Ang Pakikipaglaban ng Korupsyon sa Ibang Bansa

Ang korupsyon ay malawak na nangyayari sa buong daigdig. Dahil ito sa pagkasilaw ng

mga tao sa mga materyal na bagay at hindi nila mapigilan ang kanilang sarili kundi sumunod
sa kanilang kagustuhan. Ang mga tumatayong pinuno na dapat sana ay nangunguna sa
pagsugpo sa pandaraya ay sila pa ang siyang nakakapag nakaw ng malaki sa kaniyang mga
nasasakupan. Bigla na lamang mababalitaan ng mga tao na ang mga pinaghihirapan nilang
salapi na nakakaltas sa kanilang kita dulot ng tax ng gobyerno, ay siyang pinapakinabangan
pala ng mga opisyal na nanunungkulan sa pamahalaan. Kahit man na hindi maisiwalat sa mga
mamamayan ang nagaganap na korupsyon, ito ay talimak na talimak sa paligid. Sa dami ay
maraming uri ng pandaraya ang nakikita ng mga tao sa kanilang paghahanap-buhay. Ito ay
tulad ng pag-iwas sa buwis, ghost project at payrolls, evasion of public on granting of
contract, pagpasa ng mga kontrata, nepotismo at favoritism, pangingikil, suhol o lagay, at
“Tong” o perang proteksyon. Subalit, kahit na laganap at talamak sa lipunan ang mga
ganitong uri ng paglabag sa karapatan ng taong bayan, may ilang mga estado at bansa na
nagsusumikap sugpuin ang lumalaganap ng korupsyon. Mabibigyang halimbawa rito ang
bansang Singapore.

Ang Singapore ay kilala sa kanilang maagap na pagsugpo sa korupsyon. Ang kanilang

tagumpay na ito ay kinikilala ng maraming bansa, at ginagawang mabuting halimbawa upang
sundan ng mga opisyal. Sila ay nagsimula nang ang maupo sa kapangyarihan ay si Prime
Minister Mr. Lee Kuan Yew at namuno ang partidong People’s Action Party nuong 1959. Ang
PAP ay determinado sa kanilang panunungkulan na bumuo ng isang gobyerno na kung saan
ay walang nagaganap na korupsyon at naitatalaga ang mga opisyal, ayon sa kanilang mga
gawa. Dahil sa patuloy na paglaban nila sa pandaraya, bumagsak sa zero na porsyento ang
kanilang talaan ng korupsyon sa kanilang bansa. Kaya naman, tunay na maipagmamalaki ng
bansang ito ang mga nagbunga nilang mga pagsisikap upang masugpo ang katiwalian sa
kanilang gobyerno. Ito ay dahil sa tulong ng mga batas, adjudication, public administration, at
pagpapatupad ng mga ito kaya patuloy na sumusulong sa pag-unlad ang Singapore.

Kung ang Pilipinas ay gagawing modelo ang nasabing bansa, hindi malabo na patigilin
ang mga makapangyarihang tao na sakim sa kapangyarihan. Sa pamamagitan ng pagpaplano
ng mainam at pagpapatupad ng matitibay na mga batas, lalo na ang pagpili ng tamang
opisyal na mauupo sa pamumuno, ay mainam na paraan upang maipaglaban ang karapatan
ng taong bayan na siyang dapat na makinabang sa serbisyo ng gobyerno.