Caleb James M.

Baldo
BSDEVC2101

“Usbong”
Mula sa isang buto
Ang Pagsisimula ko
Gamit ang aking kamay
Pinunla, isang buhay

Doon rin nagsimula

Siyang aking pag-asa
Pagdating ng panahon
May tutubo’t uusbong

Sa paglipas ng araw
Biglang aking natanaw
Para bang nahihiya
Na sumilip sa lupa

Kulay luntiang sangay

Maliit at dalisay
Na s’yang masayang masdan
Maliit na halaman

Araw-araw may dilig

Ginagamit ang tinig
Upang di siya malungkot
At di mamaluktot
 Ilang araw lumipas
Siyang ikot ng oras
At aking nasilayan
Matayog na halaman

Labis ang aking tuwa

Parang nanay sa bata
Kaisipa’y nabuo
Hihintaying tumubo

Ilang araw ngang muli

Ako ay napangiti
‘Sang makulay na bagay
Masamyo at may buhay

Halama’y namulaklak
Ako’y napahalakhak
Dahil kaunti na lang
Siyang hihintaying habang

Pumikat at minulat
Magiliw na nag-unat
Ito na nga ang araw
Na may bungang tatanglaw

Pagtingin sa halaman
Kitang-kita ang laman
Mga bungang mapula
At puno ng sustansiya
 Ito’y aking pinitas
Tinikmang kumakaripas
Lasang-lasa ang sarap
Siyang tumimo sa hagap

Nagbunga na ang hirap

Napatingin sa ulap
Kay sarap isipin
May buhay ang tinanim

Sana ay ikaw naman

Magtanim ng halaman
Upang ang kalikasan
Sumaya ng lubusan

-Wakas-