Ang Pagmimisa Ukol Sa Pag-Iisang-Dibdib

PAGDIRIWANG NG
PAG-IISANG-DIBDIB
2 | ANG PAGMIMISA UKOL SA PAG-IISANG-DIBDIB
UNANG BAHAGI
PAGPASOK SA SIMBAHAN
Pagsapit ng takdang oras, ang pari, na nararamtan ng kasuotan, para sa pagmimisa, ay paroroon
sa pintuan ng simbahan. Siya ay sasamahan ng mga naglilingkod. Maaari rin namang siya ay
pumaroon sa dambana. Babatiin niya ang mga ikakasal bilang pagpapahayag na ang
Sambayanan ng Diyos ay nakikiisa sa kanilang kagalakan. Kapag mayroong dahilan upang
laktawan ang pagsalubong sa ikakasal, masisimulan kaagad ang pagdiriwang ng pag-iisang-
dibdib sa pasimula ng Misa.
Kapag magpuprusisyon patungong dambana, mauunang lalakad ang mga naglilingkod, susunod
ang pari ang mga ikakasal na maaaaring Samahan ng mga magulang at mga ninong at ninang na
maaaring Samahan ng mga magulang at mga ninong at ninang alinsunod sa umiiral na kaugalian.
Habang ito ay nagaganap, ang pambungad na taludtod ay inaawit.
Anumang umiiral na kaugalian kaugnay ng pagpasok ng ikakasal ay maipagpapatuloy. Habang

umaawit ang sambayanan, makapagpuprusisyon ang ikakasal, mga magulang, ninong at ninang,
at mga abay. Maihahatid pa rin ng kanyang ama ang kasintahang babae, habang naghihintay sa
gawi ng dambana ang kasintahang lalaki at mga abay na lalaki. Sa anumang paraang napili,
makapagmamano sa kanilang mga magulang ang mga ikakasal bago sila tumuloy sa inihandang
mga likmuan para sa kanila sa harap ng dambana.
Makakalahok sa prusisyon ang pari. Makapaghahagis ng talulot ng bulaklak sa daraanan ng

prusisyon.
UNANG BAHAGI | 3
PASIMULA
Matapos ang awiting pambungad, habang nakatayo ang lahat, ang pari at ang mga tao ay magkukrus.
Ipapahayag ng paring nakaharap sa tao:
S a ngalan ng Ama,
at ng Anak, at ng Espirito Santo.
Sasagot ang mga tao:
Amen.
Ilalahad ng pari ang kanyang mga kamay bilang pagbati sa mga tao, habang ipinahahayag:
Ang pagpapala ng ating Panginoong Hesukristo,

ang pag-ibig ng Diyos Ama,
at ang pakikipagkaisa ng Espiritu Santo
nawa’y sumainyong lahat.
At sumaiyo rin.
Ang pari o and diyakono o sinumang ankop na tagapaglingkod ay makapagbibigay ng maikling

paliwanag tungkol sa buod ng Misang ipinagdiriwang.
Susunod na gaganapin ang pagsisisi sa kasalanan. Aanyayahan ng pari ang mga tao:
Mga kapatid, aminin natin ang ating mga kasalanan

upang tayo’y maging marap na gumanap sa banal na pagdiriwang.
Magkakaroon ng saglit na katahimikan. Pagkatapos nito, lahat ay sabay-sabay na aamin sa nagawang

kasalanan:
Inaamin ko sa makapangyarihang Diyos

at sa inyo, mga kapatid,
na lubha akong nagkasala
Ang lahat ay dadagok sa dibdib.
sa isip, sa salita, sa gawa

at sa aking pagkukulang.
Kaya isinasamo ko
sa Mahal na Birheng Maria,
sa lahat ng mga anghel at mga banal
at sa inyo, mga kapatid,
na ako’y ipanalangin sa Panginoong ating Diyos.
Ipahahayag ng pari ang pagpapatawad:
Kaawaan tayo ng makapangyarihang Diyos,

patawarin tayo sa ating mga kasalanan,
at patnubayan tayo sa buhay na walang hanggan.
Amen.
KYRIE
Isusunod ang mga pagluhog na ”Panginoon, kaawaan mo kami,” maliban kapag naganap na ito
kaugnay ng ibang paraan ng pagsisisi sa kasalanan:
P. Panginoon, kaawaan mo kami.

B. Panginoon, kaawaan mo kami.
P. Kristo, kaawaan mo kami.

B. Kristo, kaawaan mo kami.
P. Panginoon, kaawaan mo kami.

B. Panginoon, kaawaan mo kami.
UNANG BAHAGI | 5
PAPURI SA DIYOS
Kapag nakatakdang ganapin, aawitin o darasalin ang awit:
Papuri sa Diyos sa kaitaasan

at sa lupa’y kapayapaan sa mga taong kinalulugdan niya.
Pinupuri ka namin,
dinarangal ka namin,
sinasamba ka namin,
ipinagbubunyi ka namin,
pinasasalamatan ka namin,
dahil sa dakila mong angking kapurihan.
Panginoong Diyos, Hari ng langit,
Diyos, Amang makapangyarihan sa lahat.
Panginoong Hesukristo, Bugtong na Anak,
Panginoong Diyos, Kordero ng Diyos, Anak ng Ama.
Ikaw na nag-aalis ng mga kasalanan ng sanlibutan,
maawa ka sa amin.
Ikaw na nag-aalis ng mga kasalanan ng sanlibutan,
tanggapin mo ang aming kahilingan.
Ikaw na naluluklok sa kanan ng Ama,
maawa ka sa amin.
Sapagka’t ikaw lamang ang banal,
ikaw lamang ang Panginoon,
ikaw lamang, O Hesukristo, ang Kataas-taasan,
kasama ng Espiritu Santo
sa kadakilaan ng Diyos Ama. Amen.
PANALANGING PAMBUNGAD
Pagkaraan ng awit, magkadaop ang mga kamay na ipahahayag ng pari:
Manalangin tayo.
Ang lahat kaisa ng pari ay tahimik na mananalangin nang saglit. Pagkalipas ng ilang sandali,
ilalahad ng pari ang kanyang kamay at ipahahayag and panalanging pambungad:
A ma naming makapangyarihan,
iyong itinatalaga na ang pag-iisang-dibdib
ay maging sagisag ng pag-ibig
ni Kristo sa kanyang banal na Sambayanan.
Sa pinagdurugtong na buhay nina N., at N.,
na ngayo’y umaako sa banal na tipan ng kasal
nawa’y mangibabaw ang ipinahayag nalang pagmamahalan
sa pamamagitan ni Hesukristo
kasama ng Espiritu Santo magpasawalang hanggan.
Sasagot ang mga tao.
Amen.
IKALAWANG BAHAGI | 7
IKALAWANG BAHAGI
PAGPAPAHAYAG NG SALITA NG DIYOS
Paroroon sa pook ng pagbasa ang maglalahad ng Salita ng Diyos. Habang ipinapahayag niya ang unang
pagbasa, ang lahat ay nakaupong makikinig.
UNANG PAGBASA
Genesis 2, 18-24
“Sila’y nagiging iisa.”
Pagbasa mula sa aklat ng Genesis
S inabi ng Panginoon,
“Hindi mainam na mag-isa ang tao;
bibigyan ko siya ng makakasama at makakatulong.”
Kaya, lumikha siya ng mga hayop sa parang at ibon sa himpapawid,
inilapit sa tao,
at ipinaubaya dito ang pagbibigay ng pangalan ng mga iyon.
Kung ano ang kanyang itawag, iyon ang magiging pangalan ng mga iyon.
Ang tao nga ang nagbigay ng pangalan sa lahat ng ibon at mga hayop,
maging maamo o mailap.
Ngunit wala isa man sa mga ito
ang angkop na kasama at katulong niya.
Kaya’t pinatulong ng Panginoon ang tao.

Samantalang nahihimbing, kinuha niya ang isang tadyang nito
at pinaghilom ang laman sa tapat niyon.
Ang tadyang na iyo’y
ginawa niyang isang babae, at inilapit sa lalaki.
Sinabi ng lalaki,
“Sa wakas, narito ang isang tulad ko,
laman ng aking laman, buto ng aking buto;
babae ang siyang itatawag sa kaniya
sapagkat sa lalaki nagmula siya.”
Ito ang dahilan kaya iniiwan ng lalaki ang kanyang ama at ina
Upang sumama sa kaniyang asawa, sapagkat sila’y nagiging iisa.
Ang salita ng Diyos.
Sasagot ang lahat:
Salamat sa Diyos.
Ang tagapaglingkod ng salmo o tagaawit ay magpapahayag ng akda mula sa Aklat ng mga Awit at ang
mga tao ay tutugon ng kaukulang taludtod.
SALMONG TUGUNAN
Salmo 127, 1-2, 3, 4-5.
Tugon: Mapalad ang sumusunod na taong may takot sa Diyos.
Mapalad ang bawat taong sa Panginoo’y may takot,

ang maalab na adhika’y sumusunod sa kaniyang utos.
Hindi siya magkukulang sa anumang kailangan,
ang buhay ay maligaya’t uunlad ang kanyang buhay.
Sa tahanan, ang asawa’y parang ubasan na mabunga,

bagong tanim na olibo sa may dulang ang anak n’ya.
Ang sinuman kung Panginoon ay kusang susundin,
buhay niya ay uunlad at laging pagpapalain.
Mula sa Sion, pagpapala nawa ng Diyos ay tanggapin,

at makita habang buhay, pag-unlad ng Jerusalem;
ang magiging iyong apo, nawa ikaw ay abutin,
nawa’y maging mapayapa itong bayan ng Israel!
Pagkatapos, kung mayroong ikalawang pagbasa, ipapagayad din ito sa pook ng pagbasa katulad ng
nauna.
IKALAWANG PABASA
Efeso 5, 2a. 21-33
“Isang dakilang katotohanan and inihahayag nito
- ang kaugnayan ni Kristo sa Simbahan.”
Pagbasa mula sa sulat ni Apostol San Pablo sa mga Taga-Efeso
M ga kapatid,
mamumuhay kayong puspos ng pag-ibig tulad ni Kristo;
dahil sa pag-ibig sa atin, inihandog niya ang kanyang buhay
bilang mahalimuyak sa hain ng Diyos.
Pasakop kayo sa isa’t isa tanda ng inyong paggalang kay Kristo.
Mga babae,
pasakop kayo sa inyu-inyong asawa
tulad ng pagpapasakop ninyo sa Panginoon.
Sapagkat ang lalaki ang ulo ng kanyang asawa, tulad ni Kristo
na siyang ulo ng simbahan, na kanyang katawan,
at siyang Tagapagligtas nito.
Kung paanong nasakop ni Kristo ang simbahan,
gayun din naman,
ang mga babae’y dapat pasakop nang lubusan sa kani-kanilang asawa.
Mga lalaki,
ibigin Ninyo ang inyu-inyong asawa,
gaya ng pag-ibig ni Kristo sa simbahan.
Inihandog niya ang kanyang buhay para rito,
upang ang simbaha’y italaga sa Diyos
matapos linisin sa pamamagitan ng tubig at ng salita.
Ginawa niya iyo upang maiharap sa kanyang sarili ang simbahan,

marilag, banal, walang batik at walang anumang dungis o kulubot.
Dapat mahalin ng mga lalaki ang kani-kanilang asawa
tulad ng sarili nalang katawan.
Ang lalaking nagmamahal
sa kanyang asawa ay nagmamahal sa kanyang sarili.
Walang taong namumuhi sa sarili niyang katawan,
bagkus ito’y pinakakain at inaalagaan,
gaya ng ginagawa ni Kristo sa simbahan.
Tayo’y mga bagai ng kanyang katawan.
“Dahil dito, iiwan ng lalaki ang kanyang ama’t ina
at magsasama sila ng kanyang asawa; at sila’y magiging isa.”
Isang dakilang katotohanan nag inihahayag nito –
ang kaugnayan ni Kristo sa simbahan ang tinutukoy ko.
Subalit ito’y tumutukoy rin sa bawat isa sa inyo;
mga lalaki, mahalin ninyo ang inyu-inyong asawa gaya ng inyong sarili;
mga babae, igalang ninyo ang inyu-inyong asawa.
Ang Salita ng Diyos.
Sasagot ang lahat:
Salamat sa Diyos.
Isusunod ang Aleluya o ang ibang awit.
Samantalang ginaganap ang pag-awit, maglalagay ng isenso sa insensaryo ang pari kung minamabuting
gamitin ito. Pagkaraan, ang diyakonong magpapahayag ng Mabuting Balita ay yuyuko sa hap ng pari
at hihilingin niya ang pagpapala sa mahinang tinig:
Padre, ako po ay inyong gawaran ng pagpapala.
Ang pari ay mangungusap nang mahina:
Sa iyong puso at sa iyong mga labi

manahan nawa ang Panginoon
upang marapat mong maipahayag
ang kanyang Mabuting Balita,
sa ngalan ng Ama at ng Anak ✠
at ng Espiritu Santo.
Ang diyakono ay sasagot:
Amen.
Kapag walang diyakono, ang paraing nakayuko sa gawing dambana ay magdarasal nang pabulong:
Makapangyarihang Diyos,
gawin mong dalisay ang aking puso at mga labi
upang marapat kong maipahayag ang Mabuting Balita.
Pagkatapos, ang diyakono o ang pari ay paroroon sa pook ng pagbasa. Magagawa ito nang paprusisyon
na nilalahukan ng mga tagapaglingkod na may dalang insensaryo at mga kandila. Sa pook ng pagbasa,
ihahayag ng tagapaglahad:
Sumainyo ang Panginoon.
At sumainyo rin.
ANG MABUTING BALITA

Mateo 19, 3-6
“Ang pinagsama ng Diyos ay huwag paghiwalayin ng tao.”
Ihahayag ng diyakono o pari:
✠ Ang Mabuting Balita ng Panginoon ayon kay San Mateo
Samantala’y kurusan niya ang aklat, ang kanyang noo, ang kanyang bibig, at ang kanyang dibdib.
Papuri sa iyo, Panginoon.
Pagkaraan, iinsensuhan ng diyakono o ng pari ang aklat kung ginagamit ang insenso at ipahahayag niya
ang Mabuting Balita.
N oong panahong iyon,

May mga Pariseong lumapit kay Hesus at tinangkang siluin siya
Sa pamamagitan ng tanong na ito:
“Naaayon bas a Kautusan na hiwalayan ng lalaki ang kanyang asawa
Sa kahit anong kadahilanan?”
Sumagot si Hesus: “Hindi pa ba Ninyo nababasa sa Kasulatan
na sa pasimula’y nilalang sila ng Maykapal, lalaki at babae?
At sinabi, ‘Dahil dito, iiwan ng lalaki ang kanyang ama’t ina.
at magsasama sila ng kanyang asawa; at sila’y magiging isa.’
Kaya’t hindi na sila dalawa kundi isa.
Ang pinagsama ng Diyos ay huwag paghiwalayin ng tao.”
Sa katapusan, ihahayag niya:
Ang Mabuting Balita ng Panginoon.
Magbubunyi ang lahat:
Pinupuri ka namin, Panginoong Hesukristo.

Hahalikan ang aklat habang dinarasal nang pabulong:
Magbunga nawa itong pagpapahayag ng Mabuting Balita

ng pagkapawi ng mga kasalanan.
Pagkapahayag sa Mabuting Balita, gaganapin ng pari ang pangaral na nasasalig sa mga inilahad mula
sa Banal na Kasulatan tungkol sa misteryo ng pag-iisang-dibdib ng mga Kristiyano, dangal ng pag-ibig
ng mga mag-asawa, pagpapalang dulot ng sakramentong ito at mga pananagutan ng mga mag-asawa.
Ang pangaral ay inaangkop sa katayuan ng mga kinauukulan.
PANGARAL
(Hinalaw sa Familiaris Consortio, 11, 12, 13, at 86)
Mga kapatid, tayo’y nilikha ng Diyos bilang kanyang kawangin, tinatawag niya
tayo upang mabuhay sa pamamagitan ng pag-ibig at para sa pag-ibig. Ang
pangunahing kataga sa Pahayag ng Diyos ay ang kanyang pag-ibig sa kanyang
sambayanan. Ito ay ipinahahayag sa inyong pag-iibigan, N., at N. Ang buklod ng
pag-ibig ng magkaisang-dibdib ay siyang larawan at tagapaghiwatig ng tipan na
siyang nag-uugnay sa Diyos at sa kanyang sambayanan.
Ang Pahayag ng Diyos ay nalubos sa pagkakaloob ng pag-ibig na siyang layuning

idulot ng kanyang Salita noong ito ay magkatawang-tao at noong inihain sa krus
ang buhay ni Hesus para sa Simbahang kanyang kaisang-dibdib. Sa paghahaing
ito ay ganap na nahayag ang layuning itinatak ng DIyos sa inyong pagkatao, N.,
at N., mula pa noong kayo’y likhain. Ang inyong pag-iisang-dibdib ay
nagpapahiwatig ng bagong at walang hanggang tipan na pinagtibay sa dugo ni
Kristo. Ang Espiritu Santong pinadaloy ng Panginoon at siyang nagdudulot ng
bagong kalooban at pinapagindapat niya kayo, N., at N., ay makapamuhay sa pag-
ibig alinsunod sa pagmamalasakit ni Kristo. Ang pag-ibig ninyo ay magiging
ganap sa pagmamalasakit sa isa’t isa na siyang dapat pagsaluhan bilang tugon sa
tawag ng pag-ibig ni Kristo na naghain ng sarili sa kanyang pagpako sa krus. Para
sa Simbahan, kayo ang tagapagpatunay tungkol sa kaligtasang idudulot ng mga
sakramento. Ang kaligtasang ito ay siyang nilalaman ng sakramento ng kasal
bilang pag-alala, pagganap at pagpapahayag. Bilang pag-alala, ang sakramento ng
kasal ay nagdudulot ng pagpapala at pananagutang ipagdiwang ang paggunita sa
mga dakilang ginanap ng Diyos at ang pagpapatunay sa mga anak ninyo tungkol
dito. Bilang pagganap, ang sakramento ng kasal ay nagdudulot ng pagpapala at
pananagutang gampanan ang pag-ibig na mapagpatawad at mapagmalasakit sa

kapakanan ng isa’t isa at mga anak. Bilang pagpapahayag, ang sakramento ng kasal
ay nagdudulot ng pagpapala at pananagutang isabuhay at patunayan ang
inaasahang pakikipagtagpo kay Kristo sa hinaharap.
Ang Banal na Mag-anak, Hesus, Maria at Jose, ay hindi magkukulang sa

pagtulong sa inyo upang maging tapat kayo sa inyong pananagutan araw-araw,
upang maging matatag kayo sa pag-ako sa mga alalahanin at suliranin sa buhay,
upang maging laan kayo sa pagtulong sa mga kapwa-taong nangangailangan ng
pagdamay, at upang makatupad kayong may kaisahan sa layunin ng Diyos para
sa inyong pamumuhay.
IKATLONG BAHAGI | 15
IKATLONG BAHAGI
PAG-IISANG-DIBDIB
Ang lahat ay titindig pati ang mga ikakasa. Sisindihan ang mga kandila sa magkabilang gilid ng luhuran
ng mga ikinasal. Ang mga sumusunod na pangungusap o anumang katumbas nito ay ipapahayag ng
pari sa ngalan ng Simbahan ng Diyos:
Minamahal kong N., at N.,

sa Binyag at Kumpil, nakiisa kayo
sa buhay at pananagutan ng Panginoon,
at sa pagdiriwang ng Huling Hapunan
muli’t muli kayong nakisalo
sa hapag ng kanyang pagmamahal.
Ngayon nama’y kusang loob
na kayo’y dumudulog
sa Sambayanang ito
at humihiling ng panalangin
upang ang inyong panghabambuhay
na pagbubuklod
ay pagtibayin ng Panginoon.
At kayo naman, mga kapatid,

na natitipon ngayon,
ay manalangin para kina N., at N.,
at bukas-palad silang tanggapin
bilang magkaisang-dibdib
sa ating Sambayanang Kristiyano.
Sa katapusan ng pangaral, ang pari ay maglalahad ng mga katanungan sa mga ikakasal upang kanilang
maipahayag ang kanilang kusang-loob at tapat na pag-ibig sa isa’t isa at ang pagiging handang tanggapin
at hubugin ang kanilang magiging anak. Makahaharap sa bayan ang mga ikakasal hanggang sa
pagpapatibay ng kanilang kasal. Kapag sila’y lampas na sa gulang na pagkakaroon ng anak,
malalaktawan ang huling tanong.
Pari: Hinihiling ko ngayon

na buong katapatan ninyong ipahayag
ang inyong damdamin sa isa’t isa.
Pari (sa babae):

N., bukal ba sa inyong loob ang iyong pagparito
upang magkaisang-dibdib si N.,
na iyong pakamamahalin at paglilingkuran
habambuhay?
Babae: Opo, Padre.
Pari (sa lalaki):

N., bukal ba sa iyong loob ang iyong pagparito
upang magkaisang-dibdib si N.,
na iyong pakamamahalin at paglilingkuran
habambuhay?
Lalaki: Opo, Padre.
Pari (sa magkasintahan):
Nakahanda ba kayong gumanap

sa inyong pananagutan
sa Simbahan at sa bayan
na umaasang inyong aarugain
ang mga supling
na ipagkaloob ng Poong Maykapal
upang sila ay inyong palakihin
bilang mabubuting mamayang Kristiyano?
Magkasintahan: Opo, Padre.

Aanyayahan ng pari ang magkasintahan upang ipahayag ang kanilang pagtitipan.
Pari (sa magkasintahan):
Minamagal kong N., at N.,

sa harap ng Diyos at ng kanyang Sambayanan,
pagdaupin ninyo ang iyong mga palad
at ipahayag ninyo ang mithiing magtipan
sa banal na sakramento ng kasal.
Magdadaup-palad ang magkasintahan.
Alinsunod sa pasya ng mga ikinakasal, kanilang maipahayag ang pagtitipan nila sa pamamagitan ng
pagtugon sa mga tanong ng pari o kaya’y sa pamamagitan ng pagsasabi nila ng kanilang panata sa isa’t
isa. Anumang paraan ang mapili, ang pagtitipan ay gaganapin ng mga ikinakasal habang sila’y
magkadaup-palad.
Tatanungin ng pari ang babae:
Pari: N., sumasang-ayon ka ba

na maging asawa ni N.,
na naririto ngayon,
alinsunod sa batas at mga alituntunin
ng ating banal na Simbaham?
Babae: Opo, Padre.
Pari: Buong puso ba ang pagkakaloob mo sa kanya

ng inyong sarili bilang kanyang maybahay?
Babae: Opo, Padre.
Pari: Nakalaan ka bang balikatin sa piling niya

ang pananagutan ng buhay may-asawa?
Babae: Opo, Padre.

Tatanungin ng pari ang lalaki:
Pari: N., sumasang-ayon ka ba

na maging asawa ni N.,
na naririto ngayon,
alinsunod sa batas at mga alituntunin
ng ating banal na Simbaham?
Babae: Opo, Padre.
Pari: Buong puso ba ang pagkakaloob mo sa kanya

ng inyong sarili bilang kanyang asawa?
Babae: Opo, Padre.
Pari: Nakalaan ka bang balikatin sa piling niya

ang pananagutan ng buhay may-asawa?
Babae: Opo, Padre.
Ang ikalawa at ikatlong tanong ay malalaktawan kapag nakasal na sa hukuman ng pamahalaan ang
magkatipan.
Magdarasal ang magkasintahang ikinakasal:
Magkasintahan:
Ama namin,
kami po ay inyong loobing
magkaisa ng kalooba’t damdamin
mula ngayon sa kaginhawahan at kahirapan
sa karamdaman at kalusugan
sa lahat ng araw ng aming buhay.
Ang pagtitipan ng nag-iisang-dibdib ay tatanggapin ng pari:
Pari:
Bilang tagapagpatunay ng Simbahan,

pinagtitibay ko’t binabasbasan
ang pagtataling-puso na inyong pinagtipan,
sa ngalan ng Ama ✠
at ng Anak at ng Espiritu Santo.
Lahat:
Amen.
PAGBABASBAS AT PAGBIBIGAYAN NG MGA SINGSING AT ARAS
Lalapit ang maydala ng singsing at aras upang ito’y panalanginan ng pari bilang pagbibigay-kahulugan
sa mga sagisag na ito ng kasal. Wiwisikan ng pari ang mga singsing at aras ng banal na tubig.
Pari:
Ama naming maawain,

basbasan mo’t kupkupin
ang iyong mga ✠ lingcod
na sina N., at N.
Pagkalooban mo sila
Ng sapat na kabuhayang
sinasagisag ng mga aras na ito
sa ikapagkamit
ng buhay na walang hanggan.
Iniluluog namin ito
magpasawalang hanggan.
Lahat:
Amen
Sa halip ng mga salapi, ang mga aras at maaaring sagisag ng kabuhayan tulad ng bigas, mga kuwintas
at pulseras, alinsunod sa umiiral na kaugalian.
Pari:
Ama naming mapagmahal,

basbasan mo’t lingapin
ang iyong mga ✠ lingcod
na sina N., at N.
Pagindapatin mo
na silang magsusuot
ng mga singsing na ito
ay maging kawangin mo
sa iyong wagas na pag-ibig
at walang maliw na katapatan.
Iniluluhog namin ito
Lahat:
Amen
Isusuot ng lalaki sa kinauukulang daliri ng babae ang singsing habang kanyang sinasabi:
Lalaki:
N., kailanma’y kita pagtataksilan.

Isuot mo at pakaingatan ang singsing na ito
na siyang sangla ng aking pag-ibig at katapatan.
Sa ngalan ng Ama at ng Anak
Amen.
Isusuot ng babae sa kinauukulang daliri ng lalaki ang singsing habang kanyang sinasabi:

Isuot mo at pakaingatan ang singsing na ito
na siyang sangla ng aking pag-ibig at katapatan.
Amen.
Ilalagak ng lalaki ang mga aras (mga salapi, o kaya bigas, kuwintas o pulseras) upang ipagkatiwala ito
sa babae habang kanyang sinasabi:

Inilalagak ko s aiyo itong mga aras
na tanda ng aking pagpapahalaga
at pagkalinga sa kapakanan mo
(at ng ating magiging mga anak).
Amen
Sasagot ang babae:
Tintanggap ko ito
at nangangako akong
magiging iyong katuwang
sa wastong paggamit at pangangasiwa
ng ating kabuhayan.
Matapos ang pagbibigayan ng singsing at aras, maaaring batiin ng mag-asawa ang isa’t isa sa
pamamagitan ng masuyong paghalik. Sila’y magmamano sa kanilang mga magulang, ninong at ninang.
Sila’y papalakpakan ng sambayanan habang tinutugtog ang mga batingaw.
PAGPAPAHAYAG NG PANANAMPALATAYA
Isusunod ang “Sumasampalataya ako,” kung hinihingi ng araw ng pagdiriwang at pagkatapos ay ang
Panalangin ng Bayan.
Sumasampalataya ako
sa Diyos Amang makapangyarihan sa lahat,
na may gawa ng langit at lupa.
Sumasampalataya ako kay Hesukristo,
iisang Anak ng Diyos, Panginoon nating lahat.
Nagkatawang-tao siya lalang ng Espiritu Santo,
ipinanganak ni Santa Mariang Birhen.
Pinagpakasakit ni Poncio Pilato,
ipinako sa krus, namatay, inilibing.
Nanaog sa kinaroroonan ng mga yumao.
Nang may ikatlong araw nabuhay na mag-uli.
Umakyat sa langit.
Naluluklok sa kanan ng Diyos
Amang makapangyarihan sa lahat.
Doon magmumulang paririto
at huhukom sa nangabubuhay at nangamatay na tao.
Sumasampalataya naman ako
sa Diyos Espiritu Santo,
sa banal na Simbahang Katolika,
sa kasamahan ng mga banal,
sa kapatawaran ng mga kasalanan,
sa pagkabuhay na muli ng nangamatay na tao
at sa buhay na walang hanggan.
Amen.
PANALANGIN NG BAYAN
Pagkatapos ay gaganapin ang panalangin ng bayan o panalanging pangkalahatan.
Aanyayahan ng pari ang mga sambayanan:
Mga minamahal kong kapatid,

halinang magkaisa sa pagdalangin sa Diyos
para sa ating mga bagong kasal na sina N., at N.,
at para sa buong Simbahan,
sanlibutan, at sa ikapagkakaisa ng tanan.
T. Isinasamo naming kami’y iyong dinggin.
Para sa buong Kristiyanong Sambayanan

upang ito ay umunlad sa pagpapakasakit araw-araw,
manalangin tayo sa Panginoon.
Para sa mga nagtitiis at nagpapakasakit

Upang silay’y tuwangan ng Diyos sa dinadalang hapis,
Manalangin tayo sa Panginoon.
Para sa kapayapaan ng buong daigdig

upang ang lahat ay makatulong sa pamumuhay na walang ligalig,
Para kina N., at N., na ngayo’y pinagbuklod sap ag-iisang-dibdib

upang sila’y mamuhay sa kalusugan at maligtas sa panganib,

Para sina N., at N., ay pagpalain sa buklod ng tipan

gaya ng pagpapabanal ni Kristo sa ikinasa sa Cana, Galilea
na pinangyarihan ng kanyang unang kababalaghan,
Wawakasan ng pari ang panalangin:
Ama naming makapangyarihan,

kaawaan mo sina N., at N., at pagbigyan sa kahilingang
magkamit sa iyong kaloob sa ikapagkakaisa sa pagmamahal
at sa ikapagkakaroon ng ligaya sa kalangitan
kaisa ng kanilang mga supling at mga mahal sa buhay
sa pamamagitan ni Hesukristo kasam ng Espiritu Santo
Amen.
IKAAPAT NA BAHAGI | 25
IKAAPAT NA BAHAGI
PAGDIRIWANG NG HULING HAPUNAN
Sa pagsisimula nito, makapagpuprusisyon ang mga tao na nag-aalay ng makatutulong sa mga dukha.
Samantalang ito’y ginagawa, aawitin ang sumusunod o ibang naaangkop na awit.
Pagkatapos, ilalagay ng mga tagapaglingkod ang telang patungan ng Katawan ni Kristo, ang pamahiran,
ang kalis, at ang Aklat ng Pagmimisa sa ibabaw ng dambana.
Ngayon nama’y tatayo ang Pari sa gawing gitna ng dambana, hahawakan niya ang pinggan ng tinapay
nang bahagyang nakaangat sa dambana, habang dinarasal niya nang pabulong:
K apuri-puri ka, Diyos Amang Lumikha sa sanlibutan.

Sa iyong kagandahang-loob, narito ang aming maiaalay.
Mula sa lupa at bunga ng aming paggawa ang tinapay na ito
para maging pagkaing nagbibigay-buhay.
Ilalapag niya ang pinggan ng tinapay sa telang patungan ng Katawan ni Kristo.
Kapag hindi ginaganap ang awit ng pag-aalay, ang mga pangungusap na ito ay madarasal nang malakas
ng Pari at sa katapusan makapagbubunyi ang mga tao:
Kapuri-puri ang Poong Maykapal ngayon at kailanman!
Ang diyakono o ang pari ay magbubuhos ng alak at kaunting tubig sa kalis habang dinarasal nang
pabulong:
Sa paghahalong ito ng alak at tubig

kami nawa’y makasalo sa pagka-Diyos ni Kristo
na nagpagindapat makihati sa aming pagkatao.
Pagbalik sa gawing gitna ng dambana, hahawakan ng Pari ang kalis nang bahagyang nakaangat sa
dambana habang dinarasal niya nang pabulong:
K apuri-puri ka, Diyos Amang Lumikha sa sanlibutan.

Sa iyong kagandahang-loob, narito ang aming maiaalay.
Mula sa katas ng ubas at bunga ng aming paggawa ang alak na ito
para maging inuming nagbibigay ng iyong Espiritu.
Illapag niya ang kalis sa telang patungan ng Katawan ni Kristo.
Kapag hindi ginaganap ang awit ng pag-aalay, ang mga pangungusap na ito ay madarasal nang malakas
ng Pari at sa katapusan makapagbubunyi ang mga tao:
Kapuri-puri ang Poong Maykapal ngayon at kailanman!
Pagkatapos, yuyuko ang Pari habang dinarasal niya nang pabulong:
Diyos Amang Lumikha, nakikiusap kaming mga makasalanan.

Tanggapin mo ang aming pagsisisi bilang handog
upang kami’y matutong sumunod sa iyo nang buong puso.
Kung minamabuting gawin, iinsensuhan ng pari ang mga alay at ang dambana; pagkaraa’y iinsensuhan
ng diyakono o ng tagapaglingkod ang pari at ang mga nagsisimba.
Pagkatapos, ang pari’y pupunta sa gilid ng dambana, maghuhugas siya ng mga kamay samantalang
pabulong niyang dinarasal:
O Diyos kong minamahal,

kasalanan ko‘y hugasan
at linisin mong lubusan
ang nagawa kong pagsuway.
Pagbalik ng pari sa gawing gitna ng dambana, ilalahad niya ang kanyang mga kamay sa mga tao at muli
niyang pagdaraupin habang kanyang ipinahahayag:
Manalangin kayo, mga kapatid,

upang ang paghahain natin ay kalugdan
ng Diyos Amang makapangyarihan.
Tanggapin nawa ng Panginoon

itong paghahain sa iyong mga kamay
sa kapurihan niya at karangalan
sa ating kapakinabangan
at sa buong Sambayanan niyang banal.
PANALANGIN UKOL SA MGA ALAY
Pagkaraa’y, ilalahad ng pari ang kanyang mga kamay at darasalin:
A ma naming Lumikha,
iyong pagdamutan at tanggapin ang aming handog
para sa pag-iisang-dibdib nina N., at N.
Ang pag-ibig mong kanilang tintaglay
ay loobin mong kanilang maihandog s aiyo
sa kanilang pagmamahalan araw-araw
Sasagot ang mga nagsisimba bilang pagbubunyi:
Amen.
UNANG PAGBUBUNYI O PREPERASYO SA PAG-IISANG-DIBDIB
P. Sumainyo ang Panginoon.

B. At sumaiyo rin.
P. Itaas sa Diyos ang inyong puso at diwa.
B. Itinaas na namin sa Panginoon.
P. Pasalamatan natin ang Panginoong ating Diyos.
B. Marapat na siya ay pasalamatan.
A ma naming makapangyarihan,
tunay ngang marapat
na ikaw ay aming pasalamatan.
Pinag-iisang-dibdib mo sa banal na tipan

ang iyong pinagsamang di na mapaghihiwalay
upang sa dami ng mga anak sa iyong Sambayanan
ay maidangal ang pagtatalik ng mga ikinasal.
Ikaw ang Lumikha ng sansinukob
at ikaw rin ang Tagapangasiwa ng iyong buhay na kaloob
na dumami rin ang mga kabilang sa iyong
Sambayanang kinupkop
sa pamamagitan ni Kristo na sa tana’y tumubos.
Kaya kaisa ng mga anghel

na nagsisiawit ng papuri sa iyo
nang walang humpay sa kalangitan,
kami’y nagbubunyi sa iyong kadakilaan:
SANTO
Santo, Santo, Santo Panginoong Diyos ng mga hukbo!

Napupuno ang langit at lupa ng kadakilaan mo!
Osana sa kaitaasan!
Pinagpala ang mga naparirito sa ngalan ng Panginoon!
Osana sa kaitaasan!
IKALAWANG PANALANGIN NG PAGPUPURI AT PASASALAMAT
Nakalahad ang mga kamay ng pari sa pagdarasal.
A ma naming banal,
ikaw ang bukal ng tanang kabanalan.
Pagdaraupin ng pari ang kamay at kukrusan niya ang tinapay at kalis, samantalang kanyang dinarasal:
Kaya’t sa pamamagitan ng iyong Espiritu

gawin mong banal ang mga kaloob na ito
Pagdaraupin ng pari ang kanyang mga kamay at kukrusan niya ang tinapay at kalis, samantalang
kanyang dinarasal:
upang para sa ami’y maging Katawan at Dugo ✠

ng aming Panginoong Hesukristo.
Pagdaraupin niya ang kanyang mga kamay.
Ang mga salita ng Panginoon sa mga sumusunod na pangungusap ay ipahahayag nang malinaw at
nauunawaan ng tanan ayon sa hinihingi ng kahulugan ng mga ito.
Bago niya pinagtiisang kusang loob

na maging handog,
Hahawakan ng pari ang tinapay nang bahagyang nakataas sa ibabaw ng dambana habang kanyang
patuloy na inihahayag:
hinawakan niya ang tinapay,

pinasalamatan ka niya,
pinaghati-hati niya iyon,
iniabot sa kanyang mga alagad
at sinabi:
Bahagyang yuyuko ang pari.
T ANGGAPIN NINYONG LAHAT ITO AT KANIN:

ITO ANG AKING KATAWAN
NA IHAHANDOG PARA SA INYO.
Ipamamalas niya ang ostiyang itinalagang maging Katawan ni Kristo, ipapatong niya ito sa pinggan, at
luluhod siya bilang pagsamba.
Ang pari ay magpapatuloy.
Gayun din naman, noong matapos ang hapunan,
Hahawakan ng pari ang kalis nang bahagyang nakataas sa ibabaw ng dambana habang kanyang patuloy
na inihahayag:
hinawakan niya ang kalis,

muli ka niyang pinasalamatan,
iniabot niya ang kalis sa kanyang mga alagad
at sinabi:
Bahagyang yuyuko ang pari.
T ANGGAPIN NINYONG LAHAT ITO AT INUMIN:

ITO ANG KALIS NG AKING DUGO
NG BAGO AT WALANG HANGGANG TIPAN,
ANG AKING DUGO NA IBUBUHOS
PARA SA INYO AT PARA SA LAHAT
SA IKAPAGPAPATAWAD NG MGA KASALANAN.
GAWIN NINYO ITO SA PAG-ALALA SA AKIN.
Ipamamalas niya ang kalis, ipapatong niya ito sa telang patungan ng Katawan ni Kristo, at luluhod siya
bilang pagsamba.
Pagkatapos, ipahahayag ng pari:
Ipagbunyi natin ang misteryo ng pananampalataya.

Ang mga tao ay magbubunyi:
Aming ipinahahayag
na namatay ang ‘yong Anak,
nabuhay bilang Mesiyas
at magbabalik sa wakas
para mahayag sa lahat.
Ilalahad ng pari ang kanyang mga kamay samantalang siya ay nagdarasal:
A ma,
ginagawa namin ngayon ang pag-alala
sa pagkamatay at muling pagkabuhay ng iyong Anak
kaya’t iniaalay namin 31 aiyo
ang tinapay na nagbibigay-buhay
at ang kalis na nagkakaloob ng kaligtasan.
Kami’y nagpapasalamat
dahil kami’y iyong minarapat
na tumayo sa harap mo
para maglingkod 31 aiyo.
Isinasamo naming kaming magsasalu-salo
sa Katawan at Dugo ni Kristo
ay mabuklod sa pagkakaisa
sa pamamagitan ng Espiritu Santo.
Isang nakikipagmisa
Ama,
lingapin mo ang iyong Simbahang
laganap sa buong daigdig.
Puspusin mo kami sa pag-ibig
kaisa ni Francisco, na aming Papa
at ni Jose, na aming Obispo,
at ng tanang kaparian
Isang nakikipagmisa
Alalahanin mo rin
ang mga kapatid naming nahimlay
nang may pag-asang sila’y muling mabubuhay
gayun din ang lahat ng mga pumanaw.
Kaawaan mo sila at patuluyin sa iyong kaliwanagan.
Kaawaan mo at pagindapatin kaming lahat
na makasalo sa iyong buhay na walang wakas.
Kaisa ng Mahal na Birheng Maria na Ina ng Diyos,
ng kanyang Kabiyak ng puso, si San Jose,
kaisa ng mga apostol at ng lahat ng mga banal
na namuhay dito sa daigdig nang kalugud-lugod sa iyo,
maipagdiwang nawa namin ang pagpupuri sa ikararangal mo.
Pagdaraupin ng pari ang kanyang mga kamay.
sa pamamagitan ng iyong Anak

na aming Panginoong Hesukristo.
Hahawakan ng pari ang pinggang may ostiya at ang kalis na kapwa niya itataas habang kanyang
ipinahahayag.
S A PAMAMAGITAN NI KRISTO, KASAMA NIYA, AT SA KANYA

ANG LAHAT NG PARANGAL AT PAPURI AY SA IYO,
DIYOS AMANG MAKAPANGYARIHAN,
KASAMA NG ESPIRITU SANTO
MAGPASAWALANG HANGGAN.
Ang mga tao ay magbubunyi:
Amen.
ANG PAKIKINABANG
Pagkalapag ng kalis at pinggan sa dambana, ipahahayag ng pari nang may magkadaop na mga
kamay:
S a tagubilin ng mga nakagagaling na utos

at turo ni Hesus na Panginoon natin at Diyos
ipahayag natin nang lakas-loob:
Illalahad ng pari ang kanyang mga kamay at ipahahayag niya kaisa ng lahat
Ama namin, sumasalangit ka.

Sambahin ang ngalan mo.
Mapasaamin ang kaharian mo.
Sundin ang loob mo
dito sa lupa para nang sa langit.
Bigyan mo kami ngayon

ng aming kakanin sa araw-araw.
At patawarin mo kami sa aming mga sala
para nang pagpapatawad namin
sa nagkakasala sa amin.
At huwag mo kaming ipahintulot sa tukso.
At iadya mo kami sa lahat ng masama.
Magkadaop ang mga kamay ng pari sa paanyaya:
Mga kapatid,
halina't ipanalangin
sa Ama nating banal
ang mga bagong kasal
na nangangakong magmamahalan
bilang mga magkasalo
sa Katawana at Dugo ng Poong mahal.
Itataas ng pari ang kanyang mga kamay na lumulukob sa mag-asawang nakaluhod habang kanyang
inihahayag ang tanging pagpapala ukol sa bagong kasal. Malaktawan ang mga pangungusap sa
panaklong kapag sila’y napakatanda na at hindi na magkakaanak.
Ama naming banal,

nilikha mo ang tao bilang lalaki’t babaing iyong kalarawan
upang sa kaugnayan sa pag-iisang-dibdib ay maisakatuparan
ang iyong layunin sa lupang ibabaw.

niloob mong sa pamumuhay ng mga mag-asawa
sa pagmamahalan
ay mabanaagan ang tipan ng iyong paghirang
na iyong minarapat ipagkaloob sa iyong sambayanan
upang ang ipinahihiwatif mong lubusan
ay maglahad ng pag-iisang-dibdib ni Kristo at ng Sambayanan
kaya naman hinihiling naming sina N., at N.,
ay gawaran ng pagbabasbas ng iyong kanang kamay.
Ipagkaloob mong sa pagsasama nila habang buhay

kanilang mapagsaluhan ang pag-ibig mong bigay
at sa isa’t isa’y kanilang maipamalas ang iyong pakikipisan
sa pagkakaisa ng damdamin at isipan.
Bigyan mor in sila ng matatag na tahanan,
(at mga anak na huhubugin sa Mabuting Balita ng Anak
mong mahal para maging maaasahang kaanib ng iyong angkan.)
Marapatin mong mapuspos ng pagpapala ang babaing ito

na si N., upang bilang asawa N.,
(at bilang ina ng magiging mga anak nila)
kanyang maganap nang may pagmamalasakit ang tungkulin
sa tahanan.
Gayun din naman, pangunahan mo ng iyong pagbabasbas

ang lalaking ito na si N.,
upang kanyang magampanang marapat
ang tungkulin ng asawang matapat ni N.
(at amang maaasahan ng kanilang magiging mga anak.)
Ama naming banal,

pagbigyan mo sila sa pagdulog sa iyong hapag
bilang mga pinagbuklod sa pag-ibig na wagas
upang kanilang mapagsaluhan ang pagiging na di magwawakas

Amen.
Sa ikatlo at ikaapat na talata, ang pangungusap na nasa panaklong ay malalaktawan kapag lampas na
sa gulang ng pagkakaanak ang mag-asawa.
Pagkatapos, malakas na darasalin ng paring nakalahad ang mga kamay:
P anginoong Hesukristo,
sinabi mo sa iyong mga Apostol:
“Kapayapaan ang iniiwan ko sa inyo.
Ang aking kapayapaan ang ibinibigay ko sa inyo.”
Tunghayan mo ang aming pananampalataya
at huwag ang aming pagkakasala.
Pagkalooban mo kami ng kapayapaan
at pagkakaisa ayon sa iyong kalooban.
Pagdaraupin ng pari ang kanyang mga kamay.

Amen.
Ang pari’y paharap sa sambayanang maglalahad at magdaraop ng mga kamay sa pagpapahayag.
Ang kapayapaan ng Panginoon ay laging sumainyo.
Sasagot ant mga tao:

At sumaiyo rin.
Maidaragdag, kung minabuti, ang paanyayang ipahahayag ng diyakono o ng pari:
Magbigayan kayo ng kapayapaan sa isa’t isa.
At, alinsunod sa kaugalian ng iba’t-ibang pook, ang mga nagsisimba ay mabigbigyan ng kapayapaan.
Ang pari at ang mga tagapaglingkod ay makapagbibigayan ng kapayapaan.
Pagkatapos, hahawakan ng pari ang ostiya at hahati-hatiin niya ito sa ibabaw ng pinggan at
isasawak niya ang kaputol sa kalis habang pabulong niyang dinarasal:
Sa pagsasawak na ito
ng Katawan sa Dugo ng aming Panginoong Hesukristo
tanggapin nawa namin sa pakikinabang
ang buhay na walang hanggan.
Samantalang ginaganap ang paghahati-hati sa ostiya, aawitin o darasalin ang pagluhog na ito.
Kordero ng Diyos,
na nag-aalis ng mga kasalanan ng sanlibutan,
maawa ka sa amin.
Kordero ng Diyos,
maawa ka sa amin.
Kordero ng Diyos,
ipagkaloob mo sa amin ang kapayapaan.
Ito ay mauulit-ulit habang ginaganap ang paghahati-hati sa tinapay. Sa huling pag-uulit saka pa lamang
idurugtong ang “ipagkaloob mo sa amin ang kapayapaan.”
Magkadaop ang mga kamay ng pari sa pabulong na pagdarasal:
Panginoong Hesukristo, Anak ng Diyos na buhay,

sa kalooban ng Ama kasama ng Espiritu Santo,
binuhay mo sa iyong pagkamatay ang sanlibutan.
Pakundangan sa iyong banal na Katawan at Dugo,
iadya mo ako sa tanang aking kasalanan at lahat ng masama,
gawin mong ako’y makasunod lagi sa iyong mga utos,
at huwag mong ipahintulot na ako’y mawalay sa iyo kailanman.
o kaya:
Ang pakikinabang sa Katawan at Dugo mo,

Panginoong Hesukristo,
ay huwag nawang magdulot ng paghuhukom
at parusa sa kasalanan ko.
Alang-alang sa iyong dakilang pag-ibig
nawa’y aking matanggap
ang pagkupkop mo sa akin at kaloob mong lunas.
Luluhod ang pari at pagtayo niya’y kanyang hahawakan ang ostiya na itataas sa ibabaw ng pinggan.
Paharap sa mga tao siyang magsasabi ng malakas:
Ito ang Kordero ng Diyos.

Ito ang nag-aalis ng kasalanan ng sanlibutan.
Mapalad ang mga inaanyayahan sa kanyang piging.
Idurugtong niyang minsanan kaisa ng sambayanan:
Panginoon, hindi ako karapat-dapat na magpatuloy sa iyo

ngunit sa isang salita mo lamang ay gagaling na ako.
Siya’y makikinabang nang magalang at nakayuko sa dambana habang pabulong na nagdarasal:
Ipagsanggalang nawa ako ng Katawan ni Kristo

para sa buhay na walang hanggan.
Mapitagan niyang tatanggapin ang Katawan ni Kristo.

Pagkatapos, hahawakan ng pari ang kalis at pabulong na magdarasal:
Ipagsanggalang nawa ako ng Dugo ni Kristo

para sa buhay na walang hanggan.
Mapitagan niyang tatanggapin ang Dugo ni Kristo.

Hahawakan niya ang pinggan o lalagyan ng ostiya at lalapitan niya ang mga nakikinabang, bahagyang
itataas ang ostiya para sa bawat nakikinabang habang sinasabi:
Katawan ni Kristo.
Ang nakikinabang ay tutugon:
Amen.
Ganito rin ang gagawin ng diyakono na nagdudulot ng pakinabang.
Samantalang nakikinabang ang pari, sisimulan ang awit sa pakikinabang.
Pagkapakinabang, ang mga mumo ng ostiya na nasa pinggan ay titipunin sa kalis na huhugasan ng pari
o ng diyakono o ng tagapaglingkod. Habang ito ay ginaganap ng pari, pabulong siyang magdarasal:

ang aming tinanggap ngayon ay amin nawang mapakinabangan
at ang iyong ipinagkaloob ay magdulot nawa sa amin
ng kagalingang pangmagpakailanman.
Makababalik ngayon sa upuan ang pari. Makapag-uukol ng ilang saglit na katahimikan o makaaawit ng
papuri o salmo.
PANALANGIN PAGKAPAKINABANG
Pagkaraan, ang pari ay titindig sa harap ng upuan o sa gawi ng dambana paharap sa mga nagsisimbang
magpapahayag:
Manalangin tayo.
Kung di pa nagaganap ang tahimik na pagdalangin, ito ay gagawin ngayon, at pagkaraan,

ipahahayag ng paring nakalahad ang mga kamay:
A ma naming mapagmahal,
ang iyong loobing makiisa
ay panatilihin mong umiiral,
sa mga nagsalo sa haing nagbibigay-buhay.
Pamalagiin mong nagmamahalan
at nagkakaisa ng kalooba’t kaisipan
sina N., at N., na pinagbulklod mo
sa banal na pagsasama ay iyong pinapagsalo
sa pagkai’t inuming pagkakaisa ang ibinibigay
Ang sambayanan ay tutugon:
Amen.
PAGHAYO SA PAGWAWAKAS
Iaalis ngayon ang belo at kordon. Tatayo ang mga bagong kasal para sa tagubilin at pagbabasbas. Bilang
tagubilin, sasabihin ng pari sa mga bagong kasal:
Habilin ko sa inyo, mga bagong kasal:

mamuhay kayong lag isa pag-ibig at katapatan.
Sasabihin ng pari sa maybahay:
N., pag-ibig mo’y patunayan sa pagiging butihing maybahay

na may panananampalataya, kabanalan at pag-ibig ng Maykapal.
Sasabihin ng pari sa asawang lalaki:
N., maybahay mo’y ibigin gaya ng malasakit ni Kristo sa Simbahan

bilang pagsunod sa kalooban ng Diyos Ama sa kalangitan.
Ang paring nakalahad ang mga kamay sa mga tao ay magpapahayag:
Sumainyo ang Panginoon.
At sumainyo rin.
Igagawad ng pari ang maringal na pagbabasbas:
Ang Diyos Amang makapangyarihan ay siya nawang magbigay

ng kagalakang dulot ng mga anak sa inyo’y sisilang
at ng kanyang kasiyahan ngayon at magpasawalang hanggan.
Ang lahat ay sasagot:
Amen.
Ipapahayag ng pari:
Ang Bugtong na Anak ng Diyos

ay siya nawang sa inyo’y tumuwang
sa kahirapan at kaginhawahan ngayon
at magpasawalang hanggan.
Amen.
Ipapahayag ng pari:
Ang Espirtu Santo ay siya nawang magdulot ng pagmamahal

na nag-uumapaw sa inyo ngayon at magpasawalang hanggan.
Amen.
Babasbasan ng pari ang mga tao habang kanyang ipinahahayag:
A t kayong lahat na nagtipun-tipon dito

ay pagpalain nawa ng makapangyarihang Diyos,
Ama at Anak ✠ at Espiritu Santo.
Amen.
Ang diyakono o ang paring magkadaop ang mga kamay ay magpapahayag ng paghayo sa
sambayanan:
Humayo kayong taglay ang kapayapaan

upang ang Panginoon ay mahalin at paglingkuran.
Salamat sa Diyos.
Karaniwan, ang dambana ay bibigyang-paggalang sa paghalik dito ng pari at matapos makapagbigay-

pitagan kaisa ng mga tagapaglingkod, siya ay hahayo.
Gaganapin sa wakas ang paglagda sa mga kasulatan tungkol sa kasal.

Ang Pagmimisa Ukol Sa Pag-Iisang-Dibdib

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Ang Pagmimisa Ukol Sa Pag-Iisang-Dibdib

Uploaded by

Copyright:

Available Formats

PAGDIRIWANG NG

Anumang umiiral na kaugalian kaugnay ng pagpasok ng ikakasal ay maipagpapatuloy. Habang

Makakalahok sa prusisyon ang pari. Makapaghahagis ng talulot ng bulaklak sa daraanan ng

Sasagot ang mga tao:

Ang pagpapala ng ating Panginoong Hesukristo,

Sasagot ang mga tao:

Ang pari o and diyakono o sinumang ankop na tagapaglingkod ay makapagbibigay ng maikling

Mga kapatid, aminin natin ang ating mga kasalanan

Magkakaroon ng saglit na katahimikan. Pagkatapos nito, lahat ay sabay-sabay na aamin sa nagawang

Inaamin ko sa makapangyarihang Diyos

Ang lahat ay dadagok sa dibdib.

sa isip, sa salita, sa gawa

Ipahahayag ng pari ang pagpapatawad:

Kaawaan tayo ng makapangyarihang Diyos,

Sasagot ang mga tao:

P. Panginoon, kaawaan mo kami.

P. Kristo, kaawaan mo kami.

P. Panginoon, kaawaan mo kami.

Kapag nakatakdang ganapin, aawitin o darasalin ang awit:

Papuri sa Diyos sa kaitaasan

Sasagot ang mga tao.

Pagbasa mula sa aklat ng Genesis

Kaya’t pinatulong ng Panginoon ang tao.

Ang salita ng Diyos.

Sasagot ang lahat:

Tugon: Mapalad ang sumusunod na taong may takot sa Diyos.

Mapalad ang bawat taong sa Panginoo’y may takot,

Tugon: Mapalad ang sumusunod na taong may takot sa Diyos.

Sa tahanan, ang asawa’y parang ubasan na mabunga,

Tugon: Mapalad ang sumusunod na taong may takot sa Diyos.

Mula sa Sion, pagpapala nawa ng Diyos ay tanggapin,

Tugon: Mapalad ang sumusunod na taong may takot sa Diyos.

Pagbasa mula sa sulat ni Apostol San Pablo sa mga Taga-Efeso

Pasakop kayo sa isa’t isa tanda ng inyong paggalang kay Kristo.

Ginawa niya iyo upang maiharap sa kanyang sarili ang simbahan,

Ang Salita ng Diyos.

Sasagot ang lahat:

Isusunod ang Aleluya o ang ibang awit.

Padre, ako po ay inyong gawaran ng pagpapala.

Ang pari ay mangungusap nang mahina:

Sa iyong puso at sa iyong mga labi

Ang diyakono ay sasagot:

Sumainyo ang Panginoon.

Sasagot ang mga tao:

ANG MABUTING BALITA

Ihahayag ng diyakono o pari:

✠ Ang Mabuting Balita ng Panginoon ayon kay San Mateo

Papuri sa iyo, Panginoon.

N oong panahong iyon,

Sa katapusan, ihahayag niya:

Ang Mabuting Balita ng Panginoon.

Magbubunyi ang lahat:

Pinupuri ka namin, Panginoong Hesukristo.

Hahalikan ang aklat habang dinarasal nang pabulong:

Magbunga nawa itong pagpapahayag ng Mabuting Balita

Ang Pahayag ng Diyos ay nalubos sa pagkakaloob ng pag-ibig na siyang layuning

pananagutang gampanan ang pag-ibig na mapagpatawad at mapagmalasakit sa

Ang Banal na Mag-anak, Hesus, Maria at Jose, ay hindi magkukulang sa

Minamahal kong N., at N.,

At kayo naman, mga kapatid,

Pari: Hinihiling ko ngayon

Pari (sa babae):

Babae: Opo, Padre.