Paksa : KAHUSAYAN NG MEKANIKAL NA LAPIS BILANG KASANGKAPAN SA

PAGBUO NG “ARCHITECTURAL PLATE”

Ang mga mekanikal na lapis ay may mahalagang bahaging ginagampanan sa mga

arkitekto, inhinyero, mag-aaral, at maging sa mga guro. Nagbibigay ito ng mataas na
kalidad na pagguhit, pagsulat o iba pang masining na gawain na nakatutulong upang
maging mas malikhain sa kanilang mga proyekto. Bilang karagdagan, ang mekanikal na
lapis ay may kakayahang pagtagumpayan ang pinakamahirap na problema sa pagguhit
dahil sa bisa ng mga mekanikal na lead nito. Ang pangkalahatang epekto at kahusayan
ng paggamit ng mekanikal na lapis ay nagbibigay-daan sa mga gumagamit, lalo na sa
mga arkitekto, na lumikha ng mahusay, makahulugan, at makabagong mga plano (Awal,
2021).

Dagdag ni Narwani (2016), ang isang mekanikal na lapis ay maaasahang

kagamitan ng mga indibidwal at mag-aaral na nasa larangan ng pagguhit. Nagbibigay ito
ng mahahalagang mga pakinabang kumpara sa ordinaryong lapis na gawa sa kahoy.
Dagdag pa niya, may mga katangian ito gaya ng iba't ibang sukat ng lead, lead sleeves,
retractable tips, lead grade indicators, at mechanical pencils’ grips. Pagkatapos ng unang
ika-18 siglo, ang mga mekanikal na lapis ang naging pinakamatibay at pinaka-
propesyonal na uri ng lapis. Kaya naman, sinasabi na ang mga gumagamit nito ay
maaaring magkaroon ng mga natatanging uri at istilo para sa isang partikular na gawain.
Ang mga katangian nito ay lubusang nasubok bago ang pagbuo ng produkto upang
matiyak ang isang mataas na kalidad at pantay na karanasan sa pagguhit.

Ayon naman kay Sanderson (2019), ang trabahong isinasagawa ng isang arkitekto
ay nangangailangan ng isang maayos at magandang mekanikal na lapis upang
maisagawa ng mabuti ang kanyang mga iginuguhit na plano at disenyo. Mas malaki ang
naitutulong at benepisyo ng mekanikal na lapis sa mga arkitekto, kumpara sa normal na
lapis. Isa rito ay ang pagkakaroon nito ng sariling pambura sapagkat hindi maiiwasan na
magkaroon ng pagkakamali sa ginagawang trabaho ng isang arkitekto. Nabanggit din na
kumpara sa normal na lapis, ang mekanikal na lapis ay hindi na kinakailangang tasahan
at laging nakakaguhit ng pare-parehong laki ng linya sapagkat kung normal na lapis ang
gagamitin, maaaring mabago ang sukat at laki ng mga guhit dahil ito ay napupudpod.
 Sa pananaliksik nina Awal at Sanderson, binigyang-diin ng dalawang awtor ang
kahalagahan ng paggamit ng mekanikal na lapis sa pagbuo at paglikha ng mga disenyo
at plano upang maisakatuparan ang isang konstruksyon. Anila, ang iba’t-ibang laki ng
mga tinta o graphite lead ng isang mekanikal na lapis ang dahilan kung bakit nakalilikha
ang mga arkitekto ng mga plano nang may presisyon at kahusayan. Sa pamamagitan ng
mga ito, mas nagiging komportable ang mga propesyonal sa paggamit at mas
naipapahayag nila ang kanilang mga inobasyon at teknik sa pagbuo ng mga disenyo. Sa
kabilang banda, sinabi ni Sanderson na nilikha ang mga mekanikal na lapis para lamang
sa mga propesyonal gaya ng mga arkitekto sapagkat ito ay direktang tumutugon sa
kanilang pangangailangan sa trabaho. Ito ay salungat sa pahayag ni Awal kung saan
ipinaliwanag niya na ang mga mekanikal na lapis ay maari ring magamit ng mga artist sa
paglalapat ng kanilang malikhaing istratehiya sa pagguhit o paggawa ng sketch.

Sa pag-aaral naman nina Awal at Narwani, nabanggit ang magkatulad na

kahalagahan ng mekanikal na lapis para sa mga mangguguhit, kabilang ang mga
arkitekto at inhinyero. Ayon sa kanila, ang uri ng lapis na ito ay lubos na makakatulong
sa kahusayan, katumpakan, at pagiging kaakit-akit ng pagguhit. Dahil dito, inirekomenda
ni Narwani ang paggamit ng mekanikal na lapis sa halip ng tradisyonal na lapis sa
paggawa ng mga sketch o guhit para sa mga arkitekto. Ayon sa kanya, ang ganitong uri
ng lapis ang pinakamatibay at pinakanararapat na kagamitan dahil sa mataas na kalidad
nito. Samantala, sinabi ni Awal na maaaring manipulahin ang isang mekanikal na lapis
sa pagpili ng tamang tinta na gagamitin sa pagguhit. Dagdag niya, ang paggamit nito ay
makapagbibigay ng oportunidad sa mga arkitekto o inhenyero upang palawakin ang
kanilang imahinasyon sa pagbuo ng mga plano o disenyo.
Mga Sanggunian:

Awal, A. (2021). The 5 Best Mechanical Pencils for Sketching. Kinuha sa https://www.c

ampuscareerclub.com/mechanical-pencils-for-sketching

Narwani, R. (2016). Reasons to Choose a Mechanical Pencil for Drawing. Kinuha sa https

://www.educationafter12th.com/best-mechanical-pencils-in-drawing/

Sanderson, A. (2019). Architect Pencils: 5 Best Mechanical Pencils for Architects. Kinuha

sa https://modernfuel.com/blogs/journal/architect-pencils-5-best-mechanical-pen

cils-for-architects-today

Mga Miyembro:
Alday, Asreen Aldressa
Gutierrez, Nhel
Malabanan, Mikayla
Vergara, Aleeza Margarette