ANG 3 KA MINUTO NGA PAGPAHAYAG SA MAAYONG BALITA

A. Ang maanindot nga PLANO SA DIOS alang kanimo ug kanako.

1. Ang tawo gibuhat sa Dios sama sa iyang dagway – Genesis 1:26
2. Sa dagway sa tinuod nga pagkamatarung ug pagkabalaan. Efeso 4:24
Usa sa mga dagway sa Dios nga iyang gibutang sa tawo mao ang katakos sa paghimo ug
daghang mga butang nga dili mahimo sa ubang binuhat sa Dios sama sa mga mananap.
3. Kay buot sa Dios nga ikaw ug ako iyang ikauban sa suod nga relasyon ug kita makasinati sa
kinabuhing madagayaon. Juan 10:10
Kinsa kadtong parehas ug mga dagway, sila mao ang kanunay magkauban.

B. Apan adunay DAUTANG BALITA

1. Ang tawo nakasala ug miresulta kini sa pagkadaut sa iyang dagway ug wala na siya mahisama
sa dagway sa Dios diha sa tinuod nga pagkamatarung ug pagkabalaan. Genesis 3:6
Tungod sa kasal-anan ang tawo nahisama na ug dagway sa yawa.
2. Tungod kay ang tawo ug ang Dios dili na man sama ug dagway, ang tawo nahimulag sa Dios
(lakip ikaw ug ako). Genesis 3:23, Isaias 59:2
3. Kay ang Bibliya nag-ingon man nga ang tanan nakasala ug nahimulag sa Dios. – Roma 3:23
4. Ug ang bayad sa sala mao ang kamatayon ug kini nga kamatayon mao ang silot nga walay
kataposang pagkahimulag gikan sa Dios didto sa impyerno – Roma 6:23; 2 Tesalonica 1:9
5. Ang tawo dili maluwas ug dili mapasaylo sa Dios pinaagi sa iyang mga maayong binuhatan,
pagkabuotan, relihiyon, ug sa uban pa nga mga tawhanong pamaagi – Efeso 2:8-9, Tito 3:5
6. Ang mga matarong natong binuhatan ug pagkabuotan kini sama lamang sa mahugawng
pahiran. Isaias 64:6

C. Apan salamat sa Dios tungod kay adunay MAAYONG BALITA!!!

1. Kay gihigugma pag-ayo sa Dios ang mga tawo sa kalibutan (lakip ikaw ug ako) – Juan 3:16
2. Ug tungod niini gihatag sa Dios ang iyang bugtong Anak nga si Jesus aron sa pagtubos sa silot
sa atong mga kasal-anan pinaagi sa iyang kamatayon didto sa krus. Roma 5:8; 2 Cor. 5:21
Tungod sa gugma sa Dios, siya nangita kanato aron sa pagluwas kanato. Lucas 19:10
3. Kay ang Dios dili buot nga kita malaglag ug mahiadto sa kalayo sa impyerno. 2 Pedro 3:9
Ang kamatayon ni Jesus didto sa krus nagapakita kun unsa ka seryoso ang atong kasal-anan
atubangan sa Balaan nga Dios.
Kini nagapakita kun unsa kita kadautan atubangan sa mga mata sa Dios.
Kini nagapakita nganong kinahanglanon nga si Jesus mamatay didto sa krus tungod kay wala
nay lain pang paagi aron kita maluwas.
4. Pinaagi kang Jesus, mahimo nang mapasig-uli ang atong relasyon ngadto sa Dios. 2 Cor. 5:18
5. Pinaagi kang Jesus, mahimo na nga ang atong panagway mapasig-uli sama sa dagway sa Dios
diha sa tinuod nga pagkamatarung ug pagkabalaan. 1 Corinto 1:30; Roma 3:22
Ingon ang Isaias 52:14 nga nadaot ang dagway ni Jesus tungod sa atong mga sala aron iyang
mapasig-uli ang atong orihinal nga dagway diha sa tinuod nga pagkamatarung ug pagkabalaan.
6. Mao nga si Jesus lamang ang dalan, kamatuoran ug ang kinabuhi. Juan 14:6
7. Ang kaluwasan makaplagan lamang diha kaniya kay dinhi sa kalibotan wala nay laing ngalan
nga gihatag sa Dios ngadto sa katawhan nga maoy makaluwas kanato." Buhat 4:12
8. Si Jesus nanuktok karon sa pultahan sa imong kasing-kasing kay buot siya nga
musulod ug maghari niini – Gipadayag 3:20; Roma 10:9
9. Buot ni Jesus nga ikaw mohimo niining maong mga lakang:
 Hinulsoli ug biyai na ang imong mga kasal-anan. Roma 2:4
 Tuohi siya ug isurender ang imong kinabuhi ngadto kaniya. Buhat 16:31,Roma 12:2
 Imbitara siya sa pagsulod sa imong kasingkasing ug sugdi na ang pagkinabuhi alang kaniya
isip imong DIOS, GINOO, HARI ug MANLULUWAS sa imong kinabuhi karon. 2Corinto 5:15