LITANI EBUG ZAMBA

METARI
E litani nyi anë ngogëlan ya Ebug Zamba ya tebëlë bia. A bò na bidugan tsog ngul y’anë Ebug
Zamba ai mfi ye na biyiñ anë ya yegëlë, bi yëdan fë dzò. Asute litani anë bifas bileè
Binë nye dzam kogëlan a bitiè bileè.
1- A kogëlan bifas bisë, binòn ngaleña a etié esë.
2- Anoñ ngaleña a metari ai a memana bifas bisë.
3- Anoñ efas dzia ya bifas bileè ya litani.
Abog ngogëlan, kristen yayi dzeñ na adzaë nti e gratsia ya atòban ai e tié litani ziñ asu mfi
woé. wulnëna
E nyoñ a kogëlan « Ebug Zamba ya bò mvoe ». autoa dzam ledë Zamba, a nnem woé,
mindzug e nyoñ ziñ ebod ya a dzaè mvoè asu daban. «Ebug Zamba ya bò me simba».
Ayi dzaè Zamba na abò me simba enyiñ dzie nguë ki a mam meziñ.
1- «Enyo a nyiñ anë Ebug Zamba y’ayi ayi bi enyiñ mvòm kòm.»
Etere, Kristen ayi dzaè Nti gratsia ya nyiñ anë Ebug Zamba ya sili asu ye na abi enyiñ
mvòm kòm. «Enyo a nyiñ anë Ebug Zamba y’ayi, Zamba a wog ngogëlan dzië». Mod
të ayi ewoña a nnem woé amu Zamba a vogolo ngogëlan e nyò ya a nyië Ebug Zamba.
2- « Enyò ya ayëdan Ebug Zamba, a tòn e ba ba wog zië » Ayi kar tsog na esie etsam
mbembë foè enë esie akab, ya sili ngul ai gratsia ya tsam dzò a bebela
Nge kristen ya kogëlan e litani nyi mban, ayi nyen mfi ya Ebug Zamba enë enyiñ dzie. Bevog
bayi bi ngoñ ya alañ Bibel abog asë, ai mfi ya dzala dzò, a kòbò ai mimboan. Anë Zamba ayi,
bayi nyen ngul ya Ebug dzie a bitië bisë ya enyiñ dzaan.

Nkogëlan :
« A dzoë Esia, ai Mòn, ai Mfufup Nsisim. Amen ! »
« A Zamba Esia wan, onga lom Yesus Kristus, Ebug ya’avë na azü bia kodë »
Efas osu :
Meyebe(R) : ngë ki ngalena ( e nyi wò tobe)
a. « Bò na biyem ngul ya Ebug dzoë » (cf He 4, 12)
b. « Bodegë bia asu Ebug dzoë » (Ps 119, 28)
Ebug Zamba ya bò messimba (+R) (Lc5,24-25)
Ebug Zamba ya bò mvoè (+R) (Mt8, 8)
Ebug Zamba ya tindan bë satan (+R) (Mt8, 16)
Ebug Zamba ya velë mi mbim (+R)(Jn11, 43-44)
Ebug Zamba enë ngul (+R)(He4, 12)
Ebug Zamba y’avë mvoè (+R)(Ps119, 165)
Ebug Zamba enë ebubud anë woé (+R)(Ps119, 165
1
Ebug Zamba enë mintag ya nnem wòm (+R)(Ps119, 111; Ps19, 9)
Ebug Zamba enë mefon mam (+R) (Ps119, 77.92)
Ebug Zamba ya voli mi nnem (+R) (Ps119, 52.151)
Ebug Zamba ya zu ai e mvòm (+R) (Jr15, 16)
Ebug Zamba ya yegelë, ya nyoè, ya komödö (+R) (2Tm3, 16)
Ebug Zamba ya fubu (+R)(Eph5, 26; Jn15, 3; 1P1, 22)
Ebug Zamba enë bëbëla etoa fë soso (+R)(Ps119, 138)
Ebug Zamba enë alamba asu mekol mam (+R)(Ps119, 105)
Ebug Zamba enë mfiè asu mod osë (+R)(Jn1,9)
Ebug Zamba y’avë fëg ya kandi abë ai mbeñ (+R)(Ps119, 100.104.130)
Ebug Zamba y’avë nyëman ai akeñ (+R)(Dt4, 6; Ps19, 8)
Ebug Zamba ya ledë zeñ akodë (+R)(2Tm3, 15)
Ebug Zamba y’avë enyiñ kòm (+R)(Jn6, 68)
Ebug Zamba enë Nsisim etoa fë enyiñ (+R)(Jn6, 63)
Ebug Zamba y’avë nyebë (+R)(Rm10, 17)
Ebug Zamba y’avë Nsisim (+R)(Act11, 15)
Ebug Zamba ya bò bia bòn bë Zamba (+R)(Jn1, 12)
Ebug Zamba ya lad bia ai Zamba ai babëdzañ (+R)(1Jn1, 3)
Ebug Zamba enë maan mam (+R)(Ps119, 112)
Ebug Zamba enë ma esosòmò dzam (+R)(Ps119, 162)
Ebug Zamba ya lod mvòd ai mòni (+R)(Ps119, 72)
Ebug Zamba ya zu ai mebugëban (+R)(Lc5, 5-6)
Ebug Zamba ya zu ai eka (+R)(Ps119, 175)
Ebug Zamba y’adugan ki tegë dzala nyian ai mimboan mi Nti (+R)(Is55, 11)
Ebug Zamba e nga noñ nyòl, e ndo e nga zu tobò ai bia (+R)(Jn1, 14)
Ebug Zamba enë bebëla (+R)(Jn17,17; Ps19, 10; Ps119, 142)
Ebug Zamba enë Zamba (+R)(Jn1, 1)

Efas beè:
Mayebe: « Fubugu bia na bi nyiñ anë Ebug dzoé y’ayi » ( R )
Enyò ya a nyié Ebug Zamba, alaña ediñ Yesus (+R)(Jn15, 10)
Enyò ya a nyié Ebug Zamba, ayi bi enyiñ kòm (+R)(1Jn2, 17)
Enyò ya a nyié Ebug Zamba, anga wu ki (+R) (Jn8, 51)
Enyò ya a nyié Ebug Zamba, ayi kë ayoñ Zamba (+R) (Mt7, 21)
Enyò ya a nyié Ebug Zamba, anë mvoé Yesus (+R) (Jn15, 14)
Enyò ya a nyié Ebug Zamba, anë mfañ nyebe Yesus (+R) (Jn8, 31)
Enyò ya a nyié Ebug Zamba, awogë ai ndabod Yesus (+R) (Lc8, 21)
Enyò ya a nyié Ebug Zamba, awum abui bibuma (+R) (Lc8, 15 ; Jn15, 8)
Enyò ya a nyié Ebug Zamba, a fié a nguma’a (+R) (Dt12, 3)
Enyò ya a nyié Ebug Zamba, ediñ dzié enë ntud abë nyë (+R) (1Jn2, 5)
2
Enyò ya a nyié Ebug Zamba, aloñ à nkom a yob (+R) (Mt7, 24-27)
Enyò ya a nyié Ebug Zamba, Zamba a dzogë ki nyë etam. (+R) (Jn8, 29)
Enyò ya a nyié Ebug Zamba, Zamba a bò na a toan nyë yem (+R) (Jn14, 21)
Enyò ya a nyié Ebug Zamba, ayegëlë fë dzò, ayi bò mod nënë ayòñ ya yob (+R) (Mt5, 19)
Enyò ya a nyié Ebug Zamba, Zamba a wog ngogëlan dzië (+R) (Jn9, 31 ; Lc17, 11-19)
Enyò ya a nyié Ebug Zamba, Zamba ayi nye kub ntotomama’a (+R) (Dt30, 16)
Enyò ya a nyié Ebug Zamba, anë mvòm (+R) (Lc11, 28)
Enyò ya a nyié Ebug Zamba, Zamba ayi sò loñ mvog abë nye (+R) (Jn14, 23)

Efas lala :

Meyebe : « Ma nyò, lom ma ! »

Enyò ya ayëdan Ebug Zamba, atsam mbembë foé (+R) (Lc4, 18)
Enyò ya ayëdan Ebug Zamba, atsam mvoè (+R) (Lc10, 5)
Enyò ya ayëdan Ebug Zamba, a bò na mod atsendë enyiñ (+R) (Rm1, 16 ; 1Co1, 18)
Enyò ya ayëdan Ebug Zamba, a mem nyebë (+R) (Rm10, 17)
Enyò ya ayëdan Ebug Zamba, a bò na Nda Zamba ebugëban (+R) (Ac2, 41)
Enyò ya ayëdan Ebug Zamba, anë mfië meyoñ. (+R) (Is49, 6)
Enyò ya ayëdan Ebug Zamba, atsam akodé Zamba a mebug mesi mesë (+R) (Is49, 6)
Enyò ya ayëdan Ebug Zamba, azu ai bifaè bi Mfufub Nsisim (+R) (Ac10, 44)
Enyò ya ayëdan Ebug Zamba, a bò minkòkòn mvoè (+R) (Lc10, 9)
Enyò ya ayëdan Ebug Zamba, aboolò dzò (+R) (Ac2, 40)
Enyò ya ayëdan Ebug Zamba, avë minkom fili (+R) (Lc4, 18)
Enyò ya ayëdan Ebug Zamba, a tòn e ba bawog zié (+R) (Am8, 11)
Enyò ya ayëdan Ebug Zamba, ayëdan mididim na mia yi dugan yen (+R) (Lc4, 18)
Enyò ya ayëdan Ebug Zamba, ayëdan mimbòg na bayi kui a nseñ (+R) (Lc4, 18)
Enyò ya ayëdan Ebug Zamba, ayëdan mbu mvòm Ntondobë (+R) (Lc4, 19)

Nkogëlan : A Mfufub Nsisim ya Zamba Esia angalom bia, wò ya Ebugu anga bò mod abë wò,
ka bia, na, anë Ngon Mininga Maria, bi toan vogolo Ebug Zamba, bi nyié dzò, bikaban fe dzò,
asu Yesus Kristus, Nti wan. Amen !
« A dzoë Esia, ai Mòn, ai Mfufup Nsisim. Amen ! »

NB. Information à ne pas lire publiquement : Cette Prière a été composée par Henri Bayemi,
fondateur du Mouvement de l’Incarnation (Groupes Parole de Dieu) le 22 Juillet 2003 à
Asunción, au Paraguay.
Imprimatur : Kribi, Cameroun, le 8 Octobre 2019
Mgr Damase Zinga Atangana