PAMILYA

Wala tayong ka muwang-muwang noong ipinanganak tayo dito sa ating

mundo, pero may mga taong handa tayong alagaan, mahalin at ibigay kung ano
ang ating pangangailangan at walang iba kundi sila ang tinatawag na pamilya. Ang
pamilya ay binubuo ng ama, ina at mga anak. Hindi matatawag na pamilya, kung
may kulang ito. Dapat lamang nga kumpleto Ang mga miyembro nito. Ang mga
magulang ang nagtuturo ng magandang asal at dapat ay may takot sa Diyos palagi.
Sila ang huhubog sa mga anak na maging mabuti ang mga ito. “Pamilya”, sila
yung mga taong ibibigay satin ang lahat sa abot ng kanilang makakaya na kahit na
para na sa kanila ay ibibigay pa nila ito sa iyo para maging masaya ka lamang. Sila
rin ang sandigan natin sa lahat ng oras. Sila ang dadamay sa atin kung ano mang
pagsubok na dumating satin. Umulan man o bumagyo, hindi tayo iiwan ng pamilya
natin. Sila ang ating inspirasyon sa ating mga ginagawa araw-araw. Para sa kanila
ang mga ginagawa natin palagi. May pagkakataon na wasak o hinang-hina tayo at
hindi makabangon sa hamon ng buhay na dumating satin. Mga pagkakataon na
akala natin katapusan na natin at hindi na natin kayang ipagpatuloy pa ang buhay,
andyan palagi ang ating pamilya, Hindi tayo pinabayaan nila. Ipinaglaban nila
tayo. “Pamilya”, sila yong taong bibigyan tayo ng magandang pangaral na dapat
natin alagan at pasalamatan palagi silang nandiyan para umalalay satin na
makabangon muli mula sa lugmok na buhay. Iwanan man tayo ng lahat, mga
kaibigan man, kainuman, o ka-ibigan o kahit sino pang malapit satin, pero hindi
ang ating pamilya. Hindi tayo binigo ng ating pamilya. Hindi natin maiiwasan na
mayroong pagkakataon na ang pamilya ay nag-aaway-away, nagkakatampuhan, at
nagkakasagutan, pero sa huli andyan parin sila sa isa't isa na na handang dumamay
sa mga nangangailangan at kung ang may isang miyembro ng pamilya na
nagdadanas o di kaya'y nasa mabigat na problema at may pinagdadaanan, hindi
nila ito kayang tiisin, dadamay at dadamay sila at sa huli. Sila pa ang hahanap Ng
solusyon sa mga problema. Sabi nga ng kasabihan, “blood is thicker than water”.
Ibig sabihin, kahit anong mangyari, mas lamang talaga nag kadugo kaysa sa hindi
mo kadugo. kumbaga. Ang pamilya talaga ang magdadamayan o magtutulungan.
Kahit ano mang away at tampuhan ng isang pamilya, sa huli sila rin ang
magdadamayan at magtutulungan. Madaling takbuhan ang ating pamilya kumpara
sa ibang mga tao. Mas nakakakilala ang pamilya satin kumpara sa mga di naman
kadugo. Ang pamilya ang pinakamaliit na yunit ng isang lipunan pero mas dito mo
makikita Ang mas malawak at malaki ang pag uunawa at pagmamahal. Sa pamilya
rin makikita ang tunay na kasiyahan. Mas masaya kung sama sama ang pamilya.
Mas maganda ang takbo ng buhay kung nagtutulungan ang pamilya. Kaya dapat na
ingatan at pahalagahan natin tinatawag na pamilya. Huwag lang sabihin "pamilya
lamang", kundi "pamilya talaga". Ang pagkakaroon pamilya ang pinakamagandang
nangyari sa buhay Ng tao lalong lalo na kung Ang pamilya ay sobrang saya.