KABANATA I

SULIRANIN AT KALIGIRAN NITO

Ang wika ay mahalagang pagkakakilanlan para sa lahat. Wika ang pundasyon upang

magkaroon ng koneksyon at pag-unlad hindi lamang sa sarili kung hindi pati na rin sa lipunan.

Sa Pilipinas, maraming mga diyalekto ng wika ang mayroon dito. Subalit ang madalas na

ginagamit sa Pilipinas ay Wikang Filipino o Tagalog kasama narin ang Unibersa na lenggwahe

ang Ingles. Maraming dayuhang bansa ang nakasakop sa bansang Pilipinas kaya't isa rin ito sa

pag-impluwensya ng iba't ibang dayuhang wika na naging parte narin ng kanilang

pagkakakilanlan. Sa pag-unlad ng ating bansa at pagbabago ng panahon nagbabago na rin ang

ating sariling wika. Ito ay marahil sa iba’t-ibang uring pakikipagtalastasan gamit ang

makabagong teknolohiya. Talamak din ang paggamit ng akronim sa social media kung saan

nagrerepresenta ang isang letra ng isang salita. Isa pa sa nauuso sa panahon ngayon ay ang

makabagong salita o slang word tulad ng selfie. Laganap din ngayon ang paggamit ng salitang

balbal kung saan ito ay tinatawag din na salitang kanto o kalye.

Sa makabagong panahon , marami nang pagbabago ang naganap sa wika sa paglipas

ng panahon. Mas pinapaunlad at kadalasang nagkakaroon ng 'short cut' sa salita at akronim.

Gumagamit din sila ng balbal at kolokyal. Ang balbal o islang (hango sa Ingles na slang) ay ang

mga salitang hindi pormal ngunit nagagamit sa pang-araw-araw na pananalita. Karaniwa’y

nililikha ito sa pagbabaliktad ng mga titik, o pag iibang-anyo sa salitang ugat. Samantala ang

pagpapaikli ng isa, dalawa, o higit pang salita ay mauuri bilang isang kolokyal.

Gamit ang Wikang Fiipino, maraming mga bagay ang maaari nitong baguhin na siyang

magdudulot ng maganda sa bawat isa sa atin. Sa pakikipag usap natin sa ating kapwa, mas

nauunawaan natin ang kanilang mga pahayag at nasasabi natin ng maayos ang gusto nating
sabihin sa kanila. Dahil sa ating wika, nakakabuo tayo ng panibagong relasyon sa iba pa nating

kapwa at isa sa magandang dahilan kung bakit napakahalaga ng wika. Kung wala ang wika

paano tayo? Kung wala ang wika, paano uusbong ang ating bansa? Kung ating iisipin, sa pag

aaral ng wikang Filipino, makakadagdag ito sa ating bokabularyo na syang makakatulong sa

pagpapaunlad nito. Sa pag dami ng ating nalalaman patungkol sa ating wika, mas mapapadali

at mapaghuhusay kung tayo ay gumagawa ng mga sulatin at paggawa ng akda. Dahil na rin sa

makabagong panahon, umusbong ang ating bansa at nagkaroon ng teknolohiya na syang

maraming epekto sa ating wika.

Una ay ang pagiging asa na lamang sa teknolohiya sa mga pang araw araw na

pangangailangan na siyang isa sa dahilan kung bakit nagkukulang ang ating kaalaman tungkol

sa sarili nating wika. Sa paggamit din ng teknolohiya, mas napapadali ang makipag usap sa

ibang tao at nasasabi natin ng lubusan ang mga pahayag na gusto nating masabi sapagkat mas

nagkakaroon ng lakas ng loob ang tao upang maihayag ang nais na ihayag gamit lamang ang

pag pindot na walang kilos na nagaganap. Ang pakikipag usap na ito gamit lamang ang isang

gadget ay naimbento upang makatulong na makipag komunikasyon kahit pa magkalayo ang

nag uusap ngunit may mga epekto rin ito sa wika. Nasasanay silang makipag usap sa teks at

naiiba ang pagbaybay nila sa mga salita na siyang masamang epekto sa larangan ng pag sulat.

Dahil dito, matinding pag aalala ang namagitan sa mga guro sapagkat lalong nauubusan ng

kaalaman ang mga estudyante dahil sa pakikipag usap gamit ang teks. Subalit kung mayroon

lamang na disiplina sa pag gamit ng teks, hindi mag kakaroon ng problema sa larangan ng

pagsulat at magkakaroon pa rin tayo ng respeto sa ating wika. Nawawalan din ng halaga ang

mga naituturo sa eskwelahan dahil nagpopokus ang mga pananaw ng mga tao sa nakikita nila

sa teknolohiya.

Marami tayong problemang tinatahak sa sarili nating wika ngunit ang suliraning pang

teknolohiya ang pinaka nangibabaw. Bakit? Dahil sa mga kabataan, sa teknolohiya na lamang
sila umaasa at nakakalimutan na ang tamang pag gamit ng mga salita. Nagkukulang ang

kanilang kaalaman at hindi naisasabuhay ang mga naituturo sa eskwelahan. Ang mga

estudyante ngayon ay umaasa sa teknolohiya sa pag gawa ng mga sanaysay at iba pang

sulatin na syang hindi nararapat sa bawat isa. Nagkukulang sa pagkukusa at nagiging dahilan

bakit nagiging alibugha ang mga estudyante. Halos lahat ng estudyante ay dito umaasa sa

halip na mag tiyaga at gamitin ang mga natututunan sa eskwelahan. Nagiging dahilan din ito ng

pag gamit nila ng mga maling pagbabay bay sa mga salita. Kung gagawa tayo gamit ang

teknolohiya, marapat na siguraduhing tanging gabay lamang ito sapagkat hindi nakakabuti kung

lahat na lamang ay iaasa dito. Tulungang pausbungin ang kaalaman gamit ang sarili hindi gamit

ang teknolohiya. Sa halip na magdulot ng magaganda sa pang unawa natin sa wika ay mas

nauubusan pa tayo ng kaalaman at mga maling pang wika ang natututunan.

Kung gagamitin natin ng maayos ang teknolohiya, walang suliranin, walang sagabal sa

pag aaral ng wika at mas mapapaunlad natin ang wikang Pambansa. Hindi lamang teknolohiya

ang solusyon sa mga problemang pumapatungkol sa mga sulatin. Para saan pa ang itinuturo ng

mga guro sa paaralan kung lahat na lamang ay iaasa natin sa teknolohiya? Marahil ay nagiging

tamad lamang tayo sa paglikha gamit ang ating kaisipan dahil mas naiisip natin na mas madali

kung gagamit tayo ng teknolohiya sa lahat ng gawain. Malaking tulong sa atin ang teknolohiya

pero wag naman nating lubos lubusin dahil tayo lamang din ang mahihirapan sa ating mga

sarili. Masosolusyunan natin ang problema sa paggamit ng teknolohiya kung gagamitin natin ito

sa tamang paraan at nang may disiplina. Layunin nitong magbigay tulong sa atin upang mas

mapadali ang mga gawain ngunit wag naman natin itong gawing dahilan upang magkulang lalo

ang ating kaalaman sa wika. Nasanay na tayo sa paggamit ng teknolohiya at mahihirapan na

tayong iwasan ito dahil ito na ang makabagong ginagamit ng mga tao. Pinauunlad tayo nito at

tinutulungang umusbong kaya’t wag natin gawing dahilan ito upang magdulot ng masamang
kagagawian. Bagkus tulungan natin ang ating mga sarili gamit ang teknolohiya upang lalong

umusbong at mapayabong ang ating wika.

PAGLALAHAD NG SULIRANIN

Upang matukoy ang partikular na problema, ang mga tanong sa ibaba ay masasagot sa tulong

ng pag aaral na ito.

1. Ano ang epekto ng teknolohiya sa pagpapaunlad ng bokabularyo ng mga estudyanteng

nag aaral sa SRA?

2. Paano naka impluwensya ang teknolohiya sa pagpapaunlad ng bokabularyo sa mga

mag aaral?

3. Paano nalampasan ng mga mag aaral ang mga naging sabagal sa pagpapaunlad ng

kanilang bukabularyo gamit ang teknolohiya?

LAYUNIN NG PAG AARAL

Ang bawat problema ang may solusyon. Para makahanap ng impormasyon, dapat may mga

layunin na makakatulong upang matuklasan ang mga sagot sa bawat katanungan. Ang mga

sumusunod ay dapat makamit ng naaayon;

1. Matukoy ang epekto ng teknolohiya sa mga mag aaral sa pag papaunlad ng kanilang

bokabularyo

2. Masuri kung paano naka impluwensya ang teknolohiya sa pagpapaunlad ng

bokabularyo sa mga mag aaral

3. Matukoy kung paano natuklasan ang mga problemang kinaharap sa pagpapaunlad ng

bokabularyo ng mga mag aaral gamit ang teknolohiya.

KAHALAGAHAN NG PAG-AARAL

Ang pag aaral na ito ay magiging tulong at gabay sa mga sumusunod:

1. Sa mga kabataan at mag aaral

Ang pananaliksik na ito ay magsisilbing tulong sa kanila upang mas mapakinabangan

ang teknolohiya sa pag papaunlad ng kanilang bokabularyo sa paggamit ng wika.

2. Sa mga guro

Ang pananaliksik na ito ay magsisilbing gabay upang makapagturo sila ng wasto at

magkaroon pa ng kaalaaman na siyang mababahagi pa sa mga mag aaral at mabigyang

aral ang mga estudyanteng nangangailangan ng sapat na kaalaman patungkol sa wika.

3. Sa mga susunod pang henerasyon

Ang mga pananaliksik na ito ay makakatulong upang mag karoon ng kaalaman sa iba’t

ibang dahilan na maaaring mag udyok sa kanila upang ipagpatuloy ang pagpapaunlad

ng kanilang bokabularyo sa paggamit ng teknolohiya.

SAKLAW AT LIMITASYON

Ang pag aaral na ito ay layunin na malaman kung paano nakakaapekto sa pagpapaunlad

ng bokabularyo gamit ang teknolohiya. Upang maging maayos ang pananaliksik na ito, inalam
 namin ang mga pananaw ng mga mag aaral sa baitang labing isa ng Santo Rosario Academy of

Alupay, Rosario, Batangas, panuruan 2022-2023. Dalawampu(20) ang bilang ng mag aaral sa

baitang sampu na naging bahagi ng aming sarbey sa pananaliksik na ito.

BATAYANG KONSEPTUAL

INPUT PROSESO OUTPUT

Kaming mga mananaliksik ay Kaming mga mananaliksik ay Inaasahan na malaman ang

nais mabatid kung paano nagsagawa ng sarbey upang pananaw o opinyon ng mga

umaapekto ang teknolohiya malaman ang pananaw o mag aaral tungkol sa epekto

sa pag papaunlad ng opinyon ng mga mag aaral ng pag gamit ng teknolohiya

bokabularyo ng mag aaral sa tungkol sa epekto ng sa pagpapaunlad ng kanilang

baitang sampu ng Santo paggamit ng teknolohiya sa bokabularyo. Inaasahan rin

Rosario Academy. pagpapaunlad ng sa pagtatapos ng

bokabularyo ng mga mag pananaliksik na ito ay

aaral. Namahagi kami ng malaman ang mga naging

talatanungan sa solusyon sa mga problemang

dalawampung(20) mag-aaral kanilang nakaharap sa

mula sa baitang labing pagpapaunlad ng kanilang

sampu ng Santo Rosario bokabularyo gamit ang

Academy. teknolohiya.
DEPENISYON NG TERMINOLOHIYA

Alibugha- pagiging iresponsable

Akronim- inisyal o ang mga unang pantig ng mga salita upang makalikha ng mga bagong

salita.

Baybay- ang salita o mga salita na dapat nakasulat gamit ang lahat ng kinakailangang mga titik

sa naaangkop na pagkakasunud-sunod.

Bokabularyo- ay binubuo ng mga salita sa isang wika na pinaka nakasanayan ng isang tao

Pakikipagtalastasan- pagpapalitan ng mga ideya sa pagitan ng mga kalahok sa

komunikasyon.

Pausbungin- ibig sabihin nito ay pag-unlad paglaki, pagdami ng bilang o pagyaman.

Pundasyon- ang isang tapat o simpleng bagay, piraso ng impormasyon, o ideya na maaaring

isama sa isang mas malalim na antas ng kaalaman.

Slang- impormal na mga termino na ginagamit pa rin sa pang araw araw na pananalita

Talamak- nangangahulugang maraming gumagamit o tumatanggap.

Talatanungan- isang disenyo o metodo sa isang pananaliksik na ginagamit ng mananaliksik

kung saan sinusulat ang mga tanong.

Teknolohiya- ang paglikha at paggamit ng kagamitan, makinarya, kasangkapan, at

pamamaraan upang tumulong sa paglutas ng mga problema ng mga tao.

Teks- ginamit upang makipag komunikasyon mula sa iba't ibang lokasyon sa buong mundo

Tinatahak- mga sitwasyon na pinagdadaanan sa isang partikular na suliranin

Udyok- pagkumbinsi sa isang bagay

Unibersa- umiiral sa lahat ng dako o kinasasangkutan ng lahat