Tungod sa dakong panginahanglan ug subay sa sugyot sa
daghang magtutuo, gihimo kining manual sa Basic Apologetics Course alang sa atong mga kaigsoonan aron pagsangkap kanila sa kahibalo sa atong pagtuong Katoliko pinasubay sa Balaang Kasulatan. Ang katuyuan niining maong Manual dili lamang nga mapanalipdan ang Doktina sa Katoliko kondili usab nga mahimo kini nga giya sa pagkat-onn sa mga Basic Doctrines nga wala pa masabti sa kadaghanan ug aron motubo ang ilang kahibalo sa Pulong sa Dios nga makatabang kaayo sa pagbag-o sa Kristohanaong pagtuo. “Ang tibuok Kasulatan gisulat uban sa lamdag gikan sa Dios ug mapuslanon kini alang sa pagtudlo sa kamatuoran, sa pagbadlong, sa pagsaway, ug sa pagtudlo unsaon pagkinabuhing matarong” (2 Tim. 3:16).
Ang St. Jerome Bible Center sa Archdiocese sa Sugbo
mipahigayon og regular nga Layman’s Biblical Theology and Apologetics Course isip kabahin sa programa sa Simbahan on Christian Renewal. Kini agi’g tubag sa atong Pastoral Thrust, “Duc in Altum: Renewed Clergy and renewed laity as we face the Challenges of the New Millenium.”
Ang paghan-ay sa mga topics sulod niining Manual gihimo sa
paagi nga sayon sabton, ug ginamit ang pinulongang Binisaya alang sa kasayon sa daghang magtutuo sa Visayas ug Mindanao. Ang 20 ka mga topics nga maoy unod niining manual gipili tungod kay mao kini ang sagad nga gituis sa ubang magtutuo nga nahimulag sa Simbahang Katoliko. Daghan usab ang mga kaigsoonan natong mga Katoliko ang mibiya sa atong Simbahan. Ang dakong hinungdan: “Doctrinal Ignorance” nga nabahin sa duha “ lack of information” ug “wrong information”. Ang pagpanudlo sa hustong paagi sa Kristohanong pagpuyo (Orthopraxis) dili hingpit kon dili ipasukad sa lig-on ug hustong pagtulon-an (Orthodoxy) ii Kining maong tamdanan mahimo unta nga lig-ong gabayan sa pagtuon sa pagtuong Katoliko aron motubo kita diha sa maong kaalam ug mamahimong lig-ong saksi ni Jesucristo. Dako nakong pasalamat sa mga kadagkoan sa Catholic Faith Defenders (CFD), Cebu Archdiocesan Chapter, ilabi na kang Bro. Ramon Gitamondoc, Presidente sa maong kapunungan, ug kang Bro. Soc. Fernandez, CFD Consultant, ug mga kauban nako sa Cebu Archdiocesan Biblical Apostolate aron mapahigayon kinig basahon. Hinaut nga mapanalanginan sa Dios ang kalihukan sa Bible Apostolate sa Sugbo ug mamunga kini ug daghan (Jn. 15:16).
Ang Layman’s Biblical Theology ang Apologetics Course usa
ka seminar sa pagtuon sa mga fundamento (basic) nga mga pagtulun-an sa Santa Iglesia pinasikad sa Balaang Kasulatan nga naghatag og pagpahimug-at sa pagtubag sa mga pangutana ug pagsaway batok sa Katolikong pagtulon-an. Gilangkoban kini sa mga pagpaambit sa mga Lay Catholic Faith Defenders sa mga panudlo sa Simbahan, sa mga pagsupak sa mga dili-Katoliko. Labot sa maong pagtulon-an, ug sa tubag niining maong mga pagsupak pinasikad sa Bibliya, ug ang pag-agda sa mas mainiton nga pagbansay sa pagtuo.
II. MGA KATUYOAN
Ang Layman’s Biblical Theology ang Apologetics Course
gihimo alang niining mosunod nga mga katuyoan:
1) Pagpasabot sa katawhan mahitungod sa mga doktrina
sa Santa Iglesya.
2) Pagpa-amgo sa katawhan sa mga pagsupak labot sa
maong mga doktrina.
3) Paghatag sa hustong mga tubag sa maong mga
pagsupak.
4) Pagpukaw sa interes sa pagtuon sa mga pagtulun-an
sa Santa Iglesya.
5) Pagpakita sa kamapuslanon sa Bibliya sa pagpanalipod
sa atong pagtuo.
6) Pagdasig sa katawhan sa pagkinabuhi sa ilang pagtuo.
7) Pagtukod ug CFD chapter sa Parokya.
III. MGA PARTISIPANTE
v Ang gidapit sa pagtambong niining maong seminar mao kining mosunod:
1) Mga alagad sa Pulong kun mga Lay Ministers ug Lay
Evangelizers
2) Mga Katekista ug bisan kinsa nga nagtudlo ug katekesis.
3) Mga sakop sa nagkalainlaing mandate organizations
4) Mga sakop sa BEC ug mga charismatic movements
5) Mga Katoliko nga dunay interes sa pagtuon sa pulong sa
Dios
6) Mga parokyano nga dunay mga pangutana labot sa
pagtuo
IV. GIDUGAYON
Sumala sa panahon nga gigahin, ang Layman’s Biblical
Theology ang Apologetics course mahimo nga ihatag niining mosunod nga mga modelo:
Modelo A. Upat ka nagsunod-sunod nga adlaw nga
may walo ka oras matag adlaw; upat ka-oras sa buntag ug upat ka-oras sa hapon gawas sa ikaupat nga adlaw nga katunga ra sa adlaw ang kinahanglan. Kini maoy gisunod niini nga Tamdanan.
Modelo B. Duha ka nagsunod-sunod nga adlaw sa
unang semana ug laing duha ka nagsunod-sunod nga adlaw sa pagkasunod semana. Matag adlaw dunay upat ka oras sa buntag ug upat sa hapon. Mas maayo kun mahimo kini sa mga adlaw’ng Sabado ug Domingo.
Modelo C. Duha ka oras matag gabii (MWF o TThS)
sulod sa usa ka bulan. Kini nga modelo alang lamang niadtong duol sa siyudad nga mga parokya ug iagad kini sa panahon sa mga motambong ug sa panahon sa tig-paambit.
V. ANG MOPAHIGAYON SA SEMINAR
vi Ang mopahigayon sa seminar naglakip niining mga mosunod:
1) Ang Speaker/s kun Tigpaambit – siya mao ang
mopaambit ngadto sa mga nanambong labot sa nagkalaing-laing tema nga nalangkob sa seminar. Kinahanglan nga siya maantigo nga mohatag og lecture ug nakaagi na sa practicum ug training nga gipahigayon alang sa mga Lay Catholic Faith Defenders sa Archdiocesan Chapter. Kinahanglan nga mosubay siya sa Tamdanan ug magbantay sa hustong oras sa iyang pagpaambit.
2) Seminar Staff – maayo nga maggikan kini sa taga-
Parokya ug ang ilang bulohaton mao kining mosunod: a) moandam sa mga materyales nga gikinahanglan sa pag-parehistro, b) mopalista sa mga nanambong, c) kon mahimo, moapod-apod ngadto sa mga name tags ug sa paghipos niini tapos sa matag session, d) moandam sa kinahanglanon sa speaker sama sa blackboard, chalk, sound system ug uban pa.
3) Music Ministry – maayo nga maggikan gihapon kini sa
taga-Parokya ug ang ilang katungdanan mao ang pagtudlo sa mga alawiton. Pag-andam og mga kopya nini aron tamdan sa mga nanambong.
4) Kura Paroko – siya mao ang mo-welcome sa mga
nanambong ug mopasiuna sa pagpasabot sa mga tawo nga ang seminar maoy usa ka kalihokan sa parokya. Mas maayo usab kon makapaninaw siya sa mga pagpaambit ug anaa labi na gayud sa panahon sa open forum aron makatabang sa pagtubag sa mga pangutana. vii PASIUNANG KALIHUKAN
I. PAGPANGLISTA
1. Tumong: (Alang sa Nagpahigayon)
A. Aron atong masayran ang mga ngalan sa mga miapil, ang kapunungan nga ilang gisalmotan. B. Aron dunay listahan sa mga mitambong alang sa pagpanghatag og certipiko ug alang sa pagahimoon nga “follow-up.”
2. Mga Butang nga Andamon
A. Porma sa pag-rehistro – ang nanambong mo-fill-up sa porma sa pagrehistro. Ang porma makita sa naglista sa mga participante. B. Mga “name tag” – human og pagparehistro sa mga participante hatagan dayon sila sa ilang name tag nga gisulatan sa ilang ngalan, parokya o dili ba kaha sa ilang kapunongan. Ang papel nga gamiton kinahanglan nga baga (card) ug mas maayo nga pentel pen ang isulat ug naay pin aron sa pagtapot sa sinina.
C. Record Book - ang tanang ngalan sa
nanambong isulat sa record book ug ang ilang pagtambong pagasisihon matag sesyon. Kadto lang naka-kompleto sa maong seminar ang hatagan ug sertipiko.
II. PAG-AWIT
1. Tumong – Ang katilingbanong awit maoy usa ka
mahinungdanong bahin sa seminar. Ang pag- awit adunay duha ka tumong:
a) Pagmugna ug malipayon nga katilingban.
viii b) Pagbansay sa ubang mga alawiton nga may kalabutan sa mga sesyon, pagsaulog sa Misa, pagpalagsik sa huna-huna.
Mga sugyot nga alawiton:
- Kon Magkatigum Kita - Ang Bibliya - There’s a New Generation (Para sa Youth nga participante) - O Pulong Sa Kinabuhi - Action Songs
III. PAKIGPULONGSA KURA
Tumong: Ang pakigpulong gikan sa Kura Paroko dako
kaayo’g ikatabang sa kalamposan sa seminar tungod kay siya ang labaw nga makapadasig sa mga tawo sa paglahutay hangtod sa pagtapos sa seminar. Mapasabot usab sa Kura nga ang seminar usa ka kalihokan sa parokya ug unsa kini kamahinungdanon sa kinatibuk-an natong pagkinabuhi isip Kristohanon. Kon wala ang Kura mahimo nga ang mohatag sa pagkigpulong agig paghangop sa mga nanambong mao ang iyang delegado o dili ba ang labaw nga tigdumala sa seminar.
IV. GENERAL ORIENTATION
Ang Coordinator mopasabot sa mga partisipante sa
kinaiya (nature) sa pagahimoon ngaseminar, sa mga katuyoan nga buot kab-oton sa seminar ug sa gipaabot nga partisipasyon gikan sa mga nanambong.
“Salamat sa inyong pagsanong sa among
pagdapit kaninyo. Ang inyong pag-anhi dinhi nagpasabot nga duna kamoy tinguha sa pagkat-on mahitungod sa atong tinuohan. Tingali daghan kaninyo karon naghambin og mga pangutana labot sa atong pagtuo, mga pangutana kabahin sa Bibliya. Bisan unsa man ang inyong tagsatagsa ka katuyoan sa inyong pag- anhi gumikan kana sa pagtawag ni Cristo kanato ngadto ix sa mas hingkod nga kahibalo mahitungod kaniya. Si San Pablo miingon, “Ug magkahiusa kitang tanan sa atong pagtuo ug sa atong kahibalo mahitungod sa Anak sa Dios. Unya mahingkod kita ingon sa kahingkod ni Cristo” (Efeso 4:13).
A. Kinaiya sa Layman’s Biblical Theology and
Apologetics Seminar.
Kini nga seminar gitawag kini nga “Layman’s”
tungod kay dili lang nga ang nagpasi-ugda niini mga layman kondili alang kini kanatong mga layman – nagpasabot alang kanatong mga dili pari. “Biblical” tungod ka sa atong pagtuon sa atong pagtuo mokuha man kita sa mga kamatuoran gikan sa Balaang Kasulatan. “Theology” mao kini ang atong paggamit sa mga kamatuoran sa atong pagtuo. “Apologetics” nga mao ang atong paggamit sa atong pangisip nga linamdagan sa pagtuo sa pagtubag ug pagpanalipod sa mga pagtulun-an nga atong nadawat gikan sa mga pagsupak ug pagsaway nga gihimo batok niini.
A. Tumong: Ania ang pipila ka hinungdan nga atong
gihimo kining maong seminar:
a) Pagkab-ot ug mas halawom nga pagsabot sa atong
pagtuo nga naggikan sa gitudlo ni Cristo pinaagi sa iyang Simbahan.
b) Pagpaamgo kanato sa mga pagsupak batok sa
pagtuo gikan niadtong mga tawo nga wala modawat niini.
c) Paghibalo sa mga katin-awan sa mga pangutana
labot sa atong pagtuo ginamit ang Balaang Kasulatan.
d) Pagdasig kanato sa pagkinabuhi saatong pagtuo
aron sa pagdangat ngadto sa pagka-santos.
B. Mga Kinahanglanon sa Seminar
x Unsa man ang gikinahanglan nga dad-on sa matag participante?
a) Kini usa ka Bible seminar, busa maayo kon an
matag usa dunay Bibliya. Dili paigo nga atong paminawon ang pagbasa gikan sa Bibliya kondili kinahanglan usab nga kita mismo makasinati sa gamhanang pulong sa Dios.
b) Kinahanglan nga ang inyong “name tag”
gamiton kanunay sa panahon sa seminar. Pinaagi niini mahibaloan namo ang imong ngalan. Palihog iuli ang inyong name tag ngadto sa lamesa inigtapos sa matag sesyon. Ang name tag nga wala makuha nagpasabot nga ang tag-iya absent busa kuhaa ang inyong name tag sa dili pa magsugod ang matag sesyon.
c) Aron maayo ang dagan sa atong sesyon,
gikinahanglan nga moanhi kita sa tukmang oras. Kon magsunod kita sa tukmang oras mahuman usab kita sa tukmang oras. Ang schedule sa atong pagsugod sa sunod nga sesyon ipahibalo kaninyo sa dili pa matapos ang nag-una nga sesyon.
d) Kon duna kamoy pangutana labot sa tema nga
gihisgotan igahin ang inyong pagpangutana atol sa open forum. Mas maayo nga ang atong mga pangutana atong itumong sa tema nga gihisgotan sa maong sesyon. Ang inyong pangutana mahimo nga inyong isulti atol sa open forum pinaagi sa pag-isa sa inyong kamot ug human kamo ma-recognize sa atong resource speaker. Mahimo usab ninyo kini nga ipaagi og sulat sa gamay’ng papel. xi e) Katapusan, pagkahuman sa seminar, kadto rang nakatambong sa tanang sesyon ang kahatagan og sertipiko. Ang sertipiko duna kini bayad nga nagkanatidad og P _______ aron sa pag-uli sa nagasto sa papel ug printa.
C. Ang Kinatibuk-an sa Seminar
a) Ang atong seminar adunay 20 ka mga leksyon
kun tema nga ipaambit sa atong resource speaker/s nga sakop sa Catholic Faith Defenders ug gipadala nganhi kanato sa Diocese of Talibon.
b) Dunay gigahin oras para sa pagtubag sa mga
nasulat nga pangutana ug nga open forum sa matag sesyon aron sa pag-abi-abi sa inyong mga pangutana.
c) Ang katapusan natong kalihukan niining maong
seminar mao ang pagtukod og CFD Chapter dinhi sa atong parokya.
MAHITUNGOD SA APOLOGETICS
Unsa man kining gitawag og apologetics?
Ang pulong nga apologetics naggikan kini sa griego nga “apologia” nga nagkahulogan og pagpanalipod o pagtubag. Sa iyang sulat ni San Pedro nag-agda: “Pangandam kamo sa kanunay sa pagtubag kang bisan kinsa nga magpakisayod mahitungod sa inyong paglaom ug buhata kini sa tumang kalumo” (1Ped.3:15). Sa sulat ni Apostol Judas Tadeo siya miingon, “Gibuhat ko kini aron pagdasig kaninyo sa pagpadayon paglaban sa pagtuo nga gihatag sa Dios ngadto sa mga balaan” (Jud 1:3). Ang apologetics usa ka sanga sa theologiya og ang tuyo niini nga pagtuon mao ang pagpakita sa kama-tarunganon (reasonableness) sa atong pagtuo sa dili- kamatarunganon (unreasonableness) sa mga argumento nga gipabarog batok sa pagtuo. Diha sa apologetics atong gigamit ang atong pangisip (reasoning) nga linamdagan sa pagtuo sa pagtubag sa xii mga pagsaway sa atong pagtuo sa pagsumpo sa mga sayop nga panudlo. Si San Pablo miingon, “Ang hinagiban nga gigamit namo sa among pagpakig-away dili mga hinagiban sa kalibotan, kondili ang gamhanang mga hinagiban sa Dios nga molumpag sa mga kota. Gilumpag namo ang sayop nga mga pangatarungan; gipukan namo ang tanang mapagarbohong balabag nga gipatindog batok sa kahibalo sa Dios; gibuntog namo ang tanang hunahuna ug gihimo kini nga masinulondon kang Cristo” (2Corinto 10:4-5) Diha sa pagtuon sa apologetics buot natong tubagon ang tulo ka hinungdanong pangutana: 1) Nganong nagtuo kita sa pagkadunay Dios? 2) Nganong kita mga Kristiyano? 3) Nganong kita mga Katoliko? Sa unang pangutana ang atong mga kaatbang mao ang mga tawo nga nagsalikway sa pagka-anaay Dios ug sa diosnong pagpadayag sama sa ateyo, agnostics, materialists, pantheists ug uban pa. Ato kining gitawag og Natural Apologetics Sa ikaduhang pangutana ang atong mga kaatbang niini mao kadtong mga nagtuo sa pagkadunay Dios apan nagsalikway sa diosnong kagikan sa Kristiyanidad ug sa pagka-Dios ni Cristo sama sa mga Muslim ug mga Judio. Ato kining gitawag og Christian Apologetics Sa ikatulong pangutana ang atong tubagon mao kadtong mga nagtuo ni Jesucristo ug sa Biblia apan nagsalikway sa autoridad sa Santa Iglesia sama sa mga protestante. Ato kining gitawag og Catholic Apologetics. Kon sa pagpanalipod nato sa pagtuong Katoliko ang atong gigamit mao ang Bibliya matawag nato kini nga Biblical Apologetics. Ang tumong sa pagtuon sa apologetics mao ang salabutan. Pinaagi sa maayong pagkahan-ay nga mga argumento (sunod-sunod nga pangatarungan) atong mapakita sa salabutan ang kamatarunganon sa atong pagtuo. Pinaagi sa apologetics atong magiyahan ang usa ka tawo ngadto sa pagtuo apan ang pagtuo lihok kini sa pagsabot nga giagda sa kabubut-ong grasya sa Dios. Tungod kay duna may mga butang nga dili na maabot sa atong pangisip ug ang Diosnong kamatuoran wala may kinutuban busa sa atong pagtuon sa apologetics kinahanglan nga atong batonan ang xiii mapaubsanon nga disposisyon. Ang mando sa Simbahan sa pagtuon sa pagtudlo nalatid sa Acts ang Decrees of the Second Plenary Council of the Philippines ubos sa ulohan sa Ecumenism. “Niini nga panghitabo, adunay panginahanglan sa makaylapon nga catechesis ug apologetics. Wala kinahanglana nga magpanuko kita sa pagtudlo sa apologetics. Sukad sa iyang pagsugod, ang Kristiyanidad kanunay nga nahiagom sa mga pagsaway nga batok niini kinahanglan nga siya manalipod sa iyang kaugalingon. Si Jesus nanubag sa mga pagsupak batok sa iyang mga panudlo, nga gisaksihan sa mga Ebanghelyo. Si San Pablo kinahanglan nga manubag sa unang mga kasaypanan labot sa kristohanong pagtuo, ug mipahimangno sa iyang mga tinun-an sa pagpanalipod sa mga magtutuo gikan niini samtang ilang gibantayan nga magpabilin nga lonsay ang mga kamatuoran sa pagtuo. Ang apologetics kanunay nga nahimong kabahin sa pastoral ug theologikanhong tradisyon sa Simbahan. Kinahanglan karon nga andam ug makahimo kita sa pagpanalipud saatong mga pagtulon-an diha sa publikanhong pagbinayloay, ug kinahanglan nga atong sangkapan ang mga magtutuo aron sila makapanalipod sa ilang pagtuo. Ang mga Kura Paroko kinahanglan nga modasig ug mopaluyo sa pagbansay sa mga lay Catholic Faith Defenders.”