H.O.P.E. CHRISTIAN ACADEMY, INC.

Modyul 2.02
FILIPINO 9

WW Score PT Score
PANGALAN: ___________________________________
SEKSYON: _____________________________________
KAUKULANG PETSA: ___________________________

Alamin (Harapan 1)

Mga Layunin:
 Nakapag-aantas ng mga salita (clining) batay sa tindi ng emosyon o damdamin.
 Nakapagpapaliwanag ng mga salitang di lantad ang kahulugan batay sa konteksto ng
pangungusap.
 Nakapagbibigay-puna sa kabisaan ng paggamit ng hayop bilang mga tauhan at
nakapagsusulat muli ng wakas sa pagbago ng karakterisasyon ng tauhan.

Subukin at Balikan
A. Bigyang interpretasyon ang mga larawan. Sagutin ang mga tanong sa ibaba patungkol dito.

1. Anong kaisipan ang makikita sa bawat larawan?

______________________________________________________________________________

2. Maiiwasan ba ang ganitong sitwasyon? Paano?

______________________________________________________________________________

B. Hindi maipagkakaila na maraming

tao ang humahanga at bumibilib sa mga
talento, kakayahan, at ganda ng mga
Koreano/Koreana. Tila isang bulaklak
na umusbong ang pag-sikat ng mga ito.
Isa ka rin ba sa kanila na nanonood ng
magagandang kuwentong Koreanovela
o nakikinig sa mga musika nila?

Sagutin ang tanong.

1. Paano mo maihahalintulad ang Korea sa Pilipinas? May mga pagpapahalagang pareho ang dalawang
bansa?
_____________________________________________________________________________________
2. Ano ang iyong masasabi sa mga sumusunod:

Maging, R. and Santos, M. (June 25, 2021) 9 FILIPINO | 1

 a. Pagkain: __________________________________________________________________________
b. Pananamit: ________________________________________________________________________
c. Musika: __________________________________________________________________________
d. Mga panoorin at pelikula: ____________________________________________________________

Tuklasin at Suriin
Sa araling ito ay matutunghayan na hindi nagkakalayo ang paraan ng pag-aaruga at pagpapalaki sa
mga anak ng mga Koreano at mga Pilipino. Umpisang lakbayin ang lupain ng mapayapang umaga.

ANG MAG-INANG
PALAKANG PUNO
Noong unang panahon, nakatira sa isang bayan sa Korea ang isang
batang palakang puno at ang kanyang ina. Yumao na ang ama ng palaka
kaya silang mag-ina na lamang ang magkasamang namumuhay. Mahal
mahal ng ina ang kanyang anak na palaka at nais niyang mapalaki ito nang
tama. Mapagmahal naman ang anak na palaka subalit may katigasan nga
lang ang ulo kaya't nahihirapan ang inang palaka na pasunurin siya.
Kilalang-kilala na ng kanyang ina ang ugali ng anak. Alam niyang sa bawat
iutos niya sa anak ay kabaliktaran nito ang gagawin. Halimbawa, kapag inutusan niya itong magpunta sa kanluran
sa timog ito pupunta. Kapag pinapapasok niya ay lalabas ito, at kapag pinagsasabihan ay magbibingi-bingihan.
Hindi lingid sa anak na palaka hindi nagugustuhan ng kanyang ina ang ganitong sistema.

Isang araw na mainit ang panahon, hinayaang maglaro ng ina ang kanyang anak. "Anak, mainit ang
panahon maaari kang makipaglaro sa iba pang mga palaka sa batis,"ang wika ng ina. Ngunit katulad ng dati, ang
kabaligtaran ng sinabi ng ina ang kanyang ginawa. Pumunta ang anak na palaka sa bundok at doon naglarong
mag-isa. Nang sumunod na araw nagbilin ang ina sa anak na palaka, "Huwag kang lalayo ngayon, narinig ko sa
usapan sa kanto na may parating na ahas." Ngunit muli, lumabas ang anak na palaka at nagyakag ng mga
kaibigan. "Gusto n'yo bang mamasyal at magsaya? Tayo na at manghuli ng ahas! Ang balita ko ay may parating
na ahas sa ating lugar," ang tila nanghahamon pang sinabi nito.
Nagpatuloy ang ganitong ugali ng anak na palaka. Ito ay labis na nagpapahirap sa kalooban ng ina dahil
alam niyang hindi makabubuti sa kanyang anak ang ganitong ugali. Subalit dahil hindi nakikinig ang kanyang
anak ay wala na siyang magawa kundi malungkot at lumuha na lang nang tahimik dahil sa asal niyang ito. Dahil
sa katandaan at dahil na rin sa hirap ng kaloobang nararanasan niya sa kanyang anak, hindi naglaon ay nagkasakit
ang ina. Sa kanyang pagkakasakit ay umasa ang inang magbabago ang
kanyang anak, subalit nagpatuloy pa rin ito sa masamang ugali na lalong
nagpahirap sa kaawa-awang ina.
Isang araw habang nahihirapang huminga ang ina ay naghabilin
ito sa anak. "Anak, huwag mo sanang putulin ang puno sa harapan ng ating
bahay dahil iyan ang magiging proteksiyon natin." Hindi umimik ang anak,
ngunit kinabukasan nakita ng ina na wala na ang puno sa harapan.
Nagtanong ang ina, "Nasaan ang puno sa ating harapan? Ano ang ginawa
mo sa puno?" Hindi sinagot ng anak ang lumuluhang ina.

Nagpatuloy sa paglubha ang karamdaman ng ina, subalit hindi pa rin natitinag ang anak sa pagsuway sa
kanyang magulang. Nang makahanap ng tiyempo ay kinausap ng ina ang kanyang anak, "Anak, sandali na lamang
ang itatagal ng buhay ko, ang nais ko sana kapag ako ay pumanaw na ay ilibing mo ang aking labi sa gilid ng
batis. Huwag mo akong ililibing sa burol." Inay, huwag po kayong magsalita ng ganyan, gagaling po kayo," ang
sagot ng anak na palaka habang nangingilid ang luha. Ang totoo ay nais ng inang ilibing siya sa burol ngunit dahil
alam niya ang ugali ng anak na sinusuway ang kanyang bawat utos at ginagawa ang kabaliktaran nito, naisip
niyang ang kabaligtaran ng kanyang hiling ang ihabilin. Dumating nga ang araw na
kinatatakutan. Bago malagot ang kanyang huling hininga ay inulit ng ina ang
kanyang hiling, "Sa gilid ng batis mo ako ilibing anak.”

“Inay huwag mo akong iwan!" ang palahaw ng anak na palaka, ngunit

tuluyan nang nalagutan ng hininga ang kanyang ina. Labis ang pighati ng anak.
Ngayon lamang siya nakaramdam ng ganitong paghihinagpis. Sinisisi rin niya ang
kanyang sarilisa pagkamatay ng ina. "Dahil sa sama ng boob niya sa akin ay

Maging, R. and Santos, M. (June 25, 2021) 9 FILIPINO | 2

nagkasakit si Inay at tuluyan nang namatay. Hu-hu-hu. Kahit kailan ay hindi ako nakinig sa mga utos niya," ang
wika ng palakang buong pusong nagsisisi. "Ngayong wala na siya, alam kong nais niyang maging masunurin ako.
Susundin ko ang kanyang hiling na ilibing siya sa gilid ng batis," ang sabi nito sa sarili. At ganoon na nga ang
nangyari. Sa kagustuhang makabawi sa katigasan ng kanyang ulo ay sinunod ng anak ang huling habilin ng ina.
Inilibing niya ito sa gilid ng burol, kahit pa nagtataka siya kung bakit sa tabi ng batis gusto ng inang mailibing ang
kanyang labi.
Araw-araw ay dinadalaw ng anak ang puntod ng inang palaka. Hanggang isang araw ay
bumuhos ang napakalakas na ulan. Walang humpay ang pag-ulan sa loob ng ilang araw
kay’t umapaw ang tubig sa batis at naanod ang bangkay ng kanyang ina. Dahil dito'y
labis na nalungkot at umiyak nang umiyak ang anak ng palaka. "Wala na si Inay. Kung
naging masunurin lang sana ako sa kanya ay hindi sana mangyayari ang lahat ng ito,"
ang buong pagsisisi niyang nasabi sa sarili. Simula noon, tuwing umuulan ay hindi niya
mapigilan ang pag-iyak habang naaalala ang kanyang ina.

Naging isang paniniwala sa Korea na ang labis na kalungkutan at pag-iyak ng palaka sa

pagkakaanod ng kanyang ina ang dahilan kung bakit nag-iingay ang mga palaka tuwing umuulan. Sa Korea ay
tinatawag na Cheong Kaeguli o plakang puno ang isnag tao kapag siya ay sumusuway o hindi sumusunod sa
iniuutos ng kanyang mga magulang.

Gawain 1
Sagutin ang sunmusunod na mga tanong.

1. Anong ugali ng anak ang kilalang-kilala ng inang palaka?

_____________________________________________________________________________________
_____________________________________________________________________________________
2. Paano nakaapekto sa ina ang ganitong ugali ng anak?
_____________________________________________________________________________________
_____________________________________________________________________________________
3. Napagbago ba ng kalagayan ng ina ang anak? Ipaliwanag ang sagot.
_____________________________________________________________________________________
_____________________________________________________________________________________
4. Sa iyong palagay, dapat bang sisihin ang anak sa nangyari sa kanyang ina? Pangatwiranan ang sagot.
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
5. Anong mensahe ang nais iparating ng pabula sa mga anak?
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________

Pagyamanin (Pag-aaral sa Tahanan 1)

Pagtataya 1
Bilugan ang titik ng kasingkahulugan ng salitang nakasalungguhit batay sa konteksto ng pangungusap.
1. Ang mag-inang palaka na lamang ang namumuhay sa ilalim ng puno dahil yumao na ang ama.
a. Nagkasakit b. namatay
c. umalis d. nangibang-bayan
2. Masipag na nagtrabaho ang inang palaka dahil mag-isa na siyang nagtataguyod sa kanyang anak. Hindi
naglaon ay nagkasakit ang inang palaka.
a. Lumipas b. nainip
c. nagtagal d. namalayan
3. Nang tinanong niya ang anak ay hindi ito umimik.
a. Kumibo b. nangatwiran
c. nagalit d. nakinig
4. Mag-isang naglaro nag batang palaka sa gilid ng batis.

Maging, R. and Santos, M. (June 25, 2021) 9 FILIPINO | 3

 a. Dulo b. tabi
c. gitna d. itaas
5. Labis ang pighati ng anak dahil sa nangyari sa kanyang ina.
a. Pagkagalit b. kalungkutan
c. pagsisisi d. pagdurusa

Pagtataya 2
Bigyang hinuha ang damdamin ng mga tauhan batay sa diyalogong nagmula sa akda.
1. "Anak, sandali na lamang ang itatagal ng buhay ko, ang nais ko sana kapag ako ay pumanaw na ay ilibing mo
ang aking labi sa gilid ng batis. Huwag mo akong ililibing sa burol.”
Ano ang ang nadarama ng ina sa mga oras na iyon?
________________________________________________________________________________________
Kung bibigyan ka ng pagkakataon, ano ang sasabihin mo sa inang palaka upang maibsan ang kanyang
narararndaman?
_________________________________________________________________________________________

2. Dahil sa sama ng loob niya sa akin ay nagkasakit si Inay at tuluyan nang namatay. Hu-hu-hu. Kahit kailan ay
hindi ako nakinig sa mga utos niya."
Ano ang nadarama ng anak na palaka nang panahong iyon?
_________________________________________________________________________________________
Ano sa tingin mo ang binabalak niya matapos ilibing ang inang palaka? Ipaliwanag ang iyong sagot.
_________________________________________________________________________________________
Kung bibigyan ka ng pagkakataon, ano ang sasabihin mo sa anak na palaka?
_________________________________________________________________________________________

Pagyamanin (Harapan 2)

Gawain 2: Pag-aantas ng Salita Batay sa Tindi ng Emosyon o Damdamin

Klino – ito ay tumutukoy sa pag-aayos ng mga magkakasingkahulugan na salita ayon sa
antas o sa tindi ng kahulugan na pinapahayag ng bawat salita. Hindi dahil
magkakasingkahulugan ay pare-pareho na sila ng gamit. Binabatay parin kung ano ang
gagamitin base sa antas o tindi ng pahayag na gustong ipahatid.
Halimbawa:
4. saksak 4. natatakot
3. hiwa 3. nangangatal
2. daplis 2. nanginginig
1. galos 1. ninenerbiyos
4. masaya
3. ligaya 3. nasaid
2. galak 2. pagkawala
1. natutuwa 1. pagkaubos

Pagtataya 3
Iantas ang mga salitang nakasulat nang madiin batay sa tindi ng emosyong ipinahahayag ng bawat isa. Lagyan ng
bilang 1 para sa pinakamababaw na damdamin hanggang bilang 3 para sa pinakamasidhing emosyon.

_______Humikbi ang batang palaka nang mapagsabihan siya ng kanyang ina.

_______Nagpalahaw ang batang palaka nang mamatay ang ina nang dahil sa kanya.
_______Lumuluha ang batang palaka towing naaalala niya ang yumaong ina.

_______Labis-labis ang paghihinagpis ng anak nang yumao ang kanyang magulang.

_______Dama ng bata ang pagkalungkot nang umalis ang kanyang kaibigan.
_______Nakadama ng pagsama ng loob ang ina sa pagiging suwail ng anak.

Maging, R. and Santos, M. (June 25, 2021) 9 FILIPINO | 4

Gawain 3
Ang Transpormasyong Nagaganap sa Tauhan Batay sa Pagbabagong Pisikal, Emosyonal, at
Intelektuwal
Marahil ay naaliw ka ng pabulang iyong binasa at nakapulot ng mahahalagang bagay na maaari mong magamit sa
pang-araw-araw na buhay. Nakita mo rin sa binasang pabula na nagkaroon ng transpormasyon sa mga tauhan
dahil sa kanilang mga pinagdaanan. Anu-anong transpormasyon ang pinagdaanan ng dalawang tauhan sa pabula
na sa tingin mo ay naging daan upang magbago sila sa aspektong pisikal, emosyonal, at intelektuwal?

Pagtataya 3
Punan ang bawat kahon sa pagpapakita ng mga transpormasyong nangyari sa tauhan.

TRASPORMASYONG NANGYARI SA TAUHAN

Tauhan ng Pabula Pisikal Emosyonal Intelektuwal
Pinagdaanan ng inang
palaka

Pagbabago ng inang
palaka

Pinagdaanan ng anak na
palaka

Pagbabago ng anak na
palaka

Isaisip(Pag-aaral sa Tahanan 2)
Efeso 6:1-3
Mga anak, sundin ninyo ang inyong mga magulang sa Panginoon,
sapagkat ito ang nararapat. 2 "Igalang mo ang iyong ama at ina." Ito ang
unang utos na may kalakip na pangakong 3 "Ikaw ay giginhawa at hahaba
ang iyong buhay sa lupa."
Nasasaad sa Bibliya na tungkulin nating mga anak na sundin ang
ating magulang at ito ang isang kautusang may kalakip na pangakong
giginhawa at hahaba ang buhav natin sa lupa, ngunit nakalulungkot na
kung minsan ay may mga pagkakataong sinusuway natin ang kanilang
utos at kinalilimutan ang kanilang mga bilin. Hindi pa huli ang lahat,
maaari tayong humingi ng tawad sa mga pagsuway at pagwawalang-bahala sa kanilang bilin at piliing maging
masunurin.
Isagawa
Ngayon ay pagkakataon mo nang ipahayag ang iyong pagiging masunuring anak sa pamamagitan ng pagsulat ng
liham sa iyong magulang. Isulat ang mga nais mong sabihin sa kanila at mangakong sisikapin mong sundin ang
bawat utos at bilin nila. Isulat ang iyong liham sa scroll na nasa ibaba.

Maging, R. and Santos, M. (June 25, 2021) 9 FILIPINO | 5

 Kabuuang Pagtataya (Harapan 3)

Bawat pangyayari sa buhay ay maaring makapagpabago ng kaisipan, pag-uugali, at responde ng isang tao. Hindi
natin alam kung ano ang mga maari pang mangyari sa hinaharap na nagdudulot ng kaba at takot. Kaya habang
maayos ang lahat at kapiling natin ang ating pamilya lalo na sa panahong nararanasan natin ngayon, atin silang
bigyan ng pagmamahal lalo na ang pagsunod at pagbibigay ng positibong tugon sa mga bilin ng ating mga
magulang.

Balikan muli ang pabulang nagmula sa Korea. Pagkatapos ay bigyan ng bagong wakas ang kuwento na
nagpapakita ng transpormasyong naganap sa mga tauhan. Ang susulating wakas ay hindi bababa sa labinlimang
pangungusap.

Sanggunian

Baisa- Julian, A., Del Rosario, M. G. G., & Dayag, A. M. (2020). Ikalawang Edisyon Pinagyamang
Pluma Wika at Panitikan para sa Mataas na Paaralan Aklat 1. Phoenix Publishing House.

Maging, R. and Santos, M. (June 25, 2021) 9 FILIPINO | 6