New Era University

Kolehiyo ng Sining At Agham

Kagawaran ng Filipino

Pangkat Lima
Myembro: Justine Sofia Dela Cruz

Konseptong Papel sa Kontekswalisadong Komunikasyon sa Filipino

Paksa: Unemployment Rate sa Pilipinas: May Solusyon Ba?

Rasyunal

Ang pagta-trabaho o pagha-hanapbuhay ang pangunahing gawain ng isang indibidwal upang

mabuhay at matustusan ang pangangailangan ng kanilang pamilya. Maraming Pilipino ay
nangangailangan ng trabaho upang itaguyod ang pang araw-araw na buhay. Bago paman
lumaganap ang pandemiya noong 2020, iilang Pilipino na ang nahihirapan maghanap ng
trabaho dahil sa kakulangan ng karanasan o dahil na din sa estado nilang kulang sa sapat na
edukasyon. Lalo pang dumami ang mga Pilipinong nawalan ng trabaho noong pumutok ang
Covid-19 na nakaapekto sa ekonomiya ng buong mundo. Madaming establisyemento at
kumpanya ang nag-sara dahil ito ay nalugi at dahil dito ay maraming manggagawa ang nawalan
ng trabaho. Ngayong unti-unti nang bumabangon ulit ang ekonomiya, ang Office of the Vice
President, ay nag-alok na rin ng libreng legal assistance at trabaho para sa mga Pilipinong
naghahanap ng trabaho. Layunin netong makatulong upang magamit din ng ibang mahihirap na
kababayan ang serbisyo ng gobyerno.

Ngunit kahit na marami nang inilalabas ang gobyerno o ibang pribadong organisasyon na
tulong upang makahanap ng trabaho ang mga Pilipino ay tila ba hindi pa din ito sumasapat at
marami pa rin ang hirap na hirap makakuha ng trabaho? Sino o ano ba ang kulang bakit hindi
pa rin makamit ng ibang Pilipino ang trabaho na kanilang inaasam? Ito ang iilan sa mga tanong
na dapat pagtuonan ng pansin upang masolusyunan ang problema ng unemployment rate sa
bansa.

Ang pananaliksik na ito ang magbibigay kaliwanagan bakit nga ba hirap pa rin na makakuha ng
trabaho ang iilang PIlipino at kung ano ang epekto nito sa pang araw-araw na buhay ng isang
ordinaryong mamamayan.

Layunin

Ang mga mananaliksik ay magsasagawa ng mga pagsasalasay tungkol sa kung bakit

hanggang ngayon ay mataas pa din ang unemployment rate sa Pilipinas, lalo na para sa mga
ordinaryong mamamayan na hindi maipasa ang mga pamantayan ng ilang mga kumpanyang
nag hahanap ng mga empleyado. Magsasagawa ang mga mananaliksik ng masusing
pagsusuri upang ang mga katanungan ay mabigyan ng maayos na kasagutan katulad
na lamang ng mga sumusunod:
 1. Ano-ano nga ba ang mga pamantayan ng lipunan upang ang isang mamamayan ay
makakuha ng matinong trabaho?

2. Bakit hanggang ngayon ay marami Pilipino parin ang hirap makakuha ng trabaho sa kabila ng
pagsisikap at pag-tatyaga?

3. Sapat nga ba ang mga proyekto ng gobyerno upang matugunan ang tumataas na
unemployment rate sa Pilipinas?

4. Ano-ano pa ba ang mga hakbang na maaring makatulong sa mga Pilipinong walang trabaho
para sila ay makataguyod sa pang araw-araw?

Metodolohiya

Sa parteng ito ng papel makikita kung anong klaseng pananaliksik ang ginamit ng mga
mananaliksik upang maisagawa ang pinaka layunin ng paksa.

Kwantitatibong pananaliksik ang gagamiting pamamaraan sa pag-aaral na ito upang

makakalap ng sapat na datos mula sa mga mamamayang pilipinong hirap makakuha ng
trabaho bago pamandin ang pandemya hanggang sa ngayong unti-unti nang bumabangon
ang ekonomiya ng bansa. Ang layunin ng kwantitatibong pag-aaral ay para matukoy ang
ugnayan sa pagitan ng isang paksa sa isa pang paksa sa loob ng isang populasyon.
Kailangang ipaliwanag ang datos na nakolekta pati narin ang statistical treatment at lahat ng
mga resulta na may kaugnayan sa problema sa pananaliksik na sinisiyasat. Ayon sa
gagamiting kwantitatibong pananaliksik, sa pamamagitan mga questionnaire at mga survey,
kakalap ng mga datos na ibabahagi ng mga mananaliksik kung bakit patuloy parin ang
pagtaas ng unemployment rate sa bansa. Ipiprisinta dito ang mga nangungunang problema
ng mga mamamayan sa marahas na realidad kung saan hindi pantay pantay ang mga
benepisyo ng mga taong nakatapos ng pag-aaral sa hindi, pati na rin sa kung mayroon na
bang karanasan ang isang indibiwal upang matanggap sa trabaho. Ang paggamit ng
disenyong ito ay mas makakatulong na makalap ang mga pananaw ng tao ukol sa
problemang paghahanap ng trabaho.

Kukuha din ang mga mananaliksik ng mga datos sa mga pinaka pinagkakatiwalaang datos
tulad nalamang ng National Economic and Development Authority, kung saan ay
nagsagawa sila ng Labor Force Survey upang makita kung ilang porsyento na ang ibinaba
ng employment rate sa ating bansa na umabot na sa 5.2 porsyento noong Hulyo 2022. Sa
pamamagitan ng tulong ng datos ay mas maipapahayag sa pananaliksik ang mga dahilan o
problema ng paksa.

Inaasahang Awtput
Magkakaroon ng malawak na pagsasalaysay at paglalarawan ang mga mananaliksik batay sa
datos na nakalap ukol sa patuloy na pagtaas ng unemployment rate sa bansa gayong merong
mga plataporma at serbisyo ang gobyerno kung saan tinutulungan ang mga mamamayang
Pilipino upang makakuha ng trabaho.

Narito ang mga inaasahang resulta o bunga nga isasagawang pananaliksik:

1. Matukoy kung bakit patuloy ang pagtaas ng unemployment rate sa bansa.

2. Ano-anong trabaho ba ang inihanda ng pamahalaan sa inilunsad nilang plataporma.

3. Matukoy kung meron nga bang solusyon ang pagbaba ng porsyento ng mga Pilipinong
walang trabaho.
Mga Sanggunian:

https://www.bomboradyo.com/office-of-the-vice-president-mag-aalok-na-rin-ng-libreng-legal-
assistance-at-trabaho
https://neda.gov.ph/ph-records-lowest-unemployment-rate-since-covid-19-onset-neda/

Rasyunal

Layunin
Metodolohiya

Inaasahang Awtput