Republika ng Pilipinas

KAGAWARAN NG EDUKASYON
Rehiyon XI
Sangay ng Lungsod ng Davao
Lungsod ng Davao

MAHABANG PAGSUSULIT SA IKALAWANG KWARTER

FILIPINO 5
Taong Panuruan 2022-2023

Pangalan: ____________________________________________ Iskor: _________

Baitang at Pangkat: ___________________________________________________

Pangkalahatang Panuto: Piliin lamang ang titik ng tamang sagot.

Para sa mga bilang 1-6, piliin ang tamang baybay sa Filipino ng mga
salitang may salungguhit.

1. Kumakain ng matamis na piña ang nanay ko.

A. penya C. piniya
B. pinya D. peneya

2. Magaling sa boxing si Manny Pacquiao.

A. boksing C. buksing
B. bokseng D. bukseng

3. Nakatanggap si Mila ng bagong chinelas.

A. sinelas C. tsinelas
B. senilas D. tsenilas

4. Ang lemonade ang dapat inumin kung ikaw ay may ubo.

A. limonada C. lemonada
B. lemunada D. limunada

5. Isulat mo sa chart ang sagot at idikit sa paskilan.

A. tsart C. sart
B. thsart D. tsert

6. Computer ang ginagamit ng halos lahat ng mag-aaral ngayon.

A. Kumpyoter C. Kompyoter
B. Kumpyuter D. Kompyuter

1
 Para sa mga bilang 7-12, basahin ang talaarawan at sagutin ang mga
tanong.

Matukoy Mo Kaya?
Naglilinis noon si Marina ng silid ng nanay nang bigla siyang nakakita ng
buklet sa sahig. Hindi niya alam na iyon ay talaarawan ng kaniyang nanay. Binuklat
niya at binasa ang nilalaman.
Hulyo 18 – Mapula at namamaga ang mga mata ko. Kusang tumutulo ang
luha sa pisngi ko. Napaligiran ako ng mga anak ko. Mahina lang silang umiiyak.
Nasa tabi kami ng kama ni Noli.
Hulyo 19 – Maraming tao ang nasa bahay namin, mga kaibigan, kapitbahay,
at kamag anak. May gumagawa ng korona at ang iba naman ay naghahanda ng
meryenda. Nagkukuwentuhan kami noon ng kumareng Toning nang dumating ang
malaki at maitim na sasakyan. Hindi ko mapigil ang kalungkutan at ako’y nawalan
ng malay-tao.
Hulyo 20 – Pumunta ang maraming kapitbahay sa amin upang kami ay
aliwin. Magdamag silang naglaro ng cards at nang sa gayon ay maipakita at
maipadama sa amin ang taos-pusong pakikiramay. Talagang hindi ko makalimutan
ang mabuting gawaing ipinakita sa amin ng aming mga kaibigan at kapitbahay.
Pinagkunan: Hiyas sa Wika at Pagbasa 5 (Manwal ng Guro) pahina 127-129

7. Ano ang ginawa ni Marina sa silid ng nanay?

A. naglilinis B. natutulog C. naglalaba D. naglalakad

8. Ano ang nakita ni Marina sa sahig?

A. bag B. pitaka C. buklet D. laruan

9. Bakit malungkot ang nanay at mga anak?

A. Namatay si Mang Noli. C. Nangibang bansa ang isang anak.
B. Nadukutan si Mang Noli. D. Natalo si Mang Noli sa paligsahan.

10. Bakit nagtipon-tipon ang mga tao sa bahay nina Marina?

A. Nagdiriwang sila ng pista.
B. Nagkaroon sila ng pagpupulong.
C. Nagkaroon sila ng pag-eensayo.
D. Naghandog sila ng parangal sa yumao.

11. Ano sa palagay mo ang malaki at maitim na sasakyan?

A. ambulansiya C. sasakyang panlibing
B. sasakyan ng pangulo D. sasakyan ng ikakasal

2
12. Anong nangyari kay Mang Noli?
A. namatay C. natalo sa halalan
B. nagkasakit D. nangibang bansa

Para sa mga bilang 13-16, piliin ang magagalang na pananalita.

13. May tumawag sa telepono at itinanong kung nasa bahay ang tatay mo ngunit hindi
mo siya kilala. Paano mo itatanong ang pangalan niya?
A. Sino ka? C. Sino po kayo?
B. Sino po sila? D. Ano ang pangalan mo?

14. Hindi nagpaalam ang iyong kaklase sa paggamit ng iyong aklat. Ano ang sasabihin
mo sa kaniya?
A. Maaari bang magpaalam ka sa akin sa susunod na gagamitin mo ang aking
aklat.
B. Sasabihin ko sa guro natin na ninakaw mo ang aklat ko.
C. Bakit mo kinuha ang aklat nang di-nagpapaalam?
D. Huwag mong gamitin ang aking aklat.

15. Kulang ang sukli sa iyo ng tindera sa kantina. Paano mo ipaaalam sa kaniya?
A. Hindi ka ba marunong magsukli?
B. Ito ang binigay mong sukli, kulang ito.
C. Sa susunod magbigay ka ng wastong sukli.
D. Ipagpaumanhin mo po, kulang ang ibinigay mo sa akin na sukli.

16. Nais hiramin ng kaibigan mo ang iyong bagong biling krayola, ngunit gagamitin mo
ito. Paano mo siya tatanggihan?
A. Bumili ka para sa sarili mo.
B. Humiram ka na lang sa iba nating kaibigan.
C. Hindi kita pahihiramin. Pabili ka na lang sa nanay mo.
D. Pasensiya na at hindi kita mapapahiram. Gagamitin ko kasi ito.

Para sa mga bilang 17-19, basahin ang teksto at sagutin ang mga tanong
sa ibaba.

Ang Corona Virus Disease (COVID-19) ay isang nakahahawang sakit.

Karamihan sa mga taong nagkakaroon ng impeksiyon ay makararanas ng hindi
malalang sintomas at gagaling. Ngunit ang iba ay makararanas ng malubhang
sakit, lalo na sa matatanda at ang mga bata kaya sila ay pinagbabawalang lumabas
ng bahay. Dahil sa sakit na ito maraming mga bagay na ipinagbabawal na gawin
upang maiwasan ang paglaganap nito. Isa na rito ang pakikisalamuha natin sa
ibang tao.
Pinagkunan: News.abs-cbn.com

3
17. Anong nakahahawang sakit ang nabanggit sa sanaysay?
A. Corona bacteria C. Corona virus disease
B. Covid-2020 D. Corona

18. Sino ang pinagbabawalang lumabas ng bahay?

A. lahat ng tao C. mga matatanda lang
B. mga bata lang D. mga matanda at mga bata

19. Paano ka makatutulong upang hindi lumaganap ang sakit na ito?

A. Pumunta sa matataong lugar.
B. Mamasyal palagi sa mga kapitbahay.
C. Makipaglaro sa mga kaibigan araw-araw.
D. Manatili sa bahay at siguraduhing malakas at malusog ang katawan.

Para sa mga bilang 20-21, suriin ang mga datos upang masagot ang mga
tanong.

COVID -19 CASES IN DAVAO CITY

#1 CLUSTER 1 45 CASES
#2 CLUSTER 2 23 CASES
#3 CLUSTER 3 6 CASES
#4 CLUSTER 4 5 CASES
#5 CLUSTER 5 4 CASES
#6 CLUSTER 6 3 CASES

20. Batay sa mga datos, anong cluster sa Davao City ang may pinakamaraming Covid
Cases?
A. Cluster 1 B. Cluster 2 C. Cluster 3 D. Cluster 4

21. Ilan ang mga nagkasakit ng Covid sa Cluster 3?

A. 16 B. 18 C. 17 D. 6

Para sa bilang 22-24, basahin ang teksto at sagutin ang sumusunod na

tanong.

Ang Munting Gamugamo

Noon ay may dalawang gamugamo – isang munting gamugamo at isang
malaking gamugamo. Kagaya ng lahat ng gamugamo, naaakit sila sa liwanag, kaya
madalas silang lumalapit sa pinakamaliwanag na ilaw na kanilang makita. “Kay
ganda ng apoy ng kandila,” sabi ni Munting Gamugamo. “Mag-ingat ka, Munting
Gamugamo,” paalala ni Malaking Gamugamo. “Maganda ang apoy ng kandila,
subalit ito rin ay mapanlinlang. Kung mapadikit ka sa apoy, baka matupok ang
pakpak mo at hindi ka na makalipad.” “Hindi po ako natatakot,” sagot ng

4
 gamugamo. Hindi niya alintana ang babala ng malaking gamugamo. Lalo pa siyang
lumapit sa apoy ng kandila upang doon maglaro. “Kay sarap ng pakiramdam kapag
naglalaro ako malapit sa apoy ng kandila! Kay liwanag at kay init!” Ngunit, bigla
siyang napadikit sa ningas ng kandila, at nalaglag siya sa mesa. “Sinabi ko na sa
iyo, Munting Gamugamo,” malungkot na sabi ni Malaking Gamugamo. “Ngayon ay
hindi ka na makalilipad muli.”
Pinagkunan: Alab Filipino 5, Batayang Aklat p. 63

22. Ilan ang gamugamo sa kuwento?

A. isa B. dalawa C. tatlo D. apat

23. Sino-sino ang mga tauhan sa kuwento?

A. malaking gamugamo C. mahabang Gamugamo
B. maliit na gamugamo D. munti at malaking Gamugamo

24. Saan naaakit ang mga gamugamo?

A. sa ilaw C. sa buwan
B. sa araw D. sa liwanag

Para sa bilang 25-30, tukuyin ang sangguniang gagamitin sa mga

impormasyong nakalahad.

25. Kung nais mong malaman kung sa anong rehiyon ng Pilipinas matatagpuan ang
Davao, anong sanggunian ang gagamitin mo?
A. almanak C. diksiyonaryo
B. atlas D. ensayklopedya

26. Matatagpuan dito ang wastong baybay ng mga salitang henyo at kuwaresma.
A. atlas C. ensayklopedya
B. almanak D. diksiyonaryo

27. Gusto mong malaman ang uri ng bato.

A. almanak C. diksiyonaryo
B. atlas D. ensayklopedya

28. Matatagpuan sa pangkalahatang sangguniang ito ang nag-imbento ng unang

sasakyan.
A. atlas C. almanak
B. ensayklopedya D. diksyonaryo

5
29. Makikita rito ang mga mapa, katubigan, bundok, at mga pangunahing lansangan.
A. ensayklopedya C. almanak
B. diksiyonaryo D. atlas

30. Binigyan kayo ng takdang gawaing mangangalap ng iba’t ibang sikat na sayaw
mula taong 1975 hanggang 1990. Anong aklat sa silid-aklatan ang gagamitin
ninyo?
A. atlas C. almanak
B. diksiyonaryo D. ensayklopedya