ANG KALAKHANG MARIKINA – LUGAR KUNG SAAN AKO LUMAKI

Ako ay nakatira sa Lungsod ng Marikina na kilala bilang Kabisera

ng paggawa ng Sapatos sa Pilipinas. Ang lungsod ng Marikina ay
matatagpuan sa Luzon, sa may silangang hangganan ng Kalakhang
Maynila, nakapaligid sa Marikina ang Lungsod Quezon sa
kanluran, Lungsod ng Pasig at Cainta, Rizal sa timog, Lungsod ng
Antipolo sa silangan, ang kabisera ng lalawigan ng Montalban at San
Mateo sa hilaga na nasa Rizal din. Tinatayang 21 kilometro ang layo
nito mula sa Lungsod ng Maynila.
Isang lambak o Valley ang Marikina na may mainit na klima o
tropical monsoon na medyo mataas na temperatura, mataas na
humidity at masaganang pag-ulan. Madalas ang pagbaha dito sa
Marikina dulot na din ng pagkakasalikop sa atin ng mg bayan ng Rizal
na lubhang matataas kung kaya ang mga biglaang dagsang daloy na
tubig mula sa kanila ay syang pagbaha naman sa atin dito.
Pangunahing ilog ang dumadaan sa Lungsod ng Marikina. Isa ito
sa mga sanga ng Ilog Pasig na ang pinagkukunan ng tubig ay sa
Bulubundukin ng Sierra Madre Rodriguez, Rizal. Dumadaloy ang Ilog
ng Marikina, isang sanga ng Ilog Pasig sa gitna ng lungsod. Sa
katunayan, sinasakop ng lungsod ang bahagi ng Lambak ng Marikina
at binabaha kapag may mga bagyo (tulad ng nangyari noong Bagyong
Ondoy).
Luntian ang kalakhang Marikina. Marami pang mga lugar na may
taniman ng gulay at mga fruit trees. Pinipilit din ng pamahalaang
panglungsod ang pangalagaan ang kalinisan at pagpapayabong ng
mga puno at halaman sa kabuuan ng Marikina. Kapag pumasyal ka sa
may ilog, may mga lugar na napakaganda tignan dahil makakapal ang
damo at maituturing na scenic spot.
Suriin natin ang mga subdivisions na kagaya ng kung saan ako
nakatira---sa Sampaguita Village, kung saan may mga mayayabong na
puno ang mga daanan kung kaya’t malilim at malamig habang ikaw ay
naglalakad. Masasabing tumutupad sa Clean and Green Campaign
ang bayan ng Marikina. Ang aming lugar (Sampaguita Village) ay 4.2
kilometro ang layo mula sa Marikina River kung kayat minsan ay
naaapektuhan talaga ng pagtaas ng tubig gaya na lamang noong
Ondoy at Ulysses.