Problema sa Basura

Hindi lamang buhay ng tao ang ang siyang biyayang pinagkaloob sa atin
ng Maykapal na dapat nating bigyang kahalagahan, kung ‘di malaking parte rito
ay ang ating kapaligiran. Ngunit sa kabila nito, bakit tila ito ay binabaliwala ng
nakararami? Sabi pa nga sa awiting Masdan
Mo Ang Kapaligiran mula sa bandang Asin,
“Wala ka bang napapansin, sa iyong
kapaligiran. Kay dumi na ng hangin at ilog
natin.” Kung pakikinggan ang buong awitin,
ito ay lantarang nagpapahayag kung paano
unti unting nasisira ang ating kalikasan dahil
sa pagiging ignorante ng mga tao, at dahil
narin sa patuloy na pag-unlad na ating
tinatamasa. Nakakatakot mang isipin ngunit tila humahanap ng paraan upang
maghiganti sa atin ang Inang Kalikasan. At ang maaaring sanhi nito? Basura, na
tayo rin naman ang may pasimuno.
Kahit saan man tayo magpunta, saang sulok man ito, hindi makaligtas mula
sa ating paningin ang mga basura. Naging isang malaking suliranin na ito ng
bawat pamayanan, mapalokal o nasyonal man. Dahil na rin sa paglaki ng
populasyon, nagbibigay kontribusyon ito sa pagtaas ng dami ng basura. Marahil
sa kadahilanang ito hindi na natin alam ang gagawin upang mabawasan ang
mga ito kaya ang iba sa atin ay nagtatapon ng basura sa dagat, mga bakanteng
lote, at kahit sa mga daanan. Nakakabahala sapagkat ang hindi maayos na
pamamahala rito ay nagdudulot ng hindi kaaya-ayang epekto hindi lamang sa
ating kapaligiran kundi na rin sa kalusugan ng tao.
Pero sa katotohanan, hindi na ito bago sa pandinig ng lahat. Alam ng
nakararami ang maaaring maging dulot nito sa buhay natin, ngunit lahat ba tayo
ay gumagawa ng aksyon upang
masolusyonan ito? Ang problema sana’y sa
basura ay madali lamang solusyonan pero
dahil sa kapabayaan at kawalan ng disiplina
ng marami sa atin, naging mas komplikado
ito. May mga batas naman na inilunsad ukol
dito pero dahil sa sitwasyong ito, mga batas
na sana’y posibleng epektibo naman, ay tila
Ipinasa ni: Althea Faye A. Olarte (Grade 10- Ruby)
Ipinasa kay: Gng. Daphne Villanueva