BANGHAY ARALIN SA FILIPINO 4

2ND Quarter
I. LAYUNIN:
Nagagagamit nang wasto ang pariralang pang-abay sa paglalarawan ng kilos.

II. PAKSANG ARALIN

a. Paksa: Pariralang Pang-abay
b. Sanggunian: Yaman ng Lahi (Wika at Pagbasa sa Filipino) Patnubay ng Guro, p.155-157
c. Kagamitan: tsart

III. PAMAMARAAN
Yugto ng Pagkatoto
a. Pagbabaybay
- Pagtuturo ng salita
- Pahulaan sa mga mag-aaral ang kahulugan ng mga salitang nililinang.
Ipasulat ito sa kanilang kuwaderno.
b. Balikan
- Pangkatin ang klase.
- Ipasulat sa bawat pangkat ang mga pandiwa na ginamit sa bawat
pangungusap na ipakikita.
1. Mahusay sumayaw ang grupo nina Jempot.
2. Ang grupo nila ay nagtatanghal sa entablado.
3. Nanalo sila sa patimpalak noong nakaraang lingo.
4. Lumipat sila ng tirahan sa San Pedro, Laguna.
5. Tumatakbo nang matulin ang mga sasakyan.

Itanong:

Ano-ano ang pandiwang ginamit sa bawat pangungusap?

Paano kaya ito isinagawa?

Ano ang tawag sa mga salitang nagsasabi kung paano isinasagawa ang
kilos?

c. Gawin natin
Ipabasa muli ang talatang nasa Basahin mo, p.80

Itanong:
Ano-ano ang pandiwang ginamit sa talata?
Paano kaya isinagawa ang bawat kilos?
Ano ang tawag sa mga salitang ito?
Ipabasa muli ang talata.

Itanong:
Bakit pinapurihan ang mga Muslim at Kristiyano?
Saan inihatid ang siyam na guro?
Ano ang tawag sa mga salitang nagsasabi ng lugar kung saan ginanap ang kilos?

d. Gawin Ninyo
- Pangkatin ang klase.
- Pasulatin ang bawat pangkat ng isang talata na may lima hanggang anim
na pangungusap tungkol sa pagtutulungan ng magkakaibigan. Pabilugan
ang mga pandiwang ginamit at ipasalungguhit ang mga pang-abay.
 e. Gawin Mo
- Ipagawa ang nasa Isulat Mo, p.83

IV. PAGLALAHAT
- Ano ang natutuhan mo sa aralin?
Ang pariralang naglalarawan kung paano ginawa ang kilos ay mga
pariralang pang-abay na pamamaraan.

Ang pariralang tumutukoy kung saan ang pook o lunan na

pinangyarihan ng kilos o gawa ay mga pariralang pang-abay na
panlunan.

Ang pariralang nagsasabi kung kalian ginawa, ginagawa o gagawin ang

kilos o pangyayari ay mga pariralang pang-abay na pamanahon.

V. PAGLALAPAT
- Iguhit kung Paano ka makatutulong sa pagpapaunlad ng pamilya mo?

VI. PAGTATAYA
- Lagyan ng pariralang pang-abay ang bawat pangungusap.
1. Naglilinis ng mga bakuran ang mga tao bago magpiyesta.
2. Nagpatawag ng pagpupulong.
3. Handan na ang lahat.
4. Dumalo siya.
5. Dumating ang mga bisita.
6. Natuwa ang lahat.
7. Nanguna ang punong barangay.
8. Nagmisa si Fr.Suarez.
9. Tumutugtog ang banda ng musiko.
10. May palaro sa plasa.

VII. TAKDANG ARALIN

- Bumuo ng tig iisang pangungusap gamit ang pariralang pang-abay na
pamaraan,pang-abay na panlunan at pang-abay na pamanahon. Isulat
ito sa kuwaderno.