Teodoro M.

Luansing College of Rosario

Namunga, Rosario, Batangas

SENIOR HIGH SCHOOL DEPARTMENT

Name of Teacher: Kimberly S. Gamboa
Subject:Pagbasa at Pagsusuri ng Iba’t-Ibang Reference:Pagbasa at Pagsusuri ng Iba’t-
Teksto tungo sa Panananaliksik Ibang Teksto tungo sa Panananaliksik
Academic Year: 2020-202 Author: Crizel Sicat-De Laza, Jessica Dela
Peña, Ph. D. at Daisy T. Inalves, Ph.D.
Semester:Second Topic: Tekstong Deskriptibo
Quarter: 3 Pages: 50-58 at 23 - 31
Duration: 1 Week Module: 4

PAMANTAYANG PANGNILALAMAN:
Nasusuri ang iba’t-ibang uri ng binsang teksto ayon sa kaugnayan nito sa sarili, pamilya,
komunidad, bansa at daigdig.
PAMANTAYAN SA PAGGANAP:
Nakasusulat ng isang panimulang pananaliksik sa mga penomenang kultural at panlipunan
sa bansa.
CODE: F11PT – IIIa – 88 F11PU – IIIb – 89 F11PS – IIIb – 91
I. MGA LAYUNIN SA PAGKATUTO (LEARNING OBJECTIVES) :
1. Natatalakay ang iba’t-ibang paraan at uri ng paglalarawan;
2. Nakikilala at nasusuri ang mga halimbawa ng tekstong naglalarawan;
3. Nakapipili ng angkop na mga salitamg naglalarawan;
4. Nakasusulat ng maikling tekstong naglalarawan; at
5. Nakabubuo ng isang photo essay.
II. PANIMULA (INTRODUCTION)
Mula sa paglalarwan sa sarili, mahalaga rin na kilalanin ang uri ng lipunan kaligirang
ginagalawan. Sa pamamagitan ng paglalarawan, maaaring magbigay ng matalas na komentaryo
ang isang manunulat.

Sa susunod na aralin, palalawigin ang anyo, katangian at mga layunin ng isang tekstong
deskriptibo. Tunghayan kung paanong nagpipinta ng makulay na larawam ang manunulat gamit
ang mga salita.
 Teodoro M. Luansing College of Rosario
Namunga, Rosario, Batangas

III. DEVELOPMENT

Ang Paglalarawan: Tekstong Deskriptibo

Ang Tekstong Deskriptibo ay may layuning maglarawan ng isang bagay, tao, lugar,
karanasan, sitwasyon at iba pa. Ang isang tekstong naglalarawan ay gumagamit ng iba’t-ibang uri
ng pandama na tumutukoy sa paningin, pang-amoy, pansalat, panlasa at pandinig. Taglay rin nito
ang tono o damdaming nangingibabaw sa kabuuan ng isang akda. Ang uri ng sulating ito ay
nagpapaunlad sa kakayahan ng mag-aaral na bumuo at maglarawan ng isang partikular na
karanasan. Dagdag pa, nagbibigay ang sulatin na ito ng pagkakataon na mailabas ng mga mag-
aaral ang masining na pagpapahayag. Layunin ng sining ng deskripsyon na magpinta ng matingkad
at detalyadong imahen na makapupukaw sa isip at damdamin ng mga mambabasa.

Ang paglalarawan ay maaaring isagawa sa pamamagitan ng progresibong paraan, piktoryal

o grapikong paglalarawan, pagtutulad at pag-iiba, masining o di tuwr\irang paglalarawan at
siyentipiko o teknikal na paglalarawan.

Dahil ang deskripsyon ay isang uri ng paglalahad at naisasagawa rin sa pamamagitan ng

mahusay na ekposisyon, madalas na nahihirapan ang mga manunulat na gumawa ng sulating
purong paglalarawan lamang ang nialalaman.

Halimbawa, sa isang Tekstong Naratibo, pinatitingkad ng mahusay na paglalarawan ang

kulay ng isang lugar kung saan nangyayari ang kuwento. Ipinakilala nito ang hitsur, ugali, at
disposisyon ng mga tauhan. Sa isang prosidyural na tekstp, natitiyak din ng mambabasa ang
hitsura, katamgian at kalikasan ng yarinf produkto sa pamamagitan nf deskripsyon. Pinatatag ng
paglalarawan ang anomang porma ng sulatin kung mahusay at angkop ang pagkakagamit nito.
Samakatuwid, mahalagang gamit ng deskripsyon ang pagkuha sa atensyon ng mambabawa upang
maipaliwanag ang oryentasyon ng isang malikhaing akda. Kinapapalooban ito ng paglikha at
paglalarawan sa tauhan at lunan o setting ng isang akdang pamapanitikan.

Katangian ng Tekstong Deskriptibo

Narito ang tatlong katangian ng Tekstong Deskriptibo na maaring gumabay sa pagsulat
nito.

1. Ang Tekstong Deskriptibo ay may isang malinaw at pangunahing impresyon na nililikha

sa mga mambabasa. Halimbawa, sa paglalarawan kay Tano sa bahagi ng nobelang binasa,
namili ang awtor ng lilikhaing impresyon tungkol sa tauhan na isang magsasaka. Ang
pagsasaka ba ay masayang gawain gaya ng mga nakapinta sa obra ni Fernando Amorsolo
kung saan nakangiti lagi ang mga magsasaka o ito ba ay isang mahirap at mabigat na
gawain? Sa paglikha ng dominante at pangunahing impresyon, dapat na magdesisyon ang
manunulat kung ano ang mas magsisilbi sa kuwentong kaniyang ilalahad.

2. Ang Tekstong Deskriptibo ay maaring maging obhetibo o subhetibo, at maaari ding

magbigay ng pagkakataon sa manunulat na gumamit ng iba’t ibang tono at paraan sa
paglalarawan. Ang obhetibong paglalarawan ay mga direktang pagpapakita ng
 Teodoro M. Luansing College of Rosario
Namunga, Rosario, Batangas

katangiang makatotohanan at di mapasusubalian. Halimbawa. Kung ilalarawan ang isang

kaibigan. Maaring ibigay ang taas, haba ng buhok, kulay ng balat o kursong kinukuha. Ang
subhetibong deskripsyon naman ay maaaring kapalooban ng matatalinghagang
paglalarawan at naglalalamn ng personal na persepsiyon o kung ano ang nararamdaman ng
manunulat sa inilalarawan. Halimbawa, maaaring ilarawan ang kaibigan bilang hingahan
ng sama ng loob, madalas na nakapagpapagaan ng mga suliranin, o kaya ay bukas na libro
sa lahat dahil sa maingay at liberal nitong katangian.

3. Ang Tekstong Deskriptibo ay mahalagang maging espisipiko at maglaman ng mga

konkretong detalye. Ang pangunahing layunin nito ay ipakita at iparamdam sa mambabasa
ang bagay o anomang paksa na inilalarawan.

Mga Uri ng Paglalarawan

1. Objektiv o Konkretong Paglalarawan
Ang paglalarawang ito ay tumutukoy sa karaniwang anyo ng paglalarawan na naaayon sa
nakikita. Impormasyon lamang ukol sa inilalarawan ang isinasaad, hindi ito nahahaluan ng
anumang emosyon, saloobin at ideya.
Halimbawa: Si Victor ay matanda na.
2. Masining o Sabjectiv na Paglalarawan
Ang masining o sabjectiv na uri ng paglalarawan ay tumutukoy sa mga akdang napapalooban
ng damdaamin at pananaw ng manunulat ukol sa kanyang inilalarawan. Ang ganitong uri ng
paglalarawan ay naglalarawan ng isang paksa batay sa kung paano ito binibigyang kahulugan o
tinitingnan. Karaniwan itong ginagamit sa pagsulat ng mga tula, nobela at maikling kwento.
Layunin niyo na pakilusin at palawakin ang guni-guni ng mambabasa.
Halimbawa: Si Victor ay lipas na sa panahon.
3. Teknikal na Paglalarawan
Ang paglalarawang ito ay gimagamit sa pagbibigay ng katangian sa larangan ng agham at mga
teknikal na sulatin. Ginagamit ito upang eksaktong ipakita ang representasyon ng mga bagay-
bagay at pangyayari.
Halimbawa: Anatomika ng katawan ng tao
Sa pagsulat ng Teknikal na paglalarawan mahalaga na isaalang-alang at sagutin ang mga
sumusunod na mga katanungan:

• Ano iyon?
• Para saan iyon?
• Ano ang nagagawa?
• Ano ang nangyayari pagkatapos na magawa iyon?
 Teodoro M. Luansing College of Rosario
Namunga, Rosario, Batangas

• Saan iyon gawa?

• Anu-ano ang mga batayang bahagi niyon?

Sa aklat ni Rubin et. al. isinasaad na mahalaga rin na isaalang-alang ang mga sumusunod
na prinsipyo sa Pglalarawan:
1. Simulant sa depinisyon ng bagay na inilalarawan.
2. Ilahad ang tungkulin nito, ano ang ginagawa nito o para saan ito.
3. Ilarawan ang hitsura nito. Gumamit ng anolohiya sa mga bagay na komplikado at
mahirap ilarawan.
4. Gumamit ng mga ilustrayon ipang matulungan ang mga babasa na mabuo ang larawan
ng anyo, laki, dimension, hugis nito, kaugnay pa rin ng mga bahagi at kabuuan.
5. Ipaliwanag kung bakit ganoon gumalaw o magtrabaho ang bagay na inilalarawan.
6. Gamigin ang mga hakbang bilang 1 – 5 na nabanggit uoang ilarawan ang bawat
pangunahing bahaginng may mahalagang tungkulin at prinsipyo ng pagpapatakbo nito.