mga linya dito. Marami man ang nasa wikang Filipino, sa lirika ng kanta, mayroon din namang mga banyagang wika kagaya ng camera, caption, upload, share, facebook, documentation, nation, trip, baby, click, time, crime at marami pang iba. Mayroon din namang imbentong salita katulad ng "selfie", na noong panahon ng kasikatan ng kanta na ito, ay palagiang nagagamit ang salitang ito. Ang kantang ito ay nagpapahiwatig kung paano gumagalaw ang mga tao sa makabagong panahon, lalong lalo na ang mga ika nga ay kabilang sa "Gen Z" o ang mga kabataan. May kaugnayan pa rin ito sa panahon ngayon, marami sa atin nga naman ang kukunan muna ng litrato ang pagkain bago ito kainin, upang ma-iupload sa facebook o di kaya naman sa tinatawag nating instagram ngayon. Mensahe ng awitin na lahat tayo ay may kani-kaniyang ganda ng itsura, at kinakailangan nating ngumiti kahit pa minsan. Ang araw-araw na pamumuhay minsan ay paulit-ulit o paiba-iba. Mayroong mga bagay na nais natin na maitabi kung kaya naman, sa kantang ito, halos kahit anong ginagawa ay kinukunan ng litrato. Mensahe din ng kantang ito na maaari nating madama ang iba't-ibang emosyon. Ang iba't-ibang salita na nagamit dito ay maaaring naimbento, hiram o luma na ngunit nabuhay muli ang mga salita.