The Good and the Bad in the World May 1, 2022 labas ng kaniyang paghahari ang lahat ng bagay
paghahari ang lahat ng bagay na nakakapagpatisod
(Parable of the Wheat and the Weeds)
Matthew 13:24-30, 36-43
24 Isinalaysay niya ang isa pang talinghaga sa kanila na sinasabi: Ang
paghahari ng langit ay natutulad sa isang lalaki na naghasik ng
mabuting binhi sa kaniyang bukirin.
25 Ngunit habang natutulog ang mga tao, dumating ang kaniyang
kaaway. Naghasik siya ng masamang damo sa pagitan ng mga trigo at
umalis. 26 Nang sumibol na ang mga usbong ng trigo at namunga,
lumitaw rin ang mga masamang damo.
27 Kaya ang mga alipin ng may-ari ng sambahayan ay lumapit sa
kaniya at sinabi: Ginoo, hindi ba mabubuting binhi ang iyong inihasik sa
iyong bukid? Kung gayon, saan nanggaling ang masasamang damong
ito?
28 Sinabi niya: Isang kaaway ang may kagagawan nito.
Sinabi ng mga alipin sa kaniya: Kung gayon, ibig mo bang tipunin namin
ang mga ito?
29 Ngunit sinabi niya: Huwag. Ito ay sapagkat baka sa pagtipon ninyo
ng masasamang damo ay mabunot din ninyo ang mga trigo. 30
Pabayaan ninyong kapwa silang tumubo hanggang sa anihan. Sa
panahon ng anihan, sasabihin ko sa mang-aani: Tipunin muna ninyo
ang masasamang damo at inyong pagbigkis-bigkisin upang sunugin.
Ngunit ang mga trigo ay tipunin sa aking bangan.
36 Nang magkagayon, pinaalis ni Jesus ang napakaraming tao at
pumasok sa bahay. Lumapit sa kaniya ang kaniyang mga alagad at
sinabi: Ipaliwanag mo sa amin ang talinghagang patungkol sa
masamang damo sa bukid.
37 Siya ay sumagot at sinabi sa kanila: Ang naghasik ng mabuting binhi
ay ang Anak ng Tao. 38 Ang bukid ay ang sanlibutan. Ang mabuting
binhi ay ang mga anak ng paghahari ng Diyos. Ngunit ang masamang
damo ay ang mga anak ng masama. 39 Ang kaaway na naghasik ng
mga ito ay ang diyablo. Ang tag-ani ay ang katapusan ng
kapanahunang ito. Ang mang-aani ay ang mga anghel.
40 Kung paano nga ang pagtipon at pagsunog sa apoy ng masasamang
damo, gayundin ang mangyayari sa katapusan ng kapanahunang ito.
41 Susuguin ng Anak ng Tao ang kaniyang mga anghel. Titipunin nila sa
at ang mga hindi kumikilala sa kautusan ng Diyos. 42 Ihahagis nila ang
mgaito sa nagniningas na pugon ng apoy. Dito magkakaroonng
pananangis at pagngangalit ng mga ngipin. 43 Kung magkagayon ang
mga matuwid ay magliliwanag katulad ng araw sa paghahari ng
kanilang Ama. Ang mga may pandinig ay makinig.
INTRODUCTION
 Ang Talinhaga tungkol sa mapanirang damo (13:24-30, 36-43) ay
tumatalakay sa suliranin na ang masasama ay kabiang sa mabubuti
sa mundo (v.38). “Ang malinaw na itinuturo ng talinhagang ito ay
ang kaharian ay dapat manindigan laban sa kasamaan na nasa
paligid natin, at itinuturo din nito na hinahayaan lamang ng Dios ang
masama at mabuti ay magkasamang mabuhay hanggang sa
katapusan.” (Gadner, 214)
Ang mapanirang damo na tinutukoy dito ni Jesus (zizania – bearded
darnel) ay isang uri ng damo na kahawig ng trigo kaya mahirap itong
makilala sa tunay na trigo. Habang sila ay sabay na lumalaki, ang
ugat ng damo ay pumupulupot sa ugat ng trigo kaya imposible itong
paghiwalayin – ano mang pagtatangka na bunutin ang damo ay
madadamay lamang ang trigo. Gayunpaman, kailangan pa rin silang
paghiwalayin dahil ang damong ito ay mapait at medyo
nakakalason. Kapag hindi ito inalis bago gilingin, sisirain ng damo
ang harina. Ang pangkaraniwang paraan sa paghihiwalay matapos
gapasin ay ilatag ang mga butil sa patag at pipiliin ang butil ng
masamang damo, madali na itong makilala dahil iba na ang kulay
nito.
BODY OF THE MESSAGE
 Wastong Paglalahad ng Talinhaga
1. Si Jesus ang may-ari ng bukirin na naghasik ng mga mabuting
binhi (Matthew 13: 24, 37)
2. Ang kaaway na naghasik ng damo ay si satanas.
 Habang natutulog ang mga tao, ang kaaway ay naghasik ng
masamang damo at umalis…ang kaaway ay ang diablo.
(Matt.13:25, 39)
3. Ang mga binhi.
Ang mabuting binhi ay ang mga tao na nasa kaharian. Sila iyong
mga nabubuhay sa ilalim ng kapamahalaan ng Dios
Ang masasamang damo ay mga anak ng diablo (Matthew 13:38).
Sila iyong tulad ng diablo na inilalagay ang mga sarili sa trono ng
sarili nilang mga buhay.
4. Ang bukid ay ang daigdig na kung saan ang mabuti at masamang
binhi ay inihasik.(Mat.13:38)
“Ito ang larawan ng iglesia sa mundo, hindi ang mundo sa
iglesia.” (McArthur)
5. Ang kasamaan ay lalaganap kasabay ng mabuti hanggang sa
pagbabalik ni Cristo.
Ang mundo bang ito ay nagiging pabuti ng pabuti o pasama ng
pasama? Pareho! Ang mundong ito ay pabuti ng pabuti, at
gayun din naman ay pasama ng pasama.
Sa huling araw magkakaroon ng kahirapan, ngunit kasabay din
nito ibubuhos ng Dios ang Kanyang Espiritu sa lahat ng tao.
(1 Tim.4; 2 Tim.3; Gawa 2)
6. Panahon ng Anihan
“Sa araw ng anihan sasabihin ko sa mga tagapag-ani, ipunin
muna ninyo ang mga damo at inyong pagbigkis-bigkisin at saka
sunugin. Pagkatapos ipunin naman ninyo ang trigo sa aking
kamalig.”
(Mat.13:30)
Tayo po ay nabubuhay sa panahon ng biyaya ng Dios, ngunit
darating ang araw ng paghuhukom at hindi ito maiiwasan.
Ang mga anak ng kaharian ay makakaliping ang Dios
magpakailanman.
Ang mga anak ng diablo ay makakasama si satanas
magpakailanman sa dagat-dagatang apoy, kung saan may
pagtatangis at pagngangalit ng ngipin.
 Pagsasabuhay ng Talinhaga
1. Maging Kasangkapan sa Pagbabago
“Hayaan na lamang ninyong lumago kapwa ang damo at trigo…”
(Matthew 13:30) 
Saan ka itinanim ng Dios? saan ka inihasik? Manatili ka roon!
Ang iglesia (Mga anak sa Kaharian) ay hindi dapat nakahiwalay
sa mundo, literal na ipinamumuhay ang Awit 1:1.
Ang Iglesia (Mga anak sa Kaharian) ay hindi nakikiayon sa takbo
ng tao sa sanlibutan (Roma 12:2)
Ang Iglesia (Mga anak sa Kaharian) ay kasangkapan sa
pagbabago
Binabago ang moral, kultura, at mga paniniwala ng mga taga
sanlibutan patungo sa moral, kultura, at paniniwala sa Kaharian
ng Dios.
Ibahagi ang Mabuting Balita! Sinabi ni Agustin: “Ang mga damo
sa ngayon ay maaring maging trigo bukas.”
2. Maging Matiyaga
“Hayaan na lamang ninyong lumago kapwa ang damo at trigo…”
(Matthew 13:30)
Pakitaan natin ng pasensiya at pagtitiis ang mga hindi pa
mananampalataya.
Alalahanin natin na sila ay makasarili tulad din natin noong tayo
ay makasalanan pa.
Pakitaan sila ng kabutihan at ipanalangin sila.
Ang ating misyon ay ang maghasik ng binhi at hindi magbunot
ng damo. May malaking hamon tayong kinakaharap ang sarili
nating kamalian, ng ating sariling pamilya, at ng sarili nating
iglesia. Hindi ito sa ating sariling lakas para bunutin ito. Iyan ay
gawain ni Cristo, at iyan ang gagawin Niya sa Kanyang
pagbabalik.
 3. Maging Determinado
Huwag tayong susuko, ang panahon ng pagdiriwang ay darating
din. Ang mabuti ay ihihiwalay sa masama magpakailan man.
Ang mga matuwid ay magliliwanag katulad ng araw sa paghahari
ng kanilang Ama. (Mateo 13:43)
Aanihin ng Dios ang trigo. Dadalhin Niya tayo sa Kanyang piling,
at ang mga matuwid ay magniningning tulad ng araw.

CONCLUSION
Kanino ka ibibigkis sa araw na iyon?
Nawa ay matagpuan ka na nakabigkis sa buhay ng mga tao ng Dios na
mga nagpasakop ng kanilang mga buhay sa Panginoong Jesus at
nakatayo sa harapan ng Ama sa biyaya na natagpuan mula sa Kanya.