KOMUNIKASYON AT PANANALIKSIK SA WIKA AT KULTURANG PILIPINO

Pangalan: Tallungan, Castro, Valencia, Sansano, Rivarez Petsa: 1/2/2023

Strand, Gr. Level & Section: 11 STEM ST. VINCENT

GAWAIN 5 – Burador Introduksiyon

Gawain 5. Written work 3: draft Intro. Panuto: Pagbuo ng bawat pangkat ng paunang
burador o draft (Intro) sa kanilang pananaliksik gamit ang mga sumusunod na mga gabay.

1. Paksa
Epekto ng Code Switching sa mga Mag-aaral

2. Pamagat

Epekto ng Code Switching sa Komunikasyon ng Baitang 11 ng Saint Mary’s

University

3. Layunin
 Natutukoy ang epekto ng Code Switching sa komunikasyon ng Baitang 11 sa
Kasalukuyang Panahon.
 Natutukoy ang lenggwaheng mas ginagamit ng Baitang 11.
 Natutukoy ang mga implikasyon (Pros at Cons) ng Code Switching sa Baitang
11.
 Naiaangkop sa bagong henerasyon ang pakikipag-usap ng bawat estudyante
ng baitang 11 dulot ng globalisasyon.

4. Respondents
Ang mga respondents ng isang pananaliksik na may paksa na “Epekto ng Code
Switching sa Komunikasyon ng Baitang 11 ng Saint Mary’s University” ay nakatuon
sa 30 na mag-aaral ng Baitang 11 ng Saint Mary’s University. Ang mga mag-aaral
nakakabatid ng iba’t ibang wika, at naibibilang ang sarili sa mga “code switchers”
dahil sa kanilang kakayahan sa salitang paggamit ng higit pa sa isang lengguwahe o
dialekto sa komunikasyon.

Katuturan ng Terminolohiya

 Code Switching – Kalimitang nagagamit sa Ingles-Filipino, nangyayari ang Code

Switching dahil higit na madaling maunawaan ito pagdating sa pagbibigay ng
opinyon at pagbibigay pangkahulugan sa pakikipag-usap.
 Mag-aaral – Ang mga estudyante na nasa baitang 11 na nag-aaral sa paaralan ng
Saint Mary’s University.
 Epekto – Ang mga resulta o impluwensya ng isang aktibidad o gawi sa isang tao o
grupo.
 Komunikasyon – Ang proseso ng pagpapahayag ng mga ideya, damdamin, at
impormasyon sa pamamagitan ng mga salita, tunog, at simbolo.
KAHALAGAAN NG PAG-AARAL

a) Sa mag-aaral - Mapapakinabangan ito ng mga estudyante dahil ang pag-aaral na ito

ay magbigay kaalaman sa Pros at Cons ng Code switching na makakatulong sa
kanilang pag-aaral. Matutukoy din nila ang pinakamabisang paraan sa kanilang
pakikipapanayam o pakikipagkomunidad sa ibang tao gamit ang code-switching.

b) Sa paaralan - Ang pag-aaral na ito ay naglalayong itaas ang kamalayan sa paaralan

upang magbigay impormasyon at magbigay linaw sa lahat tungkol sa nararapat na
gamiting wika lalo na sa loob ng paaralan.

c) Sa mga mananaliksik - Ang pag-aaral na ito ay kapaki-pakinabang din sa mga

susunod na mananaliksik na nais makipagsapalaran at ipaliwanag ang pagiging
epektibo at epekto ng code-switching sa pagkatuto. Higit pa rito, ito ay maaaring
magsilbing gabay upang mas mapalawak ang kanilang kaalaman at pagkakaintindi
sa code switching at upang maging batayan ang pananaliksik na ito upang makabuo
ng bagong tuklas sa pag-aaral ng codeswitching.

d) Sa administrasyon ng paaralan - Ang pag-aaral na ito ay naglalayong maipaalam

at mabigyan ng makabagong paraan ang pagkatuto. Bigyan sila ng kaalaman tungkol
sa primarya at sekondaryang lenggwahe ng kanilang mga mag-aaral upang
mapabuti ang kanilang paaralan sa pagtuturo.

e) Sa mga guro Ang pag-aaral na ito ay naglalayong tulungan ang mga guro, lalo na sa
mga nagtuturo ng asignaturang Filipino, isang malaking tulong ang pag-aaral na ito
upang mapayabong ang kanilang kaalaman sa pakikipagkomunikasyon na umiiral sa
kasalukuyan. Maaari rin itong magsilbing patnubay sa pagpapaunlad ng wika,
gayunpaman natutukoy ang pinakamainam na lenggwahe at pamamaraan ng
pagtuturo.

Panimula

Ang penomeno ng code-switching ay umiiral sa mga bilingual na lipunan kung saan

may oportunidad ang mga tao na gumamit ng dalawa o higit pang mga wika upang
makipag-usap. Mayroong mga bilinggwal na nag-code-switch at ginagamit ang kanilang
wika upang maghanap ng mga mas magandang paraan ng paglalahad ng kahulugan. Maaari
ring ituring ang code-switching "ang pagsasama-sama ng dalawang wika sa loob ng isang
magkakasunod na pangungusap o pahayag sa loob ng isang solong talakayan", ayon kay
Cheamshid at Navchehram (2013). Nangyayari ang code switching kapag nagbabago ang
nagsasalita sa kanyang mga wika sa loob ng isang solong talakayan. Sa mas malawak na
konteksto, tumutukoy ang pagsasalitang code-switching sa pagsasama-sama ng iba't ibang
mga wika, tulad ng Taglish, Chinglish, Spanglish, at iba pa, pati na rin ng kanilang mga wika
o diyalekto, tulad ng Filipino-English, Filipino-Cebuano, Filipino-Hiligaynon, Filipino-Iluko,
at Filipino-Bicol.

Sa kabilang banda, mayroong mga argumento na nagsasabi na ang code-switching

ay makakatulong sa pagpapahubog ng kakayahan sa pagkatututo ng isang wika dahil
nabibigyan ito ng mas malawak na konteksto at nagbibigay ng masnaangkop na pag-unawa
sa iba’t ibang mga aspeto ng wika.
 Sa isang bansa na hindi unang salita ang wikang Ingles tulad ng Pilipinas, ay mahirap
para sa kanila ang makipag-usap at gamitin ang masnaangkop na lengguwahe. Ayon kay
Bautista (2004), ang pagbabago ng Tagalog at English sa impormal na diskurso ay isang
katangian ng linguistic repertoire ng mga Pilipinong edukado, middle at upper-class.
Inilarawan ng papel ang linguistic structure at sociolinguistic functions ng Tagalog-English
code switching (Taglish).

Ang sitwasyong ito ay nagbabago para sa mga estudyante na nag-aaral sa public at

private institute. Kadalasan, ang mga estudyante sa public school ang nahihirapan sa
paggamit ng lengguwahe sa berbal na konteksto. Bukod sa sitwasyon ng mga estudyante sa
public school, sila ay salat sa mga materyales at mga pasilidad na maaaring gamitin sa
pagpapaunlad ng kanilang kakayahan kaya ito ay nagreresulta ito sa devitalization ng
speech sa komunikasyon. Sa pamamagitan ng devitalization ng speech na ito, may
tendensiyang mag-code switch ang mga estudyante sa pakikipagsalita. Sa kabilang banda
ito ay iba sa sitwasyon ng private school, sila ay mayroong mga kumpletong mga materyal
sa pagkatuto at mga high-end na pasilidad, gayunpaman mas tiyak na mas-epektibo ang
mga estudyante sa private school sa paggamit ng lengguwahe.

Ang code switching ay maaaring magbigay ng advantage sa mga mag-aaral sa kanilang

pagpapahayag ng kanilang mga ideya at pananaw sa ibang tao. Sa pamamagitan ng
pagbabago ng wika o paraan ng pagpapahayag, maaaring mas maintindihan ng kanilang
audience ang kanilang sinasabi at mas mapapaliwanagan nila ang kanilang mga pananaw.
Ayon kay Song at Andrews (2009), ang paglipat ng lingwahe ay isang paraan upang
mapanatiling tuloy tuloy ang pakikipag-uusap.

Sa kabilang panig, mayroon din negatibong epekto ang code switching sa

komunikasyon ng mga mag-aaral sa Saint Mary's University. Una, maaaring hindi lahat ng
tao ay komportable sa paggamit ng iba't ibang wika o paraan ng kanilang pagpapahayag, at
maaaring magdulot ito ng hindi pagkakaintindihan sa kanilang pag-uusap. Sa ganitong
paraan, maaaring masisira ang daloy ng kanilang komunikasyon at hindi magkakaroon ng
masinsinang interaksyon sa kanilang tagapakinig. Sa pag-aaral ni Payawal-Gabriel at
Reyes- Otero (2006) na ang Code switching ay nagpapakita ng negatibong epekto sa mga
gurong nagtuturo ng Matematika na nakakaapekto sa pagkatuto. Sa nagawang pagsusuri
lumabas na ang mga gurong gumagamit ng codeswitching ay nagdudulot ng pagkalito ng
mga estudyante na nakakaapekto sa pagintindi ng talakayang paksa.

Pangalawa, mayroong ilang mga tao na hindi naiintindihan o hindi komportable sa

paggamit ng iba't ibang wika sa kanilang komunikasyon, at maaaring magdulot ito ng
diskriminasyon at pagkakahiya ng tagapagsalita. Sa ganitong paraan, maaaring makaapekto
sa pakikitungo ng mga mag-aaral sa kanilang mga kausap at maaaring magdulot ito ng
hindi magandang imahe sa kanilang pakikipag-ugnayan sa ibang tao.

Sa kabuuan, ang code switching ay maaaring magbigay ng advantage sa komunikasyon

ng mga mag-aaral sa Saint Mary's University, ngunit mayroon din itong negatibong epekto
sa kanilang interaksyon at relasyon sa ibang tao. Sa ganitong paraan, dapat na ingatan at
naiaangkop ng mga mag-aaral ang kanilang paggamit ng code switching sa kanilang
komunikasyon at dapat na magpakatino sa paggamit ng wika sa loob ng silid-aralan.
 Bilang karagdagan, ang mga mananaliksik ay lilikom ng datos tungkol ang magiging
epekto at implikasyon nito sa pamamagitan ng isang survey questionnaire na ibabahagi sa
mag-aaral upang malaman ang importansya ng Code Switching sa kasalukuyang pagkatuto
ng mga mag-aaral sa Saint Mary’s University.