikatlo ka adlaw suno sa Kasulatan,
kag nagkayab sa langit, naglingkod sa tuo sang Amay.
Kag magakari Sia liwat nga mahimayaon
sa paghukom sang mga buhi kag sang mga Minatay,
kag ang Iya ginharian wala sing katapusan.
Nagatuo ako sa Espiritu Santo
ang Ginoo kag Magbubuhi,
nga nagikan sa Amay kag sa Anak.
Upod sa Amay kag sa Anak
ginasimba kag ginahimaya Sia sing tingob.
Naghambal Sia paagi sa mga propeta.
Nagatuo ako sa Simbahan nga Isa, Santa,
Katolika kag Apostolika.
Nagatuo ako sa isa lamang ka Bunyag
sa kapatawaran sang mga sala.
Nagapaabot man ako sang pagkabanhaw
sang mga minatay kag sang pagkabuhi
nga wala sing katapusan. Amen.
 PANGAMUYO SANG MGA TUMOLUO

LITURHIYA SANG EUKARISTIYA

21. Pagkatapos ang Liturhiya sang Pulong, ginasugoran ang Kalantahon sa Paghalad.
Ginabutang sang mga ministro sa ibabaw sang altar ang korporal, puripikador, kalis
kag ang sakrementaryo.

22. Nagakabagay nga ang mga tumoluo magpakita sang ila pagpakig-ambit sa
paghalad paagi sa pagdala sang tinapay kag bino sa selebrasyon sang Eukaristiya
ukon iban nga mga halad nga sarang magamit sa mga kinahanglanon sang simbahan
kag sang mga imol.

23. Samtang nagatindog ang pari sa altar, iya ginakuha ang patena nga may tinapay
kag sa iya duha ka kamot iya ini ginabayaw sing manubo lang nga nagasilng sa
mahinay nga tingog:

Dayawon Ka, O Ginoo

Dios sang tanan nga mga tinuga,
kay amon ginbaton ining tinapay gikan sa Imo
kaalwan.
Amon ginahalad sa Imo
ining patubas sang duta kag kinabudlayan sang tawo
agod nga mahimo nga tinapay
sang kabuhi nga dayon para sa amon.
Dayon ginabutang niya ang patena nga may tinapay sa ibabaw sang korporal.

Kon wala sing kalantahon sa paghalad sarang masiling sang pari ini nga mga tinaga
sa matunog nga tingog.

Sa tapos sini ang mga tumoluo sarang makasabat:

Dayawon ang Dios sa gihapon.

24. Ang diakono ukon ang pari nagabutang sang bino kag diutay nga tubig sa kalis
nga nagasiling sa mahinay nga tingog:
 Paagi sa misteryo sining tubig kag bino
kabay nga magpakig-ambit kita
sa pagka-Dios ni Kristo
nga nagpakig-ambit sang aton pagkatawo.
25. Dayon iya ginakuha ang kalis kag sa iya duha ka kamot iya ini ginabayaw sing
manubo lang nga nagasiling sa mahinay nga tingog:

Dayawon Ka, O Ginoo, Dios sang tanan nga mga

tinuga, kay amon ginbaton ining bino gikan sa Imo
kaalwan. Amon ginahalad sa Imo ining bunga sang
ubas kag kinabudlayan sang tawo
agod mahimo nga ilimnon nga espirituhanon
para sa amon.
Dayon ginabutang niya ang kalis sa ibabaw sang korporal.

Kon wala sing kalantahon sa paghalad sarang masiling sang pari ini nga mga tinaga
sa matunog nga tingog.

Sa tapos sini ang mga tumoluo sarang makasabat:

Dayawon ang Dios sa gihapon.

26. Dayon ang pari nagaduko kag nagasiling sa mahinay nga tingog:

O Ginoo nga amon Dios,

batuna ang amon kasingkasing nga mahinulsolon
kag ang amon espiritu nga mapainuboson
agod Imo mahamut-an ang sakripisyo
nga amon ihalad sa Imo.
27. Kon ginagamit ang insensaryo, ginainsensaryohan niya ang mga dulot, ang krus
kag ang altar. Dayon ginainsensaryohan sang diakono ukon sang isa ka ministro ang
pari kag ang mga sumilimba.

28. Dayon ang pari nagakadto sa kilid sang altar kag nagapanghinaw sang iya mga
kamot nga nagasiling sa mahinay nga tingog:
 O Ginoo, hugasi ang akon kalautan
kag tinloi ako sa akon mga kasal-anan.
____________________________

29. Tapos, samtang nagatindog sa tunga sang altar, ang pari nga nagaatubang sa
mga tumoluo, naga-untay kag nagatakop sang iya mga kamot kag nagasiling:

Magpangamuyo kamo, mga utod

agod ang akon kag ang inyo sakripisyo
mahamut-an sang Dios,
Amay nga makagagahom sang tanan.
Ang mga tumoluo nagatindog kag nagasabat:

Batunon unta sang Ginoo ang sakripisyo

sa Imo mga kamot sa kadayawan
kag sa kahimayaan sang Iya ngalan,
sa aton man kapuslanan
kag sa bug-os Niya nga Santa Iglesia.

PANGAMUYO SA MGA DULOT

O Amay Sa pagsaulog sang pagkamartir ni San

Pedro Bautista Amon ginahalad sa Imo altar in
inga mga dulot Kag amon ginapangabay Nga
kami nga nagasaulog sang misterio sang
kasakit ni Kristo Mag-ilog man sang amon
ginasaulog karon, Paagi sa amo man nga Kristo
nga amon Ginoo.

Amen.
 ANG PANGAMUYO EUKARISTIKO
31. Ang pari nagapamuno sang Pangamuyo Eukaristiko.
Ginauntay niya ang iya mga kamot kag nagasiling:

P: Ang Ginoo yara sa inyo.

Ang mga tumoluo nagasabat:

Kag yara man sa imo.

Ang pari nagauntay sang iya mga kamot kag nagasiling:

P: Ibayaw ang inyo kasingkasing.

Ang mga tumoluo nagasabat:

Nabayaw na namon sa Ginoo.

Ang pari, sa nauntay gihapon ang iya mga kamot, nagasiling:

P: Magpasalamat kita sa Ginoo nga aton Dios.

Ang mga tumoluo nagasabat:

Takus kag angay gid.

Ang pari, sa nauntay sa gihapon ang iya mga kamot, nagapadayon sa pagpangadi
sang Prepasyo.

PREPASYO (Martir)

Takus kag angay gid, igo kag mapuslanon sa

amon kaluwasan, nga sa gihapon kag sa tanan
nga duog magpasalamat kami sa Imo, O Ginoo,
Santos nga Amay, gamhanan kag walay
katapusan nga Dios.

Tungod kay ang dugo nga gin-ula ni San Pedro

Bautista kag ang iya kaupdanan sa pagbantala
sang Imo ngalan kag sa pag-ilog kay Kristo
 nagapakita sang Imo diosnon nga gahom. Paagi
sa Imo ginhatagan sing kusog ang mga matalaw
sa pagpanaksi nahanungod sa Imo, paagi kay
Kristo nga amon Ginoo.

Gani, upod sa mga tinuga nga langitnon,

ginadayaw namon ang Imo pagkahalangdon
sing walay untat diri sa duta nga nagasiling:

SANTO
Santo, Santo, Santo
ang Ginoong Dios sang mga ehersito.
Puno ang langit kag ang duta sang Imo himaya.
Hosanna sa kahitaasan.
Dayawon ang nagakari sa ngalan sang Ginoo.
Hosanna sa kahitaasan.
Sa tanan nga mga Misa, ginatugot sa selebrante ang pagkanta sang mga importante nga bahin
sang Pangamuyo Eukaristiko.
 IKADUHA NGA PANGAMUYO EUKARISTIKO

100. Ang pari nagauntay sang iya mga kamot kag nagasiling:

Santos Ikaw nga tuod, O Ginoo,

kag tuboran sang tanan nga pagkasantos.
101. Ginatakop niya ang iya mga kamot, kag sa nahumlad niya ang mga ini sa ibabaw
sang mga dulot, nagapadayon sa pagsiling:

Gani, ipadala ang Imo Espiritu,

sa pagpasantos sining mga dulot,
Ginatakop niya ang iya mga kamot, kag nagahimo sing makaisa sang timaan sang
krus sa tinapay kag bino nga nagasiling:

agod nga mahimo ini para sa amon

nga Lawas  kag Dugo
sang amon Ginoong Jesukristo.
Ginatakop niya ang iya mga kamot.

102. Sa masunod nga mga pormula, ang mga pulong sang Ginoo dapat isiling sing
malagway kag maathag suno sa ginapatuman sining mga tinaga.

Sa wala pa sia gintugyan sa kamatayon

nga Iya ginbaton sing kinabubut-on.
Ginakuha sang pari ang tinapay, kag sa nabayaw niya ini sing diutay sa ibabaw
sang altar; nagapadayon sia sa pagsiling:

Iya ginkuha kag ginpamihakpihak ang tinapay

nga nagapasalamat sa Imo,
kag Iya ini ginpanagtag sa Iya mga gintuton-an
nga nagasiling:
Nagaduko sia sing diutay.
 Magkuha kamo tanan kag magkaon sini;
kay ini amo ang akon Lawas
nga igatugyan para sa inyo.
Ginapakita niya ang nakonsagrahan nga Ostya sa mga tumoluo, ginabutang niya
ini sa patena kag nagaluhod sia sa pagsimba.

103. Nagapadayon sia.

Subong man, pagkatapos sang panihapon,

Ginakuha niya ang kalis, ginabayaw ini sing diutay kag nagapadayon sa pagsiling:

Iya ginkuha ang kalis nga nagapasalamatliwat

kag Iya ini ginpalibot sa Iya mga gintuton-an
nga nagasiling:
Nagaduko sia sing diutay.

Magkuha kamo tanan kag mag-inom sa sining

kalis, kay ini amo ang kalis sang akon Dugo;
ang Dugo sang bag-o kag walay katapusan nga
kasugtanan, nga iga-ula para sa inyo kag para sa
tanan sa kapatawaran sang mga sala.
Himoa ninyo ini sa akon handumanan.
Ginapakita niya ang kalis sa mga tumoluo, ginabutang ini sa korporal kag nagaluhod
sia sa pagsimba.

104. Dayon nagasiling sia:

Ang misteryo sang pagtuo.

Ang mga sumilimba nagapadayon nga nagasiling:

Ginabantala namon, O Ginoo,

ang Imo kamatayon, kag amon ginapahayag
ang Imo pagkabanhaw, tubtob sa Imo pagbalik.
105. Dayon, sa nauntay niya ang iya mga kamot, ang pari nagasiling:

Gani, O Amay, amon ginahalad sa Imo

ining tinapay sang kabuhi
kag ining kalis sang kaluwasan,
sa pagsaulog namon sang handumanan
sang pagkamatay kag pagkabanhaw
sang Imo Anak.

Nagapasalamat man kami sa Imo

kay Imo kami ginkabig nga mga takus
sa pag-atubang kag sa pag-alagad sa Imo
sa sining sakripisyo.
Nagapakiluoy kami nga ang Espiritu Santo
magpahiusa sa amon
nga nagaambit sang Lawas kag Dugo ni Kristo.

O Ginoo, dumdoma ang Imo Simbahan

nga nalapnag sa bug-os nga kalibutan;
himpita sia sa paghigugma,
upod sa amon Santo Papa nga si Francisco
sa amon Obispo nga si Patricio
kag sa tanan nga kaparian.
*Kon may Obispo Auxillar, idugang ang masunod: kag ang iya kabulig nga si N., kon
madamo sila: kag ang iya mga kabulig.

Dumdoma ang mga sakop

sining amon katilingban
nga nagtaliwan nga may paglaum
nga mabanhaw sila.
Dumdoma man ang tanan
nga nagkalamatay sa Imo pagkaabyan:
batuna sila sa pagtan-aw
sang Imo mahimayaon nga nawong.

Kaluoyi man kami nga yari diri nagatambong,

agod maambit namon
ang kabuhi nga wala sing katapusan,
magdayaw kag maghimaya kami sa Imo,
upod kay Santa Maria Birhen, Iloy sang Dios,
upod kay San Jose, iya bana,
upod sa mga Apostoles, [kay San Pedro Bautista]
[gina-upod diri ang Patron/Patrona sang parokya/kapilyaniya]
kag sa tanan nga mga Santos
nga nagpahamuot sa Imo,
Ginatakop niya ang iya mga kamot.
paagi sa Imo Anak nga si Jesukristo.
106. Ginakuha niya ang kalis ang patena nga may Ostyas, kag ginabayaw ini samtang
nagasiling:

Paagi sa Iya, upod sa Iya, kag dira sa Iya,

ginahatag sa Imo, O Dios,
Amay nga makagagahom,
sa kaisahan sang Espiritu Santo,
ang tanan nga dungog kag himaya
sa tanan nga mga tuig sang mga katuigan.
Ang tanan nagasabat:

Amen.
Dayon nagasunod ang Hilikuton sa Pagkalawat.
 HILIKUTON SA PAGKALAWAT
124. Matapos mabutang sang pari ang kalis kag ang patena sa korporal, ginatakop niya ang iya mga
kamot kag nagasiling:

Tungod kay ginsugo sang aton Manluluwas

mangamuyo kita sa daku nga pagsalig
suno sa Iya gintudlo sa aton:
Ginauntay niya ang iya mga kamot kag upod sa mga tumoluo nagapangadi:

Amay namon, nga yara Ka sa mga langit;

pagdayawon ang Imo ngalan;
umabot sa amon ang Imo ginharian;
matuman ang Imo pagbuot diri sa duta
siling sang sa langit.
Hatagan Mo kami nian
sing kan-on namon sa matag-adlaw
kag patawaron Mo kami sang mga sala namon
siling nga ginapatawad namon
ang mga nakasala sa amon;
kag dili Mo kami ipadaog sa mga panulay,
hinonoo luwason Mo kami sa kalaut.
125. Samtang ginauntay niya ang iya mga kamot, ang pari lang nagapadayon sa pagsiling:

Luwason Mo kami, O Ginoo,

sa tanan nga kalautan.
Hatagi kami sing paghidait sa amon mga inadlaw.
 Buligi kami agod maluwas kami gihapon sa sala,
kag palig-ona kami sa tanan nga mga palaligban,
samtang nagapaabot kami
sang bulahan nga adlaw nga amon ginalauman
nga magabalik si Jesukristo
nga amon Manluluwas.
Ginatakop niya ang iya mga kamot.

Ang mga tumoluo nagatapos sang pangamuyo dira sa pagsiling:

Kay Imo ang ginharian, ang gahom kag ang himaya

sa mga tuig sang mga katuigan.
126. Dayon ang pari, sa nauntay niya ang iya mga kamot nagasiling sa maathag nga tingog:

P: O Ginoong Jesukristo,
Ikaw nagsiling sa Imo mga Apostoles:
ang paghidait ginabilin Ko sa inyo,
ang Akon paghidait ginahatag Ko sa inyo;
indi pagtamda ang amon mga sala,
kundi ang pagtuo sang Imo Simbahan,
kag, suno sa Imo ginsiling,
hatagi sia sing paghidait kag paghiusa.
Ginatakop niya ang iya mga kamot.

Ikaw nga nagakabuhi kag nagahari

sa tanan nga mga tuig sang mga katuigan.
Ang mga tumoluo nagasabat.

Amen.
127. Ang pari, nagatulok sa mga tawo kag samtang ginauntay kag ginatakop niya ang iya mga kamot,
nagasiling:

P: Ang paghidait sang Ginoo yara gihapon sa inyo.

Ang mga tumoluo nagasabat.

Kag yara man sa imo.

128. Dayon ang pari ukon diakono nagasiling:

Maghatagay kamo sing paghidait.

Ang tanan nagahatagay sing tanda sa paghidait suno sa kinabatasan sa tagsa ka lugar. Ang pari
nagahatag sing tanda sang paghidait sa diakono ukon sa iban nga mga ministro.

129. Sa tapos niya mapihak ang Ostya sa ibabaw sang patena nagakuha sia sing diutay nga tinipik
kag ginabutang ini sa kalis upod ang pagsiling sa mahinay nga tingog:

Kabay nga ang pagsimbuganay

sang Lawas kag Dugo
sang aton Ginoong Jesukristo
magdala sa aton nga nagabaton sini
sa kabuhi nga walay katapusan.
130. Samtang ginakanta ukon ginasiling

Kordero sang Dios,

nga nagawala Ka sang mga sala sang kalibutan,
maluoy Ka sa amon.
Kordero sang Dios,
nga nagawala Ka sang mga sala sang kalibutan,
maluoy Ka sa amon.
Kordero sang Dios,
nga nagawala Ka sang mga sala sang kalibutan,
hatagan Mo kami sing paghidait.
 Ini nga pag-ampo sarang masulit sing makapila kon magdugay ang pagpihak sang Ostya, pero
ang sabat sa katapusan amo mang gihapon: hatagan Mo kami sing paghidait.

131. Dayon ang pari nga natakop ang iya mga kamot, nagapangadi sa mahinay nga tingog:

O Ginoong Jesukristo,
indi pag-itugot nga ang akon pagkalawat
sang Imo Lawas kag Dugo
mangin kabangdanan sang paghukom kag pagsilot sa akon;
kundi, tungod sang Imo kaluoy,
kabay nga mangin kabakod kag bulong ini
sang akon lawas kag kalag.
132. Ang pari nagaluhod. Sa iya pagtindog, ginakuha niya ang Ostya kag ginabayaw ini sing diutay sa
ibabaw sang patena ukon sa ibabaw sang kalis nga ginapakita sa mga tumoluo, kag sa maathag
nga tingog nagasiling:

P: Yari ang Kordero sang Dios nga nagawala

sang mga sala sang kalibutan. Bulahan ang
mga ginadapit sa bangkete sang Kordero.
Kag upod sa mga tumoluo nagasiling sia sing makaisa:

Ginoo, dili ako takus

nga magsulod Ka sa akon puloy-an;
apang imitlang lamang ang isa ka pulong
kag magaayo ang akon kalag.
133. Ang pari nga nagaatubang sa altar, nagasiling sing mahinay:

Kabay nga ang Lawas ni Kristo magdala sa akon

sa kabuhi nga wala sing katapusan.
Dayon, sa daku nga pagtahod, nagakalawat sia sang Lawas ni Kristo.

Dayon, ginakuha niya ang kalis nga nagasiling sing mahinay:

Kabay nga ang Dugo ni Kristo magdala sa akon

sa kabuhi nga wala sing katapusan.
 Dayon, sa daku nga pagtahod, nagainom sia sang Dugo ni Kristo.:

134. Sa tapos ang pagkalawat, ginatinloan sang pari ukon sang diakono ukon sang akolito ang patena
sa ibabaw sang kalis kag ang kalis mismo. Samtang ginahimo ini ang pari nagasiling sa mahinay
nga tingog:

Lawas ni Kristo.
Ang nagakalawat nagasabat:

Amen.
Dayon nagakalwat sia.

Amo mang ang paagi nga gamiton sang diakono kon magpakalawat sia sa mga tumoluo.

135. Kon nahanungod sa pagkalawat sa mga bayhon sang tinapay kag bino, ginasunod ang
seremonya nga ginasambit sa iya kaugalingon nga lugar.

136. Samtang ang pari nagakalawat sang Lawas ni Kristo, ginsugdan ang Kalantahon sa Pagkalawat.

137. Sa tapos ang pagkalawat, ginatinluan sang pari ukon sang diakono ukon sang akolito ang patena
sa ibabaw sang kalis kag ang kalis mismo. Samtang ginahimo ini ang pari nagasiling sa mahinay
nga tingog:

O Ginoo, itugot nga huptan namon sa matinlo nga kalag

ining nabaton sang amon baba,
kag kabay pa nga ining bugay
nga amon nabaton sa sining kabuhi nga dutan-on
mangin mapuslanon para sa amon kabuhi nga dayon.

138. Ang pari nagabalik sa iya pulongkoan. Kon ginapakamaayo, maglingkod ang tanan sa
pagpasalamat sing mahipos sa indi lamang madugay. Sarang man makanta ang isa ka
ambahanon sang pagdayaw ukon ang isa ka Salmo.

139. Dayon ang parin nga nagatindog sa altar, ukon sa lugar sang pulongkuan, nagaatubang sa mga
tumoluo, nagatakop sang iya mga kamot, kag nagasiling:
PANGAMUYO SA MGA DULOT

Mangamuyo kita…

O Dios, Imo ginpasanag ang Misteryo sang

krus paagi sa pagkamatay sang Imo mga
martires. Palig-ona kami paagi sining
sakrispisyo agod mangin matutom kami kay
Kristo kag magpangabudlay man kami subong
mga katapo sang Imo Simbahan para sa
kaluwasan sang bug-os nga kalibutan.
Ginapangayo namon in isa Imo, paagi kay
Kristo nga amon Ginoo..

Amen.
 HILIKUTON SA PAGTAPOS
140. Kon may ara nga mga pahibalo, ginahimo ini sa sini nga tion.

141. Dayon ginahiwat ang pagtapos. Ang pari nagaatubang sa mga tumoluo, nagauntay sang iya mga
kamot kag nagasiling:

P: Ang Ginoo yara sa inyo.

Ang mga tumoluo nagasabat:

Kag yara man sa imo.

Ang pari nagabendisyon sa tumoluo nga nagasiling:

Bendisyonan kamo sang Dios

nga makagagahom sang tanan,
Amay  Anak kag Espiritu Santo.
Ang mga tumoluo nagasabat:

Amen.
142. Sa iban nga mga adlaw sarang magamit ang Bendisyon Solemne ukon ang Pangamuyo para sa
mga Tawo.

144. Dayon ang diakono ukon ang pari mismo, nga nagatakop sang iya mga kamot, nagaatubang sa
mga tumoluo kag nagasiling:

Lakat kamo sa paghidait:

tapos na ang Misa.
Ang tanan nga mga tumoluo nagasabat:

Salamat sa Dios.