Alyssa Dimangadap

ACB – 2

Ang Ugnayan ng Wika, Kultura, at Lipunan

Mula sa tekstuwal na presentasyon, nais kong ibigay ang aking pananaw sa isang pahayag
tungkol sa ugnayan ng wika at kultura. Ayon sa modyul, walang taong namumuhay nang mag-isa
dahilan patuloy nitong pakikisalamuha gamit ang wika upang mabuhay. Ang tuluyang pag-unlad
ng tao ay dulot rin sa kanyang patuloy na pakikipagkapwa gamit ang wikang alam niya. Hindi
maihihiwalay sa pag-unlad ng buhay ang kultura at lipunang kinabibilangan ng tao. Higit pa, ang
wika niya ay nakasalalay sa kultura at kanyang lipunan.

Sa aking karanasan, lumaki ako sa ibang bansa kung saan malaki ang pagkakaiba ng
kultura at lipunan mula sa ating mga Pilipino. Ang bansang ito ay Saudi Arabia, na may
konserbatibong lipunan at napakaraming kultura na may malaking impluwensya ng relihiyong
Islam. Ang kanilang wikang Arabe ay mahirap matutunan dahil mayroon silang sariling alpabeto
at mayroon din itong iba't ibang diyalekto ayon sa rehiyon. Kaugnay ng kanilang relihiyosong
kultura, ang wikang Arabe ay ang wikang ginagamit sa banal na Qur'an. Kaya bilang isang Muslim
ay may kaunting kaalaman ako sa wikang Arabic. Sa mahabang panahon na naninirahan kami
doon, natutunan din naming gamitin ang kanilang wika sa pamamagitan ng pakikisalamuha sa
kanila sa trabaho, sa paaralan, at sa komunidad.

Itinuro sa akin ng aking karanasan na ang wika ay nakasalalay sa kultura at lipunan. Sa

aking karanasan, nakibagay kami sa kanilang kultura at natutunan naming mabuti ang kanilang
wika, na nagbigay sa amin ng maraming pagkakataong makipag-ugnayan sa kanila at mamuhay
nang mapayapa. Mula sa trabaho, paaralan, o sa aming kapaligiran, nakahanap kami ng
komunidad na tumatanggap at tumutulong sa atin. Napagtanto ko na ang wika ay isang
mahalagang paraan para sa pag-unlad ng mga tao at isang bansa.

Ang paninirahan sa ibang bansa ay nagbigay sa akin ng maraming karanasan at

replikasyon na nakatulong sa akin na maging mas matapang at determinado pagdating sa pag-
aaral ng ibang wika. Sa ngayon, sinusubukan ko pang maging mahusay sa pagsasalita ng wikang
Cebuano o Bisaya upang maka-usap at maka-halubilo sa aking mga kaklase at kaibigan. Nais ko
ring gumawa ng mga bagong koneksyon sa mga tao mula sa iba't ibang panig ng mundo, kaya't
ipinagpatuloy ko ang pag-aaral ng kultura at lipunan ng mga lugar na aking binibisita upang
makapag-usap ako gamit ang wikang alam ko.

Habang tumatagal ako sa pag-aaral ng wikang Bisaya, mas maraming positibong epekto
ang naidulot nito sa akin. Mas naintindihan ko ang kanilang kultura sa pamamagitan ng mga libro,
kanta, at iba't ibang anyo ng sining na gumagamit ng wikang Bisaya. Bilang karagdagan, nagagawa
kong pagbutihin ang aking mga pakikipag-ugnayan sa mga nakapaligid sa akin at upang bigyan
sila ng mas mahusay na pag-unawa sa kanilang mga karanasan gamit ang wika. Kaya naman
masasabi ko na ang ideya mula sa modyul ay tunay dahil walang tao na kayang mabuhay nang
walang wika.