4

Musika
Ikatlong Markahan - Modyul 1
Panimula at Pangwakas na Himig:
Uri ng Parirala sa Musika ng Isang
Awitin
MAPEH – Musika 4
Alternative Delivery Mode
Ikatlong Markahan – Modyul 1: Panimula at Pangwakas: Uri ng Parirala sa Simula at
Wakas ng Awitin
Unang Edisyon, 2021

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anumang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa

anumang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio
Bumuo sa Pagsulat ng Modyul
Writers/Ilustrator/Layout Artist/Editor:
Amparo S. Marcelo
Margie M. Roque
Maria Donna B. Martinez
Jade Warren R. Manlapig
Perlita G. Pagdanganan
Valerie Ann B. Punzalan
Ivy R. Balagtas
Marlyn E. Cristobal
Aldrin M. Basco
Nita L. Vistan
Hedi D. Montano
Maritess M. Dungca
Content Editor : Ceferina B. Gongon
Language Editor : Ceferina B. Gongon
Layout Evaluator: Ceferina B. Gongon
Management Team: Gregorio C. Quinto, Jr., EdD
Rainelda M. Blanco, PhD
Agnes R. Bernardo, PhD
Marquez T. Cartel
Glenda S. Constantino
Joannarie C. Garcia
Inilimbag sa Pilipinas ng ___________________
Department of Education – Schools Division of Bulacan
Office Address: Curriculum Implementation Division
Learning Resource Management and Development System (LRMDS)
Capitol Compound, Guinhawa St., City of Malolos, Bulacan
Email address: lrmdsbulacan@deped.gov.ph
 4

Musika
Ikatlong Markahan - Modyul 1
Panimula at Pangwakas na Himig:
Uri ng Parirala sa Musika ng Isang
Awitin
Paunang Salita

Ang Self-Learning Module o SLM na ito ay inihanda para sa ating mag-aaral sa

kanilang pag-aaral sa tahanan. Binubuo ito ng iba’t ibang bahagi na gagabay sa
kanila upang maunawaan ang bawat aralin at malinang ang mga kasanayang
itinakda ng kurikulum.

Ang modyul na ito ay inilaang Gabay sa Guro/Tagapagdaloy na naglalaman ng

mga paalala, pantulong o estratehiyang magagamit ng mga magulang o kung
sinumang gagabay at tutulong sa pag-aaral ng mga mag-aaral sa kani-kanilang
tahanan.

Ito ay may kalakip na paunang pagsusulit upang masukat ang nalalaman ng mag-
aaral na may kinalaman sa inihandang aralin. Ito ang magsasabi kung kailangan
niya ng ibayong tulong mula sa tagapagdaloy o sa guro. Mayroon ding pagsusulit
sa bawat pagtatapos ng aralin upang masukat naman ang natutuhan. May susi ng
pagwawasto upang makita kung tama o mali ang mga sagot sa bawat gawain at
pagsusulit. Inaasahan naman na magiging matapat ang bawat isa sa paggamit
nito.

Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang
anumang bahagi ng modyul. Gumamit lamang ng hiwalay na papel sa pagsagot
sa mga pagsasanay.

Hinihikayat ang mga mag-aaral na makipag-ugnayan agad sa kanilang guro kung

sila ay makararanas ng suliranin sa pag-unawa sa mga aralin at paggamit ng SLM
na ito.

Sa pamamagitan ng modyul na ito at sa tulong ng ating mga tagapagdaloy, umaasa

kami na matututo ang ating mag-aaral kahit wala sila sa paaralan.
 Alamin

Ang modyul na ito ay ginawa at isinulat para sa mga mag-aaral ng Baitang

Apat. Ito ay magbibigay-tulong upang mapadaling makilala ang introduction at
coda ng isang awitin gayundin ang antecedent phrase at consequent phrase.

Sa modyul na ito, ang mga mag-aaral ay magagabayan sa pamamagitan

ng mga angkop na kasanayan upang higit na maunawaan ang aralin.

Sa pamamagitan ng mga inihandang kasanayan, inaasahang ang mga

mag-aaral ay matutukoy ang introduction at coda sa isang awitin gayundin ang
antecedent phrase at consequent phrase sa pamamagitan ng pakikinig at
pagtingin. (MU4FO-IIIa-1, MU4FO-IIIa-2)

Subukin
Panuto: Basahin at unawain ang bawat pangungusap.Piliin ang titik ng tamang sagot.
Isulat ito sa sagutang papel.
1. Ito ay maikling himig o tugtuging instrumental na tinutugtog bago magsimula
ang awitin.
a. coda
b. introduction
c. pitch
d. tono
2. Musical phrase na may papataas na himig.
a. antecedent phrase
b. coda
c. introduction
d. musical idea
3. Isang magandang pagtatapos sa awitin o tugtugin.
a. antecedent phrase
b. coda
c. musical phrase
d. tono
4. Bahaging bubuo sa isang musical idea na may pababang himig.
a. antecedent phrase
b. coda
c. consequent phrase
d. introduction
5. Maihahambing ito sa musical phrase.
a. awit
b. sayaw
c. tugtog
d. tula
1
 Balikan

Panuto: Basahin ang bawat pahayag upang matukoy ang tamang sagot. Piliin sa loob
ng kahon sa ibaba ang tamang sagot. Isulat ang tamang sagot sa sagutang
papel.
notasyon ritmo duple
pulso iskala

____________ 1. Anong D ang ritmong dala-dalawa?

____________ 2. Anong I ang tawag sa kinalalagyan ng mga nota?
____________ 3. Anong N ang sagisag ng antas at tagal sa kabuuan ng titik ng isang
awit?
____________ 4. Anong P ang naririnig sa pagtunog ng orasan?
____________ 5. Anong R ang galaw o indayog sa musika?

Tuklasin
Panuto: Basahin ang maikling kuwento at sagutin ang mga tanong tungkol dito.

May isang paruparong malungkot na nakadapo sa bulaklak. Siya ay si Ana Paruparo.

Lumipad patungo sa kaniya si Maria Paruparo at nagtanong. “Kaibigang paruparo, bakit ka
malungkot?” “Oo, nalulungkot ako dahil hindi ako kasingganda mo at ng mga kaibigan mo.”
“Hindi maganda ang kulay ng aking mga pakpak,” sagot ni Ana Paruparo. Ipinaliwanag ni
Maria Paruparo na hindi dapat ikahiya o ikalungkot ang sariling itsura. Hindi mahalaga ang
panlabas na anyo. Mas mahalaga ay ang mabuting pag-uugali. Natuwa si Ana Paruparo sa
kaniyang narinig. Mula noon ay masaya na siyang sumasama kay Maria Paruparo sa
paglalaro.

Sagutin ang mga tanong.

1. Sino ang malungkot?
2. Bakit siya nalulungkot?
3. Ano ang sinabi ni Maria Paruparo na nagpasaya kay Ana Paruparo?
4. Mabuting kaibigan ba si Maria Paruparo? Bakit?
5. Kung kayo si Ana Paruparo, gagawin din ba ninyo ang ginawa niyang pagtanggap sa
sarili at maging masaya? Bakit?

2
Panuto: Alam ba ninyo ang awit na “Paruparong Bukid?” Halina at atin itong awitin. Gamitin
ang lyrics ng awit na nasa ibaba.

Paruparong Bukid
Musika at Sining 4
Kagamitan ng Mag-aaral

Pa-ru-pa-rong bu- kid na li

li-pad-li-pad, Sa git-na ng da – an pa-pa- ga-pa-gas-pas, Sam-ba-ra ang ta - pis

San-dang- kal ang mang-gas, Ang sa-yang de ko- la,Sam piye- sa ang sa - yad

__ Pa-ru-pa rong___ May pay - ne-ta pa siya, (Uy) May suk- lay pa man din,
San-dang- kal ang mang-gas, Ang sa-yang de ko- la,Sam piye- sa ang sa - yad

(Uy) Nag-was de o- he - les ang pa – la-la-ba-sin, Ha-ha - rap sa al-tar (Uy) at ma

na – na-la-min, At pa-la-kad – la -kad ng pa- ken-deng-ken- deng. ____ May pay

deng. At pa-la-kad- la- kad ng pa – ken-deng-ken – deng. _____

Nagustuhan mo ba ang ating awitin?

Mahusay!

3
 Suriin

Ang alinmang awitin ay may bahaging naghahanda o introduction. Ito ay

maikling himig instrumental na tinutugtog bago magsimula ang awitin. Dahil dito,
gumaganda ang awitin at nakapagbibigay ito ng tamang tono o pitch sa mang-aawit.
Ang pagtatapos naman ng awitin ay nagiging singganda ng introduction dahil sa coda,
na nagsisilbing panapos o pangwakas na bahagi ng komposisyon.

Ang musika ay may musical phrases na magkakaugnay at ito ay

maihahalintulad sa tula na binubuo ng mga taludtod. Ang magkakaugnay na parirala
ay tinatawag na antecedent at consequent phrases. Kadalasan ang antecedent phrase
ay may papataas na himig samantalang ang consequent phrase ay may pababang
himig.

Panuto: Pag-aralan ang ilustrasyon sa ibaba ng piyesang “Paruparong Bukid”.

Intro

Pa-ru-pa-rong bu- kid na li

li-pad-li-pad, Sa git-na ng da – an pa-pa- ga-pa-gas-pas, Sam-ba-ra ang ta - pis

Ang bahaging ito na tinatawag na intro o introduction ay maikling himig-panimula na

nakapagpapaganda sa kabuuan ng awit. Ito ay ginagamit upang maihanda ang damdamin ng
tagapakinig at tuloy magkaroon ng koneksiyong emosyonal sa awitin. Ang lahat ng awit o
kanta ay mayroon nito na nakatatawag-pansin sa tagapakinig upang ipagpatuloy nilang
pakinggan ang awitin.

coda

deng. At pa-la-kad- la- kad ng pa –ken-deng-ken - deng. ____

4
 Ang bahaging ito naman ay tinatawag na coda o panapos na himig. Katulad ng intro,
ito rin ay nakapagpapaganda sa kabuuan ng awit. Kung ang intro ay himig instrumental sa
simula ng awitin, ang coda naman ay himig instrumental sa pagtatapos ng awit. Ginagamit ito
upang mag-iwan ng paghanga sa awit ang tagapakinig. Dahil dito ay uulit-uliting pakinggan
ng tagapakinig ang awit o kanta. Mapapansin sa unahang bahagi ng iskala ay mayroong bilog
na sumisimbolo sa coda na ang ibig sabihin, sa bahaging ito ay magtatapos na ang awit.

Panuto: Pag-aralan ang ilustrasyon sa ibaba ng piyesang “Mary Had a Little Lamb.”

Mary Had a Little Lamb

https://mramusicplace.net/tag/mary-had-a-little-lamb/

----------------------------------------------- antecedent phrase ---------------------------------

---

Ma - ry had a lit - tle lamb, lit - tle lamb, lit - tle lamb

Ang bahaging ito ay ang antecedent phrase na may papataas na himig. Sa dulo o
katapusan nito mapapansin na kulang o bitin ang himig kaya’t inaasahang hihintayin o
aabangan ng tagapakinig ang mga susunod pang himig. Dahil dito, mananatili silang nakikinig
sa awit.

----------------------------------------------- consequent phrase --------------------------------

----

Ma - ry had a lit - tle lamb; it’s fleece was white as snow.

Ang bahaging ito naman ay ang consequent phrase na may papababang himig. Sa
taludtod na ito ibibigay kung ano ang hinanahap o hinihintay sa himig, isang pagtatapos na
kukumpleto sa kagandahan ng himig na magbibigay katuwaan sa mga tagapakinig.

5
 Pagyamanin
Pang-isahang Gawain 1

Panuto: Basahin ang bawat pangungusap.Piliin sa loob ng kahon ang sagot sa mga
sumusunod na tanong. Isulat ang sagot sa sagutang papel.
isa coda introduction apat pitch

___________ 1. Ito ang simbolo ng coda.

___________ 2. Ito ay bilang ng musical phrase sa isang awitin.
___________ 3. Ito ay himig na tinutugtog o inaawit bilang paghahanda sa
kabuuan ng pag-awit.
___________ 4. Ito ay ang pagbaba at pagtaas ng isang tunog.
___________ 5. Ito ay bahagi ng isang awit o tugtugin na nagsisilbing panapos o
pangwakas na bahagi ng komposisyon.

Pang-isahang Pagtataya 1

Panuto: Suriin ang piyesa ng awiting “Bahay Kubo”. Sagutin ang mga tanong
pagkatapos.

6
1. Ano ang pakumpasan o time signature ng pag-awit? ____________________
2. Ano ang tawag sa bahagi ng awit na may bilog? ____________________
3. Ano ang tawag sa bahagi ng awit na nakakahon? ____________________

Pang-isahang Gawain 2

Panuto: Ayusin ang mga “ jumbled letters” para mabuo ang mga salita. Isulat ang
sagot sa sagutang papel.

1. CENTETANDE HARPSE - Ito ay musical phrase na may pataas na himig.

2. ADOC – Ito ay isang magandang pagtatapos sa awitin o tugtugin.

3. INDUTROCNITO – Ito ay himig na tinutugtog o inaawit bilang paghahanda sa

kabuuan ng pagawit.

4. CONTEQUSEN HARPSE - Ito ay musical phrase na may pababa na himig.

5. SPAHRES - Ito ay grupo ng mga salita sa kanta.

Pang-isahang Pagtataya 2

Panuto: Awitin ang “Ako ay may Lobo”. Bilugan ang antecedent phrase at ikahon ang
consequent phrase.

Ako ay may lobo

Lumipad sa langit
Di ko na nakita
Pumutok na pala!

Sayang ang pera ko

Binili ng lobo
Sa pagkain sana
Nabusog pa ako!

7
Pang-isahang Gawain 3

Panuto: Punan ang patlang ng tamang sagot. Piliin ang sagot sa ibaba.

Ang mga _______________________at _______________________ ay

magkakaugnay. Ito ay ang dalawang phrases na nagbibigay ng buong
_______________________. Kadalasan ang antecedent phrase ay may
_______________________ na himig at ang consequent phrase naman ay may
_______________________ himig.

antecedent phrase papataas musical idea

consequent phrase papababa

Pang-isahang Pagtataya 3

Panuto A: Awitin ang “Sa Ugoy ng Duyan”. Isulat ang AP kung ang linya ng awit ay
antecedent phrase at CP kung consequent phrase. Isulat ang sagot sa sagutang
papel.

Sa aking pagtulog na labis ang himbing

Ang bantay ko’y tala, ang tanod ko’y bituin
Sa piling ni Nanay, langit ay buhay
Puso kong may dusa sabik sa ugoy ng duyan.

Sana’y di magmaliw ang dati kong araw

Nang munti pang bata sa piling ni nanay
Nais kong maulit ang awit ni inang mahal
Awit ng pag-ibig habang ako’y nasa duyan.

___________1. Sa aking pagtulog na labis ang himbing.

___________2. Sa piling ni Nanay, langit ay buhay.
___________3. Sana’y di magmaliw ang dati kong araw.
___________4. Ang bantay ko’y tala, ang tanod ko’y bituin.
___________5. Awit ng pag-ibig habang ako’y nasa duyan.

Panuto B: Tukuyin kung alin ang antecedent phrases at consequent phrases sa awiting
“Leron Leron Sinta”. Isulat sa talahanayan sa ibaba ang angkop na sagot.
Isulat ang sagot sa sagutang papel.

Leron, leron sinta, Buko ng papaya,

Dala-dala'y buslo, Sisidlan ng bunga,
Pagdating sa dulo'y nabali ang sanga
Kapos kapalaran,Humanap ng iba.

8
 ANTECEDENT PHRASE CONSEQUENT PHRASE

Isaisip

KABUUAN NG ISANG AWITIN O KANTA

Ang isang awitin o kanta ay isang tulang komposisyong na nilalapatan ng
himig. Tulad ng mga sulatin, ito’y binubuo rin ng iba’t ibang parte na siyang
nagpapaganda sa kabuuan nito. Karaniwan sa mga awiting ating naririnig ay binubuo
ng mga sumusunod: Introduction, Verse, Chorus, at Ending o Coda.
Ang bawat bahagi namang ito ay binubuo ng phrases. Ang isang phrase ay
grupo ng mga salita sa kanta. Mayroong dalawang uri ng phrases: antecedent phrase
at consequent phrase.
Paano malalaman o matutukoy kung alin o ano ang phrase na ating inaawit?

Twinkle twinkle little star, how I wonder what you are.

Up above the sky so high, like a diamond in the sky.
Masdan ang umpisa ng awiting ito. Binubuo ito ng isang pangungusap. Ang
pangungusap na ito ay binubuo ng dalawang phrase. Twinkle twinkle little star-
phrase 1, (antecedent phrase) how I wonder what you are- phrase 2 (consequent
phrase). Sa sandaling ika’y huminto sa pag-awit upang huminga ay isang phrase na
ang iyong nakanta.
Laging magkasama ang dalawang uri ng phrase na ito. Hindi mabubuo ang isa
kung wala ang isa pa. Ang antecedent phrase ay maihahalintulad sa isang tanong na
naghihintay ng kasagutan. Malalaman mo ito sa pamamagitan ng iyong pandinig, na
tila ba may kulang pa o hindi pa tapos ang himig. Samantalang ang consequent phrase
naman ay ang sagot sa tanong. Ito ang kukumpleto sa tila may kulang na himig sa
ating inaawit.

Antecedent Phrase – laging nasa unahan ng consequent phrase. Ang tono nito ay
kadalasang pataas at tila nangangailangan pa ng katapusan dahil bitin ang tono.

Consequent Phrase – laging kasunod ng antecedent phrase. Ito ang sagot at

kukumpleto sa tonong inumpisahan ng antecedent phrase.

9
 Isagawa

KUMPLETUHIN MO AKO!
Panuto: Ang mga sumusunod ay mga halimbawa ng antecedent at consequent
phrases na makikita sa ilang awitin. Kumpletuhin ang bawat linya ng mga
awitin. Isulat ang iyong sagot sa sagutang papel.

1. Up above the sky so high, __________________________.

2. ____________________, sa paligid-ligid ay puno ng linga.

3. Old Mac Donald had a farm, ________________________.

4. Sayang lang ang pera ko, pinambili ng lobo, _______________________.

5. _______________________, dalawang tainga, dalawang mata ilong na maganda.

Tayahin

A. Panuto: Basahing mabuti ang mga pahayag. Isulat sa iyong sagutang papel ang
letra ng tamang sagot.

1. Ano ang tawag sa maikling instrumental na naghahanda sa isang awitin?

a. antecedent phrase b. coda c. introduction d. phrase

2. Ito ay uri ng phrase sa isang awitin na kadalasang may pataas na tono.

a. antecedent phrase b. consequent phrase c. introduction d. pitch

3. Ang isang awitin ay isang komposisyong patula na nilapatan ng ________.

a. antecedent phrase b. consequent phrase c. himig d. kulay

4. Kadalasang may tonong _______ ang mga consequent phrases.

a. matinis b. pababa c. pantay d. pataas

5. Anong parte ng isang awitin ang naghuhudyat ng katapusan nito?

a. antecedent phrase b. coda c. introduction d. phrase

6. Ilang uri ng phrase mayroon sa musika?

a. 1 b. 2 c. 3 d. 4

7. Ang introduction ay nakapagbibigay ng tamang tono o ___________.

a. coda b. nota c. phrase d. pitch

10
8. Ang mga musical phrases ng isang awitin ay laging _____________.
a. magkahiwalay b. magkatulad c. magkatunog d.magkaugnay

9. Anong grupo ng mga salita na bumubuo sa isang awitin?

a. coda b. introduction c. nota d. phrase

10. Laging kapansin-pansin ang kakulangan sa himig o ______ sa tono ang mga
antecedent phrase.
a. bagal b. bilis c. bitin d. sobra

Karadagang Gawain

Panuto: Umisip ng isa o higit pang awitin. Isulat ang lyrics nito. Salungguhitan
ang mga antecedent phrases at bilugan naman ang mga consequent
phrases. Gawin ito sa inyong kwaderno o sa inyong sagutang papel.

11
Subukin Pang- isahang Gawain 1
12
1. B 4. C 1.
2. A 5. D 2. apat
3. B 3. introduction
4. pitch
5. coda
Balikan Pang-isahan Gawain 2
1. Duple 1. Antecedent Phrase
2. Iskala 2. Coda
3. Notasyon/Notation 3. introduction
4. Pulso 4. Consequent phrase
5. Ritmo 5. Phrases
Tuklasin Pang-isahang Gawain 3
1. Ana Paruparo 1. Antecedent phrase
2. Hindi siya kasing ganda ng 2. Consequent phrase
Ibang paruparo 3. Musical idea
3. Hindi mahalaga ang itsura ang 4. pataas
Mahalaga ay pag-uugali 5. pababa
4. Iba-ibang sagot ang maaaring
ilahad
5. Iba-ibang sagot
ang maaaring ilahad
Pang-isahang Pagtataya 3
Pang-isahang Pagtataya 1 1. antecedent phrase 4. antecedent phrase
1. Maaaring iba-iba ang sagot 2. consequent phrase 5. consequent phrase
2. Introduction 3. consequent phrase
3. Coda Antecedent Phrase Consequent Phrase
Leron leron sinta Buko ng papaya
Dala-dalay buslo Sisidlan ng bunga
Pagdating sad ulo Nabali ang sanga
Kapus kapalaran Humanap ng iba
Isagawa
1. Like a diamond in the sky
2. Sibuyas, kamatis, bawang at luya
Pang-isahang Pagtataya 2 3. E-I-E-I-O
Bilugan 4. Sa pagkain sana, nabusog pa ako
1. Ako ay may lobo, 5. Sampung mga daliri, kamay at paa
2. Di ko na Nakita Tayahin A
3. Saying ang pera ko 1. C 2. A 3. C 4. B 5. B
4. Sa pagkain sana 6. B 7. C 8. D 9. D 10. C
B. (Maaaring iba-iba ang sagot)
Ikahon Karagdagang Gawain
1. Lumipad sa langit (iba ibang sagot ang maaaring ilahad)
2. Pumutok na pala
3. Binili ng lobo
4. Nabusog pa ako
Susi sa Pagwawasto
 Sanggunian

A. Electronic Resources

https://www.smule.com/song/may-ako-ay-may-lobo-karaoke-
lyrics/174093258_2287434/arrangement

https://mramusicplace.net/tag/mary-had-a-little-lamb/

https://philnews.ph/2019/11/11/buod-ng-alamat-ng-paru-paro-tungkol-sa-magandang-
insekto/

B. Libro

Digo,Maria Elena D., et.al. Musika at Sining 4 LM, Unang Edisyon. Meralco Avenue, Pasig
City: Department of Education. 2015.

Santos, Evangeline., MSEP 4, Don Quijote St., Sampaloc, Manila: St. Augustine Publication.
2006.

13
 Para sa mga katanungan o puna, sumulat sa:

Department of Education, Schools Division of Bulacan

Curriculum Implementation Division
Learning Resource Management and Development System (LRMDS)
Capitol Compound, Guinhawa St., City of Malolos, Bulacan
Email Address: lrmdsbulacan@deped.gov.ph

14