ANG MISA NG SAMBAYANAN

PASIMULA
Kapag natitipon na ang sambayanan, ang Tagapagdiwang at ang mga tagapaglingkod ay lalakadpatungo
sa altar, samantalang ang awitingpambungad ay ginaganap.

Pagsapit sa dambana, ang Tagapagdiwang at mga tagapaglingkod ay magbibigay-galangalinsunod sa

hinihingingparaan. Magbibigay-galang ang pari sa dambana sa pamamagitan ng paghalik sa ibabaw ng
altar. Kung minamabutinya, maiinsensuhanniya ito. Pagkatapos, ang pario obispo ay paroroon sa
kanyangupuan.

Matapos ang awitingpambungad, habangnakatayo ang lahat, ang pari at ang mga tao ay magkukrus.
Ipapahayag ng Tagapagdiwangnakaharap sa mga tao:

Sa ngalan ng Ama,
at ng Anak,  at ng Espiritu Santo.

Sasagot ang mga tao:

Amen.
Tagapagdiwang:

Ang pagpapala ng ating Panginoong Hesukristo,

ang pag-ibig ng Diyos Ama, at ang pakikipagkaisa ng
Espiritu Santo nawa’y sumainyong lahat.
Sasagot ang mga tao:

At sumaiyo rin.
Ang Tagapagdiwang o ang diyakono o sinumang angkop na tagapaglingkod ay makapagbibigay ng
maikling paliwanag tungkol sa buod ng Misang ipinagdiriwang.

Tagapagdiwang:

Minamahal kong mga kapatid,

ngayong araw ay ating ipinagdiriwang ang
Dakilang Kapistahan ng Banal na Esposo
ng Mahal na Birheng Maria
at ang tumayong ama ni Hesukristo sa lupa,
ang ating mahal na pintakasing si San Jose.

Sa kanyang pagkauliran at pagiging mabuting

halimbawa sa pagdinig at pagsunod sa kalooban ng Diyos,
ang ating Amang mapagmahal, nawa’y masalamin din
sa atin ang kanyang pagpapakumbaba at kabanalan.
Sa pamamagitan ng ating pagdalangin sa kanyang
pamamagitan, kanya nawang gabayan ang ating mga
pagsisikap at pagpupunyagi sa buhay at akayin tayo sa
kanyang kinupkop na anak na si Hesus.

Mga kapatid, aminin natin ngayon

ang ating mga kasalanan
upang tayo’y maging marapat gumanap
sa banal na pagdiriwang.

Magkakaroon ng saglit na katahimikan.

Pagkatapos nito, lahat ay sabay-sabay na aamin sa nagawang kasalanan:
 Inaamin ko sa makapangyarihang Diyos
at sa inyo mga kapatid,
na lubha akong nagkasala
Ang lahat ay dadagok sa dibdib.

sa isip, sa salita, at sa gawa

at sa aking pagkukulang.
Kaya isinasamo ko
sa Mahal na Birheng Maria,
sa lahat ng mga anghel at mga banal
at sa inyo mga kapatid,
na ako’y ipanalangin sa Panginoong ating Diyos.
Tagapagdiwang:

Kaawaan tayo ng makapangyarihang Diyos,

patawarin tayo sa ating mga kasalanan,
at patnubayan tayo sa buhay na walang hanggan.
Sasagot ang mga tao:

Amen.

KYRIE
Aawitin

Panginoon, kaawaan mo kami. B. Panginoon, kaawaan mo kami.

Kristo, kaawaan mo kami. B. Kristo, kaawaan mo kami.
Panginoon, kaawaan mo kami. B. Panginoon, kaawaan mo kami.

PAPURI
Aawitin
 PANALANGING PAMBUNGAD
Tagapagdiwang:

Manalangin tayo.
Ang lahat kaisa ng Tagapagdiwang ay tahimik na mananalangin nang saglit.

Ama naming makapangyarihan,

ang ipinagkatiwala mo kay San Jose
na misteryo ng kaligtasan ng sangkatauhan
noong ito ay iyong simulan ay lubusin mo ngayon
sa pagganap ng iyong sambayanan
pakundangan sa kanya ring panalangin
sa pamamagitan ni Hesukristo
kasama ng Espiritu Santo
magpasawalang hanggan.

Sasagot ang mga tao:

Amen.

LITURHIYA NG SALITA
HOMILIYA
PAGPAPAHAYAG NG PANANAMPALATAYA
 PANALANGIN NG BAYAN

Tagapagdiwang:

Kasama ni San Jose na isang lalaking marangal at may

dakilang pananampalataya, ilapit natin sa Ama, bilang isang
pamilya, ang lahat ng ating kahilingan. Ating idalangin:

Diyos na tagapagbigay ng lahat ng aming

pangangailangan, nagtitiwala kami sa iyo.

1. Ang Simbahang naglalakbay nawa’y humikayat sa mga tao sa

ganap na pagpapanibago ng kanilang buhay kay Kristo sa
pamamagitan ng kanilang tapat na pagpapatotooo sa salita at
gawa. Manalangin tayo.

2. Tulad ni San Jose, ang mga pinuno ng pamahalaan nawa’y hindi

mabigo sa kanilang tungkuling pangalagaan ang kapakanan ng
kanilang mga nasasakupan. Manalangin tayo.

3. Ang mga mag-asawa nawa’y magsama nang may pagkakasundo sa

pamamagitan ng tiwala at pag-unawa sa isa’t isa. Manalangin tayo.

4. Ang mga nangangalaga sa mga maysakit, mga matatanda, mga

may kapansanan, mga nagungulila o namimighati nawa’y
palakasin sa kanilang mga pagsisikap. Manalangin tayo.

5. Sa pamamagitan ni San Jose, ang mga namayaoa ay magtamasa

ng walang katapusang kapayapaan ng Diyos sa langit. Manalangin
tayo.

Tagapagdiwang:

Ama naming nasa Langit, sa iyong kagandahang-loob at

sa pamamagitan ni San Jose, ipagkaloob mo ang aming mga
hinihingi dala ng aming pananampalataya. Hinihiling namin
ito sa pamamagitan ni Kristo na aming Panginoon. Amen.
 PANALANGING PAGKAPAKINABANG
Tagapagdiwang:

Manalangin tayo.
Kung di pa nagaganap ang tahimik na pagdalangin, ito ay gagawin ngayon, at pagkaraan, ang
panalanging pagpapakinabang ay ipahahayag ng paring nakalahad ang mga kamay.

Ama naming mapagmahal,

ang iyong angkang nagagalak sa dakilang kapistahan ni
San Jose at iyong pinapakinabang sa banal na pagkain
sa iyong hapag ay lingapin mong lagi
at panatilihin mong tumanggap ng iyong kaloob
sa pamamagitan ni Hesukristo
kasama ng Espiritu Santo
magpasawalang hanggan.
Sasagot ang mga tao:

Amen.
 PAGHAYO SA PAGWAWAKAS
Pagkatapos, gaganapin ang paghayo. Ang paring nakalahad ng mga kamay sa mga tao ay
magpapahayag:

Sumainyo ang Panginoon.

Sasagot ang tao:

At sumaiyo rin.

Babanggitin ng pari o obispo:

Magsiyuko kayo habang iginagawad ang pagbabasbas.

Babasbasan ng pari ang mga tao habang kanyang ipinahahayag:

Ama naming mapagpala, ang mga nakikiusap na

makapamalaging tapat sa iyo ay manatili nawang
nananalig sa iyong pag-ibig at nagpapalaganap nito sa
kapwa-tao sa daigdig sa pamamagitan ni Hesukristo
kasama ng Espiritu Santo magpasawalang hanggan.

Sasagot ang tao:

Amen.

Tagapagdiwang:

Pakundangan sa pagdalangin ni San Jose, nawa’y

maging mga mabuting tagasunod at tagapaglingkod kayo
sa ating Diyos Ama, pakundangan sa pagmamahal na
ibinigay sa atin ng ating Panginoong Hesukristo
magpasawalang hanggan.
Tagapagdiwang:

Patnubayan nawa kayo ng Diyos Espiritu Santo na

naging sandigan ni San Jose sa mga pagsubok na kanyang
hinarap. Maging masunurin at mapagtalima nawa kayo sa
kalooban ng Diyos ngayon at magpasawalang hanggan.
Sasagot ang tao:

Amen.

Tagapagdiwang:

Pagpalain kayo ng makapangyarihang Diyos

Ama, at ng Anak,  at ng Espiritu Santo.

Sasagot ang tao:

Amen.

Ang diyakono o ang Tagapagdiwang na makadaop ang mga kamay ay magpapahayag ng

paghayo sa sambayanan:

Tapos na ang ating pagdiriwang.

Humayo kayo’t tularan ang ating pintakasing San Jose.
Sasagot ang mga tao:

Salamat sa Diyos.
Kakantahin ang Pangwakas na Awit.