ANG DAAN TUNGO SA KAPATAWARAN

2 Cronica 7:13-16

Nang matapos ni Solomon ang pagpapatayo ng templo ng PANGINOON at ng

11 

kanyang palasyo. Natapos niya ang lahat ng binalak niya para rito. 12 At isang
gabi, nagpakita sa kanya ang PANGINOON at sinabi, “Narinig ko ang panalangin
mo at pinili ko ang templong ito na lugar para pag-aalayan ng mga handog.

“Halimbawang hindi ko paulanin, o kaya namaʼy magpadala ako ng mga

13 

balang sa lupa na kakain ng mga tanim, o magpadala ako ng salot sa aking mga
mamamayan; 14 at kung ang mga mamamayan ko na aking tinawag ay
magpakumbaba, manalangin, dumulog sa akin, at tumalikod sa ginagawa nilang
kasamaan, diringgin ko sila mula sa langit at patatawarin ang kanilang
kasalanan, at pagpapalain ko ulit pagpapalain ang kanilang lupain. 15 Papansinin
ko sila at pakikinggan ang kanilang mga panalangin sa lugar na ito, 16 dahil ang
templong ito ay pinili kong isang lugar kung saan pararangalan ako
magpakailanman. Iingatan ko ito at laging aalagaan.

Panimula

Bilang isang bayan o isang iglesya, paano ba tayo dapat humaharap sa Diyos
para sa kanyang kapatawaran at pagpapala ng pangko?

I. MANUMBALIK SA ATING DIYOS (v.12-14a)

- Mahalagang kilalanin muna natin na ang mga talatang binasa natin ay
direktang pangungusap ng Diyos para sa kanyang baying pinili, ito ay ang
Israel:
 Ang aklat ng Cronica ay naglalaman ng iba pang mga detalye na hindi
matatagpuan sa 1 at 2 Mga Hari. Nakatutok ang mga kwento sa mga
haring kabilang sa lahi ni David at maging sa mga hari ng Judah.
 Sa panahong ito, makikita din ang paghahari ni Solomon, ang anak ni
David na pinili upang magtayo ng temple na naunang nai-plano ni
Haring David ngunit hindi ito pinahintulutan ng Diyos.
 Ang ugat ng mga talata ay makikita sa 2 Cronica 6, kung saan ay
nanalangin si Haring Solomon sa altar ng templo upang ipahayag ang
kanilang pakikipagkasundo para mapanatili ang pangako ng Diyos para
sa bayan ng Israel, tulad ng kung paano ito ipinangako kay Haring David
 Ang mga talata mula sa 7 ay ang katugunan naman ng Panginoong Diyos
sa panalangin ni Haring Solomon
- Ang Panawagan ng Diyos (v.13-14a)
 Sa panahon ng lumang tipan, ang Diyos ay nagpapadala kaparusahan sa
hindi pagsunod ng mga israelita. Ito ay kaakibat ng pangako ng Diyos sa
Israel.
 “Kung hindi nʼyo pauulanin, dahil nagkasala ang inyong mga
26 

mamamayan sa inyo, at kung manalangin po silang nakaharap sa

templong ito at magpuri sa inyo, at magsisi sa kanilang mga kasalanan
dahil pinarusahan nʼyo sila, 27 dinggin nʼyo po sila riyan sa langit.
Patawarin nʼyo po sila na inyong mga lingkod, ang inyong mga
mamamayang Israelita. Turuan nʼyo po sila ng matuwid na pamumuhay,
at padalhan ng ulan ang lupain na inyong ibinigay sa kanila bilang pag-
aari.
2Cronica 6:26-27
 Tunay na ang Diyos ay makatarungan, isa ito sa kanyang mga taglay ng
katangian. Ngunit ang Diyos din ay mapagmahal at hindi maramot sa
pagpapatawad

at kung ang mga mamamayan ko na aking tinawag ay magpakumbaba,

14 

manalangin, dumulog sa akin, at tumalikod sa ginagawa nilang

kasamaan, diringgin ko sila mula sa langit at patatawarin ang kanilang
kasalanan, at pagpapalain ko ulit pagpapalain ang kanilang lupain. 
2Cronica 7:14
 Ang hinihingi ng Panginoon na aksyon para sa kapatawaran ng kanyang
bayan ay ang mga sumusunod:
a. Magpakumbaba (pag-amin na tayo ay makasalanan)
b. Manalangin (paglapit sa Diyos)
c. Siyasatin (pagtuon ng atensyon sa nais o kalooban ng Diyos)
d. Tumalikod sa Maling Gawain (Mga bagay na ginagawa natin na hindi nais
ng Diyos)

II. ANG PANGAKONG KAAKIBAT NG KAPATAWARAN (v.14b-16)

- Diringgin at Pagagalingin! (v.14-15)
 Sa pagpapakumbaba at pagtalikod sa mali, nasisiguro natin na diringgin
muli ng Diyos ang mga panalangin, magpapatawad at pagagalingin ang
lupain. Ito ay katulad ng pinakitang katangian ng Diyos mula sa 1Juan
1:9:
9 
Kung ihahayag natin ang ating mga kasalanan, siya ay matapat at
matuwid na magpapatawad at maglilinis sa atin sa lahat ng ating
kalikuan.
1Juan 1:9
 Bilang isang iglesya, napakahalagang buong kumpyansa ang ating
pananampalatayang pinapakinggan tayo ng Diyos sa ating panalangin.
Kaya minarapat ng Diyos na upang mapatawad ay magpakumbaba tayo
at umamin sa ating mga pagkakasala:
12 
Ito ay sapagkat ang mga mata ng Panginoon ay nasa mga matuwid.
Ang kaniyang tainga ay dumirinig ng kanilang panalangin. Ngunit ang
mukha ng Panginoon ay laban sa mga gumagawa ng masama.
 1Pedro 3:12
- Tayo ay Pinili (v.16)
 Katulad ng kung paano dininig ng Diyos ang mga israelita, naniniwala
din tayo bilang isang iglesya na pinili tayo ng Diyos:
16 
Hindi nʼyo ba alam na kayoʼy templo ng Dios, at ang Espiritu ng Dios
ay naninirahan sa inyo?
1Corinto 3:16
9 
Ngunit kayo ay isang lahing hinirang, makaharing pagkasaserdote,
isang bansang banal at taong pag-aari ng Diyos. Ito ay upang ipahayag
ninyo ang kaniyang kadakilaan na siya rin naman ang tumawag sa inyo
mula sa kadiliman patungo sa kaniyang kamangha-manghang
kaliwanagan.
1Pedro 2:9
 Ganunpaman, huwag natin kakalimutan na tayo ay pinili para sa isang
layunin. Hindi magiging ganap ang layuning ito kung hindi natin ito
magagampanan. Bilang pinili ng Diyos ay marapat na tayo ay
maglingkod alinsunod sa kahabagan ng kapatawarang nakamit natin
buhat sa kanya
a. Gawin ang Dakilang Tagubilin (Mateo 28:18-20)

At lumapit si Jesus at nagsalita sa kanila, na sinasabi: Lahat ng

18 

kapamahalaan ay ibinigay sa akin sa langit at sa lupa. 19 Humayo nga

kayo. Gawin ninyong alagad ang lahat ng mga bansa, inyong
bawtismuhan sila sa pangalan ng Ama at ng Anak at ng Banal na
Espiritu. 20 Turuan ninyo sila na ganapin ang lahat ng mga bagay na
aking iniutos sa inyo. At narito, ako ay kasama ninyo sa lahat ng mga
araw hanggang sa katapusan ng kapanahunang ito. Siya nawa!

b. Maglingkod sa iglesya (Galatia 5:13-14)

13 
Ngayon mga kapatid, tinawag kayo ng Diyos upang kayo ay maging
malaya. Huwag lamang ninyong gamitin ang inyong kalayaan na
maging pagkakataon para sa makalamang pita. Sa halip, sa
pamamagitan ng pag-ibig ay maglingkod kayo sa isa’t isa. 14 Ito ay
sapagkat sa isang salita ay natupad ang buong kasulatan: Ibigin mo
ang iyong kapwagaya ng pag-ibig mo sa iyong sarili.

c. Paglingkuran ang Panginoon (Deuteronomio 13:4)

4 
Ang PANGINOON ninyong Dios lang ang dapat ninyong sundin at
igalang. Tuparin ninyo ang kanyang mga utos at sundin nʼyo siya;
paglingkuran siya at manatili kayo sa kanya.
PAGTATAPOS

Bagamat totoong ang mga salitang ito ay ibinigay ng Diyos para lamang sa
Israel bilang tugon niya sa pakikipagkasundo ng kanyang bayan, hindi natin
maiaalis na ang Diyos noon ay ang parehas na Diyos ngayon at higit sa lahat ay
ang Diyos sa mga darating pang panahon.

Mahalagang Makita natin araw-araw na tayo ay nagkakasala laban sa ating

Diyos. Kung nais natin makita ng lubusan ang inihanda ng Diyos para sa ating
iglesya, ay marapat na tayo ay tunay na magpakumbaba, manalangin, siyasatin
siya at tumalikod sa mga mali nating gawain.

Sigurado ang tagumpay natin kung tayo ay laging dumoon sa presensya at

kalooban ng Diyos. Pinili tayo ng Diyos at nananampalataya tayong hindi niya
tayo pababayaan habang tayo ay sumusunod sa Kanya.
16 
dahil ang templong ito ay pinili kong isang lugar kung saan pararangalan ako
magpakailanman. Iingatan ko ito at laging aalagaan.
2 Cronica 7:16

Banal na Hapunan

Panginoon, kami ay lumalapit sa Iyo na may buong pagpapakumbaba, aming

isinusuko sa iyong paanan ang aming mga buhay upang ikaw ang siyang
maghari sa lahat ng aming gagawin. Sa pakikibahagi namin sa gawain ng pag-
alaala sa pag-aalay mo ng Iyong buhay para sa sanlibutan, pagpalain mo ang
bawat isa sa amin at tunay na bigyan mo ng kaunawaan at kamalayan na ito ang
isa sa mga katotohanan sa aming pananampalataya na dapat naming
isapamuhay. Basbasan mo ng iyong kabanalan ang mga tinapay at kopang ito

Sapagkat ito ang turo na tinanggap ko mula sa Panginoon at ibinigay ko

23 

naman sa inyo: noong gabing siya'y ipagkanulo, ang Panginoong Jesus ay

dumampot ng tinapay, 24 nagpasalamat at pinagpira-piraso iyon, at sinabi, “Ito
ang aking katawan na inihahandog para sa inyo. Gawin ninyo ito bilang pag-
aalaala sa akin.” 25 Matapos maghapunan, dumampot din siya ng kopa at sinabi,
“Ang kopang ito ang bagong tipan na pinagtitibay ng aking dugo. Tuwing
iinumin ninyo ito, gawin ninyo bilang pag-aalaala sa akin.” 26 Sapagkat tuwing
kakain kayo ng tinapay na ito at iinom sa kopang ito, ipinapahayag ninyo ang
kamatayan ng Panginoon hanggang sa kanyang muling pagparito.

Maraming Salamat Panginoon sa iyong dakilang gawa! Dalangin namin ang

iyong pagsama sa bawat isa, at pagpapaalala na ang aming buhay ay naglalayon
lamang na ipahayag ang biyaya ng iyong pag-ibig at kaligtasan hanggang sa
iyong muling pagbabalik! Sa iyo O’Diyos ang lahat ng papuri at pagsamba sa
pangalan n gaming Panginoong Jesu-Kristo, Amen!

Benediction

Kami ay nagpapasalamat sa iyo O’Panginoon para sa Iyong banal na presensya

sa oras na ito. Sa ganitong paraan, kami ay nananalangin para sa Iyong patuloy
na pagsama, pagpapala ng kalakasan, karunungan, kalusugan at mayamang
probisyon na dumaloy para sa mga anak mong nagkatipon sa gawaing ito.
Sinasaway namin, sa Pangalan ni Jesus, ang lahat ng gawa ng kaaway sa aming
buhay at patuloy mo kaming protektahan O’Diyos mula sa kasakitan at
anumang sakuna na maaaring mangyari. Pagyamanin at pagtibayin mo pa ang
aming pananampalataya sa pamamagitan ng Banal na Espiritu at ng iyong Salita

Sapagkat ang lahat ng bagay ay mula sa Iyo, sa pamamagitan Mo at pag-aari

Mo. Sa iyo namin inaalay ang pinakamataas na papuri, pagsamba, pagdakila at
pagluwalhati. Sa ngalan ng Ama, at ng Anak, at ng Banal na Espiritu,
magpasawalang hanggan. Amen at amen!