Republic of the Philippines

Department of Education
Region IV-A CALABARZON
Division of Quezon
WEEKLY HOME
Guinayangan South District
NABANGKA NATIONAL HIGH SCHOOL
S.Y. 2020-2021
LEARNING TASKS
WEEK 3  Learning Area
 Quarter
FILIPINO
4
Grade Level
Date
10
Hunyo 07 at 10, 2021
I. PAMAGAT NG ARALIN El Filibusterismo
Kabanata 4: Kabesang Tales
Kabanata 7: Si Simoun
Kabanata 8: Maligayang Pasko
Kabanata 10: Kayamanan at Karalitaan
Kabanata 30: Si Huli
II. MOST ESSENTIAL LEARNING 1. Naipapahayag ang sariling paniniwala at pagpapahalaga kaugnay ng mga kaisipan namayani sa akda
COMPETENCIES (MELCS) 2. Nasusuri ang mga kaisipang lutang sa akda (Diyos, bayan, kapwa-tao, magulang)
3. Natatalakay ang mga kaisipang ito:
-kabuluhan ng edukasyon
-pamamalakad sa pamahalaan
-pagmamahal sa Diyos, bayan, pamilya, kapwa tao,
-karapatang pantao at iba pa
III. NILALAMAN FILIPINO 10 Ikaapat na Markahan/Ang El Filibusterismo
(CONTENT CORE)
IV. LEARNING PHASE LEARNING TASKS/ ACTIVITIES
A. PANIMULA (Introduction) Gawain sa Pagkatuto Bilang 1
Ipahayag ang sariling paniniwala at pagpapahalaga sa larawang nasa ibaba sa pamamagitan ng
pagsagot sa mga tanong.

1. Magbigay ng sariling pakahulugan sa salitang maskara.

B. PAGPAPAUNLAD (Development)
2. Bakit kailangan ng tao minsan ang magsuot ng maskara? Ipaliwanag.
3. Ano sa palagay mo ang pinakamabuting gawin upang matanggap ng iba ang iyong tunay na sarili?
Gawain sa Pagkatuto Bilang 2
Basahin ang mga kabanata 4, 7, 8, 10, at 30 ng El Filibusterismo na naka-attached dito sa Learning
Tasks.

Gawain sa Pagkatuto Bilang 3

Ipahayag ang sariling paniniwala at pagpapahalaga kaugnay ng mga kaisipan namayani sa akda.
Isulat ang sagot sa sagutang papel.
KAISIPAN SARILING PANINIWALA AT
PAGPAPAHALAGA
Kabanata 4: Kabesang Tales
Ang pagdadala ni Kabesang Tales ng mga armas tulad ng
baril, gulok, at palakol upang bantayan ang kaniyang lupain.
Kabanata 7: Si Simoun
Ang pag-amin ni Simoun sa tunay niyang pagkatao.
Kabanata 8: Maligayang Pasko
Ang paniniwala ni Huli sa himala
Kabanata 10: Kayamanan at Karalitaan
Ang pakikipanuluyan si Simoun kina Kabesang Tales.
Kabanata 30: Si Huli
Ang paghingi ng tulong ni Huli kay Padre Camorra na
nagbunga ng kaniyang kasawian.

C. PAKIKIPAGPALIHAN Gawain sa Pagkatuto 4

(Engagement) Panuto: Magbigay ng mga kaisipang lumutang sa mga kabanata na may kaugnayan sa:
Diyos, Bayan, Kapwa-tao at Magulang. Isulat ang sagot sa sagutang papel.

Diyos Bayan Kapwa-tao Magulang

Kabanata 4: Kabesang Tales
Kabanata 7: Si Simoun
 Kabanata 8: Maligayang Pasko
Kabanata 10: Kayamanan at
Karalitaan
Kabanata 30: Si Huli

Gawain sa Pagkatuto 5
Panuto: Suriin kung ang mga kaisipan o pahayag sa bawat bilang ay may kaugnayan sa :
A. kabuluhan ng edukasyon D. pagmamahal sa bayan
B. pamamalakad sa pamahalaan E. pagmamahal sa kapwa-tao
C. pagmamahal sa Diyos F. pagmamahal sa pamilya
G. karapatang pantao
Isulat ang titik ng wastong sagot sa sagutang papel.
_____1. Nang mapaunlad ni Kabesang Tales ang bukid ay agad itong inangkin ng mga prayle ay siya’y
pinagbuwis.
_____2. Ayon kay Simoun”Walang mang-aalipin kung walang paaalipin”
_____3. Binanggit din ni Simoun na “Hindi kailanman maaaring maging wikang panlahat ang Kastila”
_____4. Nagtungo ni Huli sa kumbento upang humingi ng tulong kay Padre Camorra na makalaya si
Basilio.
_____5. Tumalon si Huli mula sa bintana ng kumbento.
_____6. Pagkagising ni Huli ay agad na tinungo ang Mahal na Birhen upang alamin kung may dalawang
daan at
limampung piso ang ilalim nito.
_____7. Dahil sa labis na kalungkutan ay napipi si Tata Selo.
_____8. Mamamasukan si Huli kay Hermana Penchang upang matubos ang kaniyang ama.
_____9. Si Tata Selo ang dinakip ng mga guwardiya sibil nang hindi naabutan si Kabesang Tales.
______10. Nagbibitbit ng mga armas si Kabesang Tales habang nagbabantay sa kanyang bukid.
D.PAGLALAPAT (Assimilation) Gawain sa Pagkatuto 6
Panuto: Unawain at ipaliwanag ang matalinghagang pahayag na binanggit ni Simoun. Sikaping
maipahayag ang sariling paniniwala at pagpapahalaga kaugnay ng kaisipan namayani sa akda. Isulat ang
sagot sa sagutang papel.

A. “ Ang karunungan ay walang katapusan at siyang kagalingan ng sangkatauhan”

B. “Ang pagpapaumanhin ay hindi laging kabaitan, ito ay isang kasamaan, kung nag-uudyok ng paniniil”

Inihanda ni: Nabatid ni:

JOY KENNETH U. CAMANGA MARISSA C. BALMES

Guro sa Filipino 10 Punungguro 1

ANG MGA SUMUSUNOD NA KABANATA NG EL FILIBUSTERISMO AY MGA BUOD LAMANG. MAAARI KANG
MANGHIRAM NG AKLAT, MAGSALIKSIK PA UKOL SA NILALAMAN/ KABUUAN NG BAWAT KABANATA UPANG
LUBOS ITONG MAUNAWAAN.

Kabanata 4: Kabesang Tales

Naninirahan sila dati sa pusod ng gubat. Si Tandang Selo, si Telesforo(Tales) –kanyang asawa at 3 anak. Isang araw hinawan
nila ang gubat sa may hangganan ng bayan sapagkat akala nila’y wala naman ditong nagmay-ari at sa pangyayaring ito namatay ang
kanyang asawa at panganay na anak dahil sa matinding lagnat. Noong umpisa walang pumapansin sa kanila ngunit nang umani na sila
sa unang pagkakataon, isang korporasyong relihiyoso na may-ari ng mga lupain sa karatig-bayan ang umangkin sa kanilang taniman at
iginiit na sakop ito ng hangganan nila. Bagama’t hindi ito binawi kina Tales, pinagbayad naman sila ng taunang buwis na 20 o 30 piso.
Pumayag sila at nagbayad hanggang sa tumaas ng tumaas ang singil at ginawa siyang Kabesa o taga- kolekta ng buwis. Dahil
dito naglugi siya ng malaki sapagkat pag may mga hindi nagbabayad, siya din ang nagpupuno dito galing sa kanyang sariling bulsa.
Isinali sa Itinaas ang upa sa dalawandaang piso at dito na tumutol si Tales. Sinabi niya na hanggang walang nakakapaghukay at
nakakapag araro sa lupa niya ng dugo at nawalan ng asawa at anak, hindi niya ito ibibigay.
Sinampahan niya ito ng asunto at inubos ang pera sa pag arkila ng mga abogado. Hindi na nakapag aral si Juli sa Maynila at
hindi rin natubos si Tano sa hukbo ng pagka- gwardiya sibil. Sa kahuli hulihan, nakidnap si Tales at humingi ang mga tulisan ng
limangdaang piso kapalit ng kanyang paglaya. Ibinenta nina Juli at tandang Selo ang lahat ng kagamitan nila ngunit kulang pa rin kaya
namasukan si Juli kay Hermana Bali upang punan ang 250 Piso na kulang.
 Kabanata 7: Simoun
Malapit sa puntod na pinanggalingan ni Basilio may nakita siyang di kakilalang lalaki sa malayo at yun ay si Simoun.
Naghuhukay ang alahero, walang suot na salaming asul kaya naman nagbago ang anyo nito. Kinilabutan si Basilio dahil alam niyang
ito rin ang di kilalang lalaki na humukay ng paglilibingan ng kanyang ina labintatlong taon na ang nakalipas, higit na matanda nga
lamang ngayon, may puti na ang buhok, maybigote at balbas ngunit iyon parin ang mga mata nito at ang mapanglaw na mukha. Naisip
niya na samakatuwid na ang namatay o naglaho na tagapagmana ng lupaing ito ay walang iba kundi ang alaherong si Simoun—
napagtagpi-tagpi na ni Basilio na si Simoun nga si Crisostomo Ibarra. Nilapitan niya ito at tinanong kung may matutulong siya. Sa
pagkagitla ni Simoun, tinanong niya si basilio kung alam ba niya kung sino siya at sumagot si Basilio na isa raw siya sa mga taong
itinuturing niyang banal sapagkat 13 taon na ang lumipas tumulong ito sa kanya sa paglilibing ng kanyang ina. Sumagot si Simoun na
taglay ni Basilio ang lihim na maaaring makasira sa kanyang mga balak.
Ang nakaraan ni Simoun:
Siya nga ang may sakit at kalunos-lunos na nagtungo rito 13 taon na ang nakalipas upang mag-ukol ng huling pagpapahalaga
sa isang dakilang kaluluwa na maringal na yumakap sa kamatayan alangalang sa kanya. Sinawi ng isang pusakal na sistema, naglagalag
si Simoun sa iba’t ibang parte ng mundo upang magpayaman at maisakatuparan ang kanyang mga balak. Nagbalik siya upang wakasan
ang sistemang ito sa pamamagitan ng lalong pagpapadali sa pagkabulok nito.

Kabanata 8: Maligayang Pasko

Madilim-dilim at kasalukuyang nagtitilaukan ang mga manok nang magising si Juli. Umaasa siya na maghihimala ang Mahal
na BIrhen at makakakita ng kapunuan ng perang kulang sa pantubos sa kanyang amang si Kabesang Tales na kinidnap ng mga tulisan.
Pero hanggang sa sumikat ang araw at muling tingnan ang ilallim ng imahen ng mahal na Birhen ay wala siyang nakitang pera. Hindi
nagmilagro ang mahal na Birhen. Lupaypay ang damdamin ni Juli sa kabiguan.
Nabuo sa kanyang loob na wala nang natitira pang ibang paraan kundi ang magtungo sa bagong amo (Hermana Penchang).
Hindi naman siya malulungkot sapagkat malapit lamang ang bahay na kanyang paglilingkuran. Tuwing makalawang araw ay maaari
niyang dalawin ang kanyang lolo Selo. Inayos na ni Juli ang kanyang lalagyang ng mga gamit at hinalikan ang kanyang laket na may
brilyante at esmeralda. Pero ito ay kaagad na itinago nang maalaalang galing iyon sa isang ketongin.
Binasbasan siya ni Tandang Selo nang hindi ito umiimik. Nagbili si Juli sa kanyang lolo na pagdating ng ama ay ipakisabi
nitong siya ay pumasok sa pinakamurang kolehiyo at ang kanyang amo ay marunong ng Kastila. Mabilis na siyang nanaog sapagkat
napansin niyang hilam na sa luha ang mata ng kanyang lolo.
Dumating ang araw ng pasko. Maraming mga kamag-anak nila ang ang namasko sa bahay. Pero hindi sila ininindi ng Tandang
Selo. Wala itong imik. Tulala. Napipi.Sa sama ng loob ay napipi si Tandang Selo. Napipi si Tandang Selo dahil sa masalimuot na
sinapit ng kanyang pamilya.

Kabanata 10: Kayamanan at Karalitaan

Kinabukasan, nagtaka ang buong bayan sapagkat ang mag-aalahas na si Simoun ay nakituloy sa bahay ni Kabesang Tales.
Inusisa niya si Tales kung gagamitin ang kanyang baril laban sa mga tulisan. Samantala dumating si Kapitan Basilio kasama ang
asawa, anak na si Sinang at manugang na handang gumastos ng halagang 3,000. Dumating din si Hermana Penchang upang bumili ng
singsing na brilyante. Kaagad na inilabas ni Simoun ang mga dalang alahas at marami naman ang bumili.
Tinanong ni Simoun si Tales kung wala itong ipinagbibiling alahas. Sinagot ito ni Tales na naipagbili na ng kanyang anak na
si Juli ang lahat ng mga alahas maliban sa isang agnos(laket) na handog ni Basilio. Tinawaran ni Simoun ang laket pero sabi ni Tales
ay isasangguni muna niya ito kay Juli.
Magtatakip-silim lumabas na ng nayon si Tales upang puntahan si Juli sa bahay ni Hermana Penchang. Buhat sa malayo ay
natanaw niya ang paring namamahala ng asyenda at ang taong nagsasaka sa dati niyang lupain. Biglang naglatang ang galit sa kanyang
dibdib. Sinundan niya ang dalawa.
Samantala maghahating-gabi na ay hindi pa rin dumarating si Tales. Nainip si Simoun hanggang sa makatulog. Kinaumagahan
nang magising siya ay wala ang kanyang baril. Isang sulat ang kanyang natagpuan mula kay Tales na nagsasabing kinuha niya ang baril
upang gamitin sa panunulisan. Iniwan ang laket ni Huli na dating kay Maria Clara. Tiningnan ito ni Simoun ng buong pagsuyo.
Si Tales ang numero unong suspek sa krimeng naganap nang gabing iyon. Tatlong bangkay ang natagpuan ng oras na iyon.
Ang una ay si Padre Clemente na tagapangasiwa ng asyenda at ang bagong namumusisyon sa lupain ni Tales. Basag ang bungo ng mga
ito at may nakasungangang lupa sa mga bibig. Ang isa pang bangkay ay pugot ang ulo at sa tabi ay mayroong papel na may nakasulat
sa dugo na “TALES”.

Kabanata 30: Si Juli

Naging malaking balita ang pagkakahuli kay Basilio at labis itong pinagalala ni Juli. Siya ay binabangungot sa kakaisip kay
Basilio. Sa pagnanais niyang makalaya si Basilio ay naisip niya si Padre Camorra. Isang salita lamang ni Padre Camorra ay
makakalabas ng kulungan si Basilio. Siya na lamang ang natira sa bilangguan dahil wala siyang tagapagtanggol at wala rin naman
kamag-anak. Ayaw pumunta ni Juli sa kumbento dahil natatakot siya kay Padre Camora ngunit pinilit siya ni Hermana Bali. Nang
makapasok na sila sa kumbento, kinahapunan ay may nangyaring hindi maganda. May babaeng tumalon sa bintana at namatay at may
babaeng nagtatakbong lumabas ng kumbento na tila wala na sa katinuan. Pinuntahan ni Tata Selo ang kumbento at hinahanap si Juli
ngunit hind siya pinapasok at sa halip ay pinagtabuyan pa. Hinanap niya ang gobernadorsilyo, Juan de Paz at tinyente ngunit wala ang
mga ito. Narinig sa bayan ang panaghoy ni Tata Selo at kinabukasan ay dinala niya ang kanyang itak at nilisan ang lungsod. (Upang
sumapi sa mga tulisan)
PAALALA
Gumamit ng sagutang papel. I-attached ito sa Weekly Home Learning Task. Huwag nang ipasa ang binasang buod ng limang kabanata.
Maaari itong basahing muli a magsilbing sanggunian.