Learning Area Araling Panlipunan Grade Level 6

W4 Quarter 3 Date

I. LESSON TITLE Suliranin, isyu at hamon ng kasarinlan noong panahon ng Ikatlong Republika

II. MOST ESSENTIAL LEARNING Naiuugnay ang mga suliranin, isyu at hamon ng kasarinlan noong panahon ng
COMPETENCIES (MELCs) Ikatlong Republika sa kasalukuyan na nakahahadlang sa pag-unlad ng bansa

III. CONTENT/CORE CONTENT Ang mga suliranin, isyu at hamon ng kasarinlan noong panahon ng Ikatlong
Republika

Suggested
IV. LEARNING PHASES Learning Activities
Timeframe
A. Introduction Sa araling ito ay maiuugnay ang mga suliraning, isyu at hamon ng
Panimula kasarinlan noong panahon ng Ikatlong Republika sa kasalukuyan na
nakahahadlang sa pag-unlad ng bansa.
Bilang isang mag-aaral ikaw ay inaasahang;
1. Naiuugnay ang mga suliraning, isyu at hamon ng kasarinlan noong
panahon ng Ikatlong Republika sa kasalukuyan na nakahahadlang
sa pag-unlad ng bansa
2. Naipaliliwanag na dumanas ng hirap ang Pilipinas pagkatapos ng
Ikalawang Digmaang Pandaigdig
3. Napahahalagahan ang mga suliraning, isyu at hamon ng kasarinlan
noong panahon ng Ikatlong Republika

May pagkakatulad ba ang mga suliraning kinakaharap ng ating bansa sa

kasalukuyan sa mga suliraning hinarap ng ating bansa sa panahon ng Ikatlong
Republika?
Tuklasin natin ang kasagutan sa pamamagitan ng pagtalakay sa ating
aralin sa araw na ito.

Ang Suliranin ng Republika

Isang malaking hamon sa bagong pamahalaan ang kalagayan ng bansa
matapos ang digmaan. Tiyaga at katatagan ng loob ang kinakailangan
upang muling isaayos ang mga bayan at lungsod na sinira ng labanan.
Pagbagsak ng Ekonomiya
Malaking pinsala ang idinulot ng digmaan sa bansa. Libo-libong buhay
ang nawala at maraming ari-arian ang nasira, kasama na rito ang mga hayop
na katulong sa pagsasaka, industriya, pabrika at bahay-kalakal. Lumaganap
ang kahirapan dahil sa kawalan ng hanapbuhay ng mga mamamayan. Hindi
magamit ang mga pasilidad sa transportasyon tulad ng mga lansangan, tulay,
at sasakyang pandagat at panghimpapawid. Nasira rin ang mga patubig at
sakahan. Bunga nito, humina ang produksiyon ng bansa at nagkulang sa
pagkain. Napabayaan ang pagluluwas ng mga produkto na nagbunga ng
kakapusan sa pananalapi ng pamahalaan.
Malaking suliranin ng pamahalaan ang muling pagpapaunlad ng
kabuhayan. Pinatatag nito ang agrikultura, kalakalan, at industriya bilang
unang hakbang sa pagbangon ng ekonomiya. Inuna ang pagpapagawa at
pagkukumpuni ng mga lansangan at tulay sa mga proyektong pang-
imprastraktura. Lumikha rin ng mga hanapbuhay ang pamahalaan upang
magkaroon ng pagkakakitaan ang mga tao.
Kapayapaan at Kaayusan
Suliranin din ang kapayapaan at kaayusan sa bansa pagkatapos ng
digmaan. Dahil sa kakulangan ng mga trabahong maaaring pasukan at
pagkaabalahan, natuon ang pansin ng nakararami sa mas madaling paraan
upang magkapera. Lumaganap ang nakawan at hold-up sa mga lungsod,
bayan, at maging sa mga lalawigan. Dahil dito, nanganib ang buhay at ari-
arian ng mga mamamayan sa masasamang elemento ng lipunan.
Higit na nagpalubha sa kalagayan ng bansa ang suliranin sa pagsasaka.
Nagpatuloy ang kawalan ng gana ng mga magsasaka laban sa
mayayamang haciendero. Marami sa mga ito ang naging Huk o kasapi ng
Hukbo ng Bayan Laban sa Hapon o Hukbalahap.
Nagsimula ang Hukbalahap bilang samahang gerilya noong panahon ng
mga Hapones. Pagkatapos ng digmaan, tumanggi ang mga Huk na isuko ang
kanilang mga sandata nang hindi ipagkaloob ng pamahalaan ang kanilang
kahilingan sa repormang pansakahan.
Komunismo-sosyalismo ang ideolohiya ng mga Huk. Layunin nila na
pabagsakin ang pamahalaan. Lumaban sila sa pamahalaan at inakit ang
mga hindi nasisiyahang magsasaka na umanib sa kanila. Maraming
magsasaka ang sumali, lalo na sa Gitnang Luzon, na naging sentro ng
pakikibaka ng samahan.
Suliraning Panlipunan
Matinding hirap at pagdurusa ang naging epekto ng nagdaang
digmaan sa Pilipinas. Kapos sa pagkain ang mga mamamayan, lalo na sa
mga lugar na sentro ng labanan. Nanirahan ang marami sa dikit-dikit at sira-
sirang mga bahay at gusali. Buy-and-sell ng anumang bagay ang naging
pangunahing hanapbuhay ng mga mamamayan sa panahong ito. Dahil sa
kakulangan ng paninda at salapi, tumaas ang halaga ng mga bilihin.
Dahil sa kawalan ng katiyakan sa buhay, nalimot ng marami ang
kagandahang asal at pamantayang moral ng lipunan. Nawalan ng tiwala
ang mga tao sa isa’t isa. Lumaganap ang katiwalian. Ginamit ng mga opisyal
ng pamahalaan ang kanilang kapangyarihan sa pagpapayaman at
nagkaroon ng pandaraya at suhulan sa pamahalaan.
Kakapusan ng Pananalapi
Pagkatapos ng digmaan, dumanas ng krisis sa pananalapi ang
pamahalaan. Kakaunti lamang ang natirang salapi sa kaban ng bayan.
Nahirapang makalikom ng buwis ang pamahalaan sapagkat walang
hanapbuhay ang karamihan sa mga mamamayan. Natigil din ang
pakikipagkalakalan sa ibang bansa dahil nahinto ang produksiyon ng mga
pangunahing produkto tulad ng palay, asukal, at niyog.

Sanggunian: Ang Pilipinas p. 200

Mga Tanong:
1. Ano ang mapapansin ninyo sa mga suliranin ng Ikatlong Republika?
2. Paano hinarap ng ating pangulo ang mga suliranin, isyu at hamong
kinakaharap ng ating bansa noon?
3. Paano hinarap ng ating pangulo ang mga suliranin, isyu at hamong
kinakaharap ng ating bansa ngayon?
4. Sa iyong palagay, ano-ano ang mga dahilan kung bakit ang mga
dayuhan ang luminang at nakinabang sa kabuhayan at kayamanan
ng bansa sa halip na mga mamamayang Pilipino? Nangyayari pa rin
ba ito sa kasalukuyan?
 Development Gawain sa Pagkatuto Bilang 1: Subukin Natin
Pagpapaunlad Panuto: Ayusin ang jumbled letters, at sabihin kung ito ay may kaugnayan sa
mga suliranin, isyu at hamon noon sa kasalukuyan. Magbigay ng halimbawa
at patunayan ang iyong kasagutan.

1. AAAKPPYNAA – ___________
2. SLPIAA – ___________
3. SAKGABGAP NG EKNMIAYOO – __________________________
4. NINGILSURA PANILUPNAN – ______________________
5. NASKAAUY - ____________

1. _______________________________________________________________
2. _______________________________________________________________
3. _______________________________________________________________
4. _______________________________________________________________
5. _______________________________________________________________

Tunay na walang perpektong pangulo ngunit lahat sila ay nagpakita ng

tapang at kakayahang pamunuan ang bansa. Ang mga suliranin, isyu at
hamon sa panahon ng Ikatlong Republika ay may pagkakaugnay sa
kasalukuyan dahil ________________________________________________________
_________________________________________________________________________.

Engagement Magagawa Natin

Pakikipagpalihan Panuto: Pagkatapos mong malaman ang mga suliranin, isyu at hamon sa
panahon ng Ikatlong Republika at sa kasalukuyan. Linangin mo pa ang iyong
kaalaman sa pamamagitan ng paggawa ng mga sumusunod na Gawain.

Gawain sa Pagkatuto Bilang 2

Panuto: Sa tulong ng graphic organizer na matatagpuan sa ibaba itala dito
ang mga suliraning kinakaharap ng ating bansa noong panahon ng Ikatlong
Republika at sa kasalukuyan.

Ikatlong Republika

Kasalukuyan
 Gawain sa Pagkatuto Bilang 3
Panuto: Gamit ang Venn Diagram, sa pamamagitan ng talakayan at gabay
ng guro isulat sa kaliwang bahagi ang mga suliranin sa Ikatlong Republika, sa
kanang bahagi naman ay suliranin sa kasalukuyan at sa gitna naman ay ang
naging suliranin ng bansa na pareho ang Ikatlong Republika at Kasalukuyan.
Gawin ito sa isang malinis na papel.

Panahon ng
Ikatlong
Republika Kasalukuyan

Gawain sa Pagkatuto Bilang 4

Panuto: Gumawa ng isang islogan tungkol sa mga hadlang sa pag-unlad ng
bansa na kailangan nating labanan sa kasalukuyan.

Gawain sa Pagkatuto Bilang 5

Panuto: Gumawa ng pangungusap at iugnay ang bawat suliranin, isyu at
hamon noong Ikatlong Republika sa kasalukuyan na nakahahadlang sa pag-
unlad ng bansa. Gawin ito sa isang malinis na papel.

1. Pandemya (sakit) -_________________________________________________

___________________________________________________________________
2. Kawalan ng trabaho -______________________________________________
___________________________________________________________________
3. Kaguluhan -_______________________________________________________
___________________________________________________________________
4. Pambansang badyet (pananalapi) - _______________________________
___________________________________________________________________
5. Mga Programa at Patakaran ng Pangulo -__________________________
___________________________________________________________________

D.Assimilation Tandaan
Paglalapat ● Dumanas ng hirap ang Pilipinas pagkatapos ng Ikalawang
Digmaang Pandaigdig.
● Ang mga pangunahing suliranin sa panahong ito ay ang
pagbagsak ng ekonomiya, kapayapaan at kaayusan, suliraning
panlipunan at kakapusan ng pananalapi.
● Maiuugnay ang mga suliranin, isyu at hamon noong Ikatlong
Republika sa kasalukuyan na nakahahadlang sa pag-unlad ng
bansa.
 Kung ikaw ay magiging pangulo, paano mo bibigyan ng solusyon ang
mga suliranin, isyu at hamon na kinakaharap ng ating bansa sa kasalukuyan?

V. ASSESSMENT
(Learning Activity Sheets for Para sa Pagtataya, ito ay iyong gagawin sa Ikatlo at ika-anim na linggo
Enrichment, Remediation or
Assessment to be given on Weeks
ng aralin.
3 and 6)
VI. REFLECTION
Matapos mong mapagdaanan ang maraming pagsubok na humamon
sa kakayahan upang maging ganap ang pagkatuto at kabatiran tungkol sa
tinalakay na aralin, ngayon ay magagawa mo ng ihayag ng buong
pagmamalaki:

● Ang aking natutunan sa aralin ay __________________.

● Mga bagay na ayaw mong makalimutan sa _______________.
● Gusto mong subukan mula sa iyong natutunan ay _____________.

Prepared by: Lhen Claudes F. San Juan Checked by:

Personal na Pagtatasa sa Lebel ng Performans para sa Mag-aaral

Pumili ng isa sa mga simbolo sa ibaba na kakatawan sa iyong naging karanasan sa pagsasagawa ng
mga gawain. Ilagay ito sa Hanay ng LP o Lebel ng Performans. Basahin ang deskripsiyon bilang gabay
sa iyong pagpili.

- Nagawa ko nang mahusay. Hindi ako nahirapan sa paggawa nito. Higit na nakatulong ang
gawain upang matutunan ko ang aralin.
 - Nagawa ko nang maayos. Nahirapan ako nang bahagya sa pagsasagawa nito. Nakatulong
ang gawain upang matutunan ko ang aralin.
- Hindi ko nagawa o nahirapan ako nang labis sa pagsasagawa nito. Hindi ko naunawaan ang
hinihingi sa gawain. Kailangan ko pa ng paglilinaw o dagdag kaalaman upang magawa ko
ito nang maayos o mahusay.

Gawain sa LP Gawain sa LP Gawain sa LP

Pagkatuto Pagkatuto Pagkatuto
Bilang 1 Bilang 3 Bilang 5
Bilang 2 Bilang 4