MODYUL 3

ANG PAGTUTURO AT PAGKATUTO NG WIKA (W1 AT W2)

Mga Isinaalang-alang sa Pagtuturo at Pagkatuto ng Wika

Tayo na’t magsama-sama sa pagtuklas ng mga impormasyon at kaalaman tungkol sa literasi.

Sa susunod na mga pahina ay makakatagpo ka ng mga mag-aaral sa mga gawain sa sining ng wika
na kasangkot ang mga mag-aaral sa mga gawaing itoý isinaalang-alang hindi lang ang kaalamang
pangwika kundi pati na rin ang kanilang mga kasanayang kognitibo at apektibo (pandamdamin).
Maglalahad din dito ng ilang halimbawa ng mga gawang bata hinggil sa kanilang pagkatuto. May
makilala ka ring mga guro at mga mag-aaral sa kanilang interaktibong talakayan sa loob ng klasrum.

Matutuklasan mo rito na ang literasi pala ay kasingkahulugan ng pagkatuto at ang pagkatuto

namaý kasingkahulugan ng pag-iisip. At higit sa lahat, makakatuklas ka rin ng maraming landas na
magpapasigla sa mga mag-aaral na makipagtalastasan sa mabisang paraan ng gamit ang wika at
literasing kanilang natamo.

Maraming depinisyon ang maikakapit sa wika. Bibigyang kahulugan natin ito bilang sining
ng komunikasyon sa malawak na pagtanaw nito, ang wika ay hindi lamang nakatuon sa anyo ng
pasalita o pasulat. Ayon kina Sampson ang wika ay isang obra-maestro ni Picasso, isang
komposisyon ni Beethoven, o di kayaý ang kahanga-hangang pagtatanghal ng mga dyimnast sa
olimpyada. Totoong ang wika ay “makikita” sa mga produkto ng pagsulat ng mga mag-aaral o
maririnig sa kanilang pagsasalita ngunit higit pa rito ang nasasaklawan nito.

Ang wika ay nakaugat sa ating karanasan. Ang mag-aaral na may sapat na kabatiran sa mga
nagaganap sa kanyang kapaligiran ay inaasahang magiging matatas sa paglalahad ng kanyang mga
ideya o kaisipan tungkol sa kapaligirang ito. Kaya sa pagtuturo ng wika, nararapat lamang na
ilantad ang mga mag-aaral sa iba’t ibang makatotohanang gawain upang “iparanas”sa kanila ang
tunay na gamit ng wika. Maaaring bigyan ng maraming babasahing aklat at mga magasin, palikhain
ng tula na malalapatan ng himig, pasulatin ng isang maikling dula, paguhitin ng magagandang
tanawin, pasalihin sa mga interaktibong talakayan - lahat ng mga karanasang itoý magsisilbing
matibay na pundasyon sa pagkakaroon ng mag-aaral ng isang maunlad na wika.

Paano ba nililinang ang mga kasanayang pangwika? Laging isaisip na ang kasanayan sa
paggamit ng wika ay nasa mga arena ng komunikasyon. Ang pagkatuto ng wika ay nagiging mabisa
kung mabibigyan nang maraming mga kaklase. Samakatuwid ang isang klasrum na
nakapagpapayaman sa pag-unlad ng wika ay iyong kung saan ang mga mag-aaral ay aktibong
nagbabahagi ng kanilang mga personal na ideya at kaisipan ng ibang tao tulad ng kanilang mga
kaklase, mga guro, mga awtor, at
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
mga tauhang nakakatagpo nila sa mga aklat.

Ang mga Batang Mag-aaral at ang Pagtuturo ng Wika

Sa mga talakayan sa larangan ng pagtuturo ng wika, maging Filipino o Ingles man, palagi nang
nakasentro ang usapan sa mga guro ng wika at kung paano sila nagtuturo. Mayroon ngang
nabanggit tungkol sa mga mag-aaral subalit mga palipad hangin lamang. Sa katunayan, mas
mahalagang isipin muna natin ang tungkol sa mga batang ating tinuturuan:

 Sino sila?
 Saan sila galing?
 Ano ang alam nila?
 Anu-anong mga motibasyon nila sa pag-aaral ng wika?
 Ano ang palagay nila sa wikang Filipino?
 Paano sila natututo ng wika?

Samakatuwid, ang simula ng lahat ng pagsisikap sa pagtuturo ng Filipino sa ating sa mga

paaralan ay ang pag-unawa sa kalikasan at pagkakaiba-iba ng mga bata sa paaralan, pati na ang
pagkakaroon ng kaalaman at lubusang pang-unawa kung paano natutuhan ang wika, una o
pangalawang wika man, at ang mga proseso sa pagkatuto nito.

Napaniwala tayo ng popular na kaalaman na mas madaling matuto ng pangalawang wika

ang mga bata kaysa sa may mga edad na mga mag-aaral. Sa mga ganitong paniniwala, nararapat
lamang ang ilang kwalipikasyon.

Una, hindi totoong mas madaling matuto ng pangalawang wika ang mga bata. May mga
patunay na marami rin silang pagsisikap na ginagawa upang matutuhan ang kanilang una at
pangalawang wika (Brown, 1994). Ang kaibahan sa pagkatuto ng wika sa pagitan ng mga bata at
may edad na mag-aaral ay nakabatay sa likas at natural na paraan ng pagsasalita ng mga bata at
kalimitang hindi nila binibigyang pansin ang anyo ng wikang sasabihin. Samantalang sa isang may
edad na nag-aaral ng wika, tahasang binibigyan niya ng pokus ang salitang bibigkasin at pinag-
iisipang mabuti ang anyo ng wikang kanyang sasalitain.

Ikalawa, may mga pag-aaral na nagsasabi na ang may edad ay may higit na kakayahan sa
pagtatamo ng pangalawang wika. Magagawa nilang makapagsaulo ng higit na maraming
talasalitaan kaysa sa mga bata. Maaari silang gumamit ng mga prosesong deduktibo at abstraksyon
sa pag-aaral ng balarila at iba pang konseptong panlinggwistika kaya sa kabila ng otomatikong
pagpoprosesong ginagamit ng mga bata sa pagtatamo ng wika, maaaring magkaroon sila ng
problema sa pag-aaral ng pangalawang wika.

Ikatlo, hindi malinaw ang hangganan ng edad ng mga batang bago pa lamang nag-aaral
magsalita sa mga batang pre-
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
pubescent. Lumilitaw sa maraming pagkakataon na may mga batang totoong hirap sa pagtatamo ng
pangalawang wika dahil sa maraming kadahilanan. Pangunahin sa mga kadahilanan ay may
kinalaman sa mga salik personal, sosyal, kultural, at politikal.

Ang pagtuturo ng wika sa mga bata ay hindi basta nagaganap sa pamamagitan ng

pagbibigay ng maraming karanasang pangwika sa loob ng klasrum. Kailangan ng guro ng tanging
kasanayan at intwisyon na kaiba kung may edad na mga mag-aaral ang tuturuan niya.
Inilahad sa ibaba ang limang kategorya na may kinalaman sa paglaki at pag-unlad ng
mga mag-aaral na maaaring makatulong sa guro sa pagpili ng mga praktikal na teknik at
istratehiya sa pagtuturo ng wika.

1. Intelektwal na Pag-unlad

Dahil sa ang mga bata (humigit kumulang hanggang edad labinsiyam) sa ganitong edad ay nasa
yugto pa rin ng tinatawag ni Piaget na concrete operations, dapat lamang na isaalang-alang ang
kanilang mga limitasyon. Ang mga tuntunin at mga paliwanag tungkol sa wika ay kailangang
gamitin nang may ibayong pag-iingat. Hindi masyadong pinahahalagahan ng mga bata sa ganitong
yugto ng paglaki ang nosyon ng mga edad ng “kawastuhan” at lalong higit na hindi nila
mauunawaan ang mga pagpapaliwanag ng tungkol sa mga konseptong panlinggwistika. May ilang
mga tuntunin para sa mabisang pagkaklase:

 Iwasan ang paggamit ng mga teknikal na salita sa pagpapaliwanag ng ilang

kaalamang pambalarila (e.g. ponolohiya, morpema, at iba pa).

 Iwasan ang pagbibigay ng mga tuntunin na makalilito sa mga nag-aaral.

2. Tagal ng Pagkawili (Attention Span)

Isang kapansin-pansing kaibahan ng mga may edad sa mga bata ay ang tagal ng panahon ng
kanilang pagkawili. Mahalagang maunawaan ng guro ang kahulugan ng tagal ng panahon ng
pagkawili. Paupuin mo ang mga bata sa harapan ng TV na ang palabas ay paborito nilang cartoon at
asahan walang tatayo ni isa man sa kanila hanggang hindi natatapos ang palabas. Kaya’t hindi ka
maaaring magbigay ng isang paglalahat na maikli lamang ang tagal ng panahon ng pagkawili ng
mga bata. Mangyayari lamang ang maikling panahon ng pagkawili kung ang pagkaklase ay
nakasasawa at walang kabuhay-buhay. Dahil mahirap minsan ang paksang pinag-aaralan sa wika,
tungkulin mong gawin itong kawili-wili, buhay, at masaya. Paano mo ito gagawin?

 Mag-isip ng mga gawaing may kagyat na kawilihan para sa mga bata.

 Maglahad ng mga makabago at iba’t ibang gawain.
 Gawing buhay ang pagkaklase at huwag mabahala na mag-oober-akting dahil kailangan ito
ng mga bata para sila’y

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
 maging gising at listo.
 Tuklasin ang kiliti ng mga bata at gawin itong puhunan sa pagpapanatili ng kanilang
kawilihan.
 Isaalang-alang ang pagiging palatanong o kuryusidad ng mga bata upang mapanatili ang
kanilang kawilihan.

3. Pakilusin ang Iba’t ibang Pandamdam (Sensory Input)

 Maglaan ng mga gawaing magpapakilos sa mga bata tulad ng role play at maglaro.
 Gumamit ng iba’t ibang kagamitang panturo na makatutulong sa pagpapatibay ng mga
kaisipang natamo.
 Isaalang-alng din ang paggamit ng mga non-verbal language.

4. Mga Salik na Apektib (Affective Factors)

 Iparamdam sa mga mag-aaral na natural lamang na makagagawa sila ng pagkakamali sa
pagsasalita, pagbabasa, at pagsulat habang nag-aaral ng isang wika.
 Maging mapagpaumanhin at ibigay ang lahat ng suporta upang magkaroon ng tiwala sa
sarili ang bawat mag-aaral, ngunit maging tiyak sa mga inaasahang matatamo ng iyong mag-
aaral.
 Maglaan ng mas maraming pakikilahok na pasalita mula sa mga mag-aaral lalo’t higit iyong
mga tahimik sa klase upang mabigyan sila ng pagkakataong subukin ang iba’t ibang gawain
sa pag-aaral ng wika.

Ang mga Tinedyer at ang Pagtuturo ng Wika

Mahalaga ring isaalang-alang sa alinmang pagtuturo ang pangkat ng mga mag-aaral na

nagbibinata o nagdadalaga na. Mga Tinedyer o “bagets” na may edad mula 12-19 ang tawag sa
pangkat na ito ng mga mag-aaral sa sekundarya.

“Sakit sa ulo” ang tawag ng ilang guro sa mga mag-aaral na nasa ganitong edad. Ito ang
yugto ng paglaki na sila’y lito, kimi, at kakikitaan ng maraming pagbabago sa kanilang anyong
pisikal at intelektwal. Ito ang edad tungo sa pagbibinata at pagdadalaga. Samakatuwid, kailangan
ang isang tanging set ng mga konsiderasyon kung ang ganitong pangkat ng mag-aaral ang iyong
tuturuan. Bagama’t kakaunti kung mayroon man tayong mababasa tungkol sa pagtuturo ng mga
mag-aaral sa ganitong edad, makabubuti siguro kung pagtutuunan natin ng pansin ang ilang paalala.

1. May kakayahan na ang mga mag-aaral sa ganitong edad na gamitin ang mga proseso sa
abstraktong pag-iisip kaya’t maaari na silang ilayo nang unti-unti mula sa kongkretong
paglalahad ng mga gawain tungo sa sopistikadong pagpoproseso ng mga kaisipan subalit
mahalaga pa ring isaisip na ang pagtatagumpay sa anumang gawaing intelektwal ay
nakasalalay sa antas ng kawilihan o atensyong ibinibigay rito; kaya nga kung ang isang
mag-aaral ay maraming pinagkakaabalahan tulad ng barkada, pagpapaganda sa sarili, disco,
parti at iba pa, ay maaaring

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
 ang mga gawaing pangklase at mga bagay hinggil sa kanilang pag-aaral ay maaaring
maisantabi.

2. Ang tagal o haba ng kanilang pagkawili (attention span) ay tumatagal na rin bunga ng
kagustuhan ng kanilang pag-iisip subalit maaari itong maging panandalian din dahil sa
maraming pabago-bagong nagaganap sa pag-iisip at buhay ng isang tinedyer.

3. Maglaan din ng iba’t ibang input na pandamdam (sensory input) sa mga pagkakataong
kailangan ito ng mag-aaral.

4. Tandaan palagi na ang mga kabataan sa yugtong ito ng paglaki ay nasa karurukan ng
kanilang pagpapahalaga sa sarili. Masyado silang sensitibo sa kanilang mga naririnig na puna
lalo’t higit tungkol sa kanilang pagbabagong pisikal, mga emosyon at kanilang kakayahang
pangkaisipan. Isa sa mga mahalagang tungkulin ng guro sa paaralang sekundarya ang
mapanatiling mataas ang pagpapahalagang pansarili ng kanyang mga tinuturuan sa
pamamagitan ng mga sumusunod;

 Iwasang ipahiya sila sa klase;

 Pagpapahalaga sa kanilang pansariling talino at kalakasan;
 Pagiging maluwag sa mga pagkakamaling nagagawa sa pagkaklase;
 Pag-iwas sa mga kompetisyong pangklase na maaaring mauwi sa di-pagkakaunawaan at;
 Paglalaan ng mga gawaing pangkatan sa loob ng klase kung saan maaari silang
makipagsapalaran sa paglahok na hindi totoong magiging kahiya-hiya kung magkamali man
sila sa pagsagot.

5. Hangga’t maaari ay maging maingat sa pagbibigay ng puna at mahihirap na gawain lalo na

sa mga may kahinaan sa pag-aaral. Isang malaking dagok sa kanilang katauhan kung sila’y
maiinsulto sa harap ng klase.

Mga Yugto sa Pagkatuto ng Wika

 Hindi basta ginagaya ng mga bata ang wikang kanilang naririnig. Pinipili at inaakma nila
ang kayarian ng mga bahagi ng pananalita na makahulugan sa kanila.
 Ang mga bata ay active learners at hindi passive learners.
 Sinusuring maigi ng mga bata ang wikang naririnig at pinipili nila ang bahaging may
kahulugan sa kanila.
 Ang intonasyon ng wika ang unang hulwarang natutuhan ng mga bata. Mula rito ay pinipili
nila ang salita at mga hulwaran ng mga makahulugang tunog gaya ng: mama, dada, dede.
 Sa simula ang mga bokabularyo ng mga bata ay binubuo ng mga pangngalan, pandiwa, at
pang-uri.
 Ang mga salitang
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
 pangkayarian o function words ay sa bandang huli na natutunan.
 Ang modelong ilalahad sa ibaba ay isang paglalarawan sa proseso ng pagkatuto ng wika na
konsistent sa ilang pananaliksik (Brooks, Goodman, 1976, Brown at Bellugi, 1961). Sa
modelong ito ang pagkatuto sa wika ay hinati-hati sa iba’t ibang yugto.
 Kakikitaan ito ng pagsasanib na ang ibig sabihin ay may mga batang pumapasok sa mas
mataas na yugto bago pa man nila namaster ang mas mababang yugto ng pagkatuto. Ang
pangyayaring ito ay may kinalaman sa kanilang pagkakaiba. Ang mga edad na inilahad sa
bawat yugto ay may kalkulasyon lamang.

Unang Yugto: PASAMULA (RANDOM)

 Sa yugtong ito, ang mga bata ay lumilikha ng mga tunog na kakailanganin nila sa
pagsasalita sa mga darating na araw.
 Vocalizing, cooing, gurgling at babbling.
 Ang mga tunog na nililikha ng mga bata ay marami at iba-iba at ito’y tinatanaw ng mga
matatanda bilang ponema.
 Babbling – binubuo ng mga magkakalapit na tunog ng katinig – patinig gaya ng Ma Ma Ma
o Da Da Da.
 Echoic Speech – ang mga ginagayang pagbigkas at pagsasalita.

Ikalawang Yugto: UNITARY

 Patuloy na lumilikha ng maliliit na yunit na tunog ang mga bata na limitado sa isang pantig.
 Ang haba ng pagsasalita o likhang tunog ay naayon sa kalikasan ng pag-unlad na pisikal at
pagkontrol sa paggamit ng kanilang mekanismo sa pagsasalita sapagkat ang mga proseso ng
paglinang ng wika at paggulang (maturation) ay magkasabay na nagaganap.
 Halophrastic Speech – ang paggamit ng mga bata ng isang salita upang magpahayag ng mga
ideya.
 Sa gulang na 12 buwan, ang mga bata ay nagsisimula ng sumunod sa ilang payak na
pasalitang pautos tulad ng upo, tayo, atbp. at mapaghuhulo na maaari na silang
magsimulang sumagot sa kabuuang ponemikong konspigurasyon ng mga salita at mga
parirala.
 Ang pagkatuto ng bata ng ponolohiya, bokabularyo at balarila ay matagal at mahirap kahit
na ang pag-unlad nilang pisikal ay maoobserbahang mabilis.
 Sa una, ang mga salitang binigkas niya ay masasabing katulad ng mga salita ng nakatatanda
na ipinalalagay na ginaya, pero ang katunayan, ito’y pagpapatibay ng maging sa panahong
ito, taglay na ng mga bata ang kanilang sariling phonemic system kahit na di pa maayos.

Ikatlong Yugto: EKSPANSYON AT DELIMITASYON

 Ang pagsasalita ay umuunlad mula sa isahan o dalawahang pagsasalita hanggang sa
maging katulad na ito ng
pagsasalita ng matanda.
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
 (18-20 buwan, dalawahang salita)

Dalawang Klasing salitang ginamit:

Pivot Class: kalimita’y maikli, at ito iyong malimit nilang bigkasin at maaaring nasa una o
ikalawang posisyon. Ang posisyon ay iyong kinalalagyan ng salita sa isang pangungusap. Ang
ikalawa ay iyong isa pang salita at tinatawag itong open class. Hal. “Kain Mommy,” “KAin baby,”
Kain ato”

-Pivot Word: Hal. “Dede ko,” Dede Tata,” “Dede Mama,”

-“Tuya alit,” “Mommy alit,” “Daddy alit, alit”
-“Mommy raro”

 Magiging mabilis ang pagtatamo o pagkatuto ng mga salita kapag ang kognitibong
kalinangan ng mga bata ay humahantong sa punto ng pagkaunawa sa mga bagay, pangyayari at
mga tiyak na pangalan ng mga ito.
 Magiging palatanong na ang mga bata at malimit na maririnig ang mga tanong na “Ano to?”
“Ano yan?” at maraming “Bakit.”
 Upang hindi “malunod” ang mga bata sa yugtong ito ng kanilang pagsasalita, iwasan ang
pagbibigay na maraming impormasyon at unawaing mabuti ang mensahe ng batang nagsasalita.
 Kailangang gumanap bilang mga salbabida ang mga matatandang nakapaligid sa mga bata.

Ikaapat na Yugto: KAMALAYANG ISTRUKTURAL

 Upang mailahad nang mahusay ng mga bata ang kanilang napaunlad at naparaming mga
abstraktong ideya at mga damdamin, kailangang makarating sila sa yugtong kamalayang
istruktural.
 Ito’y mahalaga upang makabuo sila ng paglalahat at matuklasan nila ang hulwaran (pattern) at
kaayusan sa pagsasalita.
 Habang patuloy na nagiging komplikado ang kanilang pagsasalita, magagawa nilang magkamali
dahil bumubuo sila ng sariling paglalahat na kung minsan ay hindi pinapansin. Hal. “nikain” vs,
“kinain”

Ikalimang Yugto: OTOMATIK

 Sa yugtong ito, ang bata’y nakapagsasabi ng mga pangungusap na may wastong pagbabalarila
kaya’t magagawa na nilang maipahayag ang kanilang ideya at damdamin kagaya ng mga
matatandang tagapagsalita ng wika.
 Ang mga batang nasa yugtong ito’y may kahandaan na sa pagpasok sa kindergarten.

Ikaanim na Yugto:
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
 MALIKHAIN
 Sa yugtong ito, nagagawa ng mga bata na mag-imbento o lumikha ng sarili nilang wika.
Bagamat ang mga pariralang gamit ay mga dati nang naririnig, nagkakaroon sila ng lakas ng
loob dahil nagagawa na nilang magsalita ang ginagamit ng kanilang mga kaibigan at mga tao sa
paligid.
 Sa mg natalakay na yugto, malalagom na ang mga bata ay natututo ng wika sa pamamagitan ng:
1. Pag-ugnay (pagtambal ng tunay na bagay sa tunog ng salita)
2. Pagpapatibay (anumang positibong papuring gaganyak sa isang bata upang ulitin ang
anumang tugon)
3. Panggagaya (paggagad sa anumang tunog na naririnig sa matatanda)
4. Elaborasyon (pagpapalawak ng isang salita upang makabuo ng pangungusap)

ANG PAGTUTURO BATAY SA MGA SIMULAIN

Mga Simulaing Kognitibo

Tatawagin nating simulaing "kognitib" ang unang set dahil ang mga ito'y may kaugnayan sa mga
tungkuling mental at intelektwal.

1. Otomatisiti.

Isinasaad ng simulaing ito na ang mabisang pagkatuto ng wika ay nakasalalay sa isang

sistematiko at limitadong pagkontrol ng ilang anyo ng Wika na maglulundo tungo sa otomatikong
papoproseso ng di mabilang na mga anyo ng wika.Tumutugon din ang simulaing ito sa
paniniwalang natutuhan ng mga bata ang kanilang unang wika nang walang kamalayan o di
binibigyan-pansin ang anyo ng wikang sinasalita.

Sa pamamagitan ng mga input na naririnig at pagsubok ng mga ito,' lumalabas na

natututuhan nila ang wika na hindi"inisip" ang anyo nito. Binibigyang halaga ng simulaing ito ang
mga sumusunod:

a. Natural o di namamalayang pagkatuto ng wika sa pamamagitan ng makabuluhang paggamit nito.

b. Mabisa at mabilis na paglayo sa pokus na anyo ng wika ang binibigyang-diin patungo sa pokus
na ang sentro ay ang layunin sa paggamit ng wika.

c. Epektibo at mabisang pagkontrol sa ilang aspekto ng wika patungo sa walang limit at

otomatikong pagpoproseso ng anyo ng wika.

d. Naiiwasan ang pagsusuri ng mga maliliit na detalye sa anyo ng wika.

Implikasyong Pangklasrum

a. Ang isang klase sa wika na labis na nakatuon sa aspektong istruktural

at porma ay maaaring
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
makahadlang sa katatasan sa pagsasalita.

b. Ang mga aralin ay dapat nakatuon sa gamit ng wika na siyang tunay na diwa ng kontekstong
dapat na mararanasan sa loob ng klasrum.

c. Hindi agad natatamo ang otomatikong pagpoproseso sa wika. Matiyaga ang guro habang unti-unti
niyang sinasanay ang mga mag-aaral na maging matatas sa pagsasalita.

2. Makabuluhang Pagkatuto

Sa payak na pananalita, isinasaad ng simulaing ito na ang makabuluhang pagkatuto ay

nagbubunga ng higit na pangmatagalang pagkatuto kaysa sa pagsasaulo lamang.

Implikasyong Pangklasrum

a. Puhunanin ang kahalagahan ng makabuluhang pagkatuto sa pamamagitan ng pagpukaw sa

kawilihan at interes ng mga mag-aaral, pag-alam sa kanilang tunguhing pang-akademiko, at mga
layuning panghinaharap.

b. Sa tuwing maglalahad ng bagong paksa o tapik, sikaping maiugnay ito sa dating alam ng mag-
aaral upang maging makabuluhan ang kanilang pagkatuto.

c. Iwasan ang maaaring negatibong bunga ng rote learning gaya ng:

 labis na pagpapaliwanag ng gramatika at labis na drill o pagsasanay

 mga gawaing di-tiyak ang mga layunin
 mga gawaing malayo sa pagtatamo ng mga layunin
 mga teknik na mekanikal na kung saan nakapokus ang interes ng
mga mag-aaral sa kayarian ng wika sa halip na mensahe o kahulugan nito.

3. Pag-asam ng Gantimpala

Ang simulaing ito'y maipahahayag sa tulong ng operant conditioning paradigm ni Skinner.

Isinasaad nito na ang bawat tao ay nagaganyak na kumilos sa pag-asang may matatamong
gantimpala o pabuya na maaaring materyal o di-materyal.

Implikasyong Pangklasrum

a. Maglaan ng hayagang pagpuri at pampalakas ng loob.

b. Himukin ang mga mag-aaral na igalang ang kakayahan ng bawat isa sa pamamagitan ng
pagbibigay suporta sa anumang gawain.

c. Magbigay ng kaukulang pidbak hinggil sa mga katuparan ng mga gawaing pangklase.

d. Magpakita ng kasiglahan sa
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
pagkaklase sa lahat ng pagkakataon.

4. Pansariling Pangganyak

Sa maikling pananalita, ang simulaing ito'y nagsasabing ang pinakamabisang gantimpala ay

yaong pagganyak na bukal sa sarili. Dahil ang kilos gawi ay nag-uugat mula sa sariling
pangangailangan o nais, ang mismong pagkilos ay gantimpala na sa ganang sarili, kaya nga hindi na
kailangan pa ang gantimpala na galing sa iba. Nanghahawakan pa rin ang simulaing ito sa
paniniwalang ginagawa ng mga mag-aaral ang gawain dahil sa ito'y kawili-wili, mahalaga o di
kaya'y mapanghamon at hindi sa anupamang gantimpala maging ito'y kognitibo o pandamdamin
man na maaaring galing sa guro.

5. Strategic Investment

Noong mga nakalipas na dekada, ang tanging binibigyang-diin sa pagtuturo ng wika ay kung
paano maipapaangkin sa mag-aaral ang wika.

Ang mga pamaraan, batayang aklat at mga balangkas pambalarila ang kinikilalang mga
pangunahing salik sa matagumpay na pagkatuto. Dahil sa mga pananaliksik at pag-aaral sa wika,
binibigyang pokus na ngayon ang mga mag-aaral sa pagtuturo. Ang mga "paraan" na ginagamit ng
mga mag-aaral sa pag-aaral ng wika ay kasinghalaga rin ng mga paraan na gınagamit ng guro. Ito
ang tinatawag na simulaing Strategic Investment.

Isinasaad ng simulaing ito na ang matagumpay na pagkatuto ng wika ay nakasalalay sa

"puhunang" inilalaan ng mag-aaral gaya ng oras, pagsisikap at atensyon sa wika sa pamamagitan ng
mga pansariling istratehiya upang maunawaan at masalita ang wikang pinag-aaralan.

Mga Simulaing Pandamdamin

Dumako naman tayo sa mga simulaing ang pokus ay ang emosyon ng tao sa set ng mga
simulaing pandamdamin, titingnan natin ang damdaming pansarili, ang pakikipag-ugnayan sa mga
tagapagsalita ng wika at ang mga ugnayan sa pagitan ng kultura at wika.

1. Language Ego

Isinasaad ng simulaing ito na habang natutuhang gamitin ng tao ang wikang pinag-aralan,
nagkakaroon din siya ng bagong paraan ng pag-iisip, pakiramdam at pagkilos na katulad ng taong
nagsasalita ng target na wika. Ang bagong language ego na kakabit ng wikang pinag-aaralan ay
lumilikha sa mag-aaral ng pagiging mahina ang kalooban at laging mapangatwiran.

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
 Kailangang laging alalayan ang bago pa lamang natututong magsalita ng wikang pinag-
aaralan lalo nasa mga sitwasyong para siyang napipipi o nauutal dahil mga taal na tagapagsalita ang
kausap.

Implikasyong Pangklasrum

a. Lahat ng mag-aaral ng wika ay dapat pakitunguhan nang may pagmamahal at pagkalinga.

b. Ang mga teknik na ginagamit sa pagtuturo ay kailangang may sapat na hamon sa kaisipan subalit
hindi naman makalulunod sa damdamin ng mag-aaral.

c. Upang maisaalang-alang nang lubos ang language ego, kinakailangang alamin ng guro kung:

 sino ang tatawagin sa pagkaklase;

 sino ang hihingan ng impormasyon,

 kailan iwawasto ang mga pagkakamali;

 paano ipaliliwanag ang isang bagay;

 paano ang pagpaplano ng mga gawain,

 sino ang pagsasamahin sa isang pangkat; at

 paano ka magiging "matatag" sa iyong mga mag-aaral.

2. Pagtitiwala sa Sarili (Kaya Ko Ito!)

Ang pinakapuso ng anumang tagumpay sa pagkatuto ng wika ay ang katotohanang may

tiwala ang mag-aaral sa kanyang sariling kakayahan at naniniwala siyang mapagtatagumpayan niya
ang anumang gawain.

Implikasyong Pangklasrum

a. Magbigay ng sapat na kapanatagan ng loob sa mga mag-aaral, pasalita man o sa ibang paraan.

b. Ihanay o pagsunud-sunurin ang mga teknik mula sa madadali patungo sa mahihirap na gawain. .

3. Pakikipagsapalaran (Risk Taking)

Ang ikatlong simulaing pandamdamin na may makabuluhang kaugnayan sa kahalagahan ng

pakikipagsapalaran sa kagustuhang magamit ang wika. Ang unang dalawang simulain ang siyang
magbibigay ng lakas ng loob sa mag-aaral upang suungin ang panganib".

Kung tinatanggap na ng mag-aaral ang ilan niyang kahinaan sa wikang pinag-aaralan, at

nabuo niya sa kanyang isipan na
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
makakaya niya itong salitain, hindi na niya lubos na bibigyang-pansin ang anumang pagkakamaling
magagawa niya sa paggamit ng wika. Handa niyang subukin ang natutuhang wika, gamitin ito sa
mga makabuluhang usapan, magtanong tungkol dito, at mapanindigan ang sarili sa pagsasalita.
Isinasaad ng simulaing ito na matagumpayan ang pag-aaral ng wika. Bahagi nito ang
makipagsapalaran para lamang maipahayag at maipaliwanag ang sarili sa target na wika.

Paano maipakikita ng simulain ng pakikipagsapalaran sa klasrum?

a. Lumikha sa mga mag-aaral na subuking masalita ang wika at mahimok silang sumagot anumang
oras nilang naisin.

b. Maglaan ng mga teknik na tuwirang hahamon sa kakayahan ng mga mag-aaral. Gawin ito nang
may katamtamang kahirapan subalit hindi naman lubhang napakadali.

c. Ipaliwanag kung ano ang ibig sabihin ng "pakikipagsapalaran" sa pag-aaral ng wika upang di
isipin ng iba na kahit ano na lamang ay maaari nilang ibulalas.

d. Purihin ang anumang makabuluhang pagtatangkang mga nakagaganyak na pasang-ayon subalit

hindi dapat kaligtaan ang mga pagkukulang sa wikang pinag-aaralan.

4. Ugnayang Wika at Kultura

Sa pamamagitan ng wika, nagkakaalaman at nagkakaugnayan sa pamumuhay, saloobin,

tradisyon, mithiin, paniniwala ang mga tao. Sapat sa pangangailangan ng mga taong gumagamit ng
wika ang kanilang sinasalitang wika batay sa kanilang kultura. Ang wikang Filipino, halimbawa ay
sapat sa pangangailangan ng mga Filipino para gamitin ito sa pakikipagtalastasan. Binibigyang-diin
ng simulaing ito ng sinumang nagtuturo ng wika, kasabay sa itinuturo ang isang sistemang kultura
at kaugalian, pagpapahalaga, paraan ng pag-iisip, pagkilos at pagdama ng mga taong gumagamit ng
target na wika.

Implikasyong Pangklasrum

a. talakayin ang pagkakaiba ng mga kultura at bigyang-diin ang kaisipang “Walang kultura na mas
higit kaysa ibang kultura”. Pahalagahan din ang kaisipang ang pag-unawa sa kultura ng mga taong
gumagamit ng target na wika ay mahalaga sa pag-aaral nito.

b. Ituro ang konotasyong pangkultura ng wika lalo't higit iyong may kinalaman sa aspektong sosyo-
lingguwistika.

c. Isama sa inyong mga teknik ang mga gawain o kagamitang naglalarawan ng kaugnayan ng wika
at kultura.

d. Salain at iwaksi ang mga gawain, kagamitan at mga teknik na makasasakit, ng damdamin dahil sa
pagkakaiba ng kultura.

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
e. lpamulat sa mag-aaral ang kahalagahan ng ilang maliliit na bagay tungkol sa isang kultura na
kalimitan ay binabale-wala.

Simulaing Linggwistik

Sa huling kategorya ng mga simulain sa pagkatuto at pagtuturo ng wika ay nakapokus

mismo sa wika at kung paano ang mga mag-aaral ay nakikibagay sa isang masalimuot na sistemang
panlinggwistika sa pagkatuto nito.

a. Ang Epekto ng Unang Wika

Hindi mapasusubalian ang kahalagahan ng unang wika sa pag-aaral at pagtatamo ng bagong

wika. kalimitan at tinatanaw ng marami na ang unang wika ay nakasasagabal sa pagtatamo ng target
na wika; subalt ito'y taliwas sa inaasahan. Ang karamihan sa mga pagkakamali ng mga mag-aaral sa
pangalawang wika, lalo na't sa panimulang antas ay nag-uugat sa pagpapalagay ng mga mag-aaral
na ang target na wika ay nagagamit nang tulad ng katutubong wika. Ang simulaing ito' y nagsasaad
na ang katutubong wika ay magsilbing mahalagang sistema para maging sandigan ng mga mag-
aaral sa paghulang sistema o balangkas ng target na wika.

Implikasyong Pangklasrum

 Ipalagay ang mga pagkakamali ng mga mag-aaral na mahahalagang landas upang

mabigyang-daan ang angkop na pidbak sa nagawang pagkakamali. Ang mga pagkakamaling
bunga ng unang wika ay naiwawasto sa pamamagitan ng pagpapakita ng dahilan kung bakit
nagkakaroon ng pagkakamali.

 May mga matagumpay na pagkatuto ng wika na nahahawa sa nagagawa ng unang wika

upang mapadali ang pagkatuto ng pangalawang wika. Ngunit marami ang nagsasabi na ito'y
sagabal. Gayunpaman, ipaunawa sa mga mag-aaral na hindi lahat sa kanilang katutubong
wika ay magiging dahilan ng pagkakamali sa pagkatuto ng ikalawang wika.

 Sikaping maganyak ang mga mag-aaral na mag-isip nang tuwiran sa target na wika upang
maiwasan ang pagkakamali na bunga ng katutubong wika.

b. Interlanguage

Isinasaad ng simulaing interlanguage na ang mga mag-aaral ng pangalawang wika ay

pumapailalim sa isang masistemang proseso ng pag-unlad habang lubusan nilang nauunawaan ang
target na wika. Ang isang matagumpay na interlanguage ay iyong sa palagay ng mga mag-aaral ng
wika na ang kanilang sinabi ay tama kahit na sa pananaw ng tagapagsalita ay mali. Isang malaking
hamon sa guro ang prosesong ito sa pag-aaral ng wika. Kailangan maging maingat ang guro sa
pagbibigay ng pidbak lalo't higit kung ang mag-aaral ay gumagamit ng interlanguage.

Bagamat hindi praktikal

Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
na pakitunguhan nang isa-isa ang bawat mag-aaral sa klaseng binubuo nang humigit - kumulang na
apat na pung mag-aaral, makatutulong nang malaki kung gagawa ang guro ng isang pagpapalano
kung saan papangkatin niya ang mga mag-aaral na may magkakatulad na suliranin sa pag-aaral ng
wika. Sa simulaing ito, itinuturing ang bawat mag-aaral na may taglay na sariling pangangailangan
at interes.

Simulaing Nagsasangkot sa Mag-aaral

Isinasaad sa simulaing ito na dapat bigyan ang bawat mag-aaral ng maraming pagkakataon
upang makilahok sa iba't ibang uri ng mga gawaing komukikatibo. Ganyakin din ang mga mag-
aaral na makipagsapalaran habang unti-unti nilang nasasalita ang wikang pinag-aaralan. At higit sa
lahat, sa simula pa lamang kailangang mayroon na silang sariling istratehiya upang magawa nilang
mapunan ang mga di-maiwasang pagkakataong mangangapa sila sa paggamit ng wika.

Simulaing Nakatuon sa Target na Wika

Binibigyang -halaga ng simulaing ito na kailangang bigyan ng guro ang mga mag-aaral ng
mga input na komunikatibo na abot ng kanilang pang-unawa at makabuluhan para sa sarili nilang
pangangailangan at interes. "Magagawa lamang ito ng isang guro kung lilikha siya ng isang
sitwasyon kung saan mararamdaman ng mag-aaral na nagagamit niya ang target na wika nang
natural at hindi pilit.

Simulaing Nakapokus sa Ilang Anyo ng Wika

Upang mahusay na malinang ang kakayahang komunikatibo ng mga mag-aaral sa loob ng

maikling panahon, kailangang ipokus ng guro ang mga mag-aaral sa ilang anyo at gamit ng wika,
mga kasanayan at istratehiyang makatutulong upang magamit ang wika sa isang kalagayang
limitado ang mga pagkakataon sa paggamit nito.

Simulaing Sosyo-Kultural

Gumperz (1970), Widdowson (1977) at Wilkins (1976) ay kaisa sa paniniwala na

mahalagang magkaroon ng mga kaalamang kultural upang maunawaan at mabigyang- kahulugan
ang sinasabi ng kausap. Kaya't tungkulin ng guro na ipadama sa mag-aaral na kailangan ang
pagpapahalaga sa mga karanasang pangkulturang dala nila sa pag-aaral ng wika at mapagyaman ito
sa kultura ng mga taong gumagamit ng target na wika.

Simulain ng Kamalayan

Ang pag-aaral ng wika ay nagbibigay ng pagkakataon sa mag-aaral na lubos na maunawaan

ang ugnayan ng wika at kultura. Kaya nga, kailangan ng isang mag-aaral ng wika ang pagiging
sensitibo sa wika at kultura ng ibang tao. Ang pagsasaalang-alang sa kultura ay magiging daan
upang madama ang lakas ng wika upang mapaglapit ang diwa at isipan ng iba't ibang tao sa daigdig.

Simulain ng Pagtataya

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
 Ang kamalayan hinggil sa sariling pag-unlad sa pag-aaral ng wika ay maaaring maging
pampasigla para sa ibayo pang pagkatuto. Kaya't mahalaga na palagiang may pidbak ang mag-aaral
hinggil sa kanilang pagsulong sa pagkatuto at kailangan itong maging reyalistiko.

Simulain ng Pananagutan

Mahalaga sa anumang larangan ng pag-aaral ang pagkakaroon ng sariling pananagutan

anuman ang magiging bunga nito at malinang ang pagkatuto sa sariling sikap.

MGA SALIK SA MATAGUMPAY NA PAGKATUTO NG WIKA

Ang panlabas at panloob na

Motibasyon motibasyon
Anu – ano ang mga Dapat
Isaalang – alang sa
Matagumpay na Ang mga tungkulin at pananagutan ng
Ang Guro
Pagtuturo at Pagkatuto ng guro
Wika?
Ang mga Mag - aaral Ang multiple Intelligence at ang istilo
sa pagkatuto

ANG MATAGUMPAY NA PAGKATUTO NG WIKA

Nanggigitgitan ang mga magulang, nagsisiksikan, nagtutulakan, at kung minsan ay

nagkapipikunan mapabilang lang ang kanilang pitong taong gulang na anak sa klase sa unang
baitang ni Mrs. Quirino. Nangyayari ang ganito dahil maraming magaganda at kapana-panabik na
sandali sa kaniyang pagkaklase. Alam din ng mga magulang na kung ang kanilang anak ay
mapapailalim sa pagtuturo ni Mrs. Quirino, magtataglay ang mga ito ng pangunahing kaalaman at
kasanayang mahalaga sa pagtuklas ng mas lalong malawak na karunungan. Batid din ng mga
magulang na ang mga tinuturuan ni Mrs. Quirino ay mahilig sa pagbabasa ng libro at masisipag sa
pag-aaral.

Ikalawang bahagi: Mga Pundasyon sa Pagkatuto ng Wika

Masasalamin sa katauhan ni Mrs. Quirino ang likas niyang pagmamahal sa mga bata, ang
masaya niyang pagtuturo at pagkamahiligin sa pagbabasa. Kung makakapasok ka sa loob ng
kanyang klasrum, makikita mong masasayang gumagawa ang mga bata. May mga batang nasa
isang sulok ng klasrum na tahimik na nagbabasa. Ang ilan ay abala sa pagpili ng mga aklat na
kanilang babasahin, samantalang may mga batang tahimik na nagsusulat sa kani-kanilang desk.
May mga bata ring gumagawa kasama ni Mrs. Quirino. Sa isa pang sulok ng klasrum ay makikita
ang tatatlong batang sumusulat ng isang kwento na kanilang ibabahagi sa klase. At sa isa pang

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
bahagi ng klasrum ay may mga bata namang gumagawa ng puppet na kanilang gagamitin sa isang
palabas sa klase.

Magandang pagmasdan ang nagaganap sa klasrum ni Mrs. Quirino. Ang mga bata ay
malayang nakakagawa ng mga gawaing di alintana ang pagkakamali. Hindi rin sila natatakot na
sumubok ng mga gawaing bago sa kanilang pananaw. Subalit hindi dapat isipin na ang ganitong
kaligiran ay basta na lamang nagaganap. Si Mrs. Quirino ay isang master titser. Kilala niya ang
kanyang mga mag-aaral at iginagalang niya ang kanilang pagkakaiba-iba. Ginagamit din niya ang
kanyang napag-aralan sa paglaki at pag-unlad ng mga bata at isinasaalang-alang ang mga teorya sa
pagkatuto upang makalinang ng isang kaligirang komportable ang mga bata at naroon ang sigasig sa
pagtuklas ng karunungan.

Isinasaalang-alang din ni Mrs.Quirino ang dignidad ng bawat bata at naroon parati ang
respeto sa kanyang tinuturuan. May sapat din siyang kamalayan sa mga mag-aaral hinggil sa
kaibahan ng lalaki sa babae at tinitiyak niyang magkapantay ang mga hamon at mga batang
mapanukso o iyong mga napang-aapi ng kapwa. Humihingi siya ng tulong sa mga magulang kung
kailangan at palagi niyang inuulat sa kanila ang progreso sa pag-aaral ng kanilang anak.

Kataka-taka bang isipin kung maraming magulang ang nangangarap na magkaroon sana ng
clone si Mrs.Quirino sa darating na araw. Kaya mo iyan! Lamang, bukod sa likas mong hilig sa
pagtuturo ay lagi mong isasaisip ang mga mahahalagang bagay upang mapagtagumpayan ng mga
bata ang lahat ng kaalaman sa pagkatuto na iyong inihanda. Nasa ibaba ang ilang kaisipang dapat
mong balik-balikan lalo na’t mapapansin mong manamlay ang mga bata sa kanilang pag-aaral.

MGA SALIK SA MATAGUMPAY NA PAGTUTURO NG GURO

Motibasyon
Hindi mapapasubalian na ang motibasyon ay napakahalagang salik sa matagumpay na
pagkatuto. Sa isang klase na halos magkakapantay ang antas ng karunungan ng mga mag-aaral,
pakaasahang may mas higit ang pagtatagumpayan sa pag-aaral dahil mataas ang kanilang
motibasyon. Samantalang ang mga mag-aaral na mababa ang motibasyon o hindi seryoso sa pag-
aaral ay mapapansing makapasa ma’y pilit o di kaya’y pasang-awa. May dalawang uri ng
motibasyon

A. Panlabas na Motibasyon (Extrinsic Motivation) na bunga ng mga salik eksternal gaya ng:
 pagkagusto na makahalubilo sa isang kultura ng mga tao na Filipino ang sinasalita.
Integratibong motibasyon ang tawag dito;
 pag-asam na makatuntong sa isang kolehiyo o pamantasan o di kaya’y pagkakaroon ng isang
trabaho na mataas ang pasahod dahil sa alam na wika. Motibasyong instrumental ang
tawag dito; at
 pagkagusto na makatanggap ng mga papuri o pagkilala mula sa kapwa mag-aaral o mga
guro.
B. Motibasyong Intrinsik (Intrinsic Motivation) – ito’y likas na kagustuhan sa pagkatuto ng
isang wika. Halimbawa,
Fil 110 - Ang Filipino sa Kurikulum ng Batayang Edukasyon
Tagapaglinang ng Kurso: Prop. Anazel Vergara-Palomar, LPT, MAT
 ang isang mag-aaral na galing sa isang pamilyang may positibong saloobin sa wikang
Filipino ay maaasahang magkakaroon ng ibayong interes sa Filipino at magkakaroon ng
pagkagusto upang masterin ang wika.
Tanggapin natin na sa mga klaseng ating tinuturuan, may mga mag-aaral na mataas ang
motibasyon sa pag-aaral at mayroon namang halos ay walang interes sa pag-aaral. Ang totoo, mas
madaling turuan ang klaseng mataas ang antas ng motibasyon sa pag-aaral. Kaya nga, kailangang
pagsikapan ng guro na magkaroon ang klase nang higit na mataas na motibasyon sa anumang
gawain sa pag-aaral. Sa ganitong kalagayan, kailangan ang angkop na pagpukaw sa kawilihan ng
mga mag-aaral, paggamit at pagpili ng mga kagamitang panturo na kanilang kalulugdan. Laging
isaalang-alang ang iba’t ibang pangangailangang pangkaisipan at pandamdamin ng mga bata lalo’t
higit ang kanilang layuning mapagtagumpayan ang pag-aaral sa pamamagitan ng pagtatakda ng
mga mapaghamon subalit reyalistikong mga gawain upang mapagtagumpayan ang layunin.

Ang mga Guro

Malaki ang pananagutan ng mga guro sa isang matagumpay na pagtuturo at pagkatuto ng wika.
Ang buong katauhan, saloobin, panlahat na kaalaman, at estilo sa pagtuturo ay maaaring maging
sanhi ng pagkakaroon o pagkawala ng interes o kawilihan ng mga bata sa pag-aaral ng wika.

Maraming tungkulin o “papel” na ginagampanan ang guro sa loob ng klasrum. Ilan sa mga ito
ay ang mga sumusunod:
 Pagbibigay impormasyon at paglalahad ng kaalaman;
 Paglalaan ng patnubay at tulong sa mga mag-aaral upang pagsanayan ang natamong
kaalaman;
 Pagbibigay ng angkop na pagganyak sa pamamagitan ng paglalaan ng iba’t iba at
nakawiwiling gawaing magbibigay ng pagkakataon upang magamit ang wikang natutuhan;
 Pagbubuo ng mga makabuluhang gawain at pagtitiyak na magagawa ng mga mag-aaral ang
gawain sa isang kagiliran na walang pangamba o pagkabahala;
 Binibigyang-sigla ang mga mag-aaral sa pamamagitan ng pagbibigay ng mga papuri
(“Magaling ang iyong sagot, sige ipagpatuloy mo”). Ito’y nagbibigay ng lugod sa mga bata
dahil kinikilala ang kanilang kakayahan sa klase; at
 Palaging may ginagawang pagtataya at ebalwasyon sa pagkatuto ng mga mag-aaral sa wika.

Ang mga Mag-aaral

Lalong magiging matagumpay ang isang guro sa kanyang pagtuturo kung may kabatiran at
nauunawaan niya ang mga katangian ng kanyang mag-aaral. Sa isang pag-aaral nina Rubin at
Thompson (1983), nagtala sila ng mga katangian ng isang magaling na estudyante ng wika. Ito ay
ang mga sumusunod:
 Nagagawa niyang manghula hinggil sa kayarian ng wikang pinag-aaralan at sinusubukan
niya ang mga ito sa pamamagitan ng pangangalap at pag-iipon ng mga impormasyon sa

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
 isang mabisang paraan. Gumagamit din siya ng mga hudyat (cues) na maririnig, makikita
niya sa paligid. Idinagdag pa ni Rubin na ang magaling manghula ay gumagamit ng kanilang
“pandama” hinggil sa balangkas na pambalarila, hudyat mula sa kalabisan sa isang mensahe.
Isinasaalang-alang din nila ang mga palatandaang di-berbal, ugnayan ng mga salita, ilang
kabatiran tungkol sa pamayanan, at ilang pagkakatulad sa kanilang unang wika. Hindi sila
nababahala sa mga maling hula at agad nila itong iwinawasto mula sa susunod na mga
konteksto.
 Mataas ang kanyang motibasyon upang makipagtalastasan at humahanap siya ng mga
posibleng istratehiya para maparating sa iba ang kanyang naiisip at nadarama. Isang
istratehiya na ginagamit niya ay ang paggamit ng sirkumlokusyon (circumlocution),
halimbawa, pagsasabi ng iyon bang ginagamit kapag umuulan kung hindi niya alam ang
salitang payong o kapote. Gumagamit din siya ng sariling pagpapakahulugan ng isang teksto.
Malimit din siyang gumagamit ng mga signal na di-berbal tulad ng pagkumpas o paggalaw
ng katawan, ekspresyon ng mukha, at iba pa.
 Hindi rin niya pinipigilan ang kanyang sarili na makipagsapalaran sa paggamit ng wika.
Tinatanggap niya ang kanyang kalagayan bilang linguistic toddler at tanggap niyang
magmukhang hangal para lamang maunawaan siyang mabuti ng kanyang kausap.
 Humahanap siya ng mga pagkakataon upang magamit ang wika at nangunguna siya sa
pagsisimula ng isang usapan sa kanyang guro at mga kaklase at palaging sinasamantala ang
mga pagkakataong makapagsalita sa klase.

Mga Istilo sa Pagkatuto

Ang mga istilo sa pagkatuto ay tumutukoy sa mga kaparaanang mas higit na gusto ng mga
estudyante sa kanilang pag-aaral .Si Willing (1988 at binanggit kay Nunan, 1991) ay nagsabi na ang
isang gurong sensitibo at isinasaalang-alang ang mga gustong istilo sa pag-aaral ng mga estudyante
ay makatutulong sa pagkakaroon ng isang matagumpay at mabisang pagkatuto. Sa isang pag-aaral
ni Willing, nagawa niyang pagpangkat-pangkatin ang mga mag-aaral at inuri niya ito sa apat na
kategorya. Nagtala rin siya ng mga pinapaborang istratehiya sa bawat uri ng mag-aaral.

Mga uri ng Mag-aaral at mga Gustong Istratehiya sa Pag-aaral

Uri ng mag-aaral Mga istratehiyang kinagigiliwan sa Pag-aaral

1. Mga laro
2. Mga larawan
Mag-aaral na “concrete” 3. VCR tapes
4. Pair work
5. Pagsasanay ng wika sa labas ng klase
1. Pag-aaral ng balarila
2. Pag-aaral ng maraming aklat sa wika
3. Pagbabasa ng mga pahayagan

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
 Mag-aaral na “analitikal” 4. Pag-aaral ng m,ag-isa
5. Pag-alam at pagsusuri ng mga kamalian sa wika
6. Pagtuklas ng mga solusyon sa mga suliraning inilahas ng guro
1. Pagmamasid at pakikinig sa mga taal tagapagsalita ng wika
2. Pakikipag-usap sa kaibigan na gamit ang wikang pinag-aaralan

Mag-aaral na “komunikatib” 3. Panonood ng programa sa TV sa wikang pinag-aaralan

4. Pag-aaral ng mga bagong salita sa pamamagitan ng pakikinig
dito at paggamit sa aktwal na pakikipag-usap
1. Mas gusto na ang guro ang magpapaliwanag ng lahat tungkol sa
wika
2. May sariling batayang aklat
Mag-aaral na 3. Isinusulat ang lahat ng impormasyon sa notbuk
“authority oriented”
4. Pinag-aaralan ang balarila
5. Nagbabasa para matuto
6. Natututunan ang mga bagong salita kung makikita ang mga ito

Mga Sanggunian:
Badayos, Paquito B. 2008. Metodolohiya sa Pagtuturo at Pagkatuto ng/ sa Filipino. Mga teorya, Simulain, at
Istratehiya. Mutya Publishing House, Inc. Malabon City

Badayos, Paquito B. 1999. Metodolohiya sa Pagtuturo ng Wika. Mga Teorya, Simulain, at Istratehiya.
Grandbooks Publishing, Inc. Metro Manila.

Villafuerte, Patrocinio V. at Bernales, Rolando A. 2008. Pagtuturo ng/sa Filipino: Mga Teorya at Praktika.
Mutya Publishing House, Inc. Malabon City.

www.scribd.com/doc/.../Ang-Kurikulum-Na-Filipino

http://www.rabernalesliterature.com/?p=881

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
 Ang Filipino sa Kurikulum ng Batayang Edukasyon
Pangalawang Semestre, Taong-Aralan 2021-2022

Rubriks para sa Pagtataya ng Portfolio

Imersyon sa Pagtuturo

Pangalan: Seksyon: Petsa:

Batayang Inilaang Iskor
Mga Nilalaman Mga Puna
Iskor Guro (90%) Sarili (10%)
I - Pabalat (Nakasaad ang nilikhang pamagat ng Portfolio) 5
II - Pahinang Pamagat (Nilikhang Pamagat, Pangalan ng 5
istudyante at guro o tagapaglinang ng kurso)
III - Talaan ng Nilalaman (may pahina) 5
IV – Introduksyon (Hindi hihigit sa limandaang (500)
salitang pangnilalaman) Isaad dito ang mga personal na 15
impormasyon ng batang tinuruan.
IV - Mga Napapaloob
A. MGA NATUKLASAN:
1. Anong katangian mayroon ang iyong
mag-aaral?
2. Ano-ano ang kahirapan ng iyong mag-
20
aaral sa pagkatuto ng wika/ Filipino?
3. Ano-ano ang mga hamong iyong
nakakaharap sa pagtuturo ng wika/
Filipino?
B. MGA PATUNAY/ LARAWAN (with 10
captions)
PAGLALAPAT/APLIKASYON 10
Ano-ano ang mga istratehiyang iyong
inilapat upang higit na mapasigla ang
pagtuturo-pagkatutong proseso?
C. REPLEKSYON
(Mga reyalisasyon/ natutunan mula sa 20
isinagawang imersyon bilang guro sa darating na
panahon)
V – MGA KARAGDAGANG DAHON (logbook at
5
iba pa)

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT
VI – KALINISAN, KAAYUSAN,
5
AT PAGKAMALIKHAIN
KABUUANG ISKOR 100
Mga Palatandaan (Legend):
N – Natugunan
HN – Hindi Natugunan
K - Kulang

Inihanda ni:

ANAZEL VERGARA-ESTILO, LPT, MAT

Tagalinang ng Kurso

Fil 110 - Ang Filipino sa Kurikulum ng Batayang Edukasyon

Tagapaglinang ng Kurso: Prop. Anazel Vergara-Palomar, LPT, MAT