An Pagsanto Rosario

An Oktobre bulan nin pag Santo Rosario huli an lambang petsa 7 kaining bulan esinecelibrar an kafiestahan ni
Nuesta Señora del Santissimo Rosario. Espesyal niato na dinudulot an bulan na ini sa mahal na Ina sa pag
Santo Rosario,asin magayn na igwa kita Living Rosary sa pagtapos kan Rosary Month.

Sa Pagsanto Rosario nakakanood kita dapit ki Jesus gao kita nagkaklase sa eskwelahan ni Santa Maria na kun
sain siya mismo an paratukdo o teache, Kaya kung boot na mamidbid an satong Kagurangnan na si Jesukisto,
igwa pa dawn a mas maurog na paratukdo kaya sa saiyang Ina?

Sa mga Misterio kan Santo Rosario mantang nagpapamibi kita kan mga Ave Maria nagkakaturuhog an satong
mga mata sa lalawgon ni Jesus poon siya Omboy pa sagkod na kinoonahan an saiyang Ina bilang eyna nin
Langit asin daga.

Asin sa paulit-ulit na pag Santo Rosario orog na nagrararom an satong pagkamidbid ki Jesus. Ini an mga
misterio magayagaya kun sain naghorop horop kita kan infancy naratives o an buhay ni Jesus poon sa pag-
pangidam saiya sagkod kan dose años niya.

 An pagbareta kan Anghel ki Maria

 An pagbisita ni Maria sa saiyang pinsan na si Isabel
 An pagkamundag ni Jesus
 An pagdulot ki Jesus sa Templo
 An pagkawara asin pagkakua ki Jesus sa Templo

Ini man an mga Misteryo kan Liwanag sa paghurop-hurop kan public ministry ni Jesus poon sa siya binonyagan
sagkod sa huring pamanggi:

 An pagbonyag ki Jesus sa Jordan

 An paggibo kan inot na milago sa kasalan sa Cana
 Paghulit kan kahadean nin Dios
 pagbabagong anyo ni Jesus
 An pagtugdas kan Eukaristia

An mga misteryong mamundo (paghurop-hurop kan pasyon o pagsakit ni Jesus)

 An pagkahorasa ni Jesus sa tatamnan kan Getsemani

 An paghampak ki Jesus sa hariging gapo
 An pagkorona nin tonok ki Jesus
 An pagpasan kan krus ni Jesus
 An pagpako asin pagkagadan ni Jesus sa krus

Asin an mga Misteyong mamurawayan sa paghorop sa mamurawayon na Jesus asin Santa Maria siring man sa
pagpoon kan Espiritu Santo.
  An pagkabuhay liwat ni Jesus
 An pagsakat ni Jesus sa Langit
 An paghilig kan Espiritu Santo
 An pagsakat ki Santa Maria sa langit
 An pagkorona ki Maria na Reyna kan Langit asin Daga.

Huli ta naaraman niato an agi-agi kan buhay ni Jesus natatawan kita nin mga pasabong na kasimbagan sa mga
kahaputan sa buhay niato. Siring man ,mga marhay na hatol kung ano an satong gigibuhon kun kita nag-
aatubang sa tahaw nin mga kahandalan,kakundian, asin mga pag-alaman. Dagdag pa kaiyan sa pag Santo
Rosario ,tinawan kita nin amas laban sa karatan,kasakitan asin kahelangan. Garo kita naglalayog sa lindong kan
pangataman ni Birhen Maria na maihagad kita sa mahal na Dios na kita agawon asin irayo sa maraot.

Tatamnan o korona nin mga Rosas an boot sabihon kan Rosario. Lambang pagpamibi niato nin Ave Maria,
nagdodolot kita nin Rosas sa pamitisan kan satong Ina. Sa 50 Ave Maria, 50 man na Rosas an natitipon kun
kaya nagkakaigwa nin tatamnan o korona sa pamitisan ni Ina.

Sa pag Santo Rosario naggagamit kita nin mga Rosayohan o Rosay beads o mga pisog na nagkakatarada na
tabang sa pagbilang kan pasunod-sunod na mga misteryo asin mga Ave Maria. Alagad bako lang ini gao makina
sa pagbilang, ini banal o sagado kundi tabang sa pagpamibi ta ini pinabendisyonan sa padi , kaya magayon na
ugali na pirme kitang igwa sa Rosaryo sa satong mga bulsa ta boot sabihon pirmi ta kaibahan si Bihen Maria
asin an saiyang aki na si Jesus . Magayon man an paghimo nin Living Rosary imbes rosaryohan an gamit kundi
mga tawo na nakatindog sa porma nin Rosaryo.

Mamundo ngunian na panahon dakol an mga katoliko oog na an mga kaakian na dai tatao mag Santo Rosaryo
asin nagdadakol man an dai nagpapamibi kan Santo Rosaryo hugak, tongko o dai ki panahon,boring o mayo
man sa Biblia o mas importante an liturhiya o Santa Misa, tama ini asin dakol pa manlain-lain na dahilan paa
dai mag Santo Rosaryo. Totoo dai man kita nagkakasala kun dai mag Santo Rosaryo alagad dakol kita grasya
hinahaboan kun dai kita nag Santo Rosaryo, garo ta man lang tinalikudan an pagsoog nin mahal na Ina. Dai ta
pwede sabihon na deboto kita ni Ina kun dai ta an ngan sana kita nagsa Santo Rosario. Abang ahay kun mahilig
an bilog na pamilya o an gabos na kairibahan sa harong o kumunidad na nagkakasararo sa pag Santo Rosario.
Binabayaan muna an ano man na ginigibo pagtrabhao ini enot muna an pag Santo Rosario.

Sa pagpoon sa Santo Rosario kapot an krusipiho sa pagpanguros asin mapamibi kan Minatubod. Sa enot na
baed mapamibi kan Ama niamo asin sa tulong sunod na beads Ave Maria, asin masunod an kamurawayan.
Sa medalya iharubay an mga misteryona paghurop-horopan , asin sa mga decada enot mapoon sa pagharubay
kan inot na misterio dangan mapamibi kan Ama Niamo asin an 10 Ave Maria asin matapos sa kamurawayan
asin pwede ipamibi an Fatima Praye o iba halipot na pamibi nin debosyon pakatapos kan 5 decades, ipapamibi
an Salve Regina kaiba an pantapos na pamibi asin matapos sa panguos.