Learning Area Araling Panlipunan Grade Level 6

W7 Quarter 3 Date

I. LESSON TITLE Pagtatanggol ng mga Pilipino sa Pambansang Interes

II. MOST ESSENTIAL LEARNING
COMPETENCIES (MELCs) Napahahalagahan ang pagtatanggol ng mga Pilipino sa pambansang interes

III. CONTENT/CORE CONTENT Ang pagtatanggol ng mga Pilipino sa pambansang interes

Suggested
IV. LEARNING PHASES Learning Activities
Timeframe
A. Introduction Sa nagdaang aralin, nalaman mo ang mga programang pinapatupad ng iba’t
Panimula ibang administrasyong sa pagtugon sa mga suliraning hamong kinakaharap ng mga
Pilipino mula 1946 hanggang 1972.
Sa araling ito ay malalaman ang mga pagtatanggol ng mga Pilipino sa
pambansang interes.
Bilang isang mag-aaral ikaw ay inaasahang;
1. natatalakay ang mga pangyayaring may kinalaman sa Snap Election o
biglaang halalan
2. nailalarawan ang EDSA Rebolusyon noong Pebrero 1986
3. naipaliliwanag ang kabayanihang ginagawa ng mga Pilipino sa pakikiisa sa
muling pagkakamit ng demokrasya at katarungan sa bansa
4. napahahalagahan ang epekto ng People Power para sa pagkakamit ng
kalayaan
Natuklasan natin ang naging kalagayan ng bansang Pilipinas sa ilalim ng
bagong Republika. Lalong sumidhi ang kahirapang dinaranas ng mga
mamamayan. Maging ang Estados Unidos at International Monetary Fund (IMF) ay
nagkaroon ng pag-aalinlangang muling magpahiram ng salapi sa bansa dahil sa
krisis na dinaranas nito. Para makautang muli, nagbigay ng kondisyon ang IMF na
kailangang mapatunayan ni Pang. Marcos na may tiwala pa ang taong-bayan sa
kanya. Dahil sa labis na paghahangad ng Pangulo na mabawi at mapatunayang
malaki pa rin ang pagtitiwala ng mga tao ay ipinahayag niya noong Nobyembre,13
1985 ang pagdaraos ng isang Snap Election.

ANG PAGTAWAG NG SNAP ELECTION

Noong ika-7 ng Pebrero 1986, naganap ang Snap Election o ang biglaang
eleksyon kung saan si Pang. Marcos sa ilalim ng partidong Kilusang Bagong Lipunan
(KBL) ay lubos na umaasang siya’y muling magwawagi sapagkat ilang beses na
niyang napatunayan ang suporta sa kanya ng mga mamamayan. Ang kanyang
katunggali ay si Corazon ‘Cory’ Aquino. Sa katunayan, hindi niya ninasang pumasok
sa pulitika. Subalit maraming sumusuporta sa kanya sapagkat ang taong-bayan ay
naniniwalang siya ang karapat-dapat na kandidatong panlaban kay Pang. Marcos.
Bilang asawa ng pinatay na lider na si Ninoy, siya ang pinakabuhay na biktima ng
kasamaan ng remihing hindi marunong kumilala sa karapatang pantao. Sa
pamamagitan ng isang milyong pirmang kinalap ng Corazon Aquino for President
Movement (CAPM) sa pamumuno ni Joaquin “Chino” Roces, si Cory ay napapayag
na lumaban kay Marcos.
Sa panahon ng eleksyon, pinahihintulutang lumahok sa bilangan ang National
Movement for Free Elections (NAMFREL) na pinamumunuan ni Jose Concepcion,
isang mangangalakal. Ang himpilan ng NAMFREL ay nasa La Salle Green Hills
samantalang ang Commission on Elections (COMELEC) ang opisyal na
namamahala sa bilangan tuwing eleksyon ay nakahimpil sa PICC. Sa pagbibilang
ng boto, parehong kompyuter ang gamit ng dalawa, subalit ang nakapagtataka
magkaiba ang itinatalang resulta ng mga ito. Sa bilangan ng COMELEC, nanguna
si Pang. Marcos ngunit sa NAMFREL malinaw na nanguna si Cory. Dahil sa kaguluhan,
ang Batasang Pambansa na ang nagpatuloy sa pagbibilang sapagkat ang mga
nagbibilang sa COMELEC sa pangunguna ni Linda Kapunan ay huminto na sa
pagbibilang dahil di na nila kayang tanggapin ang talamak na dayaan. Sa opisyal
na bilang ng Batasan, lumalabas na sina Marcos at Tolentino ang nanalo subalit
hindi ito tinanggap nang oposisyon. Dahil sa resultang, ito ay hinikayat ni Cory
Aquino ang mamamayang Pilipino na magprotesta. Isang kampanya nang di
pagsunod o civil disobedience ang inilunsad ni Cory upang paalisin ang rehimeng
Marcos.
ANG 1986 PEOPLE POWER
Naganap ang mapayapang rebolusyon sa EDSA noong Pebrero 22 hanggang
25,1986 bunga ng pagmimithi ng mga mamamayang magkaroon ng pagbabago
sa bansa. Ang People Power o Lakas ng Bayan ay nagsimula nang si Juan Ponce
Enrile, Ministro ng Tanggulang Pambansa, at si Hen. Fidel V. Ramos, ang Vice Chief
of Staff ng Sandatahang-Lakas ay tumiwalag sa administrasyong Marcos.
Naniniwala silang hindi si Marcos ang inihalal ng taong bayan kundi si Cory Aquino
kaya’t noong ika-22 ng Pebrero 1986 ay ipinahayag nila ang kanilang pagbibitiw sa
tungkulin. Sa pamamagitan ng Radio Veritas, nanawagan sila sa mga
mamamayang suportahan sila at mabigyan ng proteksyon ang mga militar na
tumiwalag sa pamahalaan.
Sa pangyayaring ito, nanawagan din si Marcos sa telebisyon, nakiusap siya sa
dalawang sumuko at itigil na ang kanilang ginagawang paglaban sa pamahalaan.
Subalit hindi sila natinag sa kanilang ginawang desisyon. Lalong tumibay ang
kanilang loob nang manawagan sina Jaime Cardinal Sin at Agapito “Butz” Aquino,
kapatid ng yumaong Benigno Aquino, Jr. na tumungo ang mga tao sa Epifanio Delos
Santos Avenue (EDSA) sa paligid ng Kampo Crame at Kampo Aguinaldo kung saan
nagtatago sina Enrile at Ramos kasama ang iba pang mga sundalo. Ilang saglit
lamang ang lumipas at dumagsa na ang napakaraming tao sa EDSA. May dala dala
silang mga inumin, at pagkain para sa mga sundalo. Dito naganap na nagsimula
ang tinaguriang People Power sa EDSA o EDSA I.
Ang Kabayanihang Ginampanan ng mga Pilipino sa Rebolusyon sa EDSA
Ang unang pagsubok sa Lakas ng Bayan o People Power ay naganap noong
ika-23 ng Pebrero, kinahapunan ng Linggo nang ang isang convoy na
kinabibilangan ng tatlong batalyong sundalo sa pamumuno ni Hen. Artemio Tadiar
ay dumating sa EDSA. Ang misyon nila ay gawin ang pinag-uutos ni Marcos, ang
salakayin ang Kampo Aguinaldo, subalit sila ay sinalubong ng People Power sa
panulukan ng EDSA at Ortigas. Nakaharap nila roon ang mga kapwa nila Pilipinong
tahimik na nagdarasal at umaawit. Sa halip na salubungin ng galit ang mga sundalo
ay inabutan nila ang mga ito ng rosaryo, bulaklak, at pagkain. Dahil dito, hindi
nagawa ng mga sundalo ang pinag-uutos sa kanila.
Kinabukasan, ika-24 ng Pebrero, Lunes ng madaling araw, ay isang pangkat
naman ng mga sundalong marino ang inatasang sumalakay sa Kampo Aguinaldo.
Hinagisan nila ng mga tear gas ang mga tao upang magkahiwa-hiwalay ang mga
ito subalit sila ang umurong sapagkat sa kanila pumunta ang usok ng tear gas. Hindi
nagtagal ay dumating naman ang mga helicopter gunships sa pamumuno ni Kol.
Antonio Sotelo. Nakadama ng takot ang mga tao sapagkat wala silang kalaban-
laban sa isang pagsalakay mula sa himpapawid. Subalit isang himala ang naganap
sapagkat ang mga sakay ng helicopter ay pumanig sa kanila. Bago magtanghali
nang araw na iyon ay marami nang sundalo ang kumampi sa panig ng oposisyon.
Ang Pagwawakas at Resulta ng Rebolusyon
Tinatayang umabot sa tatlong milyon ang bilang ng taong nakiisa sa People
Power sa EDSA. Sa lugar ng EDSA, sa Channel 4, at sa mga lansangan patungong
Malacañang ay makikita ang nagkakaisang sambayanang Pilipino- pari ,madre,
seminarista, pastor, ministro, matanda, bata, mayaman, mahirap, kristiyano, at
maging hindi Kristiyanong ay magkakapit-bisig habang nagdarasal. Buong tapang
nilang sinalubong ang mga kanyon at tangke. Pinakiusapan nila ang mga
loyalistang sundalong huwag ipuputok ang mga tangke at mga kanyon sa mga
 kapwa nila Pilipino. Sinikap nilang palambutin ang kalooban ng mga kawal sa
pamamagitan ng pagngiti, at pagbibigay ng inumin at pagkain. Higit sa lahat,
nagdasal at nagkantahan ng makabayang awitin ang mga tao.
Noong Pebrero 25, ganap nang nagtagumpay ang sambayanang Pilipino. Sa
harap ni Mahistradong Claudio Teehankee, si Corazon C. Aquino ay nanumpa
bilang pangulo ng bansa, samantalang si Salvador Laurel ay nanumpa bilang
pangalawang pangulo sa harap ni Mahistrado Vicente Abad Santos. Ang
mahalagang pangyayaring ito ay naganap sa Club Filipino sa Greenhills, San Juan
na dinaluhan ng libu-libong Pilipino.
Sa kabilang dako naman, sa Malacañang ay nanumpa rin si Pang. Marcos
bilang isang pangulo diumano sa harap ni Punong Mahistrado Ramon Aquino.
Ngunit batid ng pamilyang Marcos na wala na silang magagawa upang sila ay
manatili pa sa posisyon dahil ang taong bayan na ang kanilang kalaban, Dahil dito,
noong gabi ng Pebrero 25,1986, ang pamilyang Marcos kasama ang kanilang
malalapit na kaibigan ay umalis sa Malacañang sakay ng helicopter patungong
Clark Field at mula rito ay tumuloy sa Hawaii.
Sa wakas ay natapos na ang pamumuno ni Pang. Marcos, Ang mapayapang
rebolusyong tumagal ng apat na araw ang siyang nagbigay-wakas sa
pamahalaang Marcos. Noong araw na iyon, napuno ng kagalakan at nagdiriwang
ang sambayanang Pilipino sapagkat sa wakas ay kanilang naibalik ang tunay na
demokrasya at katarungang matagal na nilang inaasam-asam,
Sanggunian: Lakbay ng Lahing Pilipino 5, p. 456-466
Mga Tanong:

1. Bakit napilitan si Pang. Marcos na magdaos ng “Snap Election”? Ilarawan

ang kinalabasan ng botohan?
2. Sa iyong palagay, bakit gayon na lamang ang suportang ibinigay ng
sambayanang Pilipino kay Pang. Corazon Aquino?
3. Nagaganap pa rin ba ang dayaan sa eleksyon sa kasalukuyan? Ano ang
maaaring gawin ng mga mamamayan para mahinto ang dayaan sa
eleksyon?
4. Ilarawan ang naganap na Rebolusyon sa EDSA. Bakit hinangaan ng buong
mundo ang mga Pilipino sa pangyayaring ito?
5. Ipagpalagay na ikaw ay buhay na noong 1986 at may sapat nang gulang
upang makilahok sa mga gawaing pulitikal sa bansa, makikiisa ka rin ba sa
milyun-milyong taong tumungo sa EDSA? Bakit?
6. Maituturing bang isang tunay na kabayanihan ang ipinamalas ng mga
Pilipino sa Rebolusyon sa EDSA? Bakit?

B. Development Ang mga pangyayaring naganap ay nabalita sa buong mundo, bagay na

Pagpapaunla hinangaan ng maraming bansa. Sadyang kahanga-hanga ang kabayanihan,
d katapangan at pagkakaisang ipinamalas ng mga Pilipino makamit lamang muli ang
inaasam asam na demokrasya at katarungan.
Sa iyong sariling paraan ay mag-isip ka ng mga mumunting paraan kung saan
maipakikita mo ang pagpapahalaga sa pagtatanggol ng mga Pilipino sa
pambansang interes. Itala ang iyong sagot sa baba.
Akoy Isang munting bayani maipakikita ko ang pagpapahalaga sa
pagtatanggol ng mga Pilipino sa pambansang interes sa pamamagitan ng
_____________________________________________________________________________
_____________________________________________________________________________.
C. Engagement Gawain sa Pagkatuto Bilang 1
Pakikipagpali Isa sa nagpatingkad sa damdaming nasyonalismo sa panahon ng EDSA
han Rebolusyon ay ang mensahe ng mga awit na sadyang nilikha para sa mapayapang
paraan ng pakikipaglaban ng sambayanang Pilipino laban sa pamahalaang
diktatoryal.

Isa sa mga ito ay ang awiting Handog ng Pilipino sa Mundo. Pakinggan ang
awiting ito nang ilang ulit o basahin ang lyrics sa baba ng awitin habang
ipinahahayag mo ang iyong pagpapahalaga sa pagtatanggol ng mga Pilipino sa
pambansang interes sa pamamagitan ng pagguhit. Ang tawag sa gawaing ito ay
Music Images. Narito ang mga kagamitang iyong kakailanganin para sa gawaing
ito.

Coupon bond
Crayola o anumang pangkulay
Karaoke o VCD player
Cassette tape o CD ng awiting “Handog ng Pilipino sa Mundo”S

Handog Ng Pilipino sa Mundo

(Alamid)
Di na 'ko papayag mawala ka muli.
'Di na 'ko papayag na muli mabawi,
Ating kalayaan kay tagal natin mithi.
'Di na papayagang mabawi muli.
Magkakapit-bisig libo-libong tao.
Kay sarap palang maging Pilipino.
Sama-sama iisa ang adhikain.
Kelan man 'di na paalipin.
[Refrain:]
Handog ng Pilipino sa mundo,
Mapayapang paraang pagbabago.
Katotohanan, kalayaan, katarungang
Ay kayang makamit na walang dahas.
Basta't magkaisa tayong lahat.
(Mag sama-sama tayo, ikaw at ako)
Masdan ang nagaganap sa aming bayan.
Nagkasama ng mahirap at mayaman.
Kapit-bisig madre, pari, at sundalo.
Naging Langit itong bahagi ng mundo.
Huwag muling payagang umiral ang dilim.
Tinig ng bawat tao'y bigyan ng pansin.
Magkakapatid lahat sa Panginoon.
Ito'y lagi nating tatandaan.
(Repeat refrain two times)

Coda:
Mapayapang paraang pagbabago.
Katotohanan, kalayaan, katarungan.
Ay kayang makamit na walang dahas.
Basta't magkaisa tayong lahat!
 Gawain sa Pagkatuto Bilang 2
Panuto: Sumulat ng isang payak na talata tungkol sa iyong magagawa bilang mag-
aaral upang bigyan ng pagpapahalaga ang pagtatanggol ng mga Pilipino sa
pambansang interes. Gawing gabay ang rubrik na matatagpuan sa ibaba.

“Akoy Isang Munting Bayani”

________________________________________________________________________
______________________________________________________________________________
______________________________________________________________________________
_____________________________________________________________________________.

Rubrik sa paggawa ng Payak na Talata

Gawain sa Pagkatuto Bilang 3

Pagpapahalaga sa mga tungkulin dapat gampanan ng bawat Pilipino upang
mapanatili ang demokrasya sa bansa.
Sa muling pagkakamit ng tunay na demokrasya sa bansa ay mahalagang
maunawaan ng bawat isa na ang karapatan at kalayaang tinatamasa ng mga
mamamayan ay may katapat na tungkulin at pananagutan. Basahing mabuti ang
mga pahayag at lagyan ng markang tsek (✓) kung ito ay mga tungkuling dapat
gawin ng mga Pilipino at ekis (x) naman kung hindi.

____1. Ipagtanggol ang bansa sa lahat ng oras.

____2. Tangkilikin ang mga produktong galing sa ibang bansa nang higit sa mga
gawang Pinoy.
____3. Sundin ang mga batas ng pamahalaan.
____4. Samantalahin ang kahinaan ng kapwa.
____5. Magsikap upang mapaunlad ang sarili.
____6. Umasa lagi sa tulong ng mga magulang at mga kamag-anak.
____7. Bumoto nang matalino.
____8. Magbayad ng tamang buwis sa tamang panahon
____9. Tumulong sa mga proyektong magpapaunlad sa bansa
___10. Igalang ang karapatan ng kapwa

D.Assimilation Isaisip Natin

Paglalapat ● Noong ika-7 ng Pebrero 1986 ay naganap ang Snap Election o Biglaang
Eleksyon kung saan sina Ferdinand Marcos sa ilalim ng partidong KBL at
Corazon Aquino sa ilalim ng partidong UNIDO ang naglaban sa
pagkapangulo.
● Hindi magkatugma ang resulta ng ginawang pagbibilang ng boto ng
COMELEC at NAMFREL. Di umano ay nagkaroon ng malawakang dayaang
naging daan upang maglunsad si Cory ng civil disobedience
● Noong Pebrero 16,1986, sa gitna ng kaguluhan ay ipinahayag ng Batasang
Pambansa na si Pang. Marcos ang nagwagi sa eleksyon
 ● Hindi natanggap ng sambayanang Pilipino ang naging resulta ng eleksyon
kaya’t naganap ang makasaysayang Rebolusyon sa EDSA na dinaluhan ng
milyun-milyong Pilipino.

Kaya Natin
Bilang isang mag-aaral paano mo bibigyan ng pagpapahalaga ang
pagtatanggol ng mga Pilipino sa pambansang interes?

V. ASSESSMENT
(Learning Activity Sheets for Para sa Pagtataya, ito ay iyong gagawin sa Ikatlo at ika-anim na linggo ng aralin.
Enrichment, Remediation or
Assessment to be given on
Weeks 3 and 6)
VI. REFLECTION Matapos mong mapagdaanan ang maraming pagsubok na humamon sa
kakayahan upang maging ganap ang pagkatuto at kabatiran tungkol sa tinalakay
na aralin, ngayon ay magagawa mo ng ihayag ng buong pagmamalaki:

● Ang aking natutunan sa aralin ay __________________.

● Mga bagay na ayaw mong makalimutan sa _______________.
● Gusto mong subukan mula sa iyong natutunan ay _____________.

Prepared by: Lhen Claudes F. San Juan Checked by:

Personal na Pagtatasa sa Lebel ng Performans para sa Mag-aaral

Pumili ng isa sa mga simbolo sa ibaba na kakatawan sa iyong naging karanasan sa pagsasagawa ng
mga gawain. Ilagay ito sa Hanay ng LP o Lebel ng Performans. Basahin ang deskripsiyon bilang gabay
sa iyong pagpili.

- Nagawa ko nang mahusay. Hindi ako nahirapan sa paggawa nito. Higit na nakatulong ang
gawain upang matutunan ko ang aralin.
 - Nagawa ko nang maayos. Nahirapan ako nang bahagya sa pagsasagawa nito. Nakatulong
ang gawain upang matutunan ko ang aralin.
- Hindi ko nagawa o nahirapan ako nang labis sa pagsasagawa nito. Hindi ko naunawaan ang
hinihingi sa gawain. Kailangan ko pa ng paglilinaw o dagdag kaalaman upang magawa ko
ito nang maayos o mahusay.

Gawain sa LP Gawain sa LP Gawain sa LP

Pagkatuto Pagkatuto Pagkatuto
Bilang 1 Bilang 2 Bilang 3