Tim Itim

Panulat ni: Lovely Jane S. Millare Pagguhit ni: Joshua C. Edrosalam

Pag-aanyo ni: Jay Lord B. Gallarde Pamatnugot ni: Cheryl Raymundo-Ramiro, Phd
Tim Itim
Ni Lovely Jane Secretario Millare
 Pag-uugnay sa Kurikulum ng Unang Baitang
Ang kwentong ito ay nakapaluob sa kurikulum ng Unang Baitang .

ARALING PANLIPUNAN
NILALAMAN PAMANTAYANG PAMANTAYANG KAUGNAYAN SA ARAL NA
(Content) PANGNILALAMAN PAGKATUTO KWENTO MAKUKUHA
(Content (Learning
Standard) Competencies)

Pagkilala sa Naipapamalas Nasasabi ang Sa Kwento Sa Pamamagitan

Kasapi ng ang pag- kahalagahan ng ipinapakita ng Kwento
Pamilya unawa at bawat kasapi ng ang kakayaan naipapakita ang:
AP1PAM-IIa-4 pagpapahalaga pamilya. ng bawat -paglikha ng
sa sariling pamilya tauhan at ang Diyos sa mundo
at sa mga kasapi ginagampanang na puno ng kulay.
nito at bahaging tungkulin ng -bawat tauhan
ginagampanan bawat isa. ay may
ng bawat isa.   pagkakaiba-iba
(Uniqueness)
-kahalagahan ng
bawat tauhan.
(Importance)
-bawat tauhan
ay may
ginagampanang
tungkulin at
may kaya-
kanyang sariling
kakayanan.
-Ginawa ng
Diyos ang bawat
nilalang ng
pantay-pantay.
 

MAPEH (ARTS)
NILALAMAN PAMANTAYANG PAMANTAYANG KAUGNAYAN ARAL NA
(Content) PANGNILALAMAN PAGKATUTO SA KWENTO MAKUKUHA
(Content (Learning
Standard) Competencies)

I.Elements: The learner Identifies Primary The character The story tells that
1. Colors demonstrates and Secondary varies in each color has its
1.1 Primary understanding on Color different colors. own characteristic
1.2 the different kinds and differs from one
Secondary of color. another.
A2EL-IIa
 Liham para sa Mag-aaral

Minamahal kong mag-aaral,

Pagbati! Ako ay lubos na nasisiyahan sa pagbibigay mo ng

panahon at pagpapahalaga sa pagbabasa ng aklat.
Ang kwentong ito ay ginawa upang lubos mong maunawaan at
pahalagahan ang sariling pamilya, mga kasapi nito at ang bahaging
ginagampanan ng bawat isa sa kanila. Ang bawat isa ay may
pagkakaiba at may ginagampanang tungkulin . Ikaw ay mahalaga
sapagkat may sarili kang kasanayan kung kaya’t ikaw ay hinihikayat
na lumabas at tuklasin ang mga bagay-bagay sa mundo.
Inaasahan kong magbibigay ito ng gintong aral sa iyo bilang
gabay sa paghubog ng iyong pagkatao.
Maligayang pagbabasa!

Lovely Jane S. Millare

May-akda
 Nilikha ng Diyos ang mundo. Ginawa niya itong
napakaganda.

5
 Ang bawat bagay ay
may kulay.
Ang lahat ng nilikha ay
punong-puno ng kasiyahan.

6
7
 Sa Sitio Bahaghari nakatira
ang pamilya ng mga kulay. Dito
nakatira ang magkakapatid na
Jaja Pula, Sai Asul, Lai Dilaw, Ely
Berde, Yeng Dalandan, Leila Lila,
Entong Puti at si Tim Itim. Ang
lugar na ito ay maaliwalas at
tahimik.

8
 Isang araw, habang
sila’y nagkakasayahan,
naisipan ni Yeng Dalandan
na sila’y magpaligsahan ng
kanilang mga kakayanan.

9
 “Pagmasdan ninyo ang paligid. Napakapula ng
mga bulaklak. Masasaya ang mga paruparo sapagkat
ang mga ito ay nakahahalina,” pagmamalaki ni Jaja
Pula.
10
 “Kayo’y tumingala sa kalawakan. Hindi ba kayo
humahanga sa kulay ko habang ako’y inyong
pinagmamasdan? Nang dahil iyan sa kulay asul. Mas
nakikita ang mundong nagniningning,” wika ni Sai Asul.
11
 “Sino ba ang hindi nag-aabang sa pag hinog ng
mga mangga? Hindi ba’t lahat kayo ay pumipila matikman
lamang ang tamis ng mga dilaw na bunga?” ani Lai Dilaw.
12
 “Lumalakas tayo dahil sa pagkain ng masustansya
at luntiang mga gulay. Sa pamamagitan ng pagkain
natin ng mga luntiang gulay ay humahaba ang ating
buhay,” pagmamalaki ni Ely Berde.

13
 “Ang bunga ng punong tisa ay mabuti sa ating
kalusugan. Ang karot na kulay dalandan ay tiyak na
iyong kalulugdan,” wika ni Yeng Dalandan.
14
 “Nakita nyo na ba ang kasiyahan sa mukha
ng batang si Noah habang siya ay nakakatikim ng
espesyal na Tortang Talong at Avocado Shake? Walang
katumbas ang bitamina na aking ibinibigay, upang ang
lahat ay hindi malulumbay,” sambit ni Leila Lila.
15
 “Ako ang pinakamahalaga sa lahat! Kung
wala ako, makikita ba ninyo ang mundo? Ang
mundo ay nagliliwanag upang inyong masilayan,
kagandahan ng paligid, maipagmamalaki saan man,”
pagmamayabang ni Entong Puti.
16
 Sabay-sabay silang napalingon kay Tim Itim. “Ikaw
Tim, ang itim-itim mo. Ano ba ang naitutulong mo
sa mundo? May naitutulong ka ba sa mundo? May
naibabahagi ka ba sa kagandahan ng paligid?” wika ni
Entong Puti.
17
 Napaisip si Tim
Itim. “Ano nga ba
ang naitutulong
ko sa mundo? Ang
lahat inaayawan
ako…” naiiyak nyang
winika.

18
 “Kinakatakutan ang kulay
ko. Iniuugnay pa ako sa kulay na
hindi maswerte. At higit sa lahat,
kinamumuhian ng marami ang kulay ko.” 19
 Nalungkot si Tim Itim. Pakiwari niya ay naiiba siya at
walang kabuluhan. Hindi niya nagawang makipaglaro
sa mga kapatid.

20
21
 Nag desisyon si Tim Itim na umalis. At nagliwanag sa
buong araw na iyon. Walang dilim na nasilayan.

22
23
 Nakaramdam ang mga kulay nang pagod kaya
umuwi sila para makapagpahinga.

24
 Ngunit ano mang pilit nilang matulog ay hindi nila
magawa sapagkat wala nang dilim.
25
 Umalis si Tim Itim at nagtungo sa kagubatan.

26
 Samantala, hindi nakapagpahinga at hindi
nakatulog ang mga kulay. Ibinahagi ng bawat isa ang
pakiramdam ng walang pahinga. Napagtanto nila ang
kahalagahan ng kadiliman ng gabi. At naisip nilang
27
hanapin ang nawawalang kapatid.
 Maghapon na naghanap sa kagubatan ang mga
magkakapatid na kulay ngunit hindi nila makita si Tim
Itim.

28
29
 Sa wakas, nakita rin nila si Tim Itim sa gitna ng
kakahuyan. Gutom na gutom at pagod na pagod sa
kaiiyak.

30
 Kinausap ni Entong Puti si Tim Itim. “Patawarin mo
ako mahal kong kapatid sa panghuhusga ko sa iyo.“
wika niya. “Ipinapangako kong hindi na ito kailanman
mauulit…”.

31
 Kinausap rin ni Jaja pula ang kapatid at humingi ng
kapatawaran.

32
 Kinausap ni Sai Asul ang kapatid. “Tim, sa iyong
pagkawala ay naisip namin ang iyong kahalagahan.
Ang bawat isa sa atin ay mahalaga. Binigyan tayo ng
kanya-kanyang katangian at nilalang tayo ng pantay-
pantay.” At sabay-sabay nilang inayang umuwi si Tim
Itim.

33
34
35
 Kinaumagahan ay muling nagsama-sama ang
mga magkakapatid. Nagpasalamat sila sa isa’t-isa at
ipinagdiwang nila ang kakayahan at pagkakaiba ng
bawat isa.
36
 Ang May Akda

Si Lovely Jane Secretario Millare ay ipinanganak

noong Ika-3 ng Oktubre, 1982 sa Villasis, Santiago City.
Nakapagtapos ng Bachelor in Kindergarten Education
sa Harris Memorial College, Taytay Rizal noong 2008.
Ipinagmamalaki niyang siya ay asawa ng isang bumbero
at nanay sa tatlong mababait na bata na sina Elisha Naomi
Biel, Noah Elijah Hymns at Saile Xeana Zeleen. Sila ang
kanyang nagsilbing inspirasyon upang mabuo ang aklat
na ito. Siya ay kasalukuyang nagtuturo sa Mababang
Paaralan ng Cabulay Elementary School, Schools Division
of Santiago City, Region 02. Ang aklat na ito ay nagwagi
bilang 5th Runner up sa 1st National Story Book Writing
Contest.
 Gintong Aral
Sa Pamamagitan ng Kwento naipapakita
pagkakaiba-iba ng bawat nilalang ngunit tayo
ay ginawang pantay-pantay. Ang bawat isa
ay may halaga at may mga kaniya-kaniyang
ginagampanang tungkulin.