Ano ang kahulugan ng PANITIKAN?

 Ang Panitikan ay salamin ng buhay at ito ay isang instrumento sa pagtataguyod ng bansa.

 Ito rin ng daan sa pag-unlad ng kabihasnan at pag-bunga ng bagong salinlahi.
 Ang panitikan ay isang lakas. Malaki ang naiambag ng pantikan sa kultura at kabihasnan ng
alinmang bansa. Ang panitikang pasalita o pasulat ay buhay habang panahon. Ito’y walang
paglipas hanggang may tao sa sadaigdigan.
 Ang panitikan ay kasaysayan ng kaluluwa ng mga mamamayan. Dito nasasalamin ang mga
layunin,damdamin,panaginip,pag-asa,hinaing at at guniguni
 Ang panitikan ay lumilinang ng nasyonalismo,nag-iingat ng mga karanasan, tradisyon at mga
mithiin.

Mga URI NG PANTIKAN AYON SA PAGHAHALIN

1.Pabigkas (Pasalin-Dila) - noong araw ay hindi pa alam ng ating mga ninuno ang sistema ng pagsulat
kung kaya’t sa pamamagitan lamang ng bukambibig ay nalilipat-isip.

2. Pasulat (Pasalin-Sulat)- ang mga kaalamang dati ay bukambibig lamang ay natutuhan nilang isulat sa
mga dahon, balabak ng halaman o maiukit sa mga bato at kahoy.

3. Paelektroniko (Pasalintroniko)- ang pasulat na tradisyon at bukambibig sa paglipas ng panahon ay

napalitan ng makulay na teknolohiya. Binigyan ng kulay at mas ginawang masining ang paglimbag nito.

ANYO NG PANITIKAN

- ANYO NG PANITIKAN SA PNGKALAHATANG PAGKILALA

1. PIKSYON (KATHANG-ISIP)
2. DI-PIKSYON (DI KATHANG-ISIP)

-ANYO NG PANITIKAN AYON SA GENRE

3. PATULA – ang anyo kapag may sinusunod na sukat at tugma o sadyang malaya na walang sukat
at tugma.Nabibilang dito ang awit at korido,soneto,elehiya,oda at iba pa.
4. PATULUYAN- ang anyo kapag sa karaniwang kasanayan sa pagsasalita ng tao. Mas madaling
basahin at unawain. Nabibilang dito ang kuwento,nobela at sanaysay.
5. PATANGHAL-ang anyo kapag ipinalalabas sa tanghalan o isinasadula.Pumapailalim ito sa
dalawang naunang anyo(patula at patuluyan).

KAHALAGAHAN NG PANITIKANG PILIPINO

1. Upang makilala natin ang sarili bilang Pilipino, at matalos natin ang ating pinagyaman ng isip at
ang angking talino ng ating pinanggagalingang lahi.
2. Tulad ng ibang lahi sa daigdig dapat nating mabatid na tayo’y may dakila at marangal na
tradisyong siya nating ginawang sandigan ng pagkabuo ng ibang kulturang nakarating sa ating bansa.
3. Upang matanto natin ang ating mga kakulangan sa pagsulat ng panitikan at makapagsanay na
ito’y matuwid at maayos.
4. Upang makilala at magamit natin ang ating mga kakayahan sa pagsulat at magsikap na ito’y
malinang at mapaunlad.
 5. Higit sa lahat, bilang mga Pilipinong nagmamahal sa sariling kultura ay kailangang maipamalas ang
pagmamalasakit sa ating sariling panitikan.

-Ang pag-aaral ng ating sariling panitikan ay napakahalaga. Sa pamamagitan nito ay malalaman,

madarama at masusumpungan natin kung paano nag-ugat at namuhay ang ating mga ninuno. Ito rin po
ay nagsisilbing tulay para makita at mabatid natin ang kaugnayan ng kasalukuyan sa nakaraan upang sa
ganun ay maharap natin ang darating na bukas na may lakas at talino.
-Sa pag-aaral din natin ng panitikanay mababatid natin ang mga Pilipinong pumanday ng ating
matatayog at mararangal na simulain na naging puhunan sa pagbuo ng isang lipunan.

KALAGAYAN NG PANITIKANG PILIPINO SA KASALUKUYAN

1. Hindi tinatangkilik ang sarili nating panitikan bagkus ay sa mga panitikang banyaga.
2. May mga paaralang hindi ibinibilang ito sa mga asignatura dahil alam na raw ng mga mag-aaral
ito.
3. Wala ng gaanong sumusulat para basahin n kapwa Pilipino.
4. Umaasa na lamang ang mga kabataan ngayon sa mga pamumuna o pagsusuri ng ibang kritiko na
nalalathala na sa magasin at internet.
5. Malayo na sa pulso ng mga bagong henerasyon ngayon.
6. May gusot na namamayani sa mga wikang tinatangkilik.
7. Hindi na lubos na pinag-aaralan ang sariling gawa at mas bumababa ang antas ng kaalaman sa
sariling panitikan.
8. Kawalang halaga sa mga isinulat ng mga dakilang manunulat.
9. Kulang na sa pagmamalasakit at pagpapaunlad ng sariling wika at panitikan.
10. Kawalang malay sa mga kaganapang namamayani ang mga namumuno para sa pagpapaunlad ng
panitikangPilipino.

Mga Sanggunian:
www.scribd.com
AKLAT: KARAPATANG-ARI 2020
Jioffre Acopra, MAED
Judith Armendares
Olivia Guttan
Norina Lazaro
Mary Jane Ruiz
Mary Argielyn Soriano

Inilathala ng: MINDSHAPERS CO.,INC.

Rm. 108,ICP Bldg. Recoletos St.,
Intramuros,Manila