PARTORDING NI ACARA PARTANGIANGAN

PELATIHAN APLIKASI SENTRALISASI KEUANGAN HKBP DISTRIK XIII ASAHAN

LABUHAN BATU

RABU 28 DESEMBER 2022

Pangaradeon
U : Hamu angka dongan na hinaholongan ruas ni Pelatihan Aplikasi
Sentralisasi Keuangan ima Sekretaris dohot bendahara na adong di
Huria HKBP Distrik Asahan Labuhan Batu on, tama do hita
mandok mauliate tu Amanta Pardenggan basa i, ala asi ni rohaNa
do pataruhon hita sahat tu inganan on mandohoti Pelatihan on.
Sinode HKBP Distrik Asahan Labuhanbatu on: Antong tapasada
ma rohanta laho mamuhai Parrtangiangan on, tapahohom ma
rohanta satongkin martangiang ma hita di bagasan rohanta be...........
(tangiang na hohom)........Amen . Tapuji ma Tuhanta marende ma
hita!

01. Marede BE HKBP No. 14 : 1 + 3 “Puji Hamu”

 Puji hamu Jahowa tutu pardenggan basa, parasiroha
salelenglelengna i. Pardenggan basa i, parasiroha i.
(jongjong)
 Ingot tongtong ale tondingkon sudena denggan na pinasonggop
Debata tu ho denggan basaNa do, na pangoluhon ho.
2. Votum
U: Marhitehite Goar Ni Debata Ama, dohot Goar ni Anakna Tuhan
Jesus Kristus, dohot goar ni Tondi Parbadia na tumompa langit
dohot tano on.
H: Amen
U: “ Ndada hamu mamillit Ahu; Ahu do mamillit hamu jala hupadiri
hamu, asa laho hamu marparbue!” ninna Tuhan Jesus Kristus.
Alani borhat ma hamu mamaritahon Hata i.

1
H: Mauliate ma Tuhan, dipamillitonMi di hami. Dison do ahu, suru
ma ahu!
U: Di jolo ni angka ari on, pagomos hamu ma tanganmuna. Ai
bahenonKu ma hamu gabe pasupasu tu saluhut bangso, asa gabe
bangsongKu nasida, jala Ahu gabe Debata nasida. Songon hamu
dibagasan Ahu, songoni ma nang nasida dibagasan Ahu.
H: Mauliate ma Tuhan, dipamillitonMi di hami. Dison do ahu, suru
ma ahu!
U: Puji hamu ma Jahowa, baritahon hamu ma Goarna i, pabotohon
hamu ma di tongatonga ni angka bangso angka pambahenanNa i!
Haleluya. Martangiang ma hita! Ale Tuhan Debata, Ama na
marasiroha! Hudok hami mauliate tu Ho, sian nasa rohanami, ala
dijou hami sian haholomon tu hatiuron, marhitehite AnakMu
Tuhan Jesus Kristus. Sai dirajai tondiM na badia i ma hami, asa
lam ganda haporseaonnami, jala asa lam badia parangenami,
unang marlindang binahen ni portibi on. Nunga dipapungu Ho
hami sian ganup huria panghobasion name Di Distrik XII Asahan
Labuhan Batu on, laho patupahon Patupahon Pelatihan Aplikasi
Sentralisasi Keuangan HKBP Laho patulushon Program
Sentralisasi Keuangan naung tinotophon ni huriaM HKBP Antong
sai dongani jala parbisuhi ma hami, asa margogo hami laho
patulushon i. Pos do rohanami, lehononMu bisuk nang hapistran di
hami di pambohalion on, asa marlas ni roha saluhutna mamuji
pasangaphon Ho jala marsangap ma goarMu na badia i. Ale Tuhan
pasaut ma sangkap ni huriaMi, tangihon ma pangidoannami,
marhitehite AnakMu, Tuhan Jesus Kristus, Tuhannami. Amen.
(hundul)

3. Manjaha hata ni Debata 1 Timoteus 6:6-12

U: Pangomoan godang do tutu hadaulaton, anggo mardongan sabam

ni roha.

2
H: Ai ndang adong taboan tu hasiangan on, jala ndang tarboan hita
agia aha laho ruar.
U: Alai molo adong di hita sipanganon dohot parabiton,
tahasabamhon ma i!
Ia angka na naeng gabe mamora, madabu do tubagasan
pangunjunan dohot sambil dohot tu lan hahisapon haotoon, angka
na mangago, na mangalonongkon jolma i tubagasan jea dohot
hamagoan.
H: Ai urat ni nasa hajahaton do roha na holongan di hepeng; i do
disangkapi na deba, umbahen na lilu sian haporseaon i, gabe
diaithon do godang na bernit tu dirina.
U: Alai anggo ho halak ni Debata, maporus ma sian i; pareahi ma
hatigoran, hadaulaton, haporseaon, holong ni roha, habengeton
dohot lambok ni roha!
H: Haburjuhon ma paraloan haporseaon na denggan i; tangkup ma
hangoluan salelenglelengna, ai tusi do ho dijou, jala diparhatopot
ho do panindangion na denggan di jolo ni torop sitindangi.
U: Ido Sahatna : Martua ma na tumangihon hata ni Debata jala
naumpeopsa Amen

4. Marende BE No. 730:1-2 Sai Patau ma diringku

 Sai patau ma diringku ale Tuhan, Papatarhon HinauliMi Tuhan,
Suru ma tondiMi saor tu rohangki, Lao papatar HolongMu tu
donganki.
 Sai patau ma diringku ale Tuhan, Papatarhon hinauliMi Tuhan,
Suruma TondiMi saor tu rohangki Patariparhon basaM tu
donganki.
5. Jamita :

6. Marende BE No. 672 :1-3 Tung godang situtu

 Tung godang situtu ulaonmu Dipasahat Tuhanta tu ho ndang
adong be tingkim marnalemba tahe ngolumi bahen tiruan
tongtong Sai patupa ma I ala ni Tuhan I so mangkirim balosna tu
3
 ho. Debata do marnida na niulami, Manang na adong parbue ni
i.

 Ai lambok do soara ni Tuhanta I, Ro ma ho las ma nang

rohami, Sai taingot tongtong hata ni Tuhan I, Mangarahon
jolma tu Tuhan i. Sai patupa ……

7. Tangiang Pangondianon

8. Marende :Marende: BE No. 727 : 1 “Hupillit Asa Marparbue”

 Songon on didok Tuhanta Jesus: Ahu do na mamillit hamu, asa
lao hamuna marparbue, jala mian parbuemuna i. Hupadiri asa
lao marparbue, jala mian parbuemuna i. Hita na pinillit ni
Tuhanta, ingot ma hata ni Tuhan i, parbuehon ma nasa na
denggan, na hombar tu patik ni Tuhan i. Na tarjou do hita
paimbaru diri, dibagasan Kristus Tuhanta i. Tasolsoli ma nasa
dosanta, tapauba ma rohanta, tapelehon ma nasa dirinta, baen
pelean na mangolu, na badia di Tuhanta, na hinalomohon ni
Debata. Amen.

9. Tangiang Panutup + Pasupasu

10.Amen 3 x