Ang aking iginuhit ay may temang “ang mga tugon at kung
paano ipinagtangol ng mga Pilipino ang kanilang sariling laban sa mga mapang-abusong Espanyol”. Sa aking iginuhit ay matatanaw natin ang watawat ng Pilipinas. Sa kanang bahagi naman nito ay makikita natin si José Protacio Rizal Mercado y Alonso Realonda o mas kilalang Jose Rizal, isang bayani na sumulat ng Noli me Tangere at El Fulibusterismo. Ginamit niya ang kanyang lakas sa panunulat laban sa mga Espanyol. Masisilayan din natin dito ang mga letrang “KKK” na ngangahulugan na Kataas-taasang, Kagalang-galangang Katipunan ng mga Anak ng Bayan. Mayroon din dito na mga katutubong Pilipino na gustong mag-alsa dahil hindi nila hinayaan na sila ay maging sunud-sunuran na lamang sa mga kautusan ng mga Espanyol. Ngunit ang ibang mga katutubong Pilipino ay mas piniling manatili na lamang sakanilang sitwasyon kaysa sila ay sumuway sa mga kautusan at maparusahan. Sa tingin ko, nanahimik na lamang sila at nagtiis sa hirap dahil para nalang din ito sa kanilang sariling kaligtasan.