Republic of the Philippines

Department of Education
REGION III-CENTRAL LUZON

PANGREHIYONG PAGTATASA PARA SA KALAGITNAANG TAON

SA EDUKASYON SA PAGPAPAKATAO (ESP) 10

Pangalan: _____________________________________ _ Iskor: ______________

Baitang at pangkat:_____________________________ Petsa: ______________

Panuto. Piliin ang tamang sagot. Isulat ito sa sagutang papel.

1. Ano ang mataas na gamit ng kilos-loob ng tao?

A. Dito nakasalalay ang emosyon ng tao.
B. Ginagamit ang kilos-loob bilang batayan ng pagiging mabuting tao.
C. Umaasa ito sa panghuhusga ng isip upang maging malaya sa
pagnanais.
D. Ang kilos-loob ang nagpapatunay na tama ang panghuhusga sa
isang sitwasyon.

2. Anong katangian ng tao ang ikinaiba niya sa hayop?

A. Ang tao ay nilikha ng Diyos.
B. Ang tao ay may taglay na instinct.
C. Ang tao ay may kakayahang makisama sa lahat ng nilalang.
D. Ang tao ay nilalang na may likas na kaalaman ukol sa tama at
mali.

3. Paano mo maipakikita na may kaalaman ka sa iyong ginagawa?

A. Ginagamit mo ang iyong instinct.
B. Ginagamit mo ang iyong panlabas at panloob na pandama.
C. Ginagamit mo ang iyong isip kaugnay ng panlabas na pandama.
D. Ginagamit mo ang iyong isip kaugnay sa panlabas at panloob na
pandama.

4. Paano nagkakaugnay ang isip at kilos-loob bilang katangian ng tao?

A. Walang kakayahang diktahan ng isip ang ikinikilos ng isang tao.
B. Ang isip at kilos-loob ay walang kaugnayan sa katangian ng tao.
C. Iniimpluwensyahan ng isip ang malayang pagkilos ng isang tao.
D. Ang isip ay may sariling tungkulin upang maimpluwensyahan ang
katangian ng isang tao.
5. Ang tao ay nilikha ayon sa wangis ng Diyos kaya’t siya ay tinawag na
Kaniyang Obra Maestra. Ano ang nais iparating ng pahayag?
A. Ang tao ay nilikha ayon sa pisikal na katangian ng Diyos.
B. Ang tao ay may piling katangiang tulad ng Diyos na lumikha.
C. Ang tao ay may katangian tulad ng katangiang taglay ng Diyos.
D. Ang tao ay kawangis ng Diyos batay sa kanyang ugaling
ipapamalas.

6. Ano ang nag-uudyok sa tao upang piliing maglingkod at tumulong sa

kapwa?
A. pagmamahal
B. pagmamalasakit
C. kamalayan sa sarili
D. malayang pagnanais

7. Alin sa sumusunod ang nagpapakita ng angkop na kakayahan ng tao

na mahanap ang katotohanan at pagpapakita ng pagmamahal?
A. Hindi mo naiintindihan kung bakit nagtatrabaho ang iyong
magulang.
B. Nakikita mo ang sakripisyo ng iyong magulang kung kaya’t pinag-
iigihan mo ang pag-aaral.
C. Hindi ka nakikialam sa kaguluhan ng iyong mga kaibigan dahil
ayaw mong madamay sa kanila.
D. Sapat ang alam mong dahilan ng pag-aaway ng iyong kaibigan
ngunit wala ka sa lugar na itama sila.

8. Ang konsensiya ay nangangahulugan ng paglilitis sa sarili. Ang ibig

sabihin nito ay:
A. Bahala na ang tao sa kanyang kilos.
B. Makabubuti sa tao na kumilos nang tama.
C. Obligasyon ng tao na kumilos nang maayos.
D. Pag-aralan, unawain, at hatulan ang sariling kilos.

9. Alin sa sumusunod ang kamangmangan na di madaraig?

A. Pagpapainom ng gamot sa kapatid na may sakit kahit di tiyak
kung makabubuti ito.
B. Pagbili sa inaalok na cellular phone ng kapitbahay sa murang
halaga dahil ito ay galing sa masama.
C. Pagtawid sa maling tawiran dahil walang paalala o babala na
bawal tumawid at walang nakakikita sa iyo.
 D. Pagbibigay ng limos sa mga bata sa kalye dahil sa awa ngunit
makalipas ang ilang oras ipinambili lamang ito ng rugby.
10. Alin sa mga sumusunod ang nagpapakita ng Prinsipyo ng Likas na
Batas Moral?
A. Kasama ng mga hayop, likas sa tao ang pagpaparaming-uri at
papag-aralin ang mga anak.
B. Kasama ng lahat nang may buhay, may kahilingan ang tao na
pangangalagaan ang ating buhay.
C. Bilang rasyonal, may likas na kahilingan ang tao na alamin ang
katotohanan lalo na tungkol sa Diyos at mabuhay sa lipunan.
D. Bilang tao na nilikha ng Diyos, may puwang ang tao na
magkamali; dahil dito mas yumayaman ang kaalaman at
karanasan ng tao.

11. Alin sa mga sumusunod ang nagsisilbing pangunahing gabay sa

tamang pagpapasiya?
A. mga ipinatutupad na batas
B. mga batas ng mga may awtoridad
C. konsensiyang nahubog sa Batas-Moral
D. mga turo ng magulang tungkol sa tama at mali

12. Bakit mahalagang mahubog ang konsensiya ng tao?

A. upang hindi malito sa kung ano ang pipiliin
B. upang matiyak na palaging ang tamang konsensiya ang gagamitin
sa lahat ng pagkakataon
C. upang makilala ng tao ang katotohanan na kinakailangan niya
upang magamit niya nang tama ang kaniyang kalayaan
D. upang matiyak na hindi magkakaroon ng pagtatalo sa kanyang isip
sa pagitan ng tama at mali at ng mabuti at masama

13. Ano ang kakambal ng kalayaan?

A. kabutihan
B. pagmamahal
C. pagmamalasakit
D. responsibilidad

14. Bilang mag-aaral, ano ang kailangan mong gawin upang makamit ang
tunay na kalayaan?
A. Sumunod sa batas ng paaralan at ng lipunan.
B. Gawin ang nais na tama ngunit isinasaalang-alang ang kapakanan
ng iba.
 C. Magpost ng saloobin sa social media upang mapukaw ang
makakabasa nito.
D. Kapag may nakikitang mali, magkukunwaring hindi ito napansin
para makaiwas sa anomang responsibilidad.
15. Sa paanong paraan mo maipakikita ang tamang paggamit ng
kalayaan?
A. Malayang gawin ang lahat ng gustong gawin sa kapuwa.
B. Wala kang pipiliing oras at lugar lalo na kapag tama ang gagawin
mo.
C. Maging maingat sa mga gagawin at sasabihing tama lalo na sa
kaibigan.
D. Gawin ang mabuti at tama kahit na ikaw lamang ang mag-isang
gumagawa nito.

16. “Higit na nagiging malaya ang tao kapag ginagawa niya ang mabuti.
Walang tunay na kalayaan kundi sa pagmamahal at paglilingkod.” Ano
ang kahulugan ng pahayag na ito?
A. Ang pagiging malaya ay nakabatay sa kilos ng tao.
B. Ang pagkamit sa kalayaan ay makabubuti sa bawat tao.
C. Ang tunay na kalayaan ay pagpapakita ng pagmamahal at
paglilingkod.
D. Ang tao ay malaya kung nagagawa niya ang lahat ng nais niyang
gawin sa buhay at wala siyang iniisip na ibang tao.

17. “Ang kalayaan ay may kaakibat na pananagutan.” Ano ang kahulugan

nito?
A. Nangangahulugan ito ng pagkilos ayon sa dikta ng nakakarami
(majority).
B. Nangangahulugan ito ng pagkakaroon ng kakayahang kumilos ayon
sa kagustuhan.
C. Nangangahulugan ito na mayroon kang kakayahang kumilos nang
rasyonal o naaayon sa katuwiran.
D. Nangangahulugan ito na ang malayang pagkilos ay pagpapakita ng
pagiging responsableng tao.

18. “Madaling maging tao, mahirap magpakatao.” Ano ang ibig sabihin ng
unang bahagi ng kasabihang ito: “madaling maging tao”?
A. Ito ay tumutukoy sa persona (person) ng tao.
B. Ito ay tumutukoy sa pisikal na aspeto ng isang indibidwal.
C. Ito ay nangangahulugan ng pagkakaiba ng tao sa lahat ng nilikha.
 D. Ito ay sumasagot sa pagka-ano ng tao at nakatuon sa pagka-sino
ng tao.

19. “Madaling maging tao, mahirap magpakatao.” Ano naman ang ibig
sabihin ng ikalawang bahagi ng kasabihang ito: “mahirap
magpakatao”?
A. Ito ay tumutukoy sa persona (person) ng tao.
B. Ito ay tumutukoy sa pisikal na aspeto ng isang indibidwal.
C. Ito ay nangangahulugan ng pagkakaiba ng tao sa lahat ng nilikha.
D. Ito ay sumasagot sa pagka-ano ng tao at nakatuon sa pagka-sino
ng tao.
20. Paano mo maipakikita ang paggalang sa dignidad ng mga mahihirap
at indigenous group?
A. bigyan sila ng limos o pagkain
B. ituring silang kakaiba sa lipunan
C. pakisamahan sila nang patas at pantay
D. makiayon sa uri ng kanilang pamumuhay

21. Bakit ang kahirapan ay paglabag sa dignidad ng mga mahihirap at

indigenous group?
A. sapagkat ito ang dahilan ng panghahamak sa kanila
B. sapagkat nawawalan sila ng karapatan dahil sa kahirapan
C. sapagkat ito ang dahilan kung bakit nawawalan sila ng dignidad
D. sapagkat ito ang dahilan ng pagiging iba ng mga mahihirap at
indigenous group

22. Alin sa mga pahayag ang nagpapakita ng pagiging bukod-tangi ng

tao?
A. Ang tao ay nilikhang mas makapangyarihan sa lahat.
B. Ang tao ay may angking talino at emosyon na wala sa ibang
nilalang.
C. Ang tao ay hindi mauulit, hindi mauuwi sa anoman, at nilikhang
kawangis ng Diyos.
D. Ang tao ay bukod-tangi dahil sa ipinagkaloob sa kanya na kalayaan
at karapatan.

23. Paano mo maipapakita sa mga taong mababa ang tingin sa sarili na

sila ay bukod-tangi dahil sa dignidad na taglay?
A. Ipamulat sa kanila ang kanilang pagiging bukod-tangi bilang tao.
B. Bigyan sila ng pagkakataon na isabuhay ang kanilang karapatan.
 C. Tulungang maiangat ang sarili at ituring na sila ay kapantay ng
lahat ng tao.
D. Hikayatin sila na makihalubilo sa iba upang maramdaman nila ang
kanilang pagiging bukod-tangi.

24. Ano ang katangian ng tao bilang personalidad?

A. malayang makapagdedesisyon sa sarili
B. nagpupunyagi na makamit ang kanyang kabuuan
C. mayroong kamalayan sa sarili simula nang siya ay isinilang
D. may kakayahang mag-isip at kumilos ayon sa kalooban niya

25. Si Mother Theresa ng Calcutta ay nagpakita ng napakalalim na antas

ng pagmamalasakit sa mga mahihirap. Ano ang kanyang ipinakitang
katangian ng tao bilang persona?
A. may kamalayan sa sarili
B. umiiral na nagmamahal
C. nagsasabuhay ng kalayaan
D. iginagalang ang dignidad ng kapwa

26. Alin sa mga sumusunod ang kilos na may pagsang-ayon at kaalaman

kaya’t mataas ang pananagutan ng gumawa ng kilos?
A. kusang loob
B. di –kusang loob
C. makataong kilos
D. walang kusang loob

27. Alin sa sumusunod ang hindi maituturing na gawi?

A. pagsusugal
B. maalimpungatan
C. paghihilamos
D. pagpasok nang maaga

28. Ano ang kaakibat na salik ng bawat kilos na niloloob ng tao?

A. kalayaan
B. kamalayan
C. kapanatagan
D. pananagutan

29. Ano ang tumutukoy sa pagpataw ng puwersa sa tao gaya ng

pananakit o pagpapahirap upang gawin ng isang tao ang kilos na
labag sa kanyang kalooban?
 A. gawi
B. takot
C. karahasan
D. masidhing damdamin

30. Ano ang tinatawag na panlabas na kilos na kasangkapan upang

makamit ang layunin?
A. kilos
B. paraan
C. kahihinatnan
D. sirkumstansiya

31. Papauwi ka na sa inyong bahay nang hinarang ka ng mga taong may

masamang kalooban at sapilitang kinuha ang iyong pera. Sa sobrang
nerbiyos, binigay mo ang perang nasingil mula sa kontribusyon ng
iyong mga kaklase para sa inyong proyekto. Alin sa sumusunod ang
salik na nakaapekto sa iyong pasya?
A. gawi
B. takot
C. karahasan
D. masidhing damdamin

32. Isang araw habang wala sa bahay ang iyong mga magulang ay
pumasok ka sa kanilang silid at kumuha ng limandaang piso sa loob
ng kabinet kung saan nakatago ang pera nila. Ang pagkuha mo ng
pera ay masama. Nadaragdagan ng panibagong kasamaan ang iyong
ginawa dahil ___________.
A. kinuha mo ito nang walang paalam
B. kinuha mo ito nang wala ang iyong mga magulang
C. Ang kinuhanan mo ng pera ay ang iyong mga magulang.
D. Ang pagkuha mo ng pera ay hindi nagpakita ng pagrespeto.

33. Si Juan ay nagmahal ng babaeng may asawa. Ngunit sa kabila nito,

ipinagpatuloy pa rin niya ang kanyang nararamdaman hanggang sa
magkaroon sila ng relasyon. Alin sa sumusunod ang prinsipyo na
sumasakop sa sirkumstansiya ng kilos niya?
A. Ang sirkumstansiya ay hindi maaaring gawing mabuti ang masama.
B. Ang sirkumstansiya ay maaaring gawin ang mabuting kilos na
masama.
C. Ang sirkumstansiya ay maaaring lumikha ng mabuti o masamang
kilos.
 D. Ang sirkumstansiya ay maaaring makalikha ng kakaibang kilos
nang mabuti o masama.

34. Mayroon kang mahabang pagsusulit ngunit hindi ka nakapag-aral

dahil ginabi ka ng uwi galing sa kaarawan ng iyong kaibigan. Nakikita
mo ang sagot ng iyong katabi. Tama ba o mali na kopyahin mo ito?
A. Tama, dahil ang aking layunin ay makapasa sa pagsusulit.
B. Mali, dahil hindi ko ito dapat kopyahin nang walang paalam sa
kanya.
C. Tama, dahil hindi ko naman hiningi ang sagot, kusa ko naman
itong nakita.
D. Mali, dahil kung ano lamang ang nalalaman ko ang dapat kong
isulat na sagot sa pagsusulit.

35. Alin ang mas angkop na paliwanag sa pahayag na: “Ang bigat
(degree) ng pananagutan ay nakabatay sa bigat ng kagustuhan o
pagkukusa.”
A. Ang pananagutan ay depende sa uri ng pagkatao ng isang
indibidwal.
B. Ang lalim ng iyong pananagutan ay nakasalalay sa lawak ng epekto
ng iyong ginawa.
C. Kung alam mo ang iyong ginagawa at ginusto mong gawin ito, mas
mabigat ang iyong responsibilidad sa magiging bunga nito.
D. Mas mananagot ka sa iyong sinadyang kilos kung wala ka sa
katungkulan upang gawin ito.

36. Napilitan kang magsinungaling upang pagtakpan ang iyong matalik

na kaibigan. Naniwala naman ang mga magulang nito kung kaya’t
hindi siya napagalitan. Sobrang nagpasalamat siya sa iyo at tinanaw
itong malaking utang na loob. Mayroon ka bang kapanagutan sa iyong
kilos, at bakit?
A. Oo, dahil nagsinungaling ka sa nakatatanda sa iyo.
B. Wala, dahil napilitan ka lamang gawin ito para sa iyong kaibigan.
C. Wala, dahil sa ginawa mong pagsisinungaling nakatulong ka sa
iyong kaibigan.
D. Oo, dahil kahit na ikaw ay pinilit, alam mo pa rin ang iyong ginawa
at di mo pinili kung ano ang tama.

37. Sa paanong paraan nababawasan ang kapanagutan ng makataong

kilos?
A. sa paraan kung paano isinagawa ang kilos
B. kung walang nakakaalam sa kanyang ginawa
 C. kung ang masamang naging bunga ng kilos ay kayang baguhin
D. kung tama ang proseso ng intensyon ng kilos gamit ang katwiran,
malayang pagpili, at kilos-loob

38. Maaari ba na ang kilos ng tao ay maging makataong kilos?

A. Hindi, dahil ang dalawang uri nito ay magkaiba.
B. Hindi, dahil ang makataong kilos ay walang kaugnayan sa kilos ng
tao.
C. Oo, dahil ang kilos ng tao at makataong kilos ay iisa ang
pagkakahulugan.
D. Oo, gamit ang kakayahang pumili at malayang kilos-loob sa
pagtukoy at pagpili ng kilos.

39. Ang kilos ang nagbibigay patunay kung ang isang tao ay may kontrol
at pananagutan sa sarili. Ano ang pangunahing dapat isaalang-alang ng
tao sa kanyang kilos?
A. ang kanyang pangalan o imahe
B. ang mabuti at masamang epekto ng kanyang kilos
C. ang benepisyong makuha pagkatapos ng kilos
D. ang mga taong maaring pumuri sa kanyang ginagawa

40. Bakit walang aspekto ng pagiging mabuti o masama ang kilos ng tao?
A. dahil ito ay iba-iba
B. dahil ito ay mahirap husgahan
C. dahil ito ay pinili at ginusto ng nagsagawa nito
D. dahil ito ay di ginagamitan ng isip at kilos-loob at ito’y likas sa tao

41. Masakit ang tiyan ng iyong kapatid at nanghihingi siya ng gamot sa iyo.
Nais mo siyang tulungan ngunit hindi ka sigurado kung anong gamot
ang iyong ibibigay kung kaya’t nagtanong ka sa pinakamalapit na Health
Center. Alin sa mga salik na nag-uugnay sa makataong kilos ang
ipinakita mo?
A. kilos
B. bunga
C. kahihinatnan
D. sirkumstansiya

42. Bakit kailangang isaisip at timbangin ang mabuti at masamang

maidudulot ng pasiya?
A. dahil ito ay magsisilbing gabay sa pang-araw-araw na buhay
B. dahil ang bawat kilos ay may batayan, dahilan, at pananagutan
C. dahil nagdudulot ito sa tao ng kasiguraduhan sa kanyang pagpili
 D. dahil ito ay makatutulong sa tao upang magkaroon ng mabuting
kilos

43. Ito ay yugto ng makataong kilos kung saan nasa proseso ka ng pagpili
kung ano ang pinakamabuti?
A. intensiyon ng layunin
B. paghuhusga sa paraan
C. pagsasakilos ng isang gawi
D. masusing pagsusuri ng mga paraan

44. Bago ka dumaan sa proseso ng pagpapasiya, ano ang dapat gamitin

upang magkaroon ng mas malalim na pagkakaunawa?
A. handang sarili
B. malinaw na isipan
C. tamang konsensiya
D. kaayusan sa pagkilos

45. Bakit kailangang mabigyan ng sapat na panahon sa pagpapasiya ang

tao?
A. upang magsilbing gabay sa buhay
B. upang magsilbing paalala sa mga gagawin
C. upang magkaroon ng sapat na pamantayan sa pipiliin
D. upang mapagnilayan ang bawat panig ng isasagawang pagpili

46. Namasyal sa isang mall si Alliah. Habang siya ay naglalakad, may

nakita siyang isang magandang klase ng relo. Gusto niyang magkaroon
nito kaya tumigil muna siya at nag-isip kung saan siya kukuha ng
pambili. Nasa anong yugto ng makataong kilos si Alliah?
A. nais ng layunin
B. intensyon ng layunin
C. pagkaunawa sa layunin
D. praktikal na paghusga sa pagpili

47. Ano ang naidudulot sa isang kilos kung masusing hinuhusgahan ang
layunin para makamit ito?
A. makikita niya kung ito ba ay para sa lahat
B. makikita niya kung ano ang pinakamadaling paraan
C. makikita niya kung may magandang dulot ba ito sa kanyang sarili
D. makikita niya kung tama ba o nararapat ba ang gagawin niyang
kilos

48. Bakit hindi maaaring paghiwalayin ang panloob at panlabas na kilos?

A. dahil hindi magiging maganda ang kalalabasan ng lahat ng kilos
 B. dahil maaaring madaig ng panlabas na kilos ang panloob na kilos
C. dahil kung ano ang kilos ng panlabas ay nagmumula sa panloob na
kilos
D. dahil kung masama ang panloob, magiging masama rin ang buong
kilos, kahit mabuti ang panlabas

49. Kapag tinanggihan mo ang panghihimok ng iyong kamag-aral na

lumiban sa klase upang magsugal, ano ang pangmatagalang bunga ng
iyong kilos?
A. Hindi masasayang ang pera mo.
B. Hindi ka matututong magsugal.
C. Makapagtatapos ka ng pag-aaral.
D. Hindi ka na niya yayayain sa susunod.

50. Nakita mo ang iyong kamag-aral na nangongopya. Binantaan ka niya

na kapag sinabi mo ito sa iyong guro, sasaktan ka niya. Dahil sa iyong
takot, inilihim mo ito. Alin sa sumusunod ang tunay na dahilan kung
bakit mabawasan ang kapanagutan ng kilos dahil sa karahasan? –
A. dahil sa kahinaan ng isang tao
B. dahil sa malakas na impluwensya sa kilos
C. dahil sa hindi kayang maapektuhan ang isip
D. dahil sa hindi kayang maapektuhan ang kilos-loob